ياسر القحطاني ، لأنك نجمنا الأول ، مللنا انتظارك - نادي الهلال السعودي - شبكة الزعيم

The Big Blue · #1 04/11/2010, 08:08 AM

السلام عليكم
صباح الخير

ياسر نجم وما يختلف عليه اثنين وكان رأيي فيه في اول موسم لعب فيه مع الهلال
انه راح يكون افضل لاعب مر على تاريخ الكرة السعودية وراح يحقق انجازات ما حققها حتى سامي الجابر ويوسف الثنيان

لاعب يلعب بفكر وبعقل ، ارتقاء وضربات رأسيه متقنة ، مهارات خرافية ، سرعة ، مرونة ، بنية جسمانية بشكل متناسب لا طويل ولا قصر لا ضعيف ولا ثقيل

لكن مشكلة ياسر انه ابدع وقدم مستويات عاليه جدا مع الهلال اول موسم لعب فيه ، وبعدها يظن انه راح يستمر على نفس هالمستويات بدون ما يبذل مجهود ، اصابة الغرور ، نعم اصابة الغرور

راشد التعاون
هزازي الاتحاد
السالم بالاتفاق
شمري الرائد
سهلاوي وريان بالنصر
الحوسني بالاهلي

كلهم لاعبين اقل من ياسر مستويات ولكن لانهم يبذلو مجهود وما اصابهم الغرور والاحساس بالافضلية الهجومية تجدهم يهدفون

اما ياسر للاسف الغرور قتله ويعتقد ما فيه احد راح ينافسه على المستوى الهجومي
كما هو الحال لمالك معاذ وسعد الحارثي ..

الغرور يقتل اي لاعب كرة ، ولكن ثقتي بالله ثم بياسر كبيرة انه لاعب يملك عقلية متفتحة وواعية واتمنى يراجع حساباته في اقرب فرصة وتكون رجعته للتهديف ليست في مباراة او اثنتان ، اتمنى بدل ما يبدع في مباراه ويكون سيئ في اربع
اتمنى ان يبدع في اربع ويكون مستواه متوسط في واحدة

كيف لا

وهو من الجم الألوف المالفه في جده 2008
وهو من اذاق الجار المر والحسرة
هدف امام الشباب ومن ينسى هدف البلياردو
وهدف العودة امام الاهلي في الجولة ما قبل الاخيره الدوري قبل الماضي
واهداف كثيره وحاسمه

باذن الله يا ابو عزوز انت قدها وراح تتخلص من لعنة الضغوط النفسيه قبل لعنة الاصابات

ودمتم بود

The Big Blue · #2 04/11/2010, 08:10 AM

ملاحظة :

هذا الموضوع يمثل رأي صاحبة ولا يمنع ان يكون في غير محله

احترام الراي اولا ، كما عهدناكم يا زعماء الشبكة

s2006 · #3 04/11/2010, 08:17 AM

الكل يتمنى يرجع ياسر لمستواهـ

وآتمنى أن تنتهي المشكلة لديه (إن كان هناك مشكلة) ويعود ياسر لمستواهـ

تحياتي لك

هاتريك · #4 04/11/2010, 08:21 AM

صدقني انا احيـآن اعصب علي يـآسر في التفريط بـ الفرص السهله

لكن والله يـآسر هو الافضـل وان شـآء الله يرجـع يـآسر بشى وـآحد مهآجم ثـآني

والله غيـر يرجع يآسر 2007

تـــوادعـــنا9 · #5 04/11/2010, 08:24 AM

اول شي مشكوور على الموضوع
اهنيك على الموضوع بس اقولها لك الحيين لان اللي بقوله بيصير (الله يعيينك على جمهورياسر)والله يعنيك على الردود اللي بتقراها اما بالنسبه لي ...
ياسر اللي فيه مو كله غرور بقدر انه لاعب يتفلسف واجد داخل الصندوق وانه لاعب ضامن خانته فقط لاغير
وجه نظر
والله يعيينك ههههههه

هلاليهmالشرقيه · #6 04/11/2010, 08:31 AM

[COLOR="Blue"][/COLOR الله يوفق ياسرباذن الله يرجع لمستواه بوقفت الجمهور معاه ومع جميع لا عبين الهلال

قناص صريح · #7 04/11/2010, 08:34 AM

مشكور أخوي وان شاء الله يرجع ياسر 2007 لانه وحشناااااااااااااا وايد

يحيى صالحي · #8 04/11/2010, 08:46 AM

الاخ توادعنا9 ابي اعرف ليه ردودك كلها تحارب ياسر وش تحس فيه وانت دائم تذم ابو عزوز

Zoro-alhilal · #9 04/11/2010, 08:58 AM

والله اشتقنآ لـه الحين في المباريات الثلاث الأخيره

وكلكم شآيفين مكآنـه ششلون خآآلي ,, شفتوآ عيسى شلون يضيع الفرص اللي من المستحيل يضيعها ياسر

الله يرجعه لنآ بالسلآمـه ..

أمآ عن الغرور اللي تتكلم عنـه انآ اششوف مآ في أي غرور ,, أتوقع انك فآهم مصطلح الغرور غلط

لكن اللي تقصد انت (الفلسفه)
على العموم ننتظر رجعت ابو عزووز

شمااالي · #10 04/11/2010, 10:02 AM

الهلال من الاول ناقصه مهاجم أجنبي مايعرف غير الشبك , ياسر مع إحترامي له هو صدق لاعب كبير ومهاري و مينعاب عليه شئ , بس لا صارت له إصابه لا سمح الله مين يحل مكانه ؟!!!!
عيسى المحياني , راس مايعرف يطق , لاعب عادي ولا قتالي ولا حماسي ,
الجيزاني والجمعان للآسف حدهم الفتح ولا الرائد ويخبون بعد ,
فترة الانتقالات الشتوية
مهاجمين محليآ ومهاجم آجنبي فقط
الوسط عندنا بالكوم ,
الاظهره لازم نشوف لها حل , راشد الرهيب + ظهير من الدرجة الاولى لن في مواهب وحرام تروح وربي .
قلب الدفاع نبي بدل المرشدي وهوساوي وخيرات نبي غيرهم إثنين فقط .

دحش · #11 04/11/2010, 10:09 AM

الله يعطيك الف عافيه..~~
وان شاء الله يرجع ياسر 2007 ..~~

b.2010 · #12 04/11/2010, 10:12 AM

مشكور اخوي
بس الله يعينك على جمهور ياسر

لا يجيني واحد يقول ياسر لعب وهو مصاب لعيون الزعيم وجمهوره لا واللي يعافيه لا يلعب ويوهقنا هو خله يطلع بمستوى مثل العالم والناس بعدين يسوي اللي يبي اما مسألة انه لعبه ما ادري وش يبي ويلعب وهو مصاب لا واللي يرحم والديه يقعد ببيته اصرف له
ولا يجيني واحد يقول ياسر توه طلع من اصابه هذا ماهو عذر النجم نجم والمهاجم مهاجم ماهو عشان كدمه قلتوا مصاب مايقدر
ليش ما قال هالكلام نايف هزازي ماشاء الله عليه راجع من اصابه وماهو اي اصابه
اصابته قطع بالرباط الصليبي ليش ماطاح مستواه وهذا هو ماشاء الله لا اله الا الله يلعب ويحرث الملعب حرث
ليش ماقال هالكلام ناصر الشمراني وهو برضوا رباط صليبي وماشاء الله عليه مهاجم صح !!!

ماهو ياسر اصابة كتف ولا اصابة كدمه قالوا مسيكين يقولون عنده اصابه مايقدر يسجل هدف
لاتلعبون على انفسكم وآخرتها بتطيح بالهلال ثم نقعد بدون بطولات ترى والله ملينا
من خط الهجوم التعبان اللي عندنا
ولا يجيني واحد يقول المحياني ..... (ما اردى من ذا الا ذا )
ولا احد يقولي ما انعطى فرصه عطيناه فرص لين طلعت مع خشمه بس قل ماعندك احد
ولا الجمعان ولا الجيزاني التعبانين

آآآآآه يازينها لو جبت لك مهاجم افريقي يحرث لك الملعب حرث