[بسم الله الرحمن الرحيم]

فالبدايه::
بعض الأعضاء جانسوا بين أمرين وهي حقوق الهلال الي تنتهك وآخرها تزوير البطولات وبين مثالية الأداره الي قلتوا أنها زايده وأن المثاليه هي سبب بأعطاء فرصه (لذوي النيات الخبيثه) بأن يعملوا بالتزوير والسلب و )النهب( بلا حسيب ولارقيب
وبطريقة >اقتل القتيل وامشي على جنازته<
لكن كل الي سواه الأمير عبدالرحمن قال خاطبنا الفيفا وحتى لوالأداره ماتقدمت لهذا الشيء ...ترى كل شيء واضح والكل يعرف رصيد الأنديه من البطولات وعلى فكره النصراويين بنفسهم اضحكوا وقالوا التزوير باين والي بغى>يكحلها عماها< وقريب بينفضح ...خلونا من أطفال منتدياتهم أناأتكلم عن النصراويين الفاهمين لواقعهم وهاؤلاء ينعدون على الأصابع...
المهم ::
الي قالوا مانبغى المثاليه ونبغى نهاجم ونبغى كذا ونبغى كذا..
بسألهم ..هل ترضون أننا نشوف شبيه الريح يطلع عالشاشه زي كحيلانهم ويتعدى على حقوق الكثيرين ماأنسى يوم وصف نادي الحزم "بالصغير" ياكحيلان زمانك" الكبير بالملعب وليس بالشاشات..
ومن الجهة الثانيه اشوف شبيه الريح لمانلعب مع الحزم اوالرائد والوحده وهذه الأنديه يصفهم بالأنديه الكبيره الي ممكن تحرجنا بالمباريات..مع أنه مش مجبور يتعدى الواقع ويقول أنديه كبيره لكن هذه صفات الرئيس ,,:الحكيم:,,
من وجهة نظري اداره مثاليه تجيبلي بطولات تسوى ألف اداره >نافخه خشمها< ولاتجيبلي الأ الأحتفالات..
فأرجوا من جماهيرنا أن لا تنتقل عدوى الأصفرين لهم ..تعصب..هجوم..سلب الحقوق..ومن الأقوى..
الي ارجوه منكم أحنا هلاليين نظرتنا للمستقبل..همنا وتفكيرنا كله بفريقنا..
> وثوبنا مابنغيره<
شعارنا >> الميدان ياحميدان <<
وخلوا التعصب..والثرثره لهم هم ابخص فيها مننا..
وأنا أفتخر بشخصية الأمير عبدالرحمن المثاليه واتمنى مايغيرها لأنه غير بمجتمعنا الرياضي مفاهيم واعطى دروس لجميع الرياضيين ..
اداره حكيمه وقويه لاتعمل الأ للبطولات ..والقوه نبيها بالملعب وليس امام الشاشات..
أنا معكم أن الأدراه ماتسكت اذا حصل انتهاك لحقوق الهلال أوتعدى البعض الحدود لكن غيره مانبي مثل الي يقول مركزنا الأعلامي ضعيف ؟؟ ترا قوة اعلام النصر في البيانات فقط ماعندهم شغله يسكتون جماهيرهم فيها الأ البيانات الهلال سوى والهلال جاب والهلال فاز والهلال خسر والهلال لعب بفلان وليه مالعب فلان بقولكم معلومه جديده نادي الهلال عنده مركزين للأعلام واحد بالنادي والثاني بالنصر كل آخبار الهلال عندهم حتى سواق الباص يعرفونه حتى طلعوا عليه بيان يقولون موقف باصنا قدام باصهم فماقدروا يمشون ..هع


مجتمعنا الرياضي كله مشاحنات وهجوم وذبح وسلخ..فخلوا أميرنا المحبوب بعيد عنهم تراه فرض عليهم أحترامه غصب
ويارب كثر من أمثاله ..لأنه صوره مشرفه لرياضتنا واتمنى يوصل بالمستقبل لأكبر من رئيس نادي.....




** المدرب القادم**
اتمنى يوصل بأقصى سرعه لأن الفريق بعد مباراه القادسيه كان واضح الحاجه لوجود مدرب ويارب وفق الفريق بالمباريات القادمه..
مباراتنا القادمه مع الأهلي يبغالها تركيز عالي جدا من اللاعبين ولانرضى الأ بالفوز
الأهلي بكون مرتفع المعنويات بعد الفوز الي مابغى يجي مع الوحده..

** فهد الجهني**
البعض جابله صور واهداف كأنه خلاص ضمن قائمه الأساطير اتمنى تخلونه ولاتعطونه الشيء الكبير تراه للحين ماسوا شيء ينذكر والسوبر هاتريك موتقييم ولاتنجم وتوصل للقمر بنشكره على جهده ونتمى منه المزيد..



بالنهايه::
~أشهدأن لااله الأ أنت أستغفرك وأتوب اليك~