السلام عليكم ورحمة الله وبركاته ,,,

اكيد كل من شاف عنوان الموضوع تحمد الله وقال الاخ هذا انهبل هو ومواضيعه
بس معذورين احس اني زودتها شوي كل المواضيع المجلس العام المجلس العام
لكن مثل ما يقول المثل العنوان المناسب للموضوع المناسب عاد شسوي أنا



قبل فترة من الزمن جاتني رسالة على الايميل من احد الاعضاء الغاليين >> في احد قال الهاوي
عنوانها " شراب النوني مش حتقدر تقفل بؤك "
وكانت تتكلم عن فوائد شراب النوني وما فيه من العجب العجاب والغرب الغراب والكذب الكذاب شراب بتاع كلو ويعلاج كل شي !! وما بقى يقولون عنه الا انه يحيى الموتى !! طبعاُ حاولنا في تلك الايام انا والهاوي نتوصل الى هذا الشراب السحري لكن للاسف مالقيناه البته وصرنا نشرب ريد بول على الاقل يعطيك جوانح لكني قبل كم يوم قلت خلني اسوي بحث عنه لقيته متوفر بشكل كبير وسعره في العلالي والناس هابه فيه فقلت لو كان في مخ جبناه ذيك الايام وسوينا بزنس وكنت انا والهاوي في رئاسة نادي النصر والصورة اعلاه هي للمشروب الخرافي





قبل فترة قابلت احد من الاصدقاء الاعزاء
و كان لابس قلادة سألته وش ذي قال انها شسمه .. يعني انها القلادة العجيبة الغريبة وانها تزيد في القوة وتقوي التركيز وتحمييك من الحقول الكهرومغناطيسية وانها تنشط العقل وتجلب لك العافية وانها توازن القوة الحياتيه في جسدك >>> كلام كبير قسم بالله وانها مصنوعة من زجاج معالج بتقنية النانو >> اهم شي النانو والنوني طبعا اسعارها في العلالي وتباع حسب الطلب والصور اعلاه للقلادة العجيبة





بالدوام كان في واحد لابس هالسوار وبصراحة كنت اشوفه دايم بس ما في اي علاقة خايف يطلع هيك والا هيك لكن في احد المرات كنت واقف مع زميل وجاء سلم علينا عاد اللي معي على طول ارسله السؤال على الهواء مباشرة وش ها الحديدة اللي لابسها طبعا الرجال ضحك وقال بثقة .. هذا سوار ابن سينا طبعا انا صرت كوذا وسألته بلقافة عارمة وش يسوي ها السوار قال بثقة انه يحافظ لي على الوزن وانه يخفف الكهرباء في جسمي وانه مفيد لألم المفاصل والظهر ومريح للاعصاب وووو وقال انه لابسه من 4 سنوات وفي منه امريكي وفيه اسبانيا وفي سوري ابو كلب والصور اعلاه للسوار الخطير



لا تعليق

الى هنا اعتقد ان قرقاص بلغ عني و أكيد وزراة الصحة بتقفل ها الصيدلية

وطبعاً الكثير والكثير من ها الاشياء نسمع عنها ونشوفها في النت وانا ما دخلت في تفاصيلها حتى لايطول الموضوع واللي يبي التفاصيل يلقاه عند حبيب القلب GOOGLE

السؤال الذي يطرح نفسه شو رايكم بها الاشياء وهل من الممكن في يوم من الايام ان تصدقها او تقتنع بها او تشتريها او تستخدمها او تاكلها او تلبسها او تشربها او تدهنها ؟

مع تمنياتي لكم بالصحة والعافية

د . ماجد

الله يذكرك يا وليد القحطاني بالخير


هذي الأشياء يبيعونها كويست نت بأسعار من 2000 و فوق

عندهم سلسلة تلبسها تنشط الدورة الدموية و تحسن أداء قلبك < سيارة ذي موب قلب

إقتباس الرسالة الأصلية كتبت بواسطة the king yasser مانزلو هالاشياء الا انه دارين فيه رخوم بيصدقونهم <<<< تراني ماقصد احد

وإنت صصادق

كل التوفيق

*وشسمه د/ ماجد وش ذا الزين

اهلن اخوي مآجد

لي الشرف اني ارد بموضوعك طال عمرك


المشكلة في فهم الجزئية البسيطة والمعبره عن حبّ التقليد فقط

لن يكون مانبحث عنه ومانلبسه مفيدا بسبب انه مجرد سلعـة جديدة فقط وملفته للإنتباه
دون النظر إلى إيّ أبحـاث مفيدة

بل غالبا ماتكون جهات تموينية للسلع السلبيــة

بالنسبة لي شخصيآ

لآ أحبذ النانو ولا الناني

ولآ إكسير الحيــآة..!!


( يازين المر والحلتيت والحبة السوداء)

هذي فعــلا الي تستخدمّ وتشوف منها نتائج على أرض الوآقع

اما ماذكرته عن الـ ( الصيدليــة السحريـة ) ,,,

لست فأر تجآرب لكي أجربّ مالآ أرغب في تجربته


سلمت ولا هنت آخوي مآجد

هههههههههههه
ياخي عندنا ناس شاطحه
يصدقون كل شي
بصراحه اول مره ادري عن هالسواره
ماتخش بالعقل
اجل تحافظ على الوزن !!
لو يلبسها وياكل مفطح مايزيد وزنه ؟

طيب يادختور ماجد
اللي يحط مغاطات على يده وش يصير له < حق نبيطات

هههههههههههههههههههههـ

يآبو مقبل هالأمور ذي حآطينهآ على ضعوف العقول أو الي منلحسة عقولهم

الصرآحة عيب والله تلقآ نآس كشخه ورزه وشمآغ مليآن نشآ وعقآل يبلص وسآعة تلمع من بعد 200 متر >>> قوية وتلقآه يصدق هالأمور لا والمشكلة تلقآه موضوف بمرتبة زينه >>>> مآدري وش دخلهآ

يآرجآل فيه يآقوته مآدري وش يقول إذآ علقتهآ على سيآرتك مآيجيك شين أبد ورخيصة ترآهآ بـأ 5000 بس
>>>> أمثآل شكشكوه

أآهلآ وسهلآ ,,

للمعلوميه هآأذي الاعتقآدآت شرك والعيآذ بالله ,,


وليس من علووم الرجآل لبس هالسلآسل ,,

شكرا لك ,,

بالتوفيييييق ,,

على فكرة اللي يبي استشارات بقروش
استشارة واحد بـ 100 ريال

واذا احد يبي 3 استشارات نعطيه خصم خاص يطلعن عليه بـ 250>> عز الله ما قصرت

بالتوفيق

إقتباس الرسالة الأصلية كتبت بواسطة ماجد مقبل على فكرة اللي يبي استشارات بقروش استشارة واحد بـ 100 ريال واذا احد يبي 3 استشارات نعطيه خصم خاص يطلعن عليه بـ 250>> عز الله ما قصرت بالتوفيق

وعليكم السلام ورحمة الله وبركاته
أنا أستغرب إن فيه ناس إلى هالوقت يمشي عليها أي شي
بصراحه إللي تمشي عليه مثل هالأمور بوقتنا هذا
هذا عمره مايتعلم أبد
وبيعيش دبشه طول حياته
الله يكفينا وياك شر هالدباشه
ماجد لا هنت
عندي سلسال يجيب الحظ الحلو
بس يحتاج إلى تسويق فقط
ممكن تتولى هالمهمه