21/10/2010, 07:43 PM
|
| زعيــم متواصــل | | تاريخ التسجيل: 16/07/2009
مشاركات: 54
| |
|
■............ بالله مِن جِدِكُمْ زَعْلانِين ..؟!
بسم الله الرحمن الرحيم
الهلال خسر بطولة لا آقل ولا آكثر .. ليه تزعلوووون ..؟!
آسيا تجي وكل شيء بيجي .. شبيه الريح بيروح وبيجي غيره ..!
ليه نأخذ الأمور سلبية .. كل شيء بيتحسن إذا بنوقف مع نادي
صحيح الخسااااارة صدمة .. وخسرنا آسيا ولكن بنفس الوقت سجلنا
رقم كبير في آكبر حضور جماهيري على مستوى القارة .. ولا تنسون
هذا افضل دور وصلناله من ثمان سنوات .. وإن دل دل على تتطور
المستوى .. اليوم السني فاينل بكرة النهائي وكاس العالم ان شاء الله
وأقول للجمهور اللي حضر مهب بكل مباراة تحضر لفريقكم ولازم يفوز
والبرسا اكبر مثال لما انهزم من روبن كازان بين ارضه وجمهوره .. اللي ابي
أوصله إن مو شرط فريقنا بكل مباراة يلعبها يفوز ولكن المهم من ذلك كله
إن الجمهور يكون حاضر مع فريقه مساند له .. وشفنا العام الماضي لما
انهزمنا من الاتحاد بكأس الملك وبعدها بأربعة ايام امتلى استاذ الفهد بالموج
الازرق في مباراة بونيودكور .. وايضا لا انسى مساندة الجمهور له بالدوري
وبكافة البطولات .. ويجي الا نعلق حضورنا بالفوز فقط..!
فريقنا بطل ويبقى بطل .. والدليل هالجمهور اللي يدعمه .. انتم
تشوفون الاندية اللي جماهيرها تشمت فينا هالشيء يدل على ان
نعشق فريق كبير .. آنديتهم ما وصلت لهالدور .. انديتهم ما عبت الملعب
مثلنا .. انديتهم تنزف نقاط بدوري زين .. جمهور الزعيم كعادتكم وقفتكم
مع الزعيم بتخلي هالامور تعدي على خير .. والهلال خسر بطولة لا اقل
ولا اكثر .. اعتبروا اللي ضاع كاس الدوري بتقولون شيء ..؟! الدوري
كل سنة مره زيه زي اسيا كل سنةمرة .. وما خسرنا مثلا بطولة مثل كاس
العالم كل أربعة سنوات مرة واحده وان شاء الله ربي يكتب لنا بالايام
الجاية .. وعسى ان تكرهوا شيئا وهو خير لكم .. وتفاااااائلو ووقفوا مع
لعبينكم فهم بأمس الجحاجة اليكم .. جمهورنا الغاضب .. بياثر على الفريق
سلبيا ونخسر بطولات وتصير أشياء لا يحمد عقابتها .. الجمهور المتفائل ..
تاثيره على اللاعبين ايجابي وبامكان فريقنا يحقق معه آكثر من بطولة وباذن
الله يرجع لأسيا بكل قوووووووة جمهور .. اجعلوا المدرجات تكتظ بكم
والمعلقين والقنوات يتغنون بالرقم الصعب .. وانتم قدها ../
ما انكر ان بعد المباراة زعلت وهالشيئ طبيعي واكيد بنزعل كلنا .. لكن
اتمنى ما يستمر الزعل على حساب نادينا ../
كلمة أخيرة : اتمنى ما نلتفت لمن يهتفون في الظلام فنادينا حقق لنا
ما لم تحققه أنديتهم .. ولا يهم السحاب نبح الكلاب ..
وكلامهم ما بيهمنا كعشاق للزعيم لانه ما يودي ولا يجيب .. والخمسات
له دور بهالحقد .. كم آنت كبير يا هلال بلاعبيك وجمهورك
طبعا ما حبيت أشارك بالموضوع أمس لان ما أبغى اقول كلام ينتهي ب لحظة غضب
هذا اللي آبي اوصله لـ هوامير الصحراء .. 
نلتقي على المنصات دوما .. 
|
الوضع العادي
