{.... الى رابطة جمهور الهلال ....}

في البداية احب ابارك للاستاذ صلاح البطاطي رئيس رابطه جمهور الهلال على زواجه وعسى الله يوفقه
ويرزقه الذريه الصالحه ان شاء الله يوصله كلامي او احد اعضاء الرابطه

انا عندي ملاحظة واتوقع الجميع لاحظها وهي عند تحية اللاعبين قبل المباراة ووقت التسخين

يتم ترديد اسماء جميع اللاعبين ماعدا لي يونق بيو ... اطالب بالانصاف وتشجعيه كما يفعل مع بقية اللاعبين
ولله العظيم ياناس هذا اللاعب مو مقصر معنا ابد لاعب اقل مايقال عنه يحرث الملعب

صراحه هاللاعب ماعطيتوه حقه مثل المحترفين (.. رادوي .. ويلي .. نفيز ..)
ولله مظلوووم اقوووى شي

يعني ماشاء الله ولا اله الا الله مستوى ثابت من العام الماضي
انضباط تركيزه عالي ماسك مركزه صح ومغطي جهته بالكامل وفوق هذا اختراقاته الهجومية
واخطاءه قليلة جدا يلعب بالجهتين ,,, يعني ولله يبذل مجهود مو طبيعي
لعب بالاجازة بكاس العالم مع منتخبه وفوق هذا ماغاب عن اي مباراة رسمية للهلال


آعتقـد أقـل شي نقدمـة بحقـهـ أنو نهتـف بأسمـهـ خـلآل آحـد المُبـآريـآت
منهـآ شكـر لهـ وعلى الي يقدمـهـ ومنهـآ ندعمـهـ ونرفـع من معنويآتـهـ


انا مااقول اهتفو باهازيج له زي ما تسون لرادوي ونيفيز انا اريد حقه من التشجيع فقط فقط فقط
ولله تعبت وانا اقول هالكلام

تخيلو نفسكم مكانة وش راح يكون موقفكم ....!!! عند ترديد اسمه اتمنى تردودنه بالكامل لي يونق بيو
او يونق بيو لانه مايكون واضح الا كذا

{.... الى قيريتس ....}

افضل طريقة للعب في مباراتنا القادمة امام ذوب آهن
هي نفس تشكيلة مباراتنا مع الغرافة اللي فزنا فيها 3-0 يعني نلعب بمهاجمين
لان هذي التشكيلة متوازنة هجوميا ودفاعيا 4-4-2
في احتمال كبير جدا ان ياسر سيغيب
اقترح اللعب بالمحياني والجيزاني في حالة غيابه
نعتمد ع الاظهره في الاختراقات
وفي حالة التقدم بفارق هدفين يجب انه نقفل المناطق ونخف من ناحية هجوم

ومتوقع جدا بالنسبة للايرانين انهم ماراح يفتحون ملعبهم وبيلعبون بخطة دفاعية بحته 8-1-1
وعاد تعرفون ان الدفاع هو اللي دايما يربكنا


قبل المباراة
ياليت يا قيريتس لو تكثف التدريبات على الفاولات الركنيات و ركلات الجزاء
وقطع الكرات من الخصم و تمركز اللاعبين و تامين الدفاع

في شيئين من صالحنا

الحرارة صدقوني هالايرانين ماراح يتحملون الجو الحار وبيصير لهم زي ماصار للكوريين مع الشباب
خصوصا ان الفريق الايراني يفقد لياقته بسرعة ولاحظت هالشي في اخر دقائق في مباراتنا الاخيره
لدرجة انو كنا قريبين جدا من التعادل بس الله ما كتب

ثانيا اذا اجتمع لاعبين الهلال وكانت الرووح موجودة
ودعم الجماهيير موجود صدقوني باذن الله راح ننحقق كل الطموحااات
فريق ذوب آهن متعود ع الجماهير الكبيره في الدوري الايراني
خصوصا ضد فرق مثل اسقلال وبيروزي
لكن حنا نضغطهم بـ اهازيج امواج تفاعل ... الخ الخ
المهم والاهم هو التفاعل طول 90 دقيقة
وباذن الله نفرح بالفوز

{.... الى الجميع ....}

مانبي نتفاءل وبنفس الوقت مانبي نتشائم
بس لازم تعرفون ان الكورة فوز وخسارة
واذا خسرنا .... لاسمح الله تراها مو نهاية الدنيا

نبي فريقنا يلعب من دون ضغوطات نبي نستمتع باللعب و نثبت لذوب آهن ان حنا افضل

التفاءل بيودينا في مصيبه استغرب صراحة من الناس المتفائلة
شكلهم مايدرون ان الفريق الايراني حاليا هو الاقرب للتأهل

حتى التشاؤم ابتعدووو عنه وعن المواضيع والكلام اللي يسد النفس ويجيب الكآبه

يعني خلوكم وسط لان خير الامور اوسطها و كل شي بيد ربي

{.... بالنسبه للحظور وطلب من موبايلي ....}


الكل عارف ان مفتاح الفوز بعد التوفيق من الله هو روح اللاعبين وهذي الجمهور يلعب فيها دور كبير
اتمنى تكونو فهتو علي

ماابي احطمكم ولكن احساسي يقول ان الحظور بيكون متواضع او اقل من 50,000
يعني اقل بكثير من مباراة الغرافة و بونيودكور
خصوصا ان :
الغرافة كان وقت عطله ودعم من جميع المناطق
بونيدكور كان اخر مباراة بالموسم وحظور مجاني
<< بس ان شاء الله يخيب ظني

مع انها اهم مباراة للهلال من سنوات وهي تفصلنا عن نهائي طوكيو

اتمنى من موبايلي تخلي الحظور المجاني

ادري ان الكثيرين يرفضون هالفكره وانا اوافقهم !!!!
ولكن المشكلة ان اغلب اللي يشجعون الهلال طلاب جامعة او مدارس وتعرفون مقتدرين ماليا
مصروفهم من عند اهاليهم واغلبهم يضطر انه يتدين ويتسلف وماعنده سياره ومشوار تكاسي وحالة
>>خخخخ حب الزعيم وما يسوي

المهم يعني اخر مباراة اسيوية بتكون في الرياض ولله بتكون احلى اكرامية ياموبايلي

او اذا مافي امل يكون مجاني اتمنى من اعضاء الشرف يتبرعون بتوفير
مثلا 5000 تذكرة مجانية او اي عدد معين للناس اللي ماتقدر تدفع
وياليت اهالي الشرقية والقصيم الخرج والمناطق القريبة مايبخلون بالمساندة و يشدون حيلهم