سعودي يطلّق زوجاته الثلاث لرفضهن إعداد العشاء للضيف

أقدم سعودي على تطليق زوجاته الثلاث دفعة واحدة لانهن رفضن القيام بواجب الضيافة مع أحد الضيوف.
وصحيفة «الرياض» الناقلة للخبر أمس ذكرت ان الرجل وهو من إحدى القرى الصغيرة التابعة لبلدة المذنب في منطقة القصيم (300 كلم شمال غرب الرياض) قام بتطليق زوجاته الثلاث لأنهن رفضن تباعا إعداد وجبة العشاء لضيف حل مساء.
وقالت الصحيفة إن الرجل طلب من زوجته «المناوبة» في ليلتها إعداد العشاء للضيف إلا انها رفضت بحجة أن ضيوفه لا يأتون إلا في الليلة الخاصة بها, فحاول اقناع الزوجة الثانية إزاء اصرار الأولى على الرفض إلا انها أصرت والثالثة أيضا على الرفض باعتبار أن الليلة ليست من نصيبهما ما اضطر الزوج إلى الاستعانة بأقاربه لاكرام ضيفه وانقاذ الموقف الذي لم يكن يحسد عليه.
واتخذ الرجل الذي شعر أن كرامته جرحت، في اليوم التالي قراره بتطليق الزوجات الثلاث دفعة واحدة ليعود إلى حياة العزوبية في انتظار العثور على زوجة رابعة تقبل برعايته وأبنائه وطبعاً اكرام ضيوفه.

تخلـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــف

ابغض الحلال عند الله الطلاق ماسوت عشا وش صار يعني

نا اشهد انه رجال الحرمه بدالها اربع والكرامه مادونها الا الموت
واللي خلاهه يتزوج ثلاث ماهوب عاجز عن الرابعة!!!

هذا صعيدي

لاحول ولا قوة الا بالله

سعودي يطلّق زوجاته الثلاث لرفضهن إعداد العشاء للضيف .<<<<========= ليه الاخ مجوع ضيوفه وجاي خخخخخخ ... الحمد الله والشكر لهدرجه التخلف مافي مطاعم مافي خرابيط مافي مافي ..................... الخ ..
صحيح لاقالو اقرب طريق من المرأه للرجل معدته كخخخخخخخخخخخخخخخ ...

إقتباس إقتباس من مشاركة قرقاص نا اشهد انه رجال الحرمه بدالها اربع والكرامه مادونها الا الموت واللي خلاهه يتزوج ثلاث ماهوب عاجز عن الرابعة!!!

إقتباس إقتباس من مشاركة العرفج ابغض الحلال عند الله الطلاق ماسوت عشا وش صار يعني

سلاااااااام

صحيح ان الحريم أخطوا يوم ما سووا لضيوف زوجهم العشاء بس عاد ما توصل للطلاق


اكثر ما كثر الله المطاعم ياخي يجيب منها


شكل ذا الرجال ما عنده يمه ارحميني

تحيـــــــــــــــــاتي

ابغض الحلال عند الله الطلاق ( صح )

لكن انا اشهد انه رجال

هذي اعذار نسوان
1- ليش دايم يجون في ليلتي الضيوف..
2- ماهو بيومي ..
3- ماهو بيومي ..

اقول كشخوا في بيوت ابوكم الله لايهينكم واكرم ما على الرجال كرامته
والعض يقول تخلف والبعض يقول ما فيه مطاعم ( ننتظرلين يصير لكم هالموقف ونشوف ردت فعلكم)

وتحياتي لكم .

اول شي لا تدف اوكي

ثانيا لو صار لي هالموقف لللوووو هذا لووو صار لاني مانيب مهبول اخذ 3
اقول لوو صاار ماتوصل للطلاق يالحبيب بنات الناس موب لعبه
بعدين اي كرامه هذي اللي تخليك تطلق زوجتك على عشاء. اذا بتتزوج ثلاث تتحمل مسؤوليتهم وتعدل بينهم موب تخلي وحده تكرف وتصلح كل شي والاخيره قاعده عند المرايه لا شغل ولا مشغله مغير تتزين وتمشط شعرها وتتمكيج. محد كمخك على راسك وقال خذ 3
بعدين المطاعم وش كثرها وشو له تعب مريتك وانت عندك ضيوف

إقتباس إقتباس من مشاركة صــدى الزعيــــم هذا صعيدي

الله يرجك

ياجماعة خير المسأله ليس لها علاقه بالعشى ولكنها تتعلق في رفض طليه ,الرجل يامر مرته وهي ترفض يعني تطنيش ,هنا مربطالفرس.

صراحة القضية ماتصل الى الطلاق ابدا مهما كان الوضع !!

وصراحة أنا أفكر في أولادهم وكيف سيكون مستقبلهم ضائعين !!


وبنات الناس مو لعبة ياجماعة الخير

قل لواحد من ضيوفه يزوجه !! ألا متخلف وألا الطلاق يفترض ان لايكون ألا لسبب يستحيل معالجته ماهو لعشاء ماسوي وألا ماوصلها للسوق وألا ووووووووو وهذا وأشكاله هو اللي جعل نسبة الطلاق في مجتمعنا مرتفعة..