قصيدة أتت على عجاله أتمنى تروق لكم







يا ويل حالي كاننا اليوم شفناه
غروٍ غريرٍ يذبح القلب زوله

سبحان ربٍ جمله يوم سواه
حط الحلا في الجسم عرضٍ و طوله

لا مر يا خالد على البال طرياه
تنسى هموم القلب و اللي يهوله

يا حي طلاته على القلب حياه
حي المزون الصافيات المهوله

لا غاب يبكي القلب آه على آه
و لا جاء كل الخلق تتبع وصوله

و لا شفت زينه تلعن اللي تحداه
و لا شفت عينه يأسرك دون حوله!

و لا شفت غيره ما تلاقي حلاياه
مثل القمر ساطع , تناظر في لوله؟؟!!!

يفداه عمري و البشر ذيك تفداه
محدٍ يطول الزين محدٍ يطوله

حتى القمر يتبع على طول ممشاه
يتبع حبيبي ما يضيّع رجوله

يكفي بأنك لو تناظر خلاياه
تنسى مكانك لو على حد دوله

طالبك ياللي دايم الدوم ننصاه
رب عظيم الشان مرسل رسوله

ترحم قليبٍ من هوى الحب عنّاه
يبي يقرّب مير ما حال حوله

و ترحم حبيبي كل ما راح أو جاه
خلّص كلامي عنه و اللي اقوله



بقلمي

إقتباس الرسالة الأصلية كتبت بواسطة هلاليه إيطاليه يآآآآربييييييه ! ,,<<---- خآنهآ التعبير ! قسسسم بالله رووعه ! مآششششآءالله تبآرك الله ! صصصصح لسسسآنك يآنآصر الفرآعنه أأقصصصد فهد الفرآعنه ! أنت اخووووه !? ,,<<---- كــــف ! والله اليييييييييييييمه ! خآصة هذي ! / / / لا غاب يبكي القلب آه على آه و لا جاء كل الخلق تتبع وصوله وهذي ! / / / يكفي بأنك لو تناظر خلاياه تنسى مكانك لو على حد دوله مآأقوول إلآ مبدع يآلششآعر !

هلا و الله بالايطالية
صح ابدانك
بالنسبة لناصر الفراعنة لا مو اخوه << ذا الجواب بعد الكف ترى
نوّرتِ و الله و شرفتيني حقيقة

إقتباس الرسالة الأصلية كتبت بواسطة Hilaly Madridi .. .. .. .. .. .. الله يعطيك العافية .. قصيدهـ روووعهـ لييه كف..؟ سؤالك بمحله ..؟ لا من جد انت آخوهـ ..؟ .. .. .. .. .. ..

صح بدنـك يالمدريدي
كلامك في محلّه طال عمرك
القصيدة روعة و إنت اروع يا بعدهم
من ناحية اخوه لا يا بعدي

تشكرررات على المرور

إقتباس الرسالة الأصلية كتبت بواسطة F.C.H ** صح لسانك ولاهنت قصيدة جزلة اهنيك عليها .

صح بدنك أخوي
تسلم يالغالي
نوّرت و الله

على فكرهـ توقيعك حلو

ما شاء الله تبارك الله روعه


شاعر يا فهد

ما شاء الله عليك

اطربتنا بابداعك

وننتظر المزيد

تحياتي

يآي يجنن

وربي وربي وربي مبددددددددددددع

ابدآع ياسيدي
سفينة من الأمتآع
هذآ وانآ لآأزل وآقفه على شآطئ ابدآعك

لاهنت

اتمنى ماتحرمنآ من ابيآتك الجزله

إقتباس الرسالة الأصلية كتبت بواسطة classic 2010 ما شاء الله تبارك الله روعه شاعر يا فهد ما شاء الله عليك اطربتنا بابداعك وننتظر المزيد تحياتي

هلا اخوي كلاسيك
نوّرت يالغالي

شرفتنا في هالحتّة المتواضعة

إقتباس الرسالة الأصلية كتبت بواسطة &مجنونه بس حنونه& يآي يجنن على اسمك وربي وربي وربي مبددددددددددددع الابداع منكم و فيكم و الله ابدآع ياسيدي سفينة من الأمتآع هذآ وانآ لآأزل وآقفه على شآطئ ابدآعك و ربي قليل من ابداعكم فيذآ لاهنت اتمنى ماتحرمنآ من ابيآتك الجزله

نوّرتِ يالغالية

مششكور فهد من اجمل القصائد لاهنت فالك البيرق

على فكره ناصر الفراعنه اخوك<<يبي ينضرب

صح لسانك يا فهد

كتبت و أبدعت و من أحلى أشعارك شاركت

القصيده رائعه....

إقتباس الرسالة الأصلية كتبت بواسطة وينك يالزعيم مششكور فهد من اجمل القصائد لاهنت فالك البيرق على فكره ناصر الفراعنه اخوك<<يبي ينضرب

العفو طال عمرك ..
اللهم إنّي صائم بس

نوّرت مشرفنا