06/08/2010, 04:18 AM
|
| زعيــم مميــز | | تاريخ التسجيل: 18/05/2010 المكان: ’،’,~’، فــي احـلى و اجــمــل وأرق ســطـح فـي الرياض
مشاركات: 1,593
| |
خصوصية الابن..؟؟ ام صراحة الوالدين..؟؟
السلام عليكم ورحمة الله وبركاته
اليومين هذي سامحوني اقلقتكم بالمواضيع..لكن مثل ماتعرفون الفضاوه شينه شوي...واصبحت تدور في راسي بعض التساؤلات
وانا اقلب في راسي و تصيرلي مواقف خلت راسي يمتلئ تساؤلات عجيبه و غريبه و اغلبيتها على الوتر الحساس
مثل موضوع (السينما) الله لا يعيده..<< لاني داري ان عواقبه بتجي وخيمه
الموضوع و مافيه هل هناك خصوصيه للأبن (الابن اعني به الفتاة و الولد)
ام ان الابن ليس له خصوصيه و يجب ان يكون كتابا مفتوحا لأبوه و امه..هذا هو محور موضوعي اليوم
انا من النوع الغامض شيء ما ... واحب ان تكون لي خصوصياتي ... فمثلا ... جوالي حاط فيه ميتين الف قفل
ما احد يفتحه غيري حتى لو قالي اعز خوي عندي عطني جوالك شوي بس...ما اعطيه...
و حجرتي (غرفه@دار@روم) ما احب احد يدخلها وانا موجود...يعني حتى اذا جا احد ينظفها ما ينظفونها الا اذا انا برا البيت<<<حشا مو غرفه قاعدة متفجرات
ولذلك تجيني اسئله دائما و نغزات عالطاير...يعني بعطيكم مثال او سالفه حدثت لي مع الوالده الله يخليها لي...
مره جالس في الحجره و مقفل الباب فجأة دقت الوالده الباب ... قلت شوي و بفتح دقيقه...فتحت الباب..
الا بالوالده هاه شفيك وش تسوي...انا لا بس جالس على الاب توب
...الوالده طيب ليش مقفل على عمرك الباب؟؟...<<<ملاحظه.*هذا سؤال يغثني شيئ ما
ثم تجيك النغزه الثانيه من الوالد الله يخليه لي...عاد الوالد نغزاته قويه شوي..ليش مقفل على عمرك ليه خاش مراه عندك..<<ليه ما يقفل الباب الا اللي عنده شي..؟؟
يعني تقفيلة الباب بعض البنات يحسبها عليهم هم بس لا الدعوه مو عليكم انتم بس...
و الا اكثر شيء يغثني و صدق يغثني بكل ما تعنيه الكلمه هو سؤال و من سابع المستحيلات اني اجاوب عليه اللي هو
لما اكون برا البيت يدق علي الوالد ولا الوالده و يسألني سؤال ما اطيقه في عيشة الله اللي هو ويــنــك فــيــه..؟؟
السؤال هذا مستحيل اني اعلم ويني فيه..يعني مدري ليش بس مستحيل اعل ويني فيه يعني اسلك و اصرف بجواب (قريّب)
و اذا كان فيه اصرار على الجواب ما اعلم ويني فيه يعني اصرف اقول اي مكان غير المكان اللي انا فيه..
والا اذا دق جوالي و ما رديت و شولفت و مدري ايش على طول اول ما اسكر يجي سؤال عالطاير (منهو اللي مكلمك)
والا اذا دق الجوال وطلعت برا وكلمت برا على طول اول ما ارجع شفيك طلعت برا مكلمك احد ماتبينا نسمعه.؟؟ السؤال هذا غالبا ما يجيني من الوالده..؟؟
والا اذا مر علي واحد من العيال و طلعت معه اول ما ارجع من اللي كنت معه ..؟؟ <<من الوالده غالبا..
و الا اذا كنت سهران وقابلت الوالد في الفجر...وش مسهرك..؟؟
يعني و تكثر الاسئله لكن حبيت اذكر امثله بسيطه..
هل يجب ان نكون كتابا مفتوحا مكشوافا و لا تكون لي اي خصوصيه هل هذا يعتبر من عقوق الوالدين
هل اخبرهم بتقرير يومي اين ذهبت و من كلمت و مع من خرجت و لماذا فعلت و و و الخ
هل مصارحة الوالدين في كل شيئ كل شيئ...في الصغيره و الكبيره...هل يجب ان لا تكون لدي خصوصيه..؟؟
هل للوالدين الحق في معرفة كل شيئ عني ام لي الحق في اخفاء ما ارى انه من خصوصياتي..؟؟
هل للابن الحق في ان تكون له خصوصياته التي لا يعرفها سواه..؟؟
هل للابن الحق في اخفاء بعض الامور عن الوالدين...وان يشعر ببعض الخصوصيه قليلا..؟؟
انا وجهة نظري...
ارى ان المشكله في ان جيلنا غير جيلهم ... وارى ان من حقي ان اشعر ببعض الخصوصيه
وان اكتم ما ارى انني اريد كتمانه...فانا من النوع الذي يشعر ان حقوقه تنتهك عندما يسألني احد مع من كنت و اين كنت و ماذا فعلت...لكن عندما يأتي السؤال من اقرب الناس لك تكون في حيره من امرك
انا عندما ارى هذي الاسئله ربما من حرصهم علي خصوصا انني اكبر اخواني يعني (البكر)
لكن لي خصوصياتي و لا احب الحرص الزائد جدا جدا عن حده...
اترك لكم الرأي فيما رأيت انا...واعذروني لان الموضوع شوي ملخبط لاني جالس اضحك على مسرحية طارق العلي
(حاميها حراميها)...هنيئا للكويت لوجود هذا الفنان لديهم...
تحياتي لكم و تذكرو اريد رأيكم في هذه النقطه...لان رايكم يهمني
صــمــت غادر المكان...وسيعود لأراءكم
ملاحظه.*الموضوع فتحته للنقاش و ليس شرط ان كل ما ذكر في الموضوع عني انا شخصيا,,لا,,بل فتحته و ذكرت امثله للنقاش فقط
اخر تعديل كان بواسطة » صـمـت في يوم » 06/08/2010 عند الساعة » 07:07 PM |