حياالله الجميع أعضاء وضيوف
أكيد عرفتم محتوى الموضوع من العنوان وهو متشعب إلى درجه جداً كبيرة
ولا أعتقد بأني أغطي جميع جوانبه لأنه يحتاج إلى وقت وصفحات عديده
ولكن أتمنى أن أسهم ولو بشي بسيط.وأن نستفيد من هذه الكتابة.
وتقلبوا فائق تقديري وإحترامي
قبل أن أبدأ في الحديث عن الموضوع أحب أذكر نفسي وأذكركم
بزمن الرسول صلى الله عليه وسلم وكيف كانوا الصحابه رضوان الله
عليهم يحرصون على تطبيق الدين في عاداتهم ويستفسرون من
الرسول صلى الله عليه وسلم عن كل صغيرة وكبيرة في أمور الدين
رغم المشقة وصعوبة العيش إلا أنهم كانوا يحرصون كل الحرص
على دينهم في حياتهم..
ولكن لما نشوف زمننا الحالي الأغبر ماأقول إلا الله يرحمنا برحمته
إنتشرت عادات تتناقض وتتعارض مع الدين..
أذكر لكم بعض الأمثلة
قطاعة الرحم وهي منتشره بشكل جداً فضيع
الجماعه قاطعوا بعضهم ويدوب يجتمعون بالمناسبات
والأسره الواحد ماعاد بينهم ترابط يعني نشوف ونسمع
عن أخوان مقاطعين بعض ورجل مقاطع أمه وأبوه!!
حتى الجار ماعاد يسأل عن جاره والبيت جنب البيت!!
سبحان الله.
إذا تذكرنا زمن آباءنا وأجدادنا وشلون كانوا مترابطين لدرجة إن
الجيران كأنهم عائلة وحده ياكلون سوا والجار يخاف على جاره
والواحد كان يأمن جاره حتى على عرضه.
لكن الحين وين الجار اللي تقدر تأمنه؟!!
وكانوا يقطعون المسافات الطويلة في مشقة وتعب من أجل صلة
الرحم..ونحن نعيش في زمن الرفاهيه ويدوب صلة الرحم في السنه حسنه!!
هذا إذا صارت بعد!! نسأل الله السلامه
ونحن جميعاً نعرف إن ديننا أوضح لنا إنه صلة الرحم من أسباب سعة الرزق
وإن قطاعة الرحم محرمه..
ليش الناس في غفلة عن دينهم ليش هذا التناقض نشوف ناس تصلي
وينصحون الناس عن القطاعه لكنهم مايطبقون هذا الشي على أنفسه
وهم مقاطعين أهاليهم!!!!!ليش مقاطع رحمه؟!!!
خاصة بعض الحريم الله يهديهن سبب في قطاعة الرحم يعني زوجه
تكون سبب في مقاطعة زوجها لأهله وتكون حريصه دايماً على إنه مايجيهم!!
ونست إن وراها موت وحساب هل ترضى هذا الشي على أهلها؟!!!
ياما أخوان تفرقوا والسبب الحريم!!!!
المفروض هذي الزوجه تكون سبب في تواصل الأسرة حتى لو زوجها ظالم
تنصحهه مو تكون سبب أو تسعى معه للقطاعه!!!!
عادات سيئه تناقض الدين إنتشرت في تربية الأولاد ..
إهمال الأب أو الأم عن القيام بدوره في تربية أولاده وبناته
يعني يصبح دوره مقتصر على توفير الطعام والملبس!!
ولا يحاول حتى يقوم بدوره كمربي وموجه لأبنائه.!!
يجي من الدوام تعبان يآكل إلين تمتلي بطنه وبعدها ينام
يصحى العصر أو المغرب يتقهوى وبعدها يطلع مع خوياه
لإستراحه أو أي مكان يتجمعون فيه..
والولد إما هايت بالشوارع أو جالس على النت والأفلام الهدامه
طبعاً أكيد بياخذ راحته وبيفسد لأنه مافيه أحد يتابع!
والأم إذا كانت عامله بمجرد ترجع من الدوام تكون الخدامه
ماقصرت جهزت الغدا وإذا كان إسم الخدامه ماري تجي تقولها
ماري ماري حطي الغدا وبعد ماتشبع تروح وتنام وتهدد أولادها
ياويله اللي يزعج نومها وبعد ماتصحى تجلس وتنادي ماري فين القهوه
والشاي!ماري جيبي كاس مويه ماري ودي الولد الحمام"أعزكم الله"طبعاً
الخدامه تكون مو طايقه نفسها وإذا كان الطفل ملقوف كما حال أغلب
أطفال السعوديه وطفش الخدامه في الحمام"الله يعزكم" أسهل طريقه
تسويها الخدامه هي إنها تطفي عليه النور وتخوفه وهذي والله تصير من بعض
الخادمات وماخفي كان أعظم!!!ينشأ طفل عنده عقد نفسيه كثيرة
وليش كل هذا؟!!! لأن الأم حضرتها ماتبي تقوم بدورها أو مثل مايقولون
بعض الحريم أنا مو خدامه عنده وعند عياله!!!!
يعني لا أم تربي ولا أب يربي بالله شلون تبون أولادهم يكونوا؟!!!!
والشي المضحك المبكي شي إنتشر وبقوه هي إن الأب يربي ولده على
النعومه والليونه ولما يجي يخاطب ولده يقول يابابا<ونعم الرجوله..
الله يرحم زمن آباءنا وأجدادنا ماكان عندهم هــ النعومه!!!
ونجد عندهم رجوله بمعناها الحقيقي حتى إن منهم كانت تبين
رجولته وهو في عمر صغير جداً.
لكن في وقتنا الحاضر تلاشت كثير من معاني الرجوله وأصبح عندنا
جيل ورعنه يرفعون الضغط.!!
وكمان فيه شي ونشوفه بالأماكن العامه مثل الملاهي نلقى رجل عمره
إما في الأربعينات أو الخمسين ومعه أطفاله ويغازل قدام عياله!!!
على باله الأطفال أغبياء مايفهمون أو ينسون اللي يسويه قدامهم
مادى الجاهل إن الطفل أذكى منه ولاينسى!
طيب إذا كان أبوهم يسوي كذا قدامهم بالله شلون تبون الأطفال لما يكبرون؟!!!
أب يعلم أولاده من نعومة أظفارهم على الغزل والفساد!!!
خلاص هم بياخذون إن الشي هذا عادي دام أبوهم سواه!!
نسأل الله السلامه
وكمان نشوف أمهات معها ولد طول بعرض لكن أمه لابسه عباية مغريه
وعيون مدري شلون وأشياء إنتم تعرفوها وولدها ياحليله ماشي مثل
الطرطور جنبها هي تكلم الرجال بالصوت العالي وترقم بالبلوتوث
وولدها معها!!وإذا تكلم قال ماما ماما!!!ياهوه أيش هذي التربية الديوثيه!!!!
يعني والله أشياء تدمي القلب..هذا الأب أو هذي الأم نسوا إنهم
مسؤولين أمام الله عن أبنائهم
وذكر النبي صلى الله عليه وسلم"كلكم راعٍ وكلكم مسؤول عن رعيته...الحديث"
أين أنت أيها الأب عن رعيتك؟؟!!!
أين أنتي أيتها الأم عن رعيتكِ وواجبك تجاه أسرتك؟؟!!!
غلاء المهور...الله يعين الشباب بس!!
سمعت إنه في بعض المناطق تكون عندهم مهور تكسر ظهر الشاب!!
لما يجي الشاب يخطب منهم يطلبون مبلغ جامد وكأنهم يبون يغتنون على ظهره!!
ويروح المسكين يتسلف ويطلع قرض ويتبهدل علشان عروسة الغفلة
ولما يتزوج عاد هو وحضه إما تنجح الزواجه أو تفشل!!!
وبعض الناس يجلسون يتشرطون خاصه إذا كان أبو العروسه ماله شخصيه
ياأن أم العروسه تلعب بالعريس وأهله لعب!!!
تشترط تبي الملكه بقصر وتبي طقاقات وتبي كوشه بالملكه!!!!!
هذا غير الحلويات يعني الشاب يسوي عرس ولايآخذ زوجته!!
ويرجع يسوي عرس من جديد لكن بشكل أكبر!!!
وبعدين حرام يجلسون يبهدلون الشاب ويحطون على ظهره ديون كثيرة
ويجلس المسكين يقصد فيها سنوات!!!
بالله هل ترضى هي أحد يسوي كذا مع ولدها؟!!!
وبعد هذي الخساير ياكثر مايصير طلاق!!!خلاص راحت بركتها وصار الشيطان هو المتحدث الرسمي
على ألسنتهم!!!
نسوا إن الرسول صلى الله عليه وسلم أوضح لنا إن أقلهن مهر أكثرهن بركه.
الغزل والزنا اللي إنتشر وكمان أصبح للزنا مسميات أخف مثل لعب وحب و.....الخ
المهم هو إنه إنتشر الغزل طبعاً الفضل يرجع للبلوتوث!!!راحت أيام الورق واللوحات!!
عموماً يرقمون بعض ويكلمون يمكن البنت والشاب من ثاني يوم يتفقون على المقابله
تحت شعار "خوي يقابل خويته"أو بمعنى ثاني"حبايب مشتاقين لبعض" !!!
وينامون مع بعض ولكم أن تتخيلوا مايحدث بينهم.!!! الله يهديهم
يعني شي يدمي القلب بقوة هل الزنا صار بهذي البساطه؟!!!
ومن متى الإسلام فيه خوي وخويه!!!
وبعضهم يكون متزوج لكنه يسوي علاقات محرمه وزنا!!
وكمان بعضهن متزوجات وتسعى إالى العلاقات المحرمه!!!
ليش كذا؟!!!!هل هو تلذذ بالحرام؟!!!!
والمصيبه الأكبر هي لما نسمع عن رجل يصلي في المسجد ويدعوا للصلاه
لكنه صاحب علاقات محرمه!!!!أو يسكر!!
واللي كلنا نعرفه إن الصلاة تنهى عن الفحشاء والمنكر أجل وين خشوعه
ومخافته من الله؟!!! الصلاه عباده مو عاده يأديها وخلاص!!!!
أيش هذا التناقض العجيب يصلي ويزني!!!!
وللحديث بقية
..
..الله يهدي الجميع..
الوضع العادي
