هههههههههههههههههههههههههه

قصدي السلام عليكم

انا طالب قدر الله علي اني ضيعت سنتين من وقتي الثمين غي دراسة بالكلية التقنية

فالله يجزاكم خيير من يتبرع لي بواسطة اكمل بها مستقبلي <<<<<بيشوته الامام


المهم

السطرين اللي فووق هي اختصااار لايام واسابيع واشهر بالدراسة تكذب كل اووم العالم وتصدق عمررك على مدى سنتين

الناس يقولون لك ياشيخ انت مصدق عمررك انك بتتوظف او انك بتستفيد من هالوريقة اللي معك <<<<<<<الله يشفيني ولا يبلاكم

المشكلة اني عاكس التيار واقعد ارفع للطلاب اللي بالتقنية واقول لهم ماعليكم التقنية هاذي فرصة ثانية للي مااستفاد من الثانوية حسن مستواك الدراسي وبتصير موظف اوود الدنيا
شووي واقولهم ان ابو متعب وسلطان الله يحفظهم معهم دبلوم التقنية

مسيكين على نياتي ابي ارفع رأس اهلي فيني ويقولون ولدنا المهندس فلان

واشد حيلي وقربت احب خشم 4 من 5 والربوع هذا هو اخر عهدي بالتقنية بروح يناقشوني والاسبوع الجاي بيقطون علي ورقيتي وملفي العلاق الاخضر ويقولون لي رح اقرب محل يبيع مخدات ووره الملف والوثيقة ويسوي لك خصم

والله ياناس تحطمت نفسيتي وانسدت نفسي عقب مارفضني اقرب الكليات اللي مفروض تقبلني قبل كل الكليات الاخرى

من سنتين من طلعت من الثانوي وانا امشي واقدم ويفرحون اهلي ولما اروح اختبر من حظي النحس يتقفل العدد علي وماانقبل

وانقبلت بالتقنية ويفرحون لي اهلي ويسالوني عن كلام الناس واقولهم ماعليكم من كلام النااس هذولا نااس فاشلة وماودها يطلع احد احسن منها

والحين يوم ماعاد بقى الا كم ساعة واتخرج من التقنية قدمت الاسبوع الماضي على كلية المدربيين التقنيين التابعة للكلية التقنية طبعا هالكلية خاصة للي يبي يكمل بكالوريوس ويتخرج منها بمسمى مهندس
ولكن مع فجر يوم الثلاثاء امس اطالع نتيجتي الا ويقولي (لم يتم القبول )

وسبحان الله كل اللي عندي بالمسن كنهم كانوا يتمنون رفضي وكلهم اللي يقول قايلين لك من اول لاتضيع ايامك بالتقنية واللي يقولي خلك مثلي 4 سنة انا ومخدتي حبايب
واللي يقول لي ياولد امش بس سربت وهجوول واشرب وادشر اصلن هذا اللي تبيه الحكومة اننا نسرق لو في حكومتنا خيير علينا كان وظفتنا وشالت هالسوريين والمصارية اللي ماسكين اماكن حنا اولى فيه ويوظف ربعه وجماعته ابو شكيب وحسنين

وانا ان كانكم تبون الصراحة خلاص تعبت كل شوي رايح لديرة اختبر واخر شي ماانقبل

خلونا نكوون واقعيين وش اسوي بملفي

حسيت اني فشلت اهلي هذا كبررري وبس نووم واكل ومرعى وقلة صنعى

نصيحة للكل لاحد يدخل التقنية ويضيع عمره

تخيلوا ياناس 50 الف طالب يدرس بالدبلوم هذا السنة واللي يتم قبولهم بالبكالوريوس لا يتجاوزون 100 شخص في كل قسم

ولا بعد الغيص محافظ المؤوسسة العامة للتعليم الفني والتدريب الفني يقول هذا السنة راح يصير الترم الجاي العدد 60 الف طالب وطالبة بكلياتنا

والله ماراح تستفيدون شي غير تعب ودراسة وشهادة ماتنفعك بشيء


والله ياناس عقب هاللي صار لي والله مدري ابكي على نفسي ولا اضحك


اتمنى ان تسامحوني على مشاركاتكم همومي

العسكريييييييييييييييييييييييييييه ما ترد أحد ,,
ومعك التقنيه بتاخذ وكيل رقيب

حاس بمعناتك والله يابعدي

محسوبك معه دبلوم كلية تقنية وكان طموحه إنه يكمل

بكالوريوس لكن قفلوها بوجهه وقالوا تخصصك مافيه

مجال بكالوريوس بالكلية رح لأهل الله يستر عليك

ومن يومها بدت المعاناة <-- (( عشان تعيش الجو معي صح ))

واحسن مافي العطالة إن لما كنت اروح اقدم على وظايف

اقابل ناس من خوياي من زمان ماشفتهم واقابل اعضاء من المجلس العام

يعني تحس إن كلبووهم يشاركونك المعاناة .. والحمدلله ربي رزقنا وتوظفنا

وتأكد إن رزقك مكتوب لك وراح تاخذه بإذن الله عاجل أو آجل فتصبر وأنا أخوك ،،

ونصيحتي والله لأي طالب تووه متخرج من الثانوي انحش عن الكلية التقنية

ترى مامنها رجاء .. خش السجن بس لاتخش الكلية التقنية


الله يوفق الجميييع ويوفقك يابعدي ويرزقك الوظيفة اللي تتمناها

يأخوي عين خير

أخوي معه دبلوم تقنية و قعد أقل من ست شهور وتوظف بالشرقية بدون واسطة و لا هم يحزنون .. أنت تسانك تبي الوظيفة و لا يهمك مكانها رح يم الشرقية و بالتحديد شركات سابك قسم يتهاوشون عليكم

أستغفر ربك و ماتلقى قدامك ألا كل خير

انا الان في الكلية التقنية بالدمام ..
بس كرهتها وكرهت المدرسين وكرهت اللي فيها كلها ..
انا ما عاد ابي لا وظيفة ولا كلية ..

ابي اعيش حر لا مدير ولا احد فوقي يتحكم فيني ويمشيني على كيفه
الى متى ؟ 20 سنة ؟ 40 سنة ؟ وفي الاخير في البيت ولا شئ ..

انهضوا !!

خبره سابق في الكليه التقنيه ياحبيبي والله شي يقهر لكن وش تسوي انا درست في التقنيه سنتين والمعدل سئ وحالتي حاله اخرتها ناس اعرفهم تخرجوا معدلاتهم فوق 3ونص وواحد منهم 4,80والى يومك هذا راقدين في بيوتهم فكرت فيها انا ياللي معدلي ماتعدى 2ونص وش بيسون فيني اخرتها فصلت وقدمت على الموراد البشريه وابشرك قبلوني في مكتب سياحه والحين انا في دوره انجليزي والله ييسرها ان شاءا لله ,,الكليه التقنيه ماوراها الا الفلس ولا عندهم لامستقبل ولا شي

عاد يآ خيّي اذا اخذت بكاليريوس بتلقى وظيفة ..؟
ماغير هالمقابلات الشخصية في الاخير بتقعد في البيت ..!
والواحد مايمشي الا بواسطة ..!

"ألف" دكتورة عاطلة في المملكة العربية السعودية .. تصدق ..؟!

بس معبين هالبلد من الاجانب

ما اقول الا الله يكون بعوننا يارب ..!

مالك الا الله ياخوي
ادع ربك وحاول ولاتوقف