النمشان وما أدراك ما النشمان - نادي الهلال السعودي - شبكة الزعيم

__20__قناص · #1 13/05/2010, 07:01 PM

السلام عليكم ورحمة الله وبركاته

اخواني مبروك التهأهل الى دور الثمانية من دوري آسيا وختام الموسم والحمدلله

انا من اشد المعجبين بالنمشان بتنظيمة وتنظيم الاستاذ افضل من الملز ولاكن

مايعيب الاستاذ وما شاهدة في مباراة الهلال وبوندنيكور امس

يوم امتلت الواجه منعو الدخول والخروج والي يبي يطلع مايخش سالفتي

امس خويي بين الشوطين اخره طعت والاعبين دخلوا خويي دايخ طلع برة يشم هواء

وقال رح انا بجلس ودخلت سكروا الباب

ومعي ناس ومجموعة

من النقاشات مع العسكري وش ذنبنا

الحين من العصرية والحين في ثانية يروح مكانك واخوياي الثانين

كانوا حاجزين محلي وبعدين جاء ظابط من برة

وقال افتح الباب وفجأ انا وكلهم دفينه الباب والعسكرين ودخلنا قهر

وشئ برد خاطري صراحة وعلى فكرة تضارب

شاب مع عسكري والشوط الاول ذبحني العطش ماقدرت اطلع الي

بين الشوطين ليه ياخي امس اغموا على واحد بسبب عطشه

يالنمشان باللله شوفلنا صرفة

تحياتي

صدى العقل · #2 13/05/2010, 08:09 PM

اجتهادات رجال الأمن فقط لا غير

البروووفيسووور · #3 13/05/2010, 08:15 PM

امس اثنين من الجمهور اغمي عليهم حر وعطش
وخويي وانتو بكرامه يبي دورة المياه قاله العسكري تطلع ما تدخل قاله يا ولد غير هالكلام

انا احس انهم يعتبرون الجمهور دبش

الـهــ الراقي ــلالي · #4 13/05/2010, 08:29 PM

للاسف امس قبل المباراة 45 دقيقة يقول الحضور 16 الف فقط !!!

المشكله كانت الواجهه مليانة

ولا ننسى في مباراة الاهلي والسد قالوا ان عدد الحضور 12 الف

والله ظلم

__20__قناص · #5 13/05/2010, 11:11 PM

^^
لو احلف انك ماقريت الموضوع هههههههههههههه

بـــدر الـرياض · #6 13/05/2010, 11:13 PM

وش يقصد النمشان بهذه الحررررركه

أزرق والقلب أبيض · #7 13/05/2010, 11:21 PM

النمشان مايقصر مدري ليش نحط كل شي في راسه

ياشباب انتم شفتو بعيونكم بعض الناس يدخل بالمويه

والبعض لآ !!

السبب العسكري , النمشان ماقصر وناظر الان الرياضيه برنامج الثمانيات

مايقصر النمشان .

abu_sol6an · #8 13/05/2010, 11:34 PM

يارجال تنظيم زفت واللي بيروح الملعب لازم يحسب حساب انه راح يسجن على الكرسي اكثر 3 ساعات

فتى العارض · #9 14/05/2010, 12:08 AM

العنوان اللي أنت حاطه ماله صله لامن قريب ولابعيد بالمحتوى اللي أنت كتبته
الحين ابومخلد ووش دخله حراااااااااااام عليك ياخي اتق الله والله العظيم النمشااان يحاول ويسعى الى راحة الجمهور وهو اللي دخل الجمهور الهلالي مجانا بعد نفاذ التذكر بالبطولة العربية اللي كسبها الهلال أمام الاتحاد
البلاء وأساسه كله من الأمن وأنا عايشت الوضع هذا ولاكرهني بحضور المباريات الا العسكر وأنا قد تضاربت مع عسكري لأنه شاف معي سبحه بس عشان لونها أزرق وأبيض
ولو تلاحضون مباريات الهلال مع النصر شوفوا عدد العساكر اللي قدام الجمهور الهلالي أضعاف أضعاف عددهم قدام الجمهور النصراوي
في الختام الله يوفقك يابومخلد

زياد 2007 · #10 14/05/2010, 12:26 AM

كل هالتدابير من النمشان ولحد يقول لا لانه مدير الاستاد ولاهي اول مره ولا اخر مره يسويها بجمهور الهلال فقط

__20__قناص · #11 14/05/2010, 01:08 AM

إقتباس

الرسالة الأصلية كتبت بواسطة فتى العارض


	العنوان اللي أنت حاطه ماله صله لامن قريب ولابعيد بالمحتوى اللي أنت كتبته الحين ابومخلد ووش دخله حراااااااااااام عليك ياخي اتق الله والله العظيم النمشااان يحاول ويسعى الى راحة الجمهور وهو اللي دخل الجمهور الهلالي مجانا بعد نفاذ التذكر بالبطولة العربية اللي كسبها الهلال أمام الاتحاد البلاء وأساسه كله من الأمن وأنا عايشت الوضع هذا ولاكرهني بحضور المباريات الا العسكر وأنا قد تضاربت مع عسكري لأنه شاف معي سبحه بس عشان لونها أزرق وأبيض ولو تلاحضون مباريات الهلال مع النصر شوفوا عدد العساكر اللي قدام الجمهور الهلالي أضعاف أضعاف عددهم قدام الجمهور النصراوي في الختام الله يوفقك يابومخلد

ياعمي اقرأ موضوعي زين مو تخش تزيد مشاراتك مدحته بس النقطة ذي ياخوي ناس يخشون يزيدون مشاركاتهم مو جاين لمصلحة الكيان ترى مايتألق الواحد الي بالمواضيع الهادفة شف عكوز مشاركاته اقل مني ولاكن اشهر مني شف سف الخ ,, وفيه ناس مشاركات وماعندهم شئ

تحياتي

ناس

فتى العارض · #12 14/05/2010, 05:57 PM

^^
أخوي قناص أنا ماودي انك تطرقت للمشاركات لأن مالها دخل في نقاشاتنا وانا والله ماكتبت عشان زيادة المشاركات أو الشهره ،وانا بالنسبة لي أفضل مشاركة هي الحضور في الملعب
أنا والله من المعجبين في كتاباتك ومواضيعك بس لي عتب عليك لأنك حطيت عنوان يوهم القارئ ان مشكلة الاستاد في النمشان وليس في العسكر او في الطابور الأصفر المتغلغل في جميع اللجان واللي تتدخل في كل شي ء يدفعه في ذلك حقده الغريب على كل ماهو أزرق
في الختام أرجو أن تتقبل عذري اذا بدر مني أي خطأ
ودي واحترامي لك

__20__قناص · #13 14/05/2010, 06:06 PM

^^
اخوي شاهد الناس والمواضيع المثبتة لا بد من اساس المواضيع اختيار اسم الموضوووع الي يجلب الناس لو قلت قصتي في الملعب محد دخل ولا مشكلة في الملعب محد دخل

شاكر لك

ابو طيف المضياني · #14 14/05/2010, 09:00 PM

المشكله مشكلة العسكر الهمج واللي يمثلون فئة قليله >> مع كامل احترامي للأغلبيه ...

بني شهر · #15 14/05/2010, 09:03 PM

يجب علينا الوقوف لهذه الظاهره السلبيه من ها السلنتح في الأستاد ...

الله يعينا بس ...