بصراحه انا ابقولكم سالفه انقطاااعي انا يالكاتب الكبير والقلم الزين والفيلسوف الرهيب والشين الجميل
الجحدر شموخ
المهم عاد اقولكم
انا بعد ماعينوني محرر في الانتر نت "واحد يسمع بالنت " قلت ميدهم انا بصراحه احتاجلي وقت عشان اهيء نفسي للمنصب الجديد ف
قلت خلني اخذ اجازه ون ويك "انا عارف انكم ماتعرفون قلينزي يالقراوى يعني ون ويك بالقروي اسبوع ياللي انتم ثقافتكم عى قدر لحافكم "
المهم قلت ابسافر عشان افكر في مستقبلي النتي وين حيوديني
رحت لاحد هاك الدول اللي يقولون انها مصاييف" "
وجلس في احد الاماكن المنتازه بها
وجلست
افكر
وافكر
وخطر في بالي اني اروح اشتري بطه واقعد اقطع ريشها وحده واحد
مره اقول
اوافق على اني اصير محرر اد الدنيا
او اني مااوافق اني اصير محرر اد الدنيا
مره اقطع ريشه واقول اصير
ومره اقطع ريشه واقول ما اصير
اصير ...ريشه
ما اصير..ريشه
المهم
اسبوع كامل وانا اقعد اقطع
ريشه
ورى
ريشه
تدرون وش صار القرار بعد ما انتهت الريش
وصارت البطه مفصخه ""يعيباه"
ما تتوقعون***
لخبطت في العدد ورحت اشتري دجاجه ثانيه واعيد العد من اول
لوووووووووووووووووووول خفيف دم صح
محرر+خفيف دم=يحضكم فيني
لا عاد بجد
السالفه وما فيها
انا اخر مره طلعت من بوابه المنتدى
توني طالع طبعا بعد ماصرت محرر انواع الاكشن وانواع الكميرات وانواع المعجبني والمعجبات "طبعا انا رجال ما احب المعجبات اطنشهم على طول..احلف ولا مصدقيني"
المهم
واللي يقولي وقع لي واللي يقولي ابصور معك
الشاهد انهم ابلشوني بصراااااحه
قلت عاد
انتظرو
اصبرو
الحريم من هنا والرجاجيل من هنا
""عشان الاختلاط ""
بعد ما خلصت منهم
ونا ماشي في سبيلي "سبيلي =طريقي ياللي توكم ما بعد صرتو محررين هالكلام كبير عليكم "_اقول الله يعينني على ترجمة الكلام الكبير هذا اللي اقوله على اللي اقل من مستوى المحرر ين "
المهم
مر واحد من جنبي
بصراحه شكله كشخه وزكرت
ولابس زبيريات جديده وذاك الشماغ اللي توه طالع من المتسوى
قلت بس
هذا شكله اكبر شارب في المنتدى
الرجال مسكني مع يدي وقالي انت شموخ
قلت لا ...انا المحرر الكبير شموخ ..انا عاد ما احد يهمني في مثل هالمواضيع الكبيره هذي
المهم قالي اهلا وسهلا
قلت اهلا فيك
قالي ممكن نروح سوى نتقهوى انا وياك في كوفي شورت"كفي شورت= مقهى انطرنت ياللي غير مثقفين"
قلت ماشي بس اهم شي الدعوه ماتكون امريكيه "امريكيه يعني قطه ..وش نسوي هذا مشكلتنا يالمحررين نقول كلام كبير ولازم نفسره للكتاب الصغار عشان يستفيدو "
رحنا وجلسنا وطلبنا شي نشربه
انا طلبت حلبه حصى
وهو طلب شاهي "والله ما عندك سالفه يطلب شاهي وهو كل يوم يشربه في بيتهم ..اشرب شي ما تعرفه ياملا الذهانه "
المهم انا طلعت البكت وشبيت الزقاره من الكبريت بقفى زبيريته عشانها جديده عشان ما يقول عني اني مب قد المسؤليه واني مب راعي كيف
المهم
تكلمنا في مواضيع كبيره ..غير مناسب اننا نجوض فيها خصوصا وانها مواضيع عن التحرير والابداع التحريري وهذا الكلام ما ينقال لاي احد لانه يحتاج لكلام كبير والكلام الكبير راح يحتاجله تفسير والمقام لايسمح وبعدين احس انكم بديتو تملون من السالفه
فخلاص انا راح اقفلها الحين
المهم قالي الرجال الهامور هذا اننا نبغاك مشرف في المنتدى
انا على طول وقفته وما خليته يستمر في كلامه وقمت من على الكرسي وقلتى يااااا اخي انا ما ابغى الاشراف
ولا اسمح لك تفرضه على ولا ,,,ولا .."واحد مصدق مررررره نفسه".كذا قلتله بلهجه قروية جزله وفيها نوع من الصراخ المفجع الغير مقصود المستقصد شوي "حلوها عاد"
قال اش فيك يا شموخ
قلت مانيب شموخ انا المحرر الكبير شموخ لو سمحت
قال يامحررنا الكبير شموخ
قلت وش عقبه
عقب ماقلتلك يالمخفه
يله مع السلامه
وانا زعلان
ولا تحدني اقول ما ابغى التحرير حقكم بعد
وانا اللي اطفي الزقاره في الحلبه.... ياااسفابها ما كملت لا الحلبه ولا الزقاره
وانا اللي استدير واعطيه ظهري
ويقعد الرجال الهامور يناديني
شموخ
شموخ
شموخ
وانا اللي اطنشه
وهو اللي يصايح تعال يالشين
انا ابو الذهب
لعبت عليك يالمخفه
يالسبهه
ها
اهاها
يقطع بليس شيطانه
والله ما عرفته
لو انه فاق خشته ومضحك كان عرفته من سنه الذهب بس ما ضحك ابدا
ابن اللذين .....
قال انا رحت للبنان وسويت ميك اب وعدلت وجهي ورهمته واحلويت شوي
ماعرفتني يالمخفه هااهاهاها
قلت له اللي قاهرني
منهو الاحول اللي عطاك ورقت اصلاح عشان ترهم وجهك ياهالشين
عاد واقوم امزح معاه
واللزخه
الزخه بالزبيريه حقته على قفاه وظهره .
وهو .يقول لي يرحم والديك شموخ طقني باي شي عصى حديده جدار
الا الزبيريه تراها اا اجاااااار
ffice
ffice" />
ختاما
اريد ان انوه
ترى قطت المنتدى خلصت في امور صيانه وتشغيل و.. و..
واحل وقت القطه الجديده
فالله لايهينكم شخشخو جيوبكم وهاتوووها
عفيه على الاعضاء ..عجلوووووووووو
اوافق×مااوافق×اوافق×مااوافق 
وإلا في سفريات وخرابيطك 
الوضع العادي
