اقتراح بسيط لتشكيلة النهائي - نادي الهلال السعودي - شبكة الزعيم

T2F · #1 04/05/2010, 03:32 AM

السلام عليكم يا زعماء ... ومبروك التأهل الرابع على التوالي....... راح ادخل بالموضوع مباشرة .. طبعا مباراتنا القادمة راح تكون ضد الاتحاد والكل عارف انه الاتحاد ما انجز السنة هذي اي شئ يذكر فأتوقع انهم راح يلعبون بكل قواهم بس انشاء الله لاعبين الزعيم راح يكونون لهم بالمرصاد

المهم ... طبعا كلنا نعرف قوة محمد نور ودقة عرضياته وخطورتها بمنطقة الجزاء ونادر ما تخطئ عرضياته راس زياييه والملاحظ على فريقنا بأخر خمس مباريات انه اكثر الاهداف اللي تجي فينا تكون من عرضيات . فأفضل حل هو انه لاعبين المحور مايعطون نور اي فرصة انه يستلم الكورة ..وايضا نور لو تلاحظون انه دايم يكون متمركز بالجهة اليمنى (الجهة اليسرى لنا) يعني جهة الزوري .. والزوري الله يهديه 50% من المباراة يكون مصحصح 50% الاخرى نايم او شارد الذهن

وطبعا المباراة لاتتحمل اي اخطاء فأنا اشوف من وجهة نظري وممكن البعض منكم يخالفني انه لي يلعب مكان الزوري بالجهة اليسرى عشان لايعطي نور اي فرصة انه يرفع الكور ويكلبشه . ونامي يلعب بمكانه الطبيعي الي هو الجهة اليمنى .... انتظر ردودكم وارائكم وبالتوفيق يوم جمعة ان شاء الله وفالنا الكاس..... تقبلوا مروري

$الاسطوري$ · #2 04/05/2010, 03:58 AM

مشكور على موضوعك

لآ أخوي ما يصلح بالعكس انا اشوف الزوري هو المناسب ليكون عند نور..أهم شي لآ يعطونه فرصه يستحوذ عالكورة.

T2F · #3 04/05/2010, 04:07 AM

إقتباس

الرسالة الأصلية كتبت بواسطة $الاسطوري$


	مشكور على موضوعك لآ أخوي ما يصلح بالعكس انا اشوف الزوري هو المناسب ليكون عند نور..أهم شي لآ يعطونه فرصه يستحوذ عالكورة.

وشكرا لك على الرد ... انا ما اقول انه الزوري سيئ بالعكس الزوري من وجهة نظري افضل ظهير ايسر حاليا بالسعوديه (اذا كان مصحصح) بس ياخي مشكلته عدم التركيز بعض الاحيان وما ودنا بأي غلطة بهالمباراة لأن راح يكون التعويض صعب ...تحياتي لك

رامي الغامدي · #4 04/05/2010, 04:15 AM

وانا اتفق معاك والله نفس ماكنت افكر ان لي في الجهه اليسرى والنامي ايمن لان الزوري مع احترامي له نكبت الهلال هالموسم لان اكثر الاهداف الي على الهلال تجي من عنده واكبر دليل شوف مباره النصر بغاء يجيبلي الضغط والسكر منه لاعب بارد وشكله قاعد يفكر بالعروسه

هههههههه علشان كذه تركيزه بالملعب مو زين

دحومـــي911 · #5 04/05/2010, 04:04 AM

اشكرك يالغالي علي الموضوع
والله يبارك فيك

اولا شي علي قولتك عرضيات نووور
ان شاء الله بوجود عزيز والفريدي ماراح يتحرك نوور
يعني المعروف بوجود عزيز مايلمس كورة نووور
وان شاء الله ابو عزة مايقصر ولا شال همنا اي لاعب فيهم
اهم شي مسك الكور بين لاعيبتنا والتركيز في المبارة هذ اهم شي
والزوري يكون افضل موجود ولي بعد
لن ان شاء الله بذن الله
بوجود الزعماء وجود الجمهووور
راح تتاكد الخمسة بذن الله
والله يستر علي ولهامسون في المبارة من احمد حديد
ومانطلع من المبارة بصابات لن بعدة مبارة الدور16 اسياء

والله يوفق الزعيييم ان شاء الله بابطولة والكااس

الكنق المدريدي · #6 04/05/2010, 04:17 AM

اتمنى التشكيه تكون كاالأتي الحارس حسن العتيبي والظهير اليمين لي سناتر هوساوي والمرشدي والزوري يسار والمحاور الغامدي وعزيز وقدامهم نيفيز وجناح يمين ولهامسون ووسط يسار الشلهوب او العابد او الفريدي وقدام ياسر

زعيم آسيا الأول · #7 04/05/2010, 04:28 AM

ياليت ويلعب الغامدي يمين بدال نامي ياليت والله

بالتوفيق للزعيم

ابو حمود · #8 04/05/2010, 04:33 AM

الزوري ان شاء الله قدها وقدود

»الجنرال« · #9 04/05/2010, 04:46 AM

الزوري ان شاء الله قدها وقدود
\\

الهلال هو الزعيم · #10 04/05/2010, 05:00 AM

لا يا خوي
كل واحد في مكانه
واذا على الجهه اليسرى
يلعب العابد مكان الشلهوب
على يرجع يغطي مع الزوري
تعرفون الشلهوب ضعيف في التغطيه
هذا افضل
وشكراً

الـواثق · #11 04/05/2010, 06:22 AM

مشكوووور اخوي
بالتوفيق للزعيم

عشقي زعيمM · #12 04/05/2010, 08:48 AM

مشكووور اخوي لكـن اخالفك الرأي بخصوص نامي

تحياتي

بنت الزعيـــــمm · #13 04/05/2010, 09:11 AM

مشكور أخوي
وأنا أشوف ان الكوري مــــبدع في مكانه الاساسي
والزوووري لابد يشوفله حل الداهيه جيرتس
لانخاف ع الزعيــــــــم
دعواتنا له بالتوفيق.
تقبل مروري.

صبي عتابه · #14 04/05/2010, 09:38 AM

انا معك بس اذا لعبنا نامي يمين اصابة وعنده ابو شقير عاد انت تعرف ابو شقير اذا لعب وصنع لعب الاتحاد