الزين غالي لكن الأزين أغلى ... نيفيز فاشل .. ويلهامسون فاشل .. و لي يونغ ماله داعي ووو.. الحقنا يا ابن مساعد الفريق ضاع .. - نادي الهلال السعودي - شبكة الزعيم

الأيـــام · #1 13/12/2009, 02:27 AM

لحظة أخوي وراك مطفي النور

أصبر ما كملت كلامي ... حتى رادوي بعد مانبيه ...

لحظة لحظة خلني أقولك ... أقرأ موضوعي للأخر وأنا متأكد أنك راح تقول أني صادق ...!!!

لا أطول عليك واسحب فيك مثل ما سحب ولي في الاتحادية ...

خلني أدخل في الموضوع مباشرة ...

أبد بـ ويلهامسون هذا اللاعب أنا سميته القصر الذهبي بعد ما طلعت سالفة سعره غالي

والفلوس فيه حرام ...

إقتباس


	ويلهامـــــــــــسون ... القصر الذهبي ... Golden Palace لو خيرت ابنك ابن العشرة أعوام على السكن في قصر أو شقة صغيرة ، لأختار القصر دون تردد ، و إن كنت متأكد من أنه لن يرضى بغير القصر ، ولو حاولت إقناعه بأن الشقة تفي بالغرض ، فسيذكر ألف سبب وسبب لتفضيله القصر على الشقة ! ولعله لن يرضى بالتنازل عن القصر بحجة أن هذا من البذخ الذي لا طائل منه ! وسيقول لي ما دام عندك المال فلماذا التقشف ؟ عكس هذا المنطق ومع الأسف يحصل مع بعض جماهير الهلال الآن الذين يقولون : ما الفائدة من ويلهامسون ؟ لاعب غالي و كان من الممكن الحصول على لاعب أرخص سعراً ... فهؤلاء كمن يفضل الشقة على القصر ! ولهذا أطلقت على - المركبة السويدية - الأشقر السويدي ( ويلي ) القصر الذهبي ... Golden Palace. فليس من المعقول أن نغالط أنفسنا و نبدأ نقارن ويلي لاعب منتخب السويد الذي يقف على أعتاب العشرة المنتخبات الأوائل في تصنيف الفيفا بلاعبين لا أجد أصدق وصف لمنتخبات بلادهم بأنه فقيرة كروياً ، ثم أني أجد نفسي في حيرة من أمري مع جمهور الهلال الذي لا أدري ماذا يريد بالضبط أن جاء لاعب مثل ويلي ( قالوا : زين بس غالي ) وإذا جاء لاعب أي كلام ، قالوا : ليه جايبين هاللاعب ؟ . كثير من جماهير الأندية الأخرى يطلبون لاعب بمواصفات شقة وانتم عندكم لاعب سبع نجوم بمواصفات فندق القصر الذهبي في السويد ومو راضيين ؟؟!! ( لا أحد يسألني وين الفندق ذا ! ) ومثل ما قال الشاعر : الزين غالي لكن الأزين أغلى ..

الله يهديكم بس متعودين على الكامري ... ابن مساعد يجيب لكم بنتلي ...

تقولون : مانبيه نبي كامري اكس أل ، لا ودرايش هندل بعد

الحين عرفتوا البنتلي ، قصدي ويلهامسون وصرتوا تمدحونه

أدري تبون تقولون توك تقول فاشل يالفاشل ...

أقول البنتلي يبي ينباع ، قصدي ولي الشريطيه حقين أوروبا

ناوين يجون الرياض عاجبهم الذهبي ويبون يشرونه

وش السواة ، ما لنا ألا نقول فاشل !!!

لا و لا أنسى نيفيز جالس يهستر بهالحراس

يلعب بأسلوب رايق ... أسلوب السهل الممتنع

أنا أبي أسميه وزير الدفاع ، وويلهامسون بأسميه الملك

جأت في بالي يوم شفت مباراة الاتحاد

أوه ، نسيت أني قلت عنه فاشل بعد ، أي بالله فاشل

هذا ناوي يروح أفريقيا في الصيف

قصدي جنوب أفريقيا ، يبي يقنص هناك

نسيتوا كأس العالم هناك ، بهالمستوى بيطلبه دونغا مدرب البرازيل

بيقوله خلك جنب كاكا والشلة ، وإذا جاء فاول الله لا يهينك أطلق القذايف

يالله وراكم فرحتوا أنه بيروح كأس العالم ترى والله مو من صالحنا

ودكم تكفخوني ...

مثل ما تكفخ مبروك زايد بالخمسة

أقولكم ليه أنا زعلان على أن نيفيز يروح المقناص

يبون يحطون أعيونهم عليه حقين أوروبا

ويبون يسحبونه من العريجا

حسبي الله عليهم

وبعدين بيحطون عينهم على الهلال كله

وليه لا مايلتفون على رادي ، والكوري اللي حاس بوشا حوس

ولو فارس عوض كان يعلق كان قال :

بوشاااا الكوري يحوشاااااا

وحتى نواف العابد
يبون يأخذونه بعد

لذلك ودي أن الأمير :عبدالرحمن بن مساعد

ينتبه لهذه النقطة ويحسبها من بدري

وأن كنت أنا واثق أنه مرتب أموره صح

أنا حسب علمي ولي عقده أربع سنين

باقي منها غيرهذي السنة سنتين

ونيفيز ما أدري بالضبط كم مدة عقده

خصوصا وحنا نبيهم للسنة الجاية

ورانا مشاركات مهمة

عشان كذا قلت

أنهم فاشلين ، أبي اشوش على الخواجات ، وأفبرك عليهم بعد

وحتى لو توجهت الأنظار لهم يكون وضع الهلال أقوى

وندلع عليهم ونحط السعر اللي يعجبنا ،

أجل ريال مدريد أحسن منا يوم يقول : اللي يبي رونالدو يدفع مليار

لا باالله ريال مدريد مو أحسن منا هو نادي ملكي والهلال ملكي ونادي القرن بعد

يعني صاروا أخوان ... أوه الحين حقين برشلونه ماراح يردون على الموضوع بسبب هالجملة

خلني أرفع علمهم عشان يرضون عني ...

عموما أتمنى أن تكون الفكرة وصلت وعذراً على الأطالة ...

تحياتي للزعماء ...

البدائع بلاد الروائع · #2 13/12/2009, 02:35 AM

يعطيك العافية
الايــــام

فعلآ الاعبين الاجانب هذه السنة غير
منذو وقت طويل والهلال لم ينجح مع
جميع الاجانب 000يعني ممكن واحد ينجح
او اثنين والبقية يفشلون 000ولكن هذه السنة
غير سنة الابداع والامتاع والجمال والتفوق
الجماعي

يعنــــي

نقول زي الدفع الرباعي
صار الهلال خيال بلاعبية
النجوم 00واجانبه الكبار

مشكور ياغالي
موضوع رايق مميز ورائع

تحياتي لك
دمت بود

اخوك
البدائع بلاد الروائع

الأيـــام · #3 13/12/2009, 02:53 AM

إقتباس

الرسالة الأصلية كتبت بواسطة البدائع بلاد الروائع


	يعطيك العافية الايــــام فعلآ الاعبين الاجانب هذه السنة غير منذو وقت طويل والهلال لم ينجح مع جميع الاجانب 000يعني ممكن واحد ينجح او اثنين والبقية يفشلون 000ولكن هذه السنة غير سنة الابداع والامتاع والجمال والتفوق الجماعي يعنــــي نقول زي الدفع الرباعي صار الهلال خيال بلاعبية النجوم 00واجانبه الكبار مشكور ياغالي موضوع رايق مميز ورائع تحياتي لك دمت بود اخوك البدائع بلاد الروائع

هلا بك يا ملك الروائع يشرفني مرورك على موضوعي

أما على الهلال فنقول ماشاء الله تبارك الله

تحياتي لك مرة أخرى ...

أبوفيصل511 · #4 13/12/2009, 02:40 AM

خالد عزيز وش تحس فيه يا اخوان انا اقولكم مانبي الاعب ذا لاعب اخلاقه سيئه جدا اليوم الكل شاهد يوم دعس على لاعب الكديش وكرر ما فعله يوم مباراة الاتشاد العام الماضي وكلف فريقنا الدوري وتعب موسم كامل بحرقه قبيحه من لاعب قذر اليوم لو كان الحكم اجنبي كان اخذ كرررت احمر وراح يسبب مشاكل يعني راح يلعب الزعيم 10 لاعبين ويمكن نخسر لاكن الحمد لله على كل شي انا اتمنى من عبد الرحمن بن مساعد انه يعاقب عزيز بكمال باقي عقده في المدرررج

بتوفيق لناادي القرن في المباراة القادمه مع القادسية واتمنى من جمهور الهلال الكبير الحضور

ابـوعزوز · #5 13/12/2009, 02:47 AM

إقتباس

الرسالة الأصلية كتبت بواسطة أبوفيصل511


	خالد عزيز وش تحس فيه يا اخوان انا اقولكم مانبي الاعب ذا لاعب اخلاقه سيئه جدا اليوم الكل شاهد يوم دعس على لاعب الكديش وكرر ما فعله يوم مباراة الاتشاد العام الماضي وكلف فريقنا الدوري وتعب موسم كامل بحرقه قبيحه من لاعب قذر اليوم لو كان الحكم اجنبي كان اخذ كرررت احمر وراح يسبب مشاكل يعني راح يلعب الزعيم 10 لاعبين ويمكن نخسر لاكن الحمد لله على كل شي انا اتمنى من عبد الرحمن بن مساعد انه يعاقب عزيز بكمال باقي عقده في المدرررج بتوفيق لناادي القرن في المباراة القادمه مع القادسية واتمنى من جمهور الهلال الكبير الحضور

....... اي بالله انك صادق

عياشي · #6 15/12/2009, 03:26 PM

إقتباس

الرسالة الأصلية كتبت بواسطة أبوفيصل511


	خالد عزيز وش تحس فيه يا اخوان انا اقولكم مانبي الاعب ذا لاعب اخلاقه سيئه جدا اليوم الكل شاهد يوم دعس على لاعب الكديش وكرر ما فعله يوم مباراة الاتشاد العام الماضي وكلف فريقنا الدوري وتعب موسم كامل بحرقه قبيحه من لاعب قذر اليوم لو كان الحكم اجنبي كان اخذ كرررت احمر وراح يسبب مشاكل يعني راح يلعب الزعيم 10 لاعبين ويمكن نخسر لاكن الحمد لله على كل شي انا اتمنى من عبد الرحمن بن مساعد انه يعاقب عزيز بكمال باقي عقده في المدرررج بتوفيق لناادي القرن في المباراة القادمه مع القادسية واتمنى من جمهور الهلال الكبير الحضور

اخوي الله يعطيك العافية الموضوع في وادي وانت في وادي ثاني وش السالفة
وبعدين اتمنى انا نرقى في اسلوبنا وطرحنا ولا نجرح احد ولنضرب للاخرين المثل بالاخلاق اتمنى تكون وصلت الفكرة
والمقصود مو صاحب الموضوع
اللي اشكره على طرحه الذي تميز بالسخرية اللاذعة

STS2005 · #7 13/12/2009, 02:44 AM

إقتباس


	عشان كذا قلت أنهم فاشلين ، أبي اشوش على الخواجات ، وأفبرك عليهم بعد

يعني بزعمك الخواجات بيفهمون عربي ؟ عشان تشوش ؟

لاعبين الهلال عالميين ومشهورين يعني اللي يبيهم بيتفاوض مع الادارة لكن الخوف مو من الخواجات الخوف من اللي اخذ بهجه وسيرجيو وكوماتشو والتايب ..

مع التحية

الأيـــام · #8 13/12/2009, 02:58 AM

إقتباس

الرسالة الأصلية كتبت بواسطة STS2005


	يعني بزعمك الخواجات بيفهمون عربي ؟ عشان تشوش ؟ لاعبين الهلال عالميين ومشهورين يعني اللي يبيهم بيتفاوض مع الادارة لكن الخوف مو من الخواجات الخوف من اللي اخذ بهجه وسيرجيو وكوماتشو والتايب .. مع التحية

هههههههههههههههههههههههههههههههههههههههههههههه أضحك الله سنك

تصدق أخوي كنت أفكر أني بطل ، وأن الخواجات يعرفون عربي

وأهم شي كنت أفكر أنهم بيقرأون موضوعي

لكن ابشر ، اترجمه وأرسله لهم أيميل

شاكر مرورك أخي العزيز ، ولا تحرمني مداخلتك الرائعة

بايسن تلقيمه · #9 13/12/2009, 02:47 AM

وربي انا محسودين على الفريق ككل مهو بس الاجانب ومحسودين كمان على الادارة الناجحه
بقيادة شبية الريح
بعد خسرتنا من أم صلال صارت أنتفاضة كاملة للكيان
أه بس لو تكمل ونجيب الاسيوية لان الهلال يعيش أفضل ايامة
وخل غيرنا يفحط على بطولة الفئات السنية
ويلموني فيك يالزعيم

الأيـــام · #10 13/12/2009, 03:31 AM

إقتباس

الرسالة الأصلية كتبت بواسطة بايسن تلقيمه


	وربي انا محسودين على الفريق ككل مهو بس الاجانب ومحسودين كمان على الادارة الناجحه بقيادة شبية الريح بعد خسرتنا من أم صلال صارت أنتفاضة كاملة للكيان أه بس لو تكمل ونجيب الاسيوية لان الهلال يعيش أفضل ايامة وخل غيرنا يفحط على بطولة الفئات السنية ويلموني فيك يالزعيم

الحمد لله رب العالمين ،

كأني أرى كأس آسيا في العريجاء

بإذن الله تعالى

AlzAiiM · #11 13/12/2009, 03:10 AM

موضوع رائع باسلوب ساخر وجميل

اهنيك عليه

وفيه كم واحد من ردودهم واضح انهم نعسانين هههههههههههههههههه

ابو البحتري هلالي · #12 13/12/2009, 03:32 AM

والله ماااااالومك الهلال ولعيبته وادارته رووووووووووعه ولازم نخاف عليهم اكثر من ارواحنــــا

وببببس

الأيـــام · #13 13/12/2009, 02:12 PM

إقتباس

الرسالة الأصلية كتبت بواسطة ابو البحتري هلالي


	والله ماااااالومك الهلال ولعيبته وادارته رووووووووووعه ولازم نخاف عليهم اكثر من ارواحنــــا وببببس

تأكد أن الهلال أنموذج يحتذى به ليس هنا بل في آسيا

شاكر ومقدر مرورك يالغلا

سلطان الحربي21 · #14 16/12/2009, 07:38 PM

بصرااااااااااحه ماااحب ارد على المواضيع خصوصا اني لو رديت ماااراح اغير شي بفكر شخص او بغير شي في الادراة او في اللاعبين

بس ضروري الاشادة في ابطال الاقلام فعلا انت بطل وربي متعة كتابتك تجبر الي يقرا الموضوع يستمر فيه لحد النهاية ولااوصيك واصل شطارتك

لنك مبدع يامبدع وبالتوفيق للزعيم وبالتوفيق للزعماء

الأيـــام · #15 16/12/2009, 07:55 PM

إقتباس

الرسالة الأصلية كتبت بواسطة سلطان الحربي21


	بصرااااااااااحه ماااحب ارد على المواضيع خصوصا اني لو رديت ماااراح اغير شي بفكر شخص او بغير شي في الادراة او في اللاعبين بس ضروري الاشادة في ابطال الاقلام فعلا انت بطل وربي متعة كتابتك تجبر الي يقرا الموضوع يستمر فيه لحد النهاية ولااوصيك واصل شطارتك لنك مبدع يامبدع وبالتوفيق للزعيم وبالتوفيق للزعماء

هلا و غلا أخوي سلطان الحربي

كلامك هذا وسام على صدري ...

و إعجابك بما خطه قلمي هو من ذوقك ... ذوقك كما النهر يجري ...

و هذي الإشادة تجبرني على أن أقف لك أحتراما وتقديراً

لن أنسى كل كلمه خرجت بصدق من أخ لأخيه

جزاك الله ألف خير ، وجزاك الجنة ...

تحياتي واحترامي ...