السلام عليكم ورحمة الله وبركاته

الف الف مبروك للجمهور الهلالي هذا الفوز المستحق بخماسيه نظيفه " مع الرأفه "

طبعا هالفوز مو غريب ابداً على نادي القرن الاسيوي ... لكن بصراحه غريبه على نادي الاتحاد انه يقبل خمس اهداف في مرماه " احقاقا للحق "

طبعا بعد النتيجه الهلاليه الكبيره على نادي الاتحاد ... حبيت اخذ كم لفة على منتديات الجيران " الشباب والاتي " واشوف ردة فعلهم بعد عرض الزعيم الخيالي اللي كان في استاد الامير فيصل بن فهد رحمه الله

فـ لاحظت حاجه غريبه .... لانه التناقض اللي شفته مايتنج الا من خوف .. ولخبطة من اداء الزعيم المشرّف

فـ كنت الاقي عناوين بعض المواضيع

كلووو علشانك ياهلال

معذور صاحب الموضوع ... ساعات القهر يعمي مخ صاحب الجمهور عن استيعاب الحقيقه وليس النطق فيها ... فـ " اللهم لاتؤاخذنا بما فعل السفهاء منا "

وللأسف انه الموضوع يحتوي على ادعائات غريبه

- الهلال هو السبب في ايقاف نور بسبب محاباة الاتحاد السعودي لنادي الدلال كما يسمونه

- الدوري مطبوخ من اول للهلال !!

يعني سلطان بن فهد هو من جاب قيريتس ؟

هل نواف بن فيصل هو من قال لويليهامسون سجل على الاتحاد قولين واصنع هدف ؟

ولكن ... تأبى الحقيقه الا ان تظهر من جماهيرهم في هذا الرد




نادي يكسّر الدنيا ... والاتحاد السعودي طابخها ؟ كيف تجي ذي

قلت يمكن الرجال منقهر ...نشوف غيره

موضوع ثاني عنوانه

احبك ياهلال .. نعم احبك

في الموضوع شكر للهلال لانه فضح ناديهم على حقيقته

وجاء واحد من الردود وقال رح نام ازين لك .. الهلال مو كفو ومدري ايش

جاء خويهم وسكتهم



حبل الكذب قصير

-موضوع ثالث " دعوه للضحك "

عنوان الموضوع

إنهزمنآ من الهلال 5-0 ؟؟ عآدي جدآ وآقل من عادي !!

كل الردود تمنى النفس برجعه اتحاديه بعيدة المدى .. في اياب الدوري في جده " اخر جوله "

واعتبروها كبوه عاديه جدا وتحصل لكل الانديه " على اعتبار انها هزيمه عاديه بغض النظر عن النتيجه "

الارد جاء من احد الاتحاديين ... فضح مافي دواخلهم




موضوع جريء وقوي

لدرجة انه لم يرد عليه احد ... وفي نفس الوقت ... لم يحذف حتى للحظه

لااستطيع التعليق على الموضوع ... كحّلوا عيونكم يازعماء





كلام كبير ... من اتحادي جريء للأمانه .. ليت كل جماهير المملكه بنفس المنطقيه والعقليه المتفتحه


موضوع بطل وجدا رائع ... ومن جد كل الاتحاديين اللي ردوا على الموضوع كبار وربي

شوف العقلانيه " نسخه مع التحيه لجماهير الجار "



موضوع جديد

الاعتراف بكبرياء غريبه



الحق يظهر ولو ابطنته يالغلا

خلصنا من اخوانا الاتحاديين اللي كبر بعضهم في عيني بشكل غريب ... الله يعطيهم العافيه

نجي للجار الغير تقليدي ... الشباب

موضوع واحد فقط .. بس فيه بيان لمكانة الزعيم في اسيا ... ومدى الرعب بداخلهم بعد كلاسيكو اسيا

العنوان طبعا كبير ومهيب غريبه على بعض اخوانا الشبابيين



مبرووك للهلال يستاهلون

في الردود شي اضحكني ...على عكس الاتحاديين ... ردة فعل بـ نكهة الرعب

بعض الردود الاولى تقول الحمد لله انه الهلال فاز ولا الاتحاد .. هالشي من صالحنا

شوفوا الردود



اهم شي اذا انطلق فديت الهلال ياناس

وهذا رد ثاني في نفس المووضوع



بسم الله عليك من هالروعه ياقلبي

ماشفت شي يابعدي

رد اخر



الله عليك يازعيم ... الا جماهير غيرك تشهد لك

...........................................................................

ماذا ينقص هلالنا

هلالنا الحمدلله كامل والكامل وجهه سبحانه

لكن فيه شي غايب من زعيمنا ... مدري اذا لاحظتوا هالشي معي والا لا

ممكن يكون غياب جزئي مو غياب كامل ... لكن المهم انه غايب

الروح

اااااه ياروح الزعيم وينها !!

وين الزعيم اللي اذا كان منهزم بهدف او اثنين ... تلاقين لاعبينه وحوش ويحرثون الارض حرث

زي اللي كان في الاتحاد قي الاسيويه بإستثناء المباراه النهائيه

متى اشوف لاعبين الهلال لما يكونون مهزومين .... الشرار يطلع من عيونهم

نبى الروح تنزرع في لاعبينا وخصوصا الاجانب

الشي الثالني والاهم :

غياب الارتجاليه في مهاجمي الهلال مع الوسط

استثني من كلامي اللاعب تياغو نيفيز في المباراه الاخيره

يعني الشلهوب في مباراه الشباب والفتح وعموم المباريات ... عنده تعليمات انه يسدد من بعيد اوكي

تياقو نيفيز في مباراة الاتحاد الاخيره ... وخصوصا في الهدف الثالث ..

واضح انه اعتمد على الارتجاليه بشكل كبير

اللاعب شاف انه القول اقرب له من ياسر او ويلي او الشلهوب وحطها في الـ 90

وهذا المطلوب

قدام الباب ... مو لازم نعتمد على خطة المدرب 100%

ان لقيت لك فرصه او منفذ ... سجل ..

لو تلاحطون قيريتس بعد هدف تياقو نيفيز الثالث .. فرح فرحه مو طبيعيه ... لانه ماكان متوقع من نيفيز يسويها

ليه ؟

لانه كل اللعيبه يطبقون خطة المدرب بحذافيرها ... او كما يقال " بأمانه زايده "

لكن لو سوى ياسر ا و ويلي مثل ماسوى نيفيز ... وش بيصير

هذا اللي انتظره

يعني الشلهوب اذكر في كذا مباراه ... واقف داخل الـ 18 ... وتجيه الكره مرتده من الحارس ... وش يسوي ؟

يمررها لياسر والا ويلي والا الزوري المتقدم من الخلف . طيب لو سددت يامحمد علطول مو افضل

انا مااقصد بكلامي الشلهوب على التحديد

بالعكس

نبي ارتجالية نيفيز على كل اللاعبين وبإذن الله ... هلالنا بيصير كابوس اسيوي وليس عربي

............................................................................

طموحنا ياقيريتس

انت تعلم ياقيريتس انك استلمت مهام تدريب فريق عريق وكبير وتاريخه افضل من اي ناد دربته من ذي قبل

وبطولة الدوري وكأس ولي العهد وفيصل وغيرها من البطولات ... ليست بالجديده

فـ لذلك لاتسعد كثيرا

فـ تاريخك وتاريخ الزعيم اكبر من الفرحه على بطوله محليه ... هي مطمح الانديه المنافسه

الزعيم طموحه اكبر ياقيريتس ... وياليت رسالتي توصل لك

مايرضينا غير الاسيويه

نعم ياقيريتس ... الاسيويه نريدها ان تعود لمالكها المستحق

هل تعلم ان الهلال تزعم قارة اسيا في 6 مناسبات قبل وصولك لزعيمنا

هل تعلم ان الانديه اليابانيه ... والتي كانت رعب على اندية الشرق الاوسط .. كانت من اكثر الانديه معاناة من الزعيم

فـ ابسط حقوقي كـ هلالي

الظفر بالبطوله الاسيويه .. خصوصا في وجود عقليه محنكه كـ عقليتك

وفي وجود لاعبين متواجدين في منتخبات بلادهم كـ اساسين " باعتبار نيفير مع المنتخب الاولومبي للبرازيل"

وفي وجود رئيس كـ ابوفيصل الله لايخلينا منه ... " احمدوا الله ياجماعه وربي انا محسودين عليه "

وبكل بساطه

لاننا هلاليين ... بصوت واحد نقول لك

نبيها يعني نبيها

وان شالله ازفكم بـخبر حصول الهلال على كأس اسيا " قولوا امين "

.................................................................

ياجماعه اكثروا من الدعاء لهلالنا بالفووز على النصر في كأس الامير فيصل .. لنتأهل مع النادي المحترم " الشباب "

وليبقى النصر كما عهدناه ... تحصيل حاصل

...............................................................

طلب من كل الزعماء

ارجوا منكم رجاءً حار

الحصول على مقطع فيديو لهذه الصوره



تكفون ... طلبتكم

تحياتي لكم ياكبار

وراه علطول طار للصفحه الثانيه