[c]السلام عليكم ورحمة الله وبركاته ,,,

دحيم شاب في مقتبل العمر .. تخرج هذا الشاب من الثانويه بعد معاناه معها أستمرت قراب السبع سنين.. فهو عاطل عن العمل مع مرتبة الشرف ...
كان جالس دحيم عن باب بيتهم يدخن زقارته عقب الغداء وكان لابس سروال طويل وفنيله علاقي .. وهو جالس يدخن مرت من قدامه سياره راكبه فيها وحده متبرقعه دحيم ما طق لهم خبر بس يوم وقفت السياره لينها توقف عند باب جيرانهم الجدد وشوي والا البنت نازله من السياره دحيم أنهبل والبنت قبل لا تدخل البيت ناظرت دحيم نظره بسيطه أثر دحيم خق المسيكين أول مره يشوف وحده بهالجمال (( إلا قل أول مره وحده تناظره )) المهم الرجال جلس يناظرها لين دخلت وصكت الباب والرجال إلى الحين ما شال عينه عن بابهم وجلس يبحلق عيونه في بابهم لين بغت تتفقع عيونه ودحيم نسى زقارته ما حس فيها إلى بعد ما حرقته بعد ما خلصت وهو ما دخن منها شئ ,,,بعدها قام ودخل البيت وراح لغرفته وجلس يهوجس فيها قال البنت أكيد حبتني نظرتها تأكد الشئ هذا .. وجلس يفكر فيها طول اليوم وكل شوي وهو قايم ويناظر مع دريشته يمكن طلعت وإلا شئ .. وماقدر ينام ذلك اليوم الحب لعب فيه وقال يا دحيم لا زم تتكشخ موب تطلع بسروالك اللي قلب أخضر من كثر الوصاخه وإلا فنيلتك اللي ما بقى فيها مكان وإلا وفيها شق وإلا ماسح فيها خشمك .. وجلس طول الليل يفكر وش يلبس ؟؟؟ (( هو ماعنده إلا ثوبه الجديد اللي شراه قبل ثلاث سنين )) المهم لبس الثوب من بكره وجلس عند باب بيتهم يتحراها تجي جلس عند الباب من الساعه 7 (( يخرب بيت الحب شو بيزل )) العالم تروح لمدارسها ولدواماتها وهو جالس عند الباب وإلا السياره تجي ويقوم يناظرها وإلا البنت فيها وتجلس تناظره لين نزلت من السياره وقبل لا تدخل البيت عطته نظره بسيطه ودخلت .. دحيم أنهبل وراح ركض لغرفته وهو يقامز صحيح أنه خبط كم خبطه على الدرج وتكرفس كم مره بس من الفرحه ما حس فيها أبد .. دخل غرفته وأنسدح على فراشه وهو يقول حبتني خلاص حبتني خلاص .. ذلك اليوم فرح فرح غير طبيعي .. وطول اليوم والضحكه ما تفارق وجهه .. أهله شكو في حالته مهيب من عادته أنه يضحك وينبسط مثل هالشكل !!!
سألته أمه قالت دحيم ياوليدي وش فيك ؟؟؟ قال أبد يا يمه مافيني شئ !! قالت إلا منتب طبيعي اليوم !!! قال لا والله ما فيني إلا العافيه .. بس بسألتس سؤال ..قالت أسأل .. قال يمه وش رايتس فيني ؟؟؟ قال وش هالحتسي ؟؟ وش فيك أنت ؟؟ شارب لك شئ ؟؟؟؟ قال يمه وراتس أنتي تسذا !!! أنا مفيني إلا العافيه بس أنا سئلتس سؤال وجاوبيني عليه .. قالت وش تبيني أجاوبك فيه أنت ما بك إلا كل شئ زين .. دحيم فرح من هالأجابه وقام يناقز لين قبع راسه في المروحه وهو يقول يمه بسألتس سؤال ثاني يعني أصلح أتزوج ؟؟؟ أمه وش هالكلام يا دحيم من وين لك هالحتسي هاه ؟؟؟ وه اللي يتحطم ويقول خلاص يمه أنسي كل اللي قلته وطلع من البيت وهوزعلان ومارجع إلا الفجر من القهر اللي فيه ...
وجلس في غرفته يفكر في محبوبته ... يقول الحين لازم تعرف وش كثر أنا أحبها .. قام يفكر وشلون أبين لها قال لازم أعطيها رقم بيتنا قال لالالالا التلفون دايم عند أمي وإن كلمت وردت عليها أمي تبي تخرشها قال وشلون ياديحم وشلون ؟؟؟؟ قال بس لقيتها بعطيها ورده وهي تبي تفهمها ..
ويروح لم محل الورود ويشري من عنده كم ورده ويغلفها لها .. ويجلس يتحراها عند باب البيت ويوم قرب وقت جيتها وهو اللي يحط الورده عند باب البيت ويجلس يحتريها يوم جت وهو اللي يفز قلبه وجلس يناظرها ويوم نزلت من السياره وهي تجي وتاخذ الورده وتدخل البيت .. دحيم ما قدر يمسك نفسه وقام يركض في الشارع حفيان في عز القايله من الفرحه وماحس بأي شئ ...
دحيم من الحب ما قدر ينام زين طول الأيام اللي فاتت جلس حول الشهر وهو ما يمنام إلا ساعه أو ساعتين بالكثير من حبه لها ...
قال دحيم لا زم أكلمها خلاص لا زم أعرف شعورها لمي هل هي تحبني كثر ما أنا أحبها وإلا لا ؟؟ بس مايدري وشلون ؟؟؟
وذاك اليوم وهو جالس يفكر فيها في غرفته تجي أمه وتناديه علشان يودي لم جيرانهم غداء لأن أمهم كانت تعبانه وهو اللي يلقاها فرصه قال بس هذي فرصك يا دحيم .. وياخذ الغداء ويتحراهم لين يجون وما أمداهم يجون وإلا وهو جالس عند الباب يبي يطق الجرس وتجي البنت وتأخذ منه الغداء وهو يقولها ألف سلامه على الوالده ما تشوف شر قالت البنت شكراً بابا .. قال وشو قالت شكراً بابا .. لين اللهجه مهيب لهجه عاديه كنها لهجة شغاله وينهبل دحيم ما صدق ورجع لم بيتهم ويسأل أمه عن جيرانهم هم سعوديين وإلا لا ؟؟ وقالت إلا ياوليدي بس وش فيك تسأل ؟؟؟ قال لا أبد بس اللي أخذت مني الغداء كلامها تسنه كلام شغاله قالت أيه ياوليدي هذي شغالتهم تروح مع السواق تودي بنتهم الدكتوره اللي تشتغل بالمستشفى قال هاه قالت وش فيك قال لالالالالالا ما فيني شئ وهو اللي يتحطم ديحم ويكره عيشته وصار من القهر ينام طول الوقت ومايقوم إلا ساعه أو ساعتين [/c]

لوووووووووووول صدى الامس الله يرجك انت ودحيم..


لوووووووووول لمحق حب يوم اطلعت حبيبته خدااامه..

لوني منه انتحر.<<--قوووويه عاد خخخخخخخخخخخخخخخخخ

والله انه فاااضي دحيم ومايجوز من سوالفه ...

مشكور اخوي صدى الامس والـلـه لك وحشه ...

تحياتي لك ...

من جد رووووووووووووعه

تسلم أخوي صدى الأمس;) ;) ;) ;)

لوووووووووووووووووووووووووووووووووول

دحيم الله يعينك

ترا بعض الحب يعمي لووووووووووول

ومشكور اخوي صدى الامس