خلال تصفحنا في أرجاء المنتديات , يكاد ان نمر من موضوع الا ونلقى ذلك العضو الموقوف , ذلك العضو المحروم من المشاركه بالمنتدى ... وبأغلب الاحيان , لا يكونون فعلا محرومين من المشاركه , فتلقى العضو يروح يسوي له عضويه ثانيه , ويشارك فيها ومافيه شخص راح يعرف انه هو , ولو اي احد درى مارح يحاسبه .. لانه ما سوى شيء غلط .
فبالتالي نستطيع تعريف التوقيف بـ منع العضو المشاركه بعضويته المخالفه ..
العضو الموقوف يكون مخطئا في العاده , واذا غلطت تحمل نتيجة غلطك . فالبعض ممكن يكون سب عضو اخر , او الاخر لم يلتزم بالقوانين بشكل عام ... الخ
وممكن في بعض الاحيان يكون العضو يتفاخر بالتوقيف , وهذا اتوقع يبي يهون على نفسه , او يحاول ينكر اللي حاصل له .
فيه أعضاء تتوقف وترجع بعد التوقيف متغيره للأحسن , والبعض يرجع "معصب" واللي يطلع من هالتعصيب توقيف ثاني ^^"
نقاشي هنا يدور حول التوقيف ( كما هو واضح ) , وانا حبيت أفتح لكم باب النقاش ونتناقش حولها , ونشوف اراء الأعضاء بالتوقيف , وهل فيه حلول أفضل لتنظيم المنتديات - غير التوقيف - ؟ , وهل العضو بعد ما يرجع من التوقيف يكون له الحق بأن يصبح عضوا عاديا ؟ بحيث يكرم , ويصبح عضو مميز معترف به ؟ ام انه مر بمرحلة التوقيف فهو غير مرحب بقائمة المميزين وان يصبح مشرفا وغيرها من هذه الخصائص المتاحه للعضو الذي لم يمر بهذه المرحله ؟
اتمنى انكم تلتزموا بقوانين النقاش , وما تخرجو عن محتوى الموضوع ...
للأسف ماقد مريت بالمرحله هذي لذالك من نآحية نفسية العضو الموقوف بعد مايرجع من الأيقآف أترك النقآش للأخوان اللي عليهم سوآبق - مع أني أعتبرهآ فترة نقآهه [ < صح كذآ !! ] وممكن يرجع أفضل من أول مثل ماقلت , وفتره للشخص أنه يرآجع حسآبآته , يعطيك العافيه متعمق في حب الهلال
بصراحة التوقيف ابغض الحلول للمشرفين ولكن كما قيل آخر الدواء الكي
ولا يأتي الا بعد كم تنبيه وكم انذار
وحقيقة في كثير من الاعضاء هنا في الزعيم توقفوا ورجعوا وصار يشار اليهم بالبنان
بل بعض المشرفين تم توقيفهم في فترة سابقة والحين ما شاء الله عليهم مبدعين الى حد الثمالة
في حكمة تقول اصنع من الليمون شراباً حلواً والمفترض ان الواحد يستفيد من اخطائه
شكرا لك اخي متعمق في حب الهلال واتمنى ما يكون الموضوع منقول عشان لا تتوقف
مشكور اخوي هتلر الزعيم على المرور الرااائع منور الموضوع
اخوي ماجد المقبل حيااك الله بالموضوع نورت غريبه بالعاده المشرفين غاطسين مايدخلون مواضيع الا نادرا لكن اطمئن الموضوع موب منقول الحمد الله بس كاتبه في منتدى ثاني مشارك فيه من الحين اعلمك علشان ماتوقفني على غير سنع
وعليكم السلام ورحمة الله وبركاتة
مشكور أخوي على الموضوع . بالنسبة لي أنا توقفت مره وحد وكلها كانت إنذارات وأنا شايف إنه كلها أستحقها . وفترة إيقافي أستمرت أسبوع .
شكرا لك شكرا