السلام عليكم..


تعرفون أكيد المثل اللي يقول.. حشر مع الناس عيد..
هذا الله يسلمكم مثل
اذا شفت شي وودك تعرف وش يصير وشفت الناس متجمعه روح معهم ولا تتردد بلحظه<<<قلت شي جديد



طبعا المثل هذا صار يطبق بحذافيره بااعلامنا الموقر..


بداية بالمسلسلات من كثرها صرت اكره شي اسمه تلفزيون..
ونهاية بالبرامج المفيده والغير مفيده واللي فيها نوع من السماجه..



المسلسلات بشيلها من بالي لاني ماتابعت شي منها بس بتكلم عن البرامج..


في برامج وش زينها مو تجبرك بس تشدك انك تجيب لك كاس شاي او نعناع وتشوفها..
مثل ..
"المزاد "
من وجهة نظري انه برنامج حلووو واسالته عامه وتفيد المخ المتقفل بسبب الفطور وزحمة اليوم..
عندكم بعد ياطويلين العمر

"من سبق لبق"
برنامج صج اللي يقدمه مو لهناك مع احترامي لشخصه
ولكن كفكره حلووو منها تعرف بعض الكلمات اللي من الدول الثانيه وفيه بعض الاسماء المشهوره وش تشتهر فيه
تقريبا البرنامجين اللي دشوا مزاجي


اما البرامج اللي ماادري وش يحسون فيه اللي يقدمونها..
مثل "مسلسلات حليمه"
هذي من جدها ولا تمزح معنا استغفر الله العلي العظيم الساعه 3 الفجر البشر تدعي ربها وتصلي وخاشعه
وهي تطلع بهذا الشكل
استغفر الله

والبرنامج ماله اي فايده
اساله عن مسلسلات وعن ممثلينها سلاااااامات وش تحس فيه وش يحسون فيه اللي يتصلون..

ولا برنامج "شوجي"
درينا انج تعرفين تحجين انجليزي
كل الاساله اقلب وحط وجيب..

واخيرا "حروف والوف"
محمد الشهري
لك كل الاحترام
ولكن اسلوبك ينرفز اللي مايتنرفز اللي هي انا
خفف من الصراخ شووي جلست اختي وانا كاتمه صووت


نلف "للبرامج الدينيه" رووعه

جزاهم الله الف خير
ناس تدعي لرحمه والمغفره

وناس بليل يقلبون الدعوه


طبعا ماادري عنكم وش البرامج اللي تابعونها
ياليت تقولون وش البرامج اللي تابعتوها وش اللي عجبكم واللي ماعجبكم


ولكم كل محبتي

السلام عليكم

والله كثرت القنوات ولا عاد نتابع لا مسلسلات ولا برامج من كثرهم

يعطيك العفيه
احلى هلاليه على الموضوع والله يعينك على البرامج وزودي من النعناع

للامانة انا ما اتابع غير باب الحارة واحيانا خواطر انا لا افضل التلفزيون النت افضل يعني ما اتعب نفسي وادور بالمحطات حتى نصف البرامج الي قلتيها ما ادري عنها اساسا...........

الحمدالله انا ريحت دماغي من المسلسلات والبرامج التافه

كافيه علينا الشهور الي فاتت

كفاية عليه البرامج الدينيه والله كل برنامج احسن من الثاني

برنامج بيني وبينك لمحمد العوضي اكثر من رائع

حجر الزاويه للشيخ سلمان العوده

حروف والوف لمحمد الشهري

سباق المشاهدين لحامد الغامدي

هاذي (البرامج)التي تستحق المشاهده

برمضان تقل اوقات الفراغ والفضائيات شغل تكدس برامج اغلب برامجهم ومسلسلاتهم بيعاد بثها بالشهور القادمة .

الكل حاير وطاير مع طاش ما طاش و بيني وبينك الفترة الذهبية لأوقات المشاهدة .
برنامج خواطر من افضل البرامج وانفعها له شعبية كبيرة .
سباق المشاهدين عاد بعد غيبة طويلة وجاب الغنائم حامد الغامدي جوائز غير طبيعية همر يوكون آخر موديلات .
برنامج حرووف والووف وبالعكس مقدم المسابقة محمد الشهري من اسباب تميز البرنامج (شكلك ماتحبين اهل الجنوب ) ! <------- بيسبب فتنه خخخخخخخخخخـ

اشين برامج رمضان طلة حليمة تغيير بالشكل والصوت اشوفها ماخذه مقلب بعمرها شويتين بعكس شوجي .وبس

بنهاية حلقة البرنامج الشكر موصول لك ياهلالية على مشاركتك اللطيفة .
اتمنى مداخلتي كانت خفيفة .

أهلا بأختي أحلى هلاليه

والله كل التلفزيون مالي به علم .. لأن أغلب وقتي خارج البيت ..

لكن فيه برنامج واحد اللي متابع له متابعة شبة جيده .. لأن إعادة البرنامج وقت السحور ..
وبكل صراحة يستحق المشاهدة ..

وهو برنامج كلمة سواء للشيخ عدنان العرعور الله يحفظه على قناة صفا ..

هو عبارة عن مناظره بين السنه والشيعه .. وأغلب البرنامج عن الإمامة عند الشيعة ..
وكله تحجير للشيعه ..

هذا اللي أتابعه ..

السؤال اللى يطرح نفسه قبل مانتابع كل المسلسلات والبرامج

ليه ماتطلع البرامج هذي الا بشهر الرحمه والغفران ,,,

الله يصلح الحال بالفعـل تتهافت القنوات لاشغال الامه عن الطاعه ,,,

والحمد الله اني مااشوف شي ابد الا خواطر ,,,

شكرا لك احلى هلاليه ,,,

يا كثر البرامج وكلهم نصابين هع

لا تخافون .. كلكم بتفوزون
<< يروووووووووووح زبادي منتهي على دعايتها
رغم أني منب فاضي لحليمة اشوف مسلسلها البايخ اللي مدري وش يبي ..
بس يوم تقول لا تخافون كلكم بتفوزون .. أقول جعلني لخفة جعلني قطعة كرش جعلني مصران ملتوي

هذا ما احببت ان اعلق عليه فقط ..
لأني ما أتابع شي في رمضان هذا غير طاش وبيني وبينك وباب الحارة أحياناً
شكراً يا احلى هلالية بالعالم

أنا ما اتابع أو أحرص على شي

لكن التلفزون شغال 24 ساعه واللي يعرض يعرض

بس طايح بالقناة الاولى وقناة قطر

قطر فيها برنامج ممتاز الساعه 6 أسمه بشائر الخير يقدمه سليمان الجبيلان

و طبعا سباق المشاهدين بحكم إني فاضي في وقته فأحط عليه وأجلس عالنت

بس البرنامج مخيس

مليان أخطاء إخراج و صوت وما أدري شلون


شكرا يا الزميلة المعده

والله اغلب المسلسلات مأحلها لبعد الرمضان ..

لاكن الي احرص على متابعتاه طاش ماطاش باب الحاره حروف وألوف مسلسلات حلميه أكثر سي يشدني اسلوبها <<<ايه طيب
و شوجي بيت جدي وفيه مسلسلات حلوه الكن ماعندي وقت اشوفها مثل ام البنات اخر صفقه حب قلوب للإيجار موزه ولوزه دمعه يتيم ..