صباح الخيـر .. عبدالرحمـن بن مساعد ----> مسوي صديقي

صباح الخير .. لأعضاء شرف الزعيم ومنسوبيه من لاعبين وجماهيــر

بصراحه صريحه ...

الجميع يشاهد في الآونـه الأخيره بأن المنتدى الهلالـي ليس له كلام سوى عن طارق التايب ... أو بعض المنتسبيـن للشبكه

ويعتقدون هؤلاء بأن طارق التايب انه هو نادي الهلال بكل مافيه من لاعبين وجماهير وادوات وكمبيوترات وحتى بمواقف السيارات حقت النادي

تبون أعطيكم على بلاطــه ........ ( ياخـي استحو )

طارق لاعب بس انتم جعلتم من طارق التايب ملك من ملائكة العرش والا انسان نازل من عند الله بكرسي ( )

ياناس طارق لاعب وخلاص انتهى شوفوا حال ناديكم .. يعني ياطارق يالا .. ؟؟

اللي يبي طارق ويعشق طارق يروح يشجع الشباب ترى سامحين له ..

راح من قبله ابو يعقوب وسامي والغشيان وغيرهم من اللاعبين ولم يتأثر الزعيم ..

وبقولها لكم على بلاطـه ( مره ثانيـه ) .. طارق اخطأ بحق الزعيم وبحق جماهيره وبحق تاريخه وبحق حتى عمال النظافه الذين يعملون بالنادي ..

ليش ؟؟

طارق في مباراه تعتبر نهائيه أمام أم صلال يلعب بلنتي ( باص عيون )

سلامااااااااااااااااااااات يالتااااااااااااايب .. ويننــا فيه ؟؟

ورب الكعبه ( ولا أحلف على الله ) لو أنا رئيس النادي مكان عبدالرحمن بن مساعد
في نفس توقيت لعبة البلنتـي لأقول خلاااااااااااص لايطب النادي
الهلال مو واقف على التايب والا غيره ..<------ (عصبت )

بعدين ياشباب اللي يبي التايب ويبي يكرمه ويبي يصور معاه ويبي يعزمه ويبي يشرح له معاناته ويبي يبكي قدامه يروح له ترى قصرنا عنكم العنوه بدل ماتروحون العريجاء خليناه يروح لطريق القصيم ...

يعني ..
وانت رايح المقهى مر وسلم وصور مع التايب .. !!
وانت رايح الجريده مر وسلم وصور مع التايب .. !!
وانت رايح للمستشفى السعودي الالماني ( الله يبطي بالشر ) مر وسلم وصور مع التايب .. !!
وانت رايح للدفاع المدني اللي في الصحافه مر وسلم وصور مع التايب .. !!
وانت رايح لبلدية الصحافه مر وسلم وصور مع التايب .. !!
وانت رايح لجدك في الغدير والا في الصحافه والا العقيق ( أكيد جده كاااااش )
مر وسلم وصور مع التايب .. !!

بصراحه مدري عنكم .. كأنكم الحالميين وماااااااااااااااجد .. !!؟؟

يازعماء ( أهــدأ من كــذا ) ..

-------------------------------------------------


- ياسر القحطــاني ( اللـوك ) ولا أحلــى ( صلعــه مع المطــر ) ياسلام أهنيـك يابطل وإن شاء الله ترجع ياسـر الأول ياسر الكاسر ياسر القناص ياسر الآسر لقلوب الزعيم

- عيسى المحياني الى الأمام يابطل وأحتمال أول مره تعسكر مع فريق في النمسا بس شد حيلك ونحن خلفك ..

- شكرا للأمير عبدالرحمن بن مساعد وشكرا للأمير نواف بن سعد وشكرا للأسطوره سامي الجابر وشكرا لكل من يعمل في الخفا وإن شاء الله هــلال 2009 لايقهــر .

- كلمـه أخيره : ويلهـامســون لاعب كبيــر أرجو عدم التفـريط فيه .. وليست كل الدعوه هجوم فالهجـوم من غير وسـط لايجــدي ..

شكرا لكم جميعا ..

الشهادة لله
هذا افضل موضوع قرات عن طارق التايب من اكثر من اسبوعين
كل المواضيع مع احترامي للكتاب مكررة والافكار فيها معادة

روح ياشيخ الله يفتح عليك

بالفعل طارق لاعب انتهى زمانه
لكن وش تسوي بالناس إللي الادارة وكلامها مايسوى شي بالنسبه لهم

عــلى آلــجرح ....!

وآلهــلآل لآيقــف على لآعب ..,

تـــحيآآآتي

فعلا بعض الاعضاء الله يهديهم مكبرين السالفه ،، صحيح التايب لاعب كبير لكن صفحه وانطويت والكلام فيها ماينفع وصراحه افتقدنا للمواضيع اللي تفيد الهلال بعكس المواضيع
اللي حاليا مافيها اي فائده ترجع للهلال

شكرا لك وكل التوفيق لابو نادين اينما ذهب

ياااخوان نحنا مانتكلم على موضوع التائب بشكل الي تقوله طاارق رااح والله يوفقه
مع الشباب ولا اي فريق نحنا نتكلم عن طريقة رحيل طااارق وكيف رحل؟؟؟؟
هذا السؤال الي يطرح نفسه وعن طريق تنفيذ البلنتي ياخووي هذي طبيعته
في تنفيذ البلنتيات وسواها في النهائي مع الاتفاق وجاب هدف وصفقناله والحين نتكلم على طريقته

كل الشكر لكم جميعا ..

بالنسبـه لك أخوي اللي تقول انك صفقت لطارق يوم سجل البلنتي على الاتفاق في النهائي

بوضح لك شي اذا ممكن ..

انا وانت صفقنا لطارق في مباراة الإتفاق واحنا كنا متقدمين اساسآ بهدف القناص صح ؟؟

لو ماكنا متقدمين وطارق ضيع ضربة الجزاء راح تصفق له ؟؟

شكرا لكم جميعا ..

اهنيك على ماكتبت ياخوي
ووالله انك صادق

لاعدمناااااااااكـ يالغلا

موضوووع طارق اخذ اكبر من حجمه في المنتدى

اتمنى نسيان طارق
والتفكير في نفيز ورادوي وويلهامسون والكوري الجنوبي
وبقية اللاعبين المحليين

طارق لاعب كبير سواء مع الهلال او خارجه ..

لكن مسالة انك تقلل من طارق التائب صعبه شوي ..

وزي ما قلت لك الهلال ما يتوقف ..

وان شاء الله مثل ما نسانا هوساوي >> تفاريس ,, ينسينا نيفيز >>> التايب