جيتكـ وفاء وأخلاص وش باقي اعطيكـ ^^قادمون يالدره ^ - نادي الهلال السعودي - شبكة الزعيم

ماجد شمر · #1 12/06/2009, 11:01 PM

السلام عليكم ورحمه الله وبركاته ...

مساء الخير

... مساء الانتصارات

..... مساء التأهل ...

نعم الاربعاء بأذن الله التأهل ..

قاادمووون يالشعب السعودي قادموون من الشمال الى العاصمه قادمووون وبالتحديد من عروس الشمال "حائل"فالاربعاء القادم أجازه ... فلاعذر يأهل الرياض.. بالغياب ... فدعووه للجمهور السعودي عاامه وجمهور الوفاء جمهور الزعيم خااصه ... والوعد الدره ... فلاتخيبوون ضنناء ... ... فيوم الثلاثاء القادم قادمون للمؤازره ... فالانطلاق من حائل ثلاث سياراه .. متجهات الى الدره .. فأنتم ياهل الرياض .. مالكم عذر ....
الله الله بالحضوووور ..... والوعد

دره الــــــــــــــــــمـــــــــــــــــلاعـــــــــــــب >>

....

*معلومه اللي يبي يخاوينا يوم الثلاثاء يراسلني بالخاص نتشرف..

اخوكم

ماجد شمر

تحياتي لكم

teva4ever · #2 12/06/2009, 11:04 PM

ونعم والله بولد شمر

دربك خضر وانا اخوك

والله يستر عليكم ويوفق الاخضر ونتأهل ان شالله

ماودكم تشقّرون عى الشرقيه وتمرونن

نوسه · #3 13/06/2009, 08:52 PM

ياليت تمتلء الدره ماهي غريبه على الطنايا

المخـرز · #4 14/06/2009, 01:58 AM

ملعب الملك فهد باذن الله يبي يمتلي عن بكره ابيه ومن العصر بعد واتمنى من الحين اي واحد رايح الملعب يمر سوق الفطراطيع ويشتري العااب ناريه ويدخلون فيها الملعب ومع بدايه المباراه كل الجمهور يشب فيها مره وحده ونقلبهاا نااار ونخلي الكوريين يضيعوون واذا مسكوا الكوريين الكوره انواع التصفير لين تنقطع منهم الكوره وبعدها صيااح وتشجيع للمنتخب مثل الجمهور الجزائري يوم مباراه مصر شفنا شلون تأثيرهم وتشجيعهم لمنتخبهم
ويا ليت بعد يحطون شاشات عرض في الملاعب الصغيره الي على طريق الشيخ جاابر لان الجماهير تبي تنكب على الاستااد من العصر يتجمعون فيها الناس الي ماقدروا يدخلون للملعب <<<< ايه هين يحطونها هههههههههههههههه

halale.mooot · #5 14/06/2009, 09:29 PM

الله يوفقكم رووحوا دربكم خضر
بس والله تمسكوا اروووح ابوي معيي وش اسوي ودي اروووح

هلاليهـ حدي ومحد قدي · #6 14/06/2009, 09:41 PM

الله يوفقكم ويوفق الأخضر ياااااااااااااااااااااااااااااااااااااااااااااااااااااااارب

وبأذن الله أمتلاء الدره وجه خيييييييير ع الأخضر وسبب من أسباب تأهله أن شاااء الله

وهمتتتتتتتتتتتكم وياويله ياسواد ليله إلي بيجيب شعار لنادي
تكفوووووون مانبي ألوان نبي الملعب أخضضضر

ندري والله العظيم أنكم تحبون ناديكم وإذا جات مباراه له ناصروه بأي لون تبون

بس اللحين دوووور الأخضر ولازم الكل يلبس أخضر{{بليييييييييييييييييييز}}

وبعدين وش يفرقون الكورين والأوربين عنا لاجا منتخب بلادهم يلعب كلهم يصيرون طقم كأنهم أخوان>>حتى التفريق وربي ماانفرق....

فوش ناقصنا حن عنهم؟؟ وبعدين حن نعز وطنا ونغليه أكثر من محبتهم هم لوطنهم>>يمكن

والله يفرحنااااا يوم الأربعاء جميعا

وسوري ع الهرج الزايد

شـبـيـة الـريـح · #7 15/06/2009, 12:01 AM

كفووو والله شمر الله يردكم ساالمين ومنصوورين

P r e s t i g e · #8 15/06/2009, 12:23 AM

والنعم
وهذا شي مو غريب على اهل الكرم والشعب السعودي كلهم اهل كرم وافاء جمهور