لا أتفائل بالحضور الجماهيري الكبير في مباراة كوريا الشمالية للأسباب التالية - نادي الهلال السعودي - شبكة الزعيم

الهارب الشجاع · #1 11/06/2009, 11:24 PM

يا أخوان أنا في هذا الموسم غير متفائل جدا بالحضور الجماهير الكبير على استاذ الملك فهد الدولي

فعلى الصعيد المحلي

امتلاء الملعب تشجيعا للهلال ضد الاتحاد في ختام الدوري وفاز الاتحاد وخرج الجمهور الهلالي حزيناً

امتلاء الملعب تشجيعا للهلال ضد الشباب في نهائي ولي العهد وفاز الهلال بشق الانفس في الشوط الاضافي

امتلاء الملعب تشجيعا للنصر ضد الشباب في نهائي كأس الأمير فيصل وخرج الجمهور النصرواي حزيناً

أما على الصعيد الدولي

امتلاء الملعب تشجيعا للهلال ضد أم صلال القطري وخرج الجمهور الهلالي حزيناً

امتلاء الملعب تشجيعا للمنتخب السعودي ضد منتخب ايران وخرج الجمهور السعودي حزينا بالتعادل

امتلاء الملعب تشجيعا للمنتخب السعودي ضد المنتخب الكوري الجنوبي وخرج الجمهور حزينا بالهزيمه

امتلاء الملعب تشجيعا للمنتخب السعودي ضد المنتخب الاماراتي والكل يعلم من هو المنتخب الاماراتي مقارنة بالمنتخب السعودي ووضعه في المجموعه وفاز المنتخب بشق الأنفس وبالحظ

كل هذه الاسباب تجعلني غير متفائل بالحضور الجماهيري الكبير ضد الكوري الشمالي

احس أن اللاعبين تجيهم رهبه وضغط في حضور هذا الجمهور على غير العاده الي يكون لهم عون

تمنياتي للمنتخب بالتأهل لكأس العالم

Mr.Waled · #2 11/06/2009, 11:47 PM

لا ماعليك ان شاء الله نفوز على كوريا الشماليه

والله لو يلعبون المنتخب بقتاليه لنهزمهم بتيجه كبيره

وان شاء الله درجة الحراره عندنا تأثر عليهم

محبت مالك معاذ · #3 11/06/2009, 11:50 PM

ان شاء الله لا

ياليت اقدر احظر كان انا اول حظرين عندي سبين مااقدر احظر

انا بنت منوع دخول بنات

ومن الشرقيه

اه يالقهر

بس يله معليه

بالتوفيق الاخضر

نبي ملاعب ملياان يا جمهوور الاخضر

تحياتي

أحـٍضـטּ خ‘ـيآلــٍكـ ~. · #4 12/06/2009, 12:09 AM

مع احترامي لك موضوعك مدري وش يبي...!!!

انا من شفت الموضوع

توقعت تقول ان السبب هي الاختبارات ع الابواب او بسبب الأجواء الحآرهـ

لآكن الأسباب غير مقنعه

تقبل نقدي خيوو

^_^

هلالــ14ــي · #5 12/06/2009, 12:26 AM

حلوووووه ذي
اذا فيه جماهير يعني يخسرون ؟؟
موب على الجماهير يالحبيب هي على اللعب

الثيان الصغير · #6 12/06/2009, 09:51 AM

لا تنسى ان الاخضر معودنا في مثل هالمباريات على الحسم

الاخضر راح يسويها بإذن الله وانا متفأل

% محآمي A زمآني % · #7 12/06/2009, 10:07 AM

ياخي تفائل بالخير تجده .. وبعدين موضوعك مع إحترامي لك ماله داعي أبد أبد وفي وقت حرج .. أتمنى إنك تقول خير أو تلتزم الصمت ..

أنا آسف على الكلام الجارح بس الحق لازم ينقال .. والحقيقة من المفترض إنها ماتزعل أحد ..

أنا آسف .. تقبل إنتقادي بصدر رحب .. وتأكد إن كلامي هذا للمصلحة العامة .

وبالتوفيق لمنتخبنا .. وأنا عن نفسي بكون أول الحاضرين _ إن شاء الله _ ..

أزرق والقلب أبيض · #8 12/06/2009, 10:13 AM

يارجال زي ماتأهلنا اول من الاستاد الملك فهد والملعب فل

ان شاءالله نتاهل زي اول

لاتتشأم ولا شي

اهم شيي لاتجي عجه وغبار

الأصبع الذهبي · #9 12/06/2009, 10:20 AM

انت تجيب السلبيات .. ولا تجيب الإجابيات ..

وموضوع بصرااحه ما أتوقع يدش العقل ..!!

TaMeeMo · #10 12/06/2009, 10:37 AM

ياخي تفاول خير

ولا يكون كلكم تشاؤم من أستاد الملك فهد

وبعد إن شاء الله نبي نفوز

عبدالله المحمد · #11 12/06/2009, 10:49 AM

بس إن شاء الله المنتخب راح يقدم مباراة رائعه
لأنها مباراة مهمة للمنتخب وهو يلعب في أرضه وبين جماهيره
ولأنها المباراة الأخيرة للمنتخب السعودي إذا فاز يطير للمونديال 2010 في جنوب أفريقيا
وإن شاء الله الفوووز للمنتخب وليست غريبة للمنتخب السعودي في التأهل إلى كأس العالم

كويتي بس هلالي · #12 12/06/2009, 10:55 AM

ابشروا بالخير

والله شيء معروف عن الجمهور السعودي الحضور

شوف اخر مباراة مع الامارات كم عدد الحضور

وشوف بعد انهم بعد هذي المباراة علطول لجنوب افريقيا

انا والله كثير من الشباب الكويتي بالرياض يسولفون يقولون بيروحون للمباراة

وشلون عاد انتم ياجمور السعوديه بتشجعون فريقكم

وان شاء الله نفرح بكم

وبالبحرين ان شاء الله

وتفرحون بنا معاكم في التصفيات القادمه يااااااااااااااااااااااااااااااااااااااااااررب في كاس العالم 2014

اتمنى لكم ومن كل قلبي التاهل

سلنقر · #13 12/06/2009, 11:07 AM

قبل اربع سنوات من الان :

الملعب مليااااااااان ( فل ) وفزنا على الاوزبك و الكويت بالثلاثات >> وكله من فضل الله ثم الجماااااااهير

لزوما وألزاما الحظووور ولا تضيع كاس العالم > البرازيل على غفله !!

sam6العبدلي · #14 12/06/2009, 01:51 PM

هذا اذا كان الهلال يلعب لا تتفائل بالحضور الجماهيري

لكن هذا المنتخب الكل راح يحضر والكل راح يساند ويشجع

لأنه المنتخب مو الهلال حتى يوم لاعبينه يترجوهم في الحضور مايحضرون

فتى الأمل · #15 12/06/2009, 02:23 PM

تبي الصراحة والله اني مثلك ..

صرت اكره هالاستااد كثييييييييييييييير ... كل ما نلعب فيه غالبا ننهزم (( خصوصا في مباريات حساسة ونهائية ))

هالاستاد مع الاسف ماله رهبة على الخصوووم ...

شووف استاد ازادي ياخي من جد الله يعين اللي يلعب فيه من جد ملعب مرعب ويخوف وناااااااااااااااااااااااااااااااادرا جدا ما يفوز الخصم فيه..

انا اقول لو نلعب في ملعب الامير محمد بالدمام يكون أحسن لسببين :

1) جمهور الشرقية لهم الحق بمشاهدة منتخبهم
2) الملعب صغير ومافيه مساحات مثل استاد الملك فهد وهالشي في صالحنا لأن سرعة الكوريين تعتمد على المساحات (( اللي غير موجوده في ملعب الدمام ))