:السلام عليكم ورحمه الله وبركاته .
شرف كبير اضع اول موضوع خفيف في مجلسكم العامر . واتمنى يكون بدايه تواصل مع المجلسيين .

------------------------------------------------------------------------------------------------------------------------

" اخيرا ُ وصرت مشرف .. يالله كذا الامور اوكي ..
ابي اقهره الحين .. بعد ماشبكت المشرف الكبير بالماسنجر وعلمته اني ولد فلان... اللي ماسك وزاره ..... ضبط وضعي .
الحين المشرف ابو شكيره ما يقدر يفتح فمه معي .. انا صرت مشرف معه بنفس القسم ..
يعني ابكتب واعلق واثبت اي موضوع للعضوه بنت البر وفي ... خير يفتح فمه ..
ياخي يقهرني اول يحذف تعليقاتي معها لانه عارف اني مشبكها مشبكها ..
وهو مقهور وجهه كنه قفل اسود ما احد معطيه وجه .. والله مدري ليه حاطينه مشرف ..
يؤ يؤ هذا المشرف العام دخل الماسنجر لحظه ..
- هلا ابو ساره وشلونك طال عمرك
المشرف العام : هلا يا ( ) شلونك مع المنتدى .
- والله يا بو ساره من امس خاش المنتدى وماطلعت الى الحين اتابع المواضيع .
المشرف العام : يعطيك العافيه يا ( ) وشد حيلك ..
- سم سم ابشر

تبدو جهة الاتصال -00 ابو ساره 00- غير متصل سيتم تسليم الرسائل .... الخ

" كويس الامور صارت تمام الحين بس ابي افهم ليش بنت البر ماهي موجوده بالماسنجر ياناس والله قهر
خل اخش المنتدى اشوف وش كتبت ..
-
-
-
اسم الموضوع : الحبيب المنتظر
كاتب الموضوع : بنت البر
وقت الموضوع : قبل دقيقه

- اروح ملح .. اروح كاتشب .. اكيد بنت البر تقصدني اويلاه بس كيف اكلمها يارب تخش الايميل ..

- بنت البر دخلت الماسنجر ..
- هلا والله وغلا بنت البر .
بنت البر : اهلين يا ( ) وشلونك يامشرفنا الكبير ...
- لا عادي وش دعوه ترى انا ما اهتم ..
بنت البر : قريت موضوعي الجديد قلبو .
- اي والله يا سلالالالالام وش هالابداع انتي بطله صارحه .. صراحه*
بنت البر : ممكن طيب تثبه لي لو مافيها كلافه عليك ..
- يالبى قلبك الموضوع مثبت منذ مبطي انا اهتم بالمبدعين يابنت البر
بنت البر : بس اخاف يضايقك المشرف العام .
- ماعليك منه هذا بجيبي ومايفتح فمه معي اساسا هو اللي اجبرني اصير معه مشرف .
بنت البر : بالله اممم اوكي ..
- بنت البر وش كنت ابقول ..

تبدو جهة الاتصال -00 بنت البر 00- غير متصل سيتم تسليم الرسائل .... الخ




وش فيها هذي طلعت ؟
حتى ما امداني اتميلح بكلمتين حلوه
يالله الجايات اكثر يا بنت اللذينا



ابو ساره دخل لايميل .


المشرف العام : يا ( ) وش فيك مثبت موضوع بنت البر تراه مره سخيف وبس 20 كلمه ..
- طال عمرك هذا موضوع له صدى كبير وراح تشوف انت ..
المشرف العام : والله انت المريض اجل انا مجبرك ياخروف 2009 ..
- وشو
المشرف العام : بنت البر اجل هاه يابوي هذا يوزر انا مسجل به عشان اصيد خرفان الاشراف
انت حدك كيرم ويخب عليك يالله دز امها ..

- عفوا لقد تم الغاء يوزرك من الموقع .. وبالعربي سقها ..

هلا أخوي الطاروق , نورت الحته ..

بالفعل هذا حال أغلب منتدياتنا للأسف ..
أعرف صاحب الموضوع أو يقربلي أو بنت !! يتثبت الموضوع على طول وحتى لو ما يستاهل ..
اما المواضيع الحلوه وألي صاحبه تعبان عليها بالمشمش ..
لكن الحمد لله هنا في مجلسنا ما عندنا هالكلام << ما يقصد شي !!

مشكور يالغالي ..

إقتباس لانه عارف اني مشبكها مشبكها ..

هههههههههههههه

قوية

كل شي جايز هههههههههه
ممكن تسير في احسن المنتديات


تحياتي ..

هلا والله الطاروق

موضوع أول .. وبصراحة موضوع وقوي جداً

الله يعطيك العافية يا بعدهم .. أعجبتني خاتمة القصة
بس تدري لو هالشي مثلاً يصير فيني بأقول أوك الله معك وبأروح أشوف غيرك
لأن اللي ما ينخبط في نفوخه مرة ومرتين .. ما راح يعيّن رزق والفشل بداية النجاح ولا بد من المغامرة

ترى أمزح .. الحمد لله أنا عاقل ولا عمري قبلت إضافة ولا بنت في حياتي أبد أبد أبد <<
الصدق الصدق .. الحركة هذي تدل على غباء هالدلخ .. وفضاوة هالغبي الثاني ..!
طيب هذا طلع خروف وش دخل أهلك أنت؟ مدري وشو له اللقافة

تخيل يا الطاروق فيه بنات ينشرون ايميلات بعضنا عشان بس يشوفون هل هم يعطون وجه والا ما يعطون؟
وربي انها حتى وصلت لتوزيع الأرقام بعد شفت الحقارة كيف؟
شوهوا سمعة الأنوثة والحياء قسم بالله

المهم .. الله لا يشغلنا إلا بطاعته

هلا و الله الطارووق
مثل ماقالوا الأخوان للأسف هذا يصير مع أكثر المنتديات
في أنا مرة كنت بمنتدى و كاتبين تحت يوزر أحد الأعضاء
ولد عم المشرف ( ..... ) <<< يعني لا تقربونه يالحكومة

لوٍوٍوٍوٍوٍوٍوٍوٍوٍوٍوٍوٍوٍوٍووٍوٍوٍوٍوٍوٍل ,,
وٍرٍب آلبيــت مـٌآ كذبـٌت بآي كـٌلمة قلتـٌهآ ,,

مــٌن جـٌد فـٌيه خرٍفـٌآن بآلمنتـٌديآت كثيـٌرٍ ,,
وٍآوٍلهـٌم آنـٌآ ,,



يعـٌطيك آلعـٌآفية عـٌآلموٍضوع آلرٍوٍعـٌة ,,
كآلعـٌآدهـ ,,
آبـٌدآع × آبـٌدآع ,,
لآ جـٌديد ,,




مـٌوٍدتيّ ,,

والله يالطاروق اني رجعت مرتين ليوزرك ابشوف انت مشرف ولا وش سالفتك

أول ماقريت الموضوع قلت وش جاه الطاروق لايصير بدا يفضح بنفسه

بس قلت لا الطاروق أذكره منذ مبطي مشرف مهب توه طاف

بس اشوا استنتجت من ردود الأعضاء ان قصدك محاربة الخرفنه


ياخي حاول تحط مقدمه زي الناس أو على الأقل قفله آخر الموضوع عشان توضح السالفه

أنا الحمد لله ماعمري صرت مشرف بأي منتدى عشان كذا بعيد عن الخرفنه

وكل ما اتخرفن يشوتن المشرف وأروح أدور لي منتدى ثاني

لذلك من يوم اني .. وانا متربي على محاربة الخرفنه

الطاروق قسم انك فله
تصدق انك صرت أطلق من الأعضاء اللي لهم سنين بهالقسم
يالله عاد لاتقطع
ونشوفك على خير
وبانتظار مواضيعك

فكرتن طيبه

حياك الله اخوي الطاروق ومنور القسم بهالموضوع الجميل والخفيف
وبصراحة اللحين الخرفان تطوروا وصار لكل خروف منتدى وموقع يلعب فيه على كيفه

وليت الامر ينتهي عند تثبيت موضوع الا تصير بلاوي متلتله والله المستعان ..
شكرا على ها الطلة يالغالي ...

ودمت بخير وعافية ,,,

هلا وغلا الطارووق ..

ليش دائما ما تشوفون الا الجانب السئ بالشخص .. !!
بالعكس خرووف 2009 ما قصده الخرفنة ابد ..
يمكن عنده نظرة مستقبلية للاعضاء ..
ويشوف بنت البر مشروع كاتبة مبدعة وحاب يدعمها بالبداية ..

يعطيك ربي الف عافية على الموضوع ,,

^^^^^

بالفعل سؤال محيّر جداً ...

شكراً فهد على الموضوع الرائع ..

ولا تحرمنا حضورك ..

والله موضوع من جد قوي ,,, والحمد لله انه مافي واحد زي هيك

وصدق من قال تعال ((((((((( كووووووووووول يوم ))))))))))