المخالفات المروريه - نادي الهلال السعودي - شبكة الزعيم

az3eem-4-ever · #1 21/05/2009, 07:59 AM

السلام عليكم ورحمه الله وبركاته

بدون مقدمات لاني فاشل فيها

ابتكلم عن المخالفات المروريه واسعارها
لاني اول ماشفت اللوائح الجديده للمخالفات واسعارها صراحه انصدمت لان مبالغ فيها مررررره

يعني قطع اشاره 900 مع توقيف 3 ايام
سرعه 900 مع توقيف 3 ايام
انتهاء الاستماره 500
الخ الخ الخ

حرام والله حرام
يعني الواحد لو اخذ مخالفتين هذي اقل شي 1000ريال

لا غير انها تاخذ الحد الاعلى لها اذا ماسددتها بعد شهر

وخصوصا انهم الحين يقدرون يحطون عليك مخالفه وانت ماتدري

وش رايك في النظام الجديد؟؟
وهل انت مؤيد لاسعارها؟؟

مانقول الا حسبي الله ونعم الوكيل

hatome · #2 21/05/2009, 11:29 AM

لا وزيدك من الشعر بيت لو ماتسدد تتضاعف عليك تصدق انا كان علي مخالفتين عدم ربط حزام وقطع اشار وكان سعر المخالفتين خمس مية وماسددت وبعد اربع شهور صار السعر 1200 ريال وسددت على طول عشان ماتزيد بعد

مدرعم2009 · #3 21/05/2009, 11:58 AM

والله انا اشوف انها حلوه القسايم ليس من ناحية الفلوس بس من ناحية الروح

لان الحين اكثر الموت حوادث وش الفايده تسرع يكون احسن يرفوع اسعار القسايم عشان محد يسرع
وعشان محد يقطع الاشاره ويسبب الحوادث

عاشق المو10هوب · #4 21/05/2009, 12:31 PM

حسبي الله ونعم الوكيل

ماأخذ مخالفتين سررعة في أقل من شهر وازيدك من الشعر بيت أن مع نظام النقاط إحتمال يسحبون لك الرخصة بعد ماتوصل 21 نقطة طبعاً قطع الإشارة لحالها 6 نقاط والسرعة 6 أو 4 ماني متذكر وغير مخالفة ربط الحزام و عكس الدوران يعني سحب الرخصة زي السلام عليكم

والأسعااااار جدا مبااالغ فيها خصوصاً أن في فئة الدخل المحدود يمكن راتب شهر مايغطي مخالفة وحده

والمشكلة ان مافي أحد يطبق النظام وصعب في يوم وليلة يصير الشعب نظامي