أعظم التزوير ----> الترقيع +18 لا قصدي - نادي الهلال السعودي - شبكة الزعيم

ريكيلمي · #1 16/05/2009, 07:12 PM

في الأمس كان التزوير مقتصراً على الأوراق الرسمية و الشهادات و لكن مع مرور الوقت ظهرت أنواع أخرى من التزوير

في الأمس القريب ظهرت لنا ظاهرة ( الترقيع )

قد تقع أي فتاة لإغواء من الشيطان لتصل إلى علاقة محرمة .. يذهب معها الشرف

و لكن الأمر الآن أصبح أسهل من ذي قبل حيث تذهب إلى أي جراح و بعملية بسيطة يقوم بترقيع فعلتها المشينة بمبلغ بخس

ثم يأتي ابن الناس و يخطب البنت و لا يعلم عن ماضيها أي شيء و لا يعلم ان هذا الجسد قد مسه قبله يد أو ربما أيدي

و يأتي يوم الدخلة و تظهر من هذه المخادعة احمراراً و استحياءً .. و المسكين يا غافل لك الله

و بعد ان يقص الحكم شريط المباراة و يصل للهدف تغمر هذا الزوج فرحة عارمة .. كم هو مسكين

.........................................

ما أثار حفيظتي حول هذا الموضوع أن المباحث مسكت ورشة أو عيادة في مكة سمها ما شئت ترقع ب 7 آلاف ريال

موضوع بدون ترتيب مسبق و لكن أردت ان آخذ أراءكم حول هذا الموضوع

متآبعه بصمت · #2 16/05/2009, 07:14 PM

وأنا اختك عسى ما تحس بتعب ؟

^
هذا قبل التعديل

7
بعد التعديل

حتى مستخسرين في البنت تضبط وضعها وتنتبه لمستقبلها ؟؟؟
أجل أنتم يالشباب وبالذات الحقيرين ؟؟ [حددت الفئة] يعني لا أحد يجي ينط لي

بالله بيجيك الواحد منهم يبي يخطب ويقول لبنت الناس تراني سويت وفعلت سامحيني وتزوجيني !!!!

معليييييش يا إياد < طرا لها المزيون

قلوووب من هنا لتركيا

الزبده يا شباب لا يكثر

واحمدوا ربكم على العافية يا مال اللي مانيب قايله

عاد لو إنكم مزايين كان قلنا ما عليه يحق لكم تتشرطون

~~< هذا القلب لكل واحد يحس إني جرحته

ريكيلمي لا تزعجني مره ثانية

العب ايوه العب · #3 16/05/2009, 07:20 PM

-

][the king][ · #4 16/05/2009, 07:22 PM

شكلكــ...مصخن ياوخيي....

صحصح..لو سمحت...َِ~

~SaKaB · #5 16/05/2009, 07:41 PM

مدري إن كانت هالظاهرة موجودة عندنا بعد ؟!
اللهم لا تؤاخذنا بما فعل السفهاء منّا

المجلس صار +18

LM-10 · #6 16/05/2009, 07:42 PM

اللي فهمته من موضوعك ان المرأه اللي افعالها مشينه

لما تخلص من الافعال تعمل عمليه وتكون كأنها بريئة ولم تعمل شئ

وبتوضيح اكبر .. ان المرأهـ تكون عذراء وبعملية تصير بكر

ولكن صراحه هذي اكبر مخادعه للمتزوجين

وحسبي الله وونعم الوكيل

abo.a7mad · #7 16/05/2009, 07:43 PM

إيها الاعب الخلوق ريكلمي

تقدم العلم ولكن صار مشكلة

صراحة ما أدري وش أقول ,

لكن الله يحفظنا وياكم من الفواحش والفتن ما ظهر منها وما بطن ,

وياليت ما ترد على أول 3 ردود مدري أول 4 ردود لأنهم يبون يثيرون الموضوع

عطهم أشكل وتشوف وش بيصير لهم

مشكور ريكلمي ,

هلالي واعاني · #8 16/05/2009, 07:48 PM

الحمد لله لازلنا بخير..والعمليات كهذه قليله لدينا...مقارنه بدول الجوار...

وبالفعل كيف تبني حياتها ومستقبلها على خُـدعه!!

اللهم قنا شر الفواحش..واسترنا فوق الارض وتحت الارض..

ريكيلمي..شكرا لك عزيزي...

وليد القحطاني · #9 16/05/2009, 07:53 PM

عليهم لعنة الله من بنات اذا كانوا يسوون كذا
والزوج المسكين حرام مايدري عن شئ !
الله يحفظ بناتنا من عيال الحرام يارب

F I N A L · #10 16/05/2009, 08:10 PM

للأســف صرنا في زمن غريب

من يفترض أن يكونوا آباء صالحين
صار عكس ذلك

ولد همه المعاكسات والزنا ببنات الناس
والأدهى أن تكون بنت ممن جملهن الله بالحياء
تبحث عمن يفقدها شرفها وبرضاها .

نعوذ بالله وبالله نعوذ

RO7_ALHILAL · #11 16/05/2009, 08:30 PM

وش لك عاد ياريكيلمي ، هذا بمكه يمكن تقول الجنسيات المختلفه وكذا مشكله ومدينه سكانها واجد والافارقه وش كثرهم، لكن البلا لا جاك بمدينه يعني مدري شلون اقولك لكنها يعني اجتماعيه ولابه ناس مثل اللي بمكه شغل مخلوط.
يعني بالرياض ذاك اليوم دكتور بمستشفى اهلى ويتخرفن على واحد من العيال والولد يقلد عليه صوت بنت

ويقول دنتي اخروقي معايا والمكسور حيتصلح واذا انتي عارفه حد من صحباتك دنا حصلح المكسور بس كل شي وله حئـوه . يعني شف دكتور وشغله ماهو من تحت لتحت ولا شي ولا خاف انه بيتدبس عليه شي يقهر.

والله اللحين العيادات المنزلية كثرو واللحين مو يتسابقون من يقدر يسوي مثل هالعمليات لا يتسابقون على العرض الاقل

لكن ما اقول الا اللهم ابعدنا عن المرقعات المبرقعات

مشكور حبيبي ريكيلمي

متآبعه بصمت · #12 16/05/2009, 08:31 PM

أنا معكم إن البنت اللي توصل للحرام يبيلها تأديب
لكن لا تنسون إنها إنسانه والإنسان من عادته الخطأ
وعلينا المسامحه !

بس تدرون وش اللي قاهرني ؟
يجيك الشاب يسوي ما بدا له بحجة إنه ما راح يضرّه شيء ؟ !
ولا أحد داري عنه طبعا غير اللي خلقه !
يسوي البلاوي في حياته ويبي يتزوج بنت شريفة عفيفة !
هالنوعية من الشباب يا ويله من ربي !!!!
لا هو اللي بيسامح على الخطأ وفوق هذا يبي الناس لو درت عنه تسامحه !
شين وقواية عين !

متآبعه بصمت · #13 16/05/2009, 08:38 PM

إقتباس

الرسالة الأصلية كتبت بواسطة وليد القحطاني


	عليهم لعنة الله من بنات اذا كانوا يسوون كذا والزوج المسكين حرام مايدري عن شئ ! الله يحفظ بناتنا من عيال الحرام يارب

إذا ربي يغفر ويسامح

تجي أنت وتلعن ؟ !
على أي أساس

ليه الناس ما تعرف تسامح اللي تابوا لله ؟
هل هذا تكبُر على الله ؟ !!!!!

يا شباب اللي حافظ نفسه ربي بيرزقه بالبنت العفيفه الطاهره !
بس اللي مخربها ولا تاب لله لا يستبعد إنه يتزوج بأي فتاة حتى لو أصلها [شارع]

dal3_uae · #14 16/05/2009, 08:42 PM

شسالفة المواضيع كلها +18

::

بعد التمعن والقراءة وحذف ردي الاولي .. اتشجعت اني اكتب ..

::

هذي العمليات .. مرات شي ولابد منه لحياة اثنينه متزوجين ..

في ناس استفادت من هالعمليات .. لا تسالوني كيف ..؟؟ ( انا اتكلم اهني عن الحرمة المتزوجه )

::

بالنسبة لوحده ما اتزوجت .. يا ويلها من الله ..

محد يدافع عن البنت الخربانه .. اللي ما تستحي على ويهااا ..
اذاا خبت عن ريلهاا هالشي .. اكيد بي اليوم اللي الله بيكشفها فيه ..

إقتباس


	بس تدرون وش اللي قاهرني ؟ يجيك الشاب يسوي ما بدا له بحجة إنه ما راح يضرّه شيء ؟ ! ولا أحد داري عنه طبعا غير اللي خلقه ! يسوي البلاوي في حياته ويبي يتزوج بنت شريفة عفيفة ! هالنوعية من الشباب يا ويله من ربي !!!! لا هو اللي بيسامح على الخطأ وفوق هذا يبي الناس لو درت عنه تسامحه ! شين وقواية عين !

اسمحيلي متابعه ع المداخله ..

متابعه فيه فرق انه هو ريال وانتي بنت

او بالاصح ذكر وانثى ..

الريال ما يعيبه شي خلي هذا في بالج .. مهما سوى فهو ريال وهو حر باللي يسويه

لكن البنت لاااا

كلنا نتفق انه في الشرع حرام ..

لكن مجتمعاتنا جيه اتقول هو ولد يعني حلال عليه كل شي .. وانتي بنت .. حرام عليج هالاشياء

السموحه ع المداخله ..

متآبعه بصمت · #15 16/05/2009, 08:48 PM

إقتباس

الرسالة الأصلية كتبت بواسطة dal3_uae


	اسمحيلي متابعه ع المداخله .. متابعه فيه فرق انه هو ريال وانتي بنت او بالاصح ذكر وانثى .. الريال ما يعيبه شي خلي هذا في بالج .. مهما سوى فهو ريال وهو حر باللي يسويه لكن البنت لاااا كلنا نتفق انه في الشرع حرام .. لكن مجتمعاتنا جيه اتقول هو ولد يعني حلال عليه كل شي .. وانتي بنت .. حرام عليج هالاشياء السموحه ع المداخله ..

هذاااااااااااااااااك أول الولد سمعته مية مية
لكن ألحين الوضع تغيّر وصارت سمعته أهم من سمعة البنت

تدرين فيه شباب [وصخين] < فاهمه هالكلمه وش تعني من قرف وحقارة ودناءة !
يفعلون الأعظم !!!!!!
وأتوقع هم عارفين وش أقصد
وهذولي ترى يبيلهم كشف !
أصلا يبين من كلامهم وحركاتهم [وربي تقلبت كبدي]

تهتز السماء لفعلهم !!!!!!!!

الله يحفظنا ويحفظ عيالنا وبناتنا < لاحظي خليت العيال قبل البنات لأنهم في وقت ينخاف عليهم أكثر من البنات

هي دنيا والحساب يوم القيامة عسير !