كـلـنـا مـعـك يـابـنـت الـبـلـد ... ومـوتـي بـغـيـضـك يـاهـولـنـديـة - نادي الهلال السعودي - شبكة الزعيم

Fahad Al Sudais · #1 15/05/2009, 10:45 PM

حيـــــــــــاكم

مدخلـ }

القهوة اللي ماتقنّد بها الهيـل
مثل العجوز اللي قميلة أوي

الكليجا ... وقصة عشق للتاريخ

لم تكن تلك السلحفاة القصيمية الشقية مدركة لحجم الانقلاب الذي سيحدث بسببها

كيف لا والعالم بأسره قد أحس بخطورة الزحف الكليجاوي القصيمي الكبير

ومنذ اول ظهور فعلي للكليجا منتصف القرن ماقبل الماضي.. تحديدا في 8 / 8 / 1888م

والمستشرقون في صراع مرير لدراسة جميع السبل التي تكفل القضاء عليها

وطبعا بما أن افضل طريقة للدفاع هي الهجوم .. فقد تم اختراع الهمبرجر كبديل منافس

وتم تصميمه بواسطة Qnas Sudeer 20 كجاسوس متعاون بنفس شكل الكليجا

لابوووكم لابوو اللي خلّفكم يالامريكان

حتى الكليجا ماسلمت من الغطرسة الفكرية والتسلّط السادي

وطبعا فقد بحثوا بكل ما اوتوا من قوة عن سر حشوة الكليجا المكونة من الليمون الاسود والعسل

ولم يتمكنوا من ضبط الوزنية بسبب رفالتهم من جهة.. وانعدام الاخلاق السعودية لديهم من جهة اخرى

ولذلك.. فقد استبدلوا الحشوة بشريحة اللحم البقري الصافي

واستبدلوا العسل بالمايونيز وشريحة الجبن السائحة

وتم تنفيذ المخطط القذر لاكتساح الكليجا واقتلاعها من جذورها

ولكن هيهات هيهات... تعس الطالب والمطلوب

مازالت الكليجا صامدة في وجه العدو الامريكي

حتى جاءت الطامّة الكبرى قبل عشر سنوات

وهي فزعة هولندية قشراء للعدو الامريكي

الكليجا الهولندية بحشوة التوفي

اللي دابل كبدي انها لذيييذة... حتى انا ما اقاومها

لكن مازالت الكليجا القصيمية صامدة

بدعم المخلصين من ابناء هذا البلد المعطاء

ومازالت حرّة ابيّة في وجه الاعتداء الهولندي الغاشم

YOU WILL NEVER WALK ALONE… KULAIJA

FORZA KULAIJA… FORZA KULAIJA

نصائح كليجاوية على مسؤوليتي

- الكليجا متوفرة في بريدة وعنيزة... لكن اهل عنيزة يسمونها فتيت

- اذا بغيتوا تشترون كليجا من بريدة... لاتاخذون شغل المصانع وعليكم بشغل البيوت

- قيمة التنكة 35ريال شغل المصنع ... والكرتون 50 ريال شغل البيت.. لا احد يلعب عليكم

- افضل وقت لأكل الكليجا بعد العصر مع دلّة قهوة مبهّرة ومزعفرة

- الكليجا فياغرا طبيعية للمتزوجين وينصح بتناولها قبل ( المباراة ) بنصف ساعة

- يفضّل الخبراء حفظ الكليجا في الفريزر... ومن ثم تسخينها بالميكروويف

مخرجـ }

عنز.. ولو طارت
يالكليجا الهولندية

عريب عبدالله · #2 15/05/2009, 10:53 PM

انا من أنصار الكليجا الهولندية

ومن أنصار الهمبرجر الأمريكي

ولتذهب كليجاكم الى الجحيم

هع

كليجاكم تعدم الأسنان ويبي لها واحد فمة كبير
لكن الكليجا الهولندية

لينة

للناس اللي فمهم صغير

إتكيت

وفوق كل هذا لاتقاوم

أنا مع العالمية قلبا وقالباً

وخلكم في كليجاكم تقاومون التطور

بالحب والإشراق

الســفيرة · #3 15/05/2009, 10:54 PM

اما عاااد تقارن الكليجا بالهمبرجر وش جاب الي جاب

يميييي شهيتني فيها

اعشقها بشكل

اما الكليجا القصيمية مدري شلون تاكلونها

لاطعم حلو ولاشكل

الله يكرم النعمة
وفوق هذا تكسر الضروس

>> بتنجلد

ذكرت النكتة الي تقول سكران عطوه كليجة صار يضربها يقولها طلعي رجولك >> عباله سلحفاة

عشان ماتعصب علي دوك

السمسار الهلالــي · #4 15/05/2009, 10:57 PM

ححححححححححححححححجز ( الشباب يشبها والاتحاد يطبها

)

عقد الياسمين · #5 15/05/2009, 10:59 PM

المشكلة عاد .. أني مااحب الكليجا

ولا أحب المعمول ..!!

بس أحب القهوة العربية مع الكتكات

شي ثاااااني ..

ثانكيو مستر الصخرة ..

يؤ صح... المفروض ما اغلط الـصـخـرة

BEST_01 · #6 15/05/2009, 11:00 PM

انا شفت الموضوع فيه اكل قلت ارجع بعدين

will be back

.

شوق الكويت · #7 15/05/2009, 11:03 PM

ياللللللللللللللللللللللللله اشتهيت كليجا

القهوه العربيه مااشتهيها الا برمضان بعد الفطور مدري ليش

والاكل الامريكي كله وصخ ترى>>> ترى مو متغديه اليوم ماكدونالدز

مشكووور اخوي الصخره عالموضوع زييين توقعت ماتنزل مواضيع بعد الترقيه بس يحليلك طلعت متواضع

تقبل مروري اختك شوق الكويت

عاشقة الزعيم15 · #8 15/05/2009, 11:08 PM

المفروض تكتب هذا الموضوع بمناسبة فوز الشباب

والله يالاتي راحوا وطي

نجي للكليجه

بصراحه مدري كيف الناس تاكلها .. انا مقدر اكلها جربتها مرة وحرمت بعدها

جربت ذي الهولنديه الي بالصوره ومرة ما عجبتني

بس مستعده اجربها مرة تانيه اذا كانت من تحت ديات ريمووو وبق بق

hilali-arsenali · #9 15/05/2009, 11:11 PM

ياحبي لك يالصخره
دائما تعكس تراث القصيم الي مدري من وين جاي بكل حذافيره

بس بصراحه ودي اعرف ليش سموها كليجا ..!
يمكن تكون مشتقه من الكلجه >> معناها الخطأ الغير مقصود

يعني يمكن عجوز كانت بتسوي قرصان و بالغلط طلعت زي السلحفاه و سموها كليجا

اتمنى توضيح هذه النقطه

بريماكس · #10 15/05/2009, 11:15 PM

هلا فهد ....

شف عاد اللي يبي كليجا قصيمي لذيذ من اهل الرياض لا يتردد بمراسلتي عالخاص ممكن نخدمه على حسب الظروف لاني فيه وحده تضبطه ومره يجنن

لعله تكون فاتحة رزق لي

((((((( ماقريت الموضوع الى اللحين مو مستوعب نتيجة المبااراة )))))))

Blue Sun · #11 15/05/2009, 11:17 PM

ياحيف الشوم عليكم ..

للاسف نجح الغرب في السيطرة على افكاركم واكلاتكم ..

هذا بدل ما تساندون الكليجا القصيمية امام الغزو السادي الشرس اللي تتعرض جالسين تسوبونها ..

ما ننكر ان الكليجا الهولندية ماتقاوم .. بس لاتبينوا هذا في المنتديات والاعلام حتى مانجرح مشاعر سلحفاتنا القصيمية ..

YOU WILL NEVER WALK ALONE… KULAIJA

FORZA KULAIJA… FORZA KULAIJA

يعطيك ربي الف عافية فهد عالموضوع المهم في ظل الغزو الغربي والانحدار الفكري اللي يجتاح المجتمع الشرقي بقوة ..