نصف المواطنين لايملكون مساكن!هذي الحقيقه - نادي الهلال السعودي - شبكة الزعيم

محبوب@نت · #1 12/05/2009, 06:17 PM

السلام عليكم ورحمة الله وبركاته

كثير منا من شاهد ندوة جريدة الرياض التي كانت بعنوان

نصف المواطنين لايملكون مساكن!

كان هنا نقاش حول هذا الموضوع

بضيووف برازين

وهم

إبراهيم بن محمد بن سعيدان

رئيس مجلس إدارة شركة آل سعيدان العقارية

عبدالمحسن الزكري

عضو مجلس الشورى رئيس مجموعة الزكري

د. عبدالله الفايز مستشار تخطيط عمراني

أسامة الرفاعي محامٍ ومستشار قانوني

وبعد هذه الندوه هل سوف يكون هنا انخفاض بسعر المنازل

اتمنى

ولكن نتمنى تحرك حكومي لبناء وحدات سكنية للمواطنييين والحكومه قادره على ذلك

كما تبني بالخارج

قال لي احد الاصحاب

احمدربك عايشين بنعمه وامن وامان

نعم الحمدلله على كل حال

ولكن صاحبي ولده شغال عند شخصيه كبيره

وساكن بمنزل كبيررر ووالده صاحب عماير الله يرزقه ورزقنا

طيب انا

ساكن في البيت مع الوالد ومعي 7من والاولاد غير البنات وواحد متزوج وساكن معنا

طيب انا ابي اتزوج ولكن

ليس لدي منزل واخواني بعد

اروح ايجااااار

اجل الراتب كله طااار

اقوول لاصاحبي الي يده بالماء مو مثل الي بالنار

تحيتي للجمـــيع

وهذا رابط الندوه الي بجريدة الرياض

http://www.alriyadh.com/2009/05/12/article428715.html

الى الالقاء

محبوب@نت · #2 12/05/2009, 06:26 PM

اتاسف على الاخطاء الاملائيه ولم استطع التعديل
على جهاز العمل وكيبورد مرره صغير

abohamad55 · #3 13/05/2009, 03:07 AM

الان مافيه مواطن سعودي ما يتنتف بالاقصاد

الى الحراميه

تبي تتزوج ادفع هذي ضريبة الزواج

زعيم المستديرة · #4 13/05/2009, 03:05 PM

ما اقدر اقول الا الله يعين بس

الواحد ما يدري وش بيصير عليه في السنوات الجايه

هي بحث عن وظيفه ولا تامين متطلبات الزواج ولا تبني بيت

الله يعين بس

"-_الهلال_-" · #5 13/05/2009, 04:36 PM

الله يعين الجميع
فعلا المصروفات زادت كثيرا

ولكن الحمد لله على النعمة اللي احنا فيها فهناك ناس في دول اخرى تتمنى ولو نصفها .. !!

هــلالــي مــوت · #6 13/05/2009, 06:03 PM

من باب التصحيح بس

70% من المواطنين ( السعوديين ) لايملكون منازل

70% من الشعب السعودي ساكن بإيجار وتحت رحمة مالك السكن

الله يكافينا الشر ويعيننا على اللي احنا فيه وبس

تبي تتزوج

الله يعينك

سيارة اقساط + قرض من البنك + ايجار + مصاريف البيت

والباقي من الراتب حوش به تشتري لك بيت بعد كم سنه <<< افلقني ياشيخ

الله ييسر الحال وبس

Canada's gallant · #7 13/05/2009, 06:05 PM

فعلا المصروفات زادت و معظم الشباب هالايام ساكنين بأجارات حتى لو كانت وظيفته زينة والحمد لله على كل حال

اللي يقدر ياخذ قرض و يبني هو اللي بيمشي حاله و اللي ما يقدر الله يعينه و يرزقه

تأكد إن مشكلتك ماهي مشكلتك لحالك و الحمد لله على الصحة

محبوب@نت · #8 16/05/2009, 10:43 AM

شكرا

للجميع على المرور الراائع

هلاليه محترفه · #9 16/05/2009, 12:27 PM

الله يرزق المسلمين اجمعين ..
صحيح الغلاء زاد والأسعار نار . ان كان في مواد غذائيه ومانحوها او بيوت ملك او ايجار وحتى الشقق صارت العن !! ولاحول ولاقوة الابالله

ماباليد شي غير الدعاء والرزق يجي من الله سبحانه .. هو الرازق ..

وان شاءلله يتحسن .. الأوضاع الماديه .. وياخوفي ان نصبح بعد الكثافة السكانيه .. مثل مصر !! الآن ... تعودنا قراءة مشروع فلاني ومشروع علاني خيري والخ والخ والخ بس ماشفنا فعل
هل الندوه هذي بداية لتصحيح المسار وقول وفعل او مثل غيرهم كلام اليل يمحاه النهار !!

حتى اتذكر زمااان في مشروع سكن في شارع عـام
بس مدري وش صار عليه قلبوه زي الساحه مزينينها وحديقه عامه
صراحه لي فتره مامريت من هالشارع بس ماشفت بيوت ! !

عموما اتممنى ان يصلح هالحال ..

برق الزعيم · #10 16/05/2009, 10:20 PM

ويلااااااااااااااااه ويلااااااااااااااااه

نقول الله يفرجهابس من عنده

والاالهواميراللي عندنا

مايشبعون حسبي الله عليهم

تخيل اخوي محبوب

ولايهونون الاخوان

اناساكن بشقه لعمارة وقف كان 24 الف

وهالحين ب 30 الف

وين نروح الالرب العاملين الله لايوفقهم

عموما

ودك مواضيع المجلس من هالنوعيه

نبي مواضيع تتعايش مع الشعب

وتناقش حالتهم

واكررشكري على الموضوع

تقبل تحياتي

اتمنى من كل قلبي تثبيت الموضوع حتى لوتم مسح ردي

فمان الله يالغالي

ابودانه

@هـلالـي@ · #11 16/05/2009, 10:42 PM

يعطيك الف عافيه هذي المواضيع الي تستاهل نتناقش فيها
مو مواضيع الشباب كل واحد يقول قصة حياته
...
صراحه الحين الشعب السعودي من اسوا الى اسوا
لاوظايف ولا بيوت ولارواتب مثل اخواننا في الخليج
وللاسف احنا اكثر دوله في العالم من الناحية الماديه وللاسف مانشوف شي
وماقول الا
..لا حول ولا قوه الى بالله ..

حمد10 · #12 16/05/2009, 11:43 PM

ياااااااااااااااااااااااااااااااااااااااااااااااااارب سترك وعونك لعبدك الفقير المحتاج اليك

احنا مو دوله غنيه ليه كذا طيب
المقدم سال ضيفه عن اختلاس الخمسين مليار دولا قال انت وش دخلك اخ اخ اخ اخ

نائبة الملك · #13 17/05/2009, 12:41 AM

||
حكومتنآ يبيلهآ ترخي يدهاآإ شويآأإات ..

||

محبوب@نت · #14 17/05/2009, 10:51 AM

الف شكر

على تفاعلكم

............................

alhawey · #15 18/05/2009, 01:38 PM

قرأتها في حينها، وليس من بين آرائهم ما هو جديد غير الضحك!

فعلاً شر البلية ما يضحك!!!

شخص خبير من بين المشاركين أضحكتني بلوى آرائه، وكنت أتمنى لو كان أكثر صدقاً مع نفسه ومع القراء ويتحدث عن الأسباب الحقيقة التي جعلت من المسكن مجرد حلم للطبقة الوسطى من المجتمع، خصوصاً وأن أحد هؤلاء القراء هو ممن عمل معه ويعرف أن من بين الأسباب هو ذات الخبير ومن يسيرون على نهجه!

والمصيبة أن أحد المقترحات التي خرجت بها الندوة "دعم المطورين العقاريين وشركات التمويل العقاري من صندوق الاستثمارات العامة" !!

ثم ماذا بعد أن يتم دعمهم؟؟، وهل المشكلة لديهم أم لدى المواطن الذي لن يقدر على دفع قيمة القسط ولو أراحوه من 500 ريال نظير ذلك الدعم!

وكأننا نقول أعطوا الغني مالاً لينفق جزءاً منه على الفقراء!!

حامت تسبدي

في أمان الله