تأسعد الله أوقاتكم بكل خير ..

ويامرحبا بكم كلكم .......

من يوم أني صغير وأنا أحب التجارة ... وكنت وأنا بالمدرسة أما بالصف الرابع أوالخامس ... كنت تاجر والله صدق ...

إذا أهلي عطوني ( الفسحه ) عبارة عن ثلاثة ريال ومره توصل خمسة ريال ... كنت أمر على بقالة على طريقي للمدرسة وأشتري منها حلاو .. ( مصاص )
ذكرونه ... تراه قدييييييييييييم مرررررررررررره ... أشتري أربع حبات بريال ...

وكان من ضمن الطلاب ... طلاب يجون من مناطق نائية يعني ما عندهم لا بقالات ولا شئ ... وأول مره يشوفون هالحلاو ... المره الأولى عطيتهم يذوقون بس ... يعني دعاية للمنتج ....
وبعدها صرت أبيع عليهم ... الحبة بريال ... يعين مكسب ثلاثة ريال ... شئ مربح للغاية .... << حرامي من يومه صغير ....

ومع مرور السنين كونت ثروه لا بأس بها ... <<< تكفى يا بيل قيتس ....

عاد أنا أحب التجارة ... وفي راسي مشاريع كثيرة لكن كل ما جيت بفتح مشروع هنيا يعني بالسعودية لقيت هالنشاط متوفر بزيادة ... قلت أجل الشغلة خسارة بخسارة ....

فكرة وش أسوي ولا وش المشروع الناجح هنيا ... ما حصلت سويت دراسات أقوى من دراسات إيران للنووي ... ولا نفعت كل الدراسات عاد قلت بنفسي أكيد ما راح تنفع كل الدراات لأنها سعودية ... ومعروف عن دراساتنا مامنها فايدة ....

جت براسي فكرة أني أتاجر في أمريكا ... وأفتح محل هناك ... وبعد دراسات مكثفه ... قررت أفتح محل ( كبدة وتقاطيع ) في أحدى الولايات الإمريكية ...

سألت عن الوضع هناك .. وكم نسبة العرب هناك ... وطلعت كل الأمور تبشر بخير ... وبعد كل هالكلام سافرت لأمريكا .. وبدأ رحلة البحث عن موقع المشروع .. والحمدلله حصلنا موقع ممتاز بوسط حي في لاس فيقاس أكثره عرب وفيه خليجيين لا بأس فيهم ..

فتحنا المحل نترزق الله ... وصاروا يجونا أخوانا العرب من كل الولايات لشهرة المطعم ... << تكفى يا القرموشي ....

عاد من المواقف الي صارت لي بالمحل .. جاني أمريكي ... مفهي ... ومعطيها بالكلونيا ( لا أحد يستغرب أنه فيه أمريكي يشرب كلونيا ) هذا أمريكي طفران ماعنده .. حق الشراب الثاني ... يعني ( سربوت أمريكي ) عاد حلها أمريكي وسربوت وشلون تتفاهم معه ذا ..

المهم هالسكران جاء وجلس بكل أدب على الطاولة ونادى على القهوجي << حلوه القهوجي ...

جاه القهوجي ... وقاله أمر طبعا بالانقليزي .. رد عليه الأمريكي مايأمر عليك ظالم ... برضوا بالإنقليزي ... وكمل يقول وش عندكم من فطور .. قاله العامل عندنا ( كبدة غنم وكبدة حاشي ... وتقاطيع .. وفول .. وعدس ... وشوربه ) قال الأمريكي ماعندكم ( كبدة خنزير ) عصب العامل وقام يهاوشه قال هذا مطعم أسلامي ... ولا عندنا غير الأكل الإسلامي ... الامريكي جالس بكل هدوء ولا قال شئ يوم خلص العامل من الهواش قاله الأمريكي .. طيب عطني ( عدس بالشطه ) << لا والله الأمريكي النشبه ذا ... قايلكم سربوت أمريكي ...

وأنتم تعرفون الأنظمة بأمريكا وحقوق الأنسان ... لو يشتكينا هالسكران رحنا فيها وخساير وضرايب وقلة حياء ..

قاله العامل ماعندنا الا عدس سادة ... رد عليه الأمريكي .. لا أبيه بالشطة .. قاله يالأجودي ( ايه هين أجودي .. ) ماعندنا شطة مافيه الافلفل أسود قال ( نو بروبلم ) يعني مافيه مشكلة هات عدس بالفلفل ... العامل قامت الشياطين ترقص فوق رأسه .. ورجع وهو زعلان وقافله معه .. راح للمطبخ وقال لعامل المطبخ هات ... صحن عدس ... وعطني علبة الفلفل .... العامل المهبول قام وحط نص العلبة في صحن العدس ... وجابه للأمريكي ...

الأمريكي ما يدري هو بالصباح ولا المغرب ... بعالم ثانية .... جالس يغني ... ويرطن ولا ندري وش يقول ... المهم حط صحن العدس قدامه وحط معه كم خبزة ... قاله العامل تبي شئ ثاني قال ايه أبي ملعقة ما أكل العدس الا بالمعلقة ... ( قايلكم سربوووت ) راح العامل وجاب ملعقة ... وحطها عنده وقبل ما يروح ... قاله الأمريكي تعال ... عطني واحد ( ديو ) قاله ابشر وجاب الديو تدرون وش سوى هالسربوت بالديو قام وصبه على العدس .. وهاتك أكل بالمعلقة ...

تصدقون يوم مر العامل من قدامي بصحن العدس قمت أعاطس من قووووة ريح الفلفل ... الله لا يبلانا ...

الأمريكي مدهر بالعدس ... وأنا والعامل جلسنا نشوف الزباين الثانية ... شوي الا نسمع صياح السربوت الا هو منسدح على جنبه ويقول ( هلب مي ) والله ونجيه ونشيله وهو يقول أبي ( الحمام عزكم الله ) والله وندخله الحمام ويقعد فيه حوالي ساعتين وهو يصيح ويقول ( أووو مايقات ) وكلام واجد أكثره سب فينا يادافع البلا ... الرجال جاءه شئ خلاه يكره اليوم الي جاء فيه للدينا ...

بعد ساعتين طلع السربوت الا وجه رايح كانه دجاجة منتوفه ... أحمر وشعره طاير فوق وعيونه صايرتن حمر ... ويطلع ويسب ويهاوش ماخلى ش ماقاله ... وهو يروح للباب بيطلع والعامل يلحقه ويمسكه قال وين الحساب يا ابو الشباب قام الأمريكي يسبه ويهاوشه ويقول والله لأشتكيكم ولقفل المحل .. وتدفعون لي تعويض ... ويخابط بالعلوم ... قلت للعامل خله يفارق جعله يفارق الحياة ....

طلع من عندنا .. قلت للعامل يارجال الحمدلله أنه ما مات عندنا ولا كان بلشنا فيه ... وبعد ساعة تقريبا الا الشرطة داخله علينا وتقول وين صاحب المطعم ... رفعت يدي كاني بفصل ومستحي وخايف ... قالوا لو سمحت تفضل معنا للمركز قلت ابشروا ولا يهمكم .. ركبت معهم الدورية وعلى طول للمركز .. وصلنا ودخلنا وحصلت السربوت مار من قدامي يمشي ( 200 ) وهو يطالع في ويقول هذا هو هذا هو طبعا بالانقليزي وعلى طول أشوف دخل مع باب مكتوب عليه ( WC ) عاد عرفت أن الرجال راح فيها ...

فتحوا معي محضر وهاتك تحقيق ... ليش سويت كذا ... وش قصدك ... وش أسم الجماعة الي تتنتمي لها .. وش تعرف عن القاعدة ... وكثروا الكلام والأسئلة ... وقلت أنا رجال جاي اترزق الله هنيا .. مانيب يم هالأمور ذي كلها ... المهم تحققوا من معلوماتي كامل وعرفوا ( أنه ماعندي ماعند جدتي ) وفكوني بكفالة ...

وبعد كم يوم جوا وقفلوا المحل ... وغرموني غرامة عن العدس ... يقولون ممنوع تبيعه على الأمريكان ... وتعويض للسربوت عشان الي جاه ... ورجعت للسعودية بقمل ثوبي ... ولا حصلت وراهم فوووود ... ولا منفعه .. حسبي الله عليهم كل شئ لهم ....

عاد بنهاية المااااااااااااااااااضوع ... لا أحد يتاجر في أمريكا ... نصيحة مني لكم وعلى قولة المثل ( من طلع من داره قل مقداره ) شباب تكفون نبغا ردود مو قرايه وصدود..................................

هلا هلا ..

يالنصاااب حلاوة برياااال .. والسلاتيح يشترون ..

صدق تاااجر .. بس يوم شفت مشروعك اللي جا بعد دراسات ..

إقتباس ررت أفتح محل ( كبدة وتقاطيع ) في أحدى الولايات الإمريكية

قلت بتجيب مشروووع عليه الكلااااام ..
وفي النهاية كبدة في أمريكا ؟؟
لا وفول وعدس بعد ؟؟

تدري ..

أنصحك تبيع نفس الحلاو على السلاتيح اللي عندكم .. اشترلك كرتون وعطه أخوك الصغير يبيع .. وقوله يكون ذيب مثلك ..



تسلم عالموضوع الرايق يارايق

مشكور سعودي اصيل على الرد والتفاعل الاكثر من سريع ورائع
شباب

مشكور أخوي الرد الاكثر من رائع

عنديلك مشروع أطلق من مشروع الكبدهـ


رح أفتح محل بيع مكاين خياطه بإيران<<<<<خخخخ يبيك تجيب العيد صدق

هلا وغلا بك اخوي الهلالي الراقي

ما شاء الله عليك اجل من خامس ابتدائي وانت بزنسن

والله التجارة زينه وانا اخوك بس يبيلها صبر وحركة

من ناحيتي اشوف فكرة محلك كانت غزو ثقافي لامريكا

اجل في لاس فيغاس مرتن وحدة

موضوع جميل واسلوب رائع ...

شكرا لك اخوي الكريم

لوووووووووول
حرام عليكم فلفل .. و لا عدس مع ديو
حسبي الله على العدوو .. مت ضحك و انا اقرأ الموضوع..
خصوصا هالتوصيف

إقتباس بعد ساعتين طلع السربوت الا وجه رايح كانه دجاجة منتوفه ... أحمر وشعره طاير فوق وعيونه صايرتن حمر ... ويطلع ويسب ويهاوش ماخلى ش ماقاله

وصدقت من طلع من داره قل مقداره
بعدين انت ليه مارحت لدولة عربية أهون لك من أمريكا. او دولة اسيوية
انا اعرف واحد فاتح بالصين "حكم والله"
شكراا عالموضوع الممتع ~

ماشاء الله

طيب بما انك راعي تجاره وحركتات وراه ماتفتح حديقه مائيه نفس الي بدبي وتخلي الدخول بـ250 صدقني راح تطلع ذهب

هلالي >& <مدريدي.........شكرا اجل ايران قم ولاطهران مسوي خبره,,,..........

ماجد مقبل.......... انور الموضوع بردك الرائع
غزالة.........نورتي اختي
Msh3al_37.......... مشروع جميل بس يبغا برج عرب معاه وجميرا والقطه ما تكفى

انا كنت متوقع ان عدد القراء الف أو اكثر واحد واثق