معانآة في | استاد الملك فهد | ...! - نادي الهلال السعودي - شبكة الزعيم

Glory ManU · #1 05/05/2009, 10:46 PM

السلام عليكم ورحمة الله وبركاته ...!
نخش في الموضوع على طول ..

قبل عامين ، بالضبط في اعتزال الأسطورة سامي .. كانت مباراة بين الهلال ومانشستر

المهم انا من المغرمين بالشياطين الحمر ، لذا قررت ان احضر المباراة ..

المهم وصيت واحد يجيب لي تذاكر للمباراة ،، بس للاسف سحب علي

والمشكلة ما علمني الا متأخر ليلة المباراة حول الساعة تسع ،
رحت للاستاد ، دورت تذاكر درجة اولى ،، ( واجهة ) لاني مواعدن لي كمن واحد ...
كانت التذاكر قد خلصت وما بقى الا اللي ورى المرامي ...
درت عالاستاذ ، لين لقيت لي واحد يبيع التذاكر بـ 120 ريآل .. هي بالأصل بـ 60
شريتها منه ورحت للبيت ...
من بكره .. كنت متفق مع الربع اننا نروح الساعة 2 ونص سوا ،،
وكان يومها فيني انفلونزا ، وبكره عندي اختبار

،، بس هذي فرصة بالعمر مره ..

مروني ورحنا للاستاد ،وكان
اللي مارنا مهب حريص عالمباراة

، وما كان معه تذاكر ، قال ان لقيت جيت معكم ولا اني بروح ...
ما لقى وراح وكان عددنا الظاهر 4 نفر ...
درنا عالاستاد لين لقينا سرآ الواجهة...
كان زحمة اخر شي ، والمشكلة ما فتحو البوابات

...
رضينا بالأمر الواقع

، فتحو البوابات ومشينا ، المهم صار الصف عريض ، جا عسكري معه ذا عصا كهربائية

، ويسوي عميلة تمشيط للي برى الصف ، اصلاً ما ندري وش الصف كلن يدف ... المهم مار يرجعني وكانت الظاهر الساعة حول 3:30 ، رجعني انا والشباب قدام ، واتذكر واحد كنت اسولف معه رجعوه ورى وقام يصارخ ويصاعق( من حقه

) ومار يودونه الظاهر للقسم

كان فيه عسكري كنت اسولف معه بعد ..

ناديته وقلت له كذا وكذا ، والله يعافيه قدمني ...!!
الحمد لله خلصنا من التفتيش وبقي ندخل للاستاد ... رحنا وكانت المفاجأة الكبرى ، لقيناهم صاكين ابواب الدخول للاستاد ، اقصد الدرجة الاولى ( الواجهة ) ،،كلمنا العساكر.. يا رجال شف التذكرة ، وبعد نقاش طويل ، عيوو

...
قلنا مالنا الا نرقا فوق ، رحنا فوق وكان فيه واحد عند الدرج ، قلناله والله يجزاه خير رقانا ، حنا فرحنا ، الا فيه عقبة ثانية ، عشان ندخل للاستاد بغينا ندخل ومار يقول العسكري تذاكركم ، وريناه قال هذي التذاكر مب الدرجة الثانية

، قلناله ايه اصلاً هذي اغلى بعد وو ، عيا < نذالة العساكرة

ونروح لبوابة ثانية واشوى دخلنا، الحين وين بنلقالنا مكان

درنا الاستاد لين ما لقينا مكان خايس في اقصى الشمال الغربي

يوم جلسنا كانت حول 5:30 الظاهر ...
كل هذا وكنت مريض بعد

،،
شفنا الشوط الأول وكنا هلكانين وخصوصاً انا..
المهم واحدن راح يشريلنا شي ينوكل ... بس عيوو يدخلون الأكل

...
الطامة الكبرى ان اللي ورانا مدخلين معه كيس وش كبره مليان اكل ، ولو كان صغير نقدر نقول ، بس كبير ما يقدر يزبنه ...

<< قمة القهر
شفنا المباراة طلعنا من الاستاد حول 10:45 ...

سحب علينا خوينا ( كنا متفقين معه اصلاً ) ، دقينا عليه ولاه بعيد ، مشينا لين شارع صباح الأحمد ...
بناخذ تكسي بس دق علينا قال هذاني قريب لا تاخذون تكسي.. قعدنا حول ربع ساعة صارت حول 11:15 .. ومن الساعة 2 الى الساعة 11 من طب اثمي شي

...
...
وخلصت القصة المخيسة ...

لحد يحطم

الضحى · #2 06/05/2009, 12:04 AM

الحمدلله على السلامة ...كان شفتها في بيتكم والفلوس تصدقت بها

على المحتاجين تنفعك يوم القيامة ....الله يهديكم ويحفظكم لعيون ترجيكم ...

هلالي فدرالي · #3 06/05/2009, 12:25 AM

والله انا كرهت الملاعب ياخي والله كسل وحر
ولا فيه شي تأكله
ويزعجونك الطقاقات،آسف أقصد الرابطه
لأن بصراحة حنا مانعرف نشجع بس إزعاج على الفاضي

أحلـى هلاليه · #4 06/05/2009, 01:58 AM

ماتشوف شر
ياهو مشوار من الساعه 2ونص الى الساعه 5 ونص وانتوا واقفين
ولا تعبان بعد
مايسوى عليك

Bavano · #5 06/05/2009, 08:31 AM

أقدر أقولك شي واحد بس

>>

عطهم تحية

سيد الملوك · #6 06/05/2009, 08:45 AM

بس بيني وبينك

المباراة تسوى التعب كله

بس ترا المرمطه في كل مباراة

لاكن وش نسوي

واللي يقول تبرع بقيمتها

جزي كبير من الدخل راح لجمعيات خيرية

بس سالفتك وخويكم غير هههههههههههههههههههه
شكله منتهي

يعطيك العافية ع الموضوع
والله لايعيد هالمواقف

بس تستاهل ذيك المباراة كل هالتعب

تقبل مروري يالغلا..’

§»Scott«§ · #7 06/05/2009, 11:01 AM

هههههههههههههههههههههه

حبيب قلبي ... المعاناة في الملعب هذا شر لابد منه ..

بس بسألك سؤال ... وش تحس وانت تكتب الموضوع ؟

تحيتي

sowaid · #8 06/05/2009, 11:05 AM

الحمد لله ع السلااااااامه
عسا حليت في الاختبار زين بس ؟؟

Glory ManU · #9 06/05/2009, 02:50 PM

إقتباس

الرسالة الأصلية كتبت بواسطة الضحى


	الحمدلله على السلامة ...كان شفتها في بيتكم والفلوس تصدقت بها على المحتاجين تنفعك يوم القيامة ....الله يهديكم ويحفظكم لعيون ترجيكم ...

الله يسلمك ..

كانت جزء من ايرادات ذيك المباراة ( على ما أعتقد ) تعود لجمعية انسان كما قال احد الأخوان ..

يعطيك العافية عالمرور .

إقتباس

الرسالة الأصلية كتبت بواسطة هلالي فدرالي


	والله انا كرهت الملاعب ياخي والله كسل وحر ولا فيه شي تأكله ويزعجونك الطقاقات،آسف أقصد الرابطه لأن بصراحة حنا مانعرف نشجع بس إزعاج على الفاضي

ايه والله صادق لكن كل شي لعيون زعيمنا يهون ..وش نسوي ..

هههههههههههههههههههههه

ايه والله الطقاقات ، انا اذا قعدت اقعد بعيد عنهم ...

يعطيك العافية عالمرور ..

إقتباس

الرسالة الأصلية كتبت بواسطة أحلا هلاليه


	ماتشوف شر ياهو مشوار من الساعه 2ونص الى الساعه 5 ونص وانتوا واقفين ولا تعبان بعد مايسوى عليك

تسلمين ..

لا مو من الساعة 2 ونص ، يمكن دخلنا السرى 3 وربع تقريباً ...

يعطيك العافية عالمرور ...

إقتباس

الرسالة الأصلية كتبت بواسطة Bavano


	أقدر أقولك شي واحد بس>>عطهم تحية

إقتباس

الرسالة الأصلية كتبت بواسطة سيد الملوك


	بس بيني وبينك المباراة تسوى التعب كله بس ترا المرمطه في كل مباراة لاكن وش نسوي واللي يقول تبرع بقيمتها جزي كبير من الدخل راح لجمعيات خيرية بس سالفتك وخويكم غير هههههههههههههههههههه شكله منتهي يعطيك العافية ع الموضوع والله لايعيد هالمواقف بس تستاهل ذيك المباراة كل هالتعب تقبل مروري يالغلا..’

تقدر تقول ... مباراة حلوه نوعاً مـآ ..

يعطيك العافية يالغآلــي ..

إقتباس

الرسالة الأصلية كتبت بواسطة §»Scott«§


	هههههههههههههههههههههه حبيب قلبي ... المعاناة في الملعب هذا شر لابد منه .. بس بسألك سؤال ... وش تحس وانت تكتب الموضوع ؟ تحيتي

افا ، ملاحظ شي بالموضوع ، كنت منتشي بفوز مانشستر البارح

يعطيك العافية عالمرور..

إقتباس

الرسالة الأصلية كتبت بواسطة sowaid


	الحمد لله ع السلااااااامه عسا حليت في الاختبار زين بس ؟؟

الله يسلمك ...

كان اختبار قصير الحمد لله الظاهر اني حليت زين ..

يعطيك العافية عالمرور ...