تطورت العصور .. وزادت الفتن ؛ ) - نادي الهلال السعودي - شبكة الزعيم

‏Mr.RęLǻҗ · #1 21/04/2009, 10:32 AM

السلام عليكم ورحمة الله وبركاته

كيف الحال اخواني وأخواتي ان شاء الله بخير

في احد الايام المشرقه

,

كنت جالس بالبيت توني راجع من المدرسه وجالس ع الابتوب مثل هالجلسه

,

ولا بدخلت بنت خالتي الصغيره بصف اول متوسط جايه من مدرستها

,

المهم البنت دخلت راحت تتغدا الى الان الوضع طبيعي ,

جت تبي تاخذ جوالها من الطاوله الي جمبي لفت انتباهي لفه بيدها

,

ناديتها وقلت وش ذا الي بيدك وين طايحه قالت لا ولاشي

,

قلت طيب وريني بشوف .. قالت والله مافي شي مايحتاج ,

ماشاورتها سحبت يدها وفكيت اللفه الي عليها واذا هو شق بيدها وش كبره

,

قلت وش ذا ومن وش

,

قالت خلاص خلاص بقولك كل شي .. قلت يالله كلي اذان صاغيه

,

قالت : البنات عندنا بالمدرسه يقولون ان اذ الوحده كانتت تتألم من شي فقلبها او ضايق خلقها من شي

,

تقطع يدها بقزازه وبتنسى كل هالالم

,

ويقولون بعد ان لون ومنظر الدم حلو ع اليد

,

قلت انتي توك صغيره وجاهله هالشي مايجوز الواحد لاحس بضيقه يصلي ركعتين لربه ويلجأ لله وان شاء الله تزول كل ضيقته

,

قالت والله مو بس بنات فصلي حتا بنات الثنوي

,

والله هنا تعوذت من ابليس وعلمتها ان هالشي خطأ ومايجوز وهي بدورها اعتذرت ووعدتني مايتكرر منها هالشي

,

؛ /

انا الي قاهرني واتمنى اجد جواب له

,

وشلون الي اكبر منها والي واصلين لمرحلة الثنوي وينعدون حريم يسوون هالحركات

,

وشلون هالبدع بدت تدخل لمجتمعنا ,,

هل هو ضعف بالايمان

,

او خلل فالتربيه

,

او ان الاهل ينشغلون عن البنت واذا ضاق صدرها ماتدري وين تفرز هالضيقه فتلجأ لهالبدع

,

اتمنى ان اجد منكم تفاعل وطرح رايكم بهالموضوع

,

تقبلو خالص ودي وتحياتي

,

(ورده)

صدى الامس · #2 21/04/2009, 10:52 AM

وعليكم السلام ورحمة الله وبركاته ..

هلا والله ‏Mr.RęLǻҗ ..

التربية هي السبب .. لما الاهل ينشغلون عن تربية عيالهم وتعليمهم الصح والخطأ ..
وقتها يبي يتعلم من الغير سواء من المدرسة او الجيران او التلفزيون ..
لما الاهل ينشغلون عن اطفالهم ويتركونهم للخادمات .. مهما كان الخادمة مهيب مربية عيالك ..
تبي تخدمهم وتأكلهم وتنظفهم لا اكثر ولا اقل .. هنا يبقى التربية على الاهل ..

لما الطفل يتعلم شي بالمدرسة وهو بالاساس اهله ما علموه الصح من الخطأ .. يبي يتقين انه صح ..
بحكم تأثره باللي حوله ومن سنة برضوه .. او ممن هو اكبر منه ..
لكن لما يكون فيه انتباه من الاهل لكل صغيرة وكبيرة .. اي شي يتعلمه من الخارج يبي يعرف من الاساس انه خطأ ..
لانه بيكون متعلم من قبل ان هالشي خطأ .. او انه يبي يلجأ لسؤال الوادين عنه وهل هو صحيح والا خطأ ؟؟!

الوقت الحالي كثير انشغل عن تربية عياله ومع الانفتاح على القنوات والانترنت بدون حسيب ورقيب ..
نبي نشوف الكثير من الاخطاء سواء تتعلق بالدين او بالدنيا ..

معروف ان الطفل تقدر توجهه انت للطريق اللي تبيه .. لانه للحين ما عنده القدرة على اتخاذ القرار الصحيح ..
بالتالي هو يبحث عن من يوجهه ويعلمه .. واذا ما لقى هالشي من الوالدين يبي يبحث عن مصدر ثاني ..
يالمدرسة يالجيران يالتلفزيون .. بالتالي هنا مافيه احد يقدر يصفي له الزين من الشين وتبي تختلط عليه الامور ..
وبيشوف كل شي صح لان مافيه احد قاله انه خطأ ..!

القيصر رهيب · #3 21/04/2009, 10:56 AM

والله موضوعكـ لازم يصير فيه الكثيـــــــــــــــــــــــــــــــــر
من الكلام لأنها مو مشكلة عادية بل مشكلة مجتمع كامل عشان
تحلها لازم تبحث عن أسبابها أول شيء و بعدين تبدأ في إختيار
طريقة حل المشكلة يعني بالتأكيد الموضوع ماهو سهل وخذني جيتكـ

أرى إن المشكلة هذي تقع على عاتق المدرسة والاهل
بالمناصفة وين دور الارشاد الديني بالمدرسة أو وين مدرسة الدين
مو المدرسة تقابل الطالبة 7 أو 8 ساعات باليوم معقولة هالوقت
ما يكفي عشان تعرف تفكير الطالبات وتوجهاتهم وتصحح لهم أخطائهم ؟
لكن نجد إن بعض من مدرسات الدين لا يعرفون من الدين إلا أسمه
ووجدوه بابا مفتوحا لكسب الرزق دون إخلاص في العمل

الوجه الثاني اللي تتحمله الأسرة وين كانت الام لما البنت كسرت القزازهـ و
جرحت نفسها بعدين هل يعقل إن البنت تجرح نفسها أمس و تقوم
وتروح المدرسة وترجع و إلى الان الاهل ما دروا عن بنتهم ..؟
بعدين وش المشاكل و الهموم اللي ممكن تعصف ببنت صغيرهـ
وتخليها تبحث عن أي مجال لنفض همومها ؟ أعتقد بعد الاهل
عن بنتهم سبب رئيس في انتشار هذه الظاهرهـ لو الام كانت قريبة
من بنتها توجهها وتعلمها ما راح يكون لطفلة صغيره هموم تجبرها
على جرح نفسها والكلام دهـ

هذه في نظري الاسباب و هي ليست بالضرورة أن تكون صحيحه
و الحلول تلقونها عند أهل العقول السليمه

موضوع اجتماعي راقي مستر ريلاكس وإثبات وجود مبكر لك في المجلس

وبس

marsal · #4 21/04/2009, 10:57 AM

اذا البيت اشغل نفسه بالتفاهات والامور الثانويه ونسى الاهم راح تشوف كذا و اكبر..

الاهل بالبيت نائمين ويمكن نائمين بقصد بزعمهم ان هذه الفتره فترة مراهقه ويجوز فيها كل شي..

البعض لا يربي ابناه على الدين مخافة ان يكونوا معزولين بالمجتمع...

اذا القلب لم يشتغل بالدين فتاكد انه سوف يشغلك بالدنيا وامورها..

شكرا لك ومانقول الا ربنا يستر علينا ويهدي الجميع

بريماكس · #5 21/04/2009, 11:09 AM

لاشك انشغال الاهل عن الابناء وعن تربيتهم لها دور كبير في ظهور مثل هذه الافعال وغيره

شكراً لك .

وليد القحطاني · #6 21/04/2009, 11:20 AM

ياهلا والله يافهد

أخيراً شفنا لك موضوع

راح اتكلم بوجه عام خاصة اولاد وبنات

والله شوف اللوم على الأهل الأولاً
وثانياً المدرسة !
يمكن الطفل ما يعطي وياخذ مع الأهل , يمكن يعطي مع مدرسه
فالمدرسين كل يوم في وجه الطالب ولاشفنا منهم نصايح ولا شئ
يدخل المدرس ويشرح ويطلع , والمدير جالس في مكتبه والوكيل نفس الشئ بعد !
الله يستر بس من التفاهات الجاية

فهد موضوع مميز والله يحييك بينا

فمان الله

‏Mr.RęLǻҗ · #7 21/04/2009, 12:03 PM

.

.

إقتباس


	هلا والله ‏Mr.RęLǻҗ ..

هلابك يالغلا

,

؛ /

إقتباس


	التربية هي السبب .. لما الاهل ينشغلون عن تربية عيالهم وتعليمهم الصح والخطأ .. وقتها يبي يتعلم من الغير سواء من المدرسة او الجيران او التلفزيون .. لما الاهل ينشغلون عن اطفالهم ويتركونهم للخادمات .. مهما كان الخادمة مهيب مربية عيالك .. تبي تخدمهم وتأكلهم وتنظفهم لا اكثر ولا اقل .. هنا يبقى التربية على الاهل ..

صادق وانا اخوك احياناً الاهل ينشغلون بشغلات ثانويه والاهم ينسونه الا وهو تربية عيالهم وبناتهم ويتركون هالمهمه للخادمات

,

؛ )

إقتباس


	لما الطفل يتعلم شي بالمدرسة وهو بالاساس اهله ما علموه الصح من الخطأ .. يبي يتقين انه صح .. بحكم تأثره باللي حوله ومن سنة برضوه .. او ممن هو اكبر منه .. لكن لما يكون فيه انتباه من الاهل لكل صغيرة وكبيرة .. اي شي يتعلمه من الخارج يبي يعرف من الاساس انه خطأ .. لانه بيكون متعلم من قبل ان هالشي خطأ .. او انه يبي يلجأ لسؤال الوادين عنه وهل هو صحيح والا خطأ ؟؟!

صح الطفل لما يكونون اهله بالبيت ماعلموه هالشي صح ولاغلط بيتأثر بسرعه بالمحيط الي حوله وييقن انه هو الصحيح لان كل منهو حوله يطبقون هالشي .. فمن المستحيل انه يكون خطأ

,

: ]

إقتباس


	الوقت الحالي كثير انشغل عن تربية عياله ومع الانفتاح على القنوات والانترنت بدون حسيب ورقيب .. نبي نشوف الكثير من الاخطاء سواء تتعلق بالدين او بالدنيا .. معروف ان الطفل تقدر توجهه انت للطريق اللي تبيه .. لانه للحين ما عنده القدرة على اتخاذ القرار الصحيح .. بالتالي هو يبحث عن من يوجهه ويعلمه .. واذا ما لقى هالشي من الوالدين يبي يبحث عن مصدر ثاني .. يالمدرسة يالجيران يالتلفزيون .. بالتالي هنا مافيه احد يقدر يصفي له الزين من الشين وتبي تختلط عليه الامور .. وبيشوف كل شي صح لان مافيه احد قاله انه خطأ ..!

لازم الاب والام يضعون حدود لاستخدام كل شي كالانترنت والتلفزيون لانها غزو فكري واضح الطفل يستخدم هالشغلات وتوه عقله يكون للحين في مرحلة النضوج فيشبعونه بهالافكار والبدع المحرمه .. ومايلقا احد يبينله هل هاذا الشي صح ولاغلط

,

..

صدى الامس شرفني واسعدني مرورك

,

دوك ..

‏Mr.RęLǻҗ · #8 21/04/2009, 12:16 PM

.

.

القيصر

,

إقتباس


	والله موضوعكـ لازم يصير فيه الكثيـــــــــــــــــــــــــــــــــر من الكلام لأنها مو مشكلة عادية بل مشكلة مجتمع كامل عشان تحلها لازم تبحث عن أسبابها أول شيء و بعدين تبدأ في إختيار طريقة حل المشكلة يعني بالتأكيد الموضوع ماهو سهل وخذني جيتكـ

اخوي القيصر .. اضن اسبابها واضحه واهمها انشغال الاهل عن الولد والبنت وعن تربيتهم بحجة ان الوالد مشغول بتوفير لقمة العيش لهم والوالده كذلك

,

إقتباس


	أرى إن المشكلة هذي تقع على عاتق المدرسة والاهل بالمناصفة وين دور الارشاد الديني بالمدرسة أو وين مدرسة الدين مو المدرسة تقابل الطالبة 7 أو 8 ساعات باليوم معقولة هالوقت ما يكفي عشان تعرف تفكير الطالبات وتوجهاتهم وتصحح لهم أخطائهم ؟ لكن نجد إن بعض من مدرسات الدين لا يعرفون من الدين إلا أسمه ووجدوه بابا مفتوحا لكسب الرزق دون إخلاص في العمل

معك حق بكل كلمه قلتها وانا اخوك .. بعض المدرسات الماده عندهم طغت على الذمه ,, الله يبيحنا بس

,

إقتباس


	الوجه الثاني اللي تتحمله الأسرة وين كانت الام لما البنت كسرت القزازهـ و جرحت نفسها بعدين هل يعقل إن البنت تجرح نفسها أمس و تقوم وتروح المدرسة وترجع و إلى الان الاهل ما دروا عن بنتهم ..؟ بعدين وش المشاكل و الهموم اللي ممكن تعصف ببنت صغيرهـ وتخليها تبحث عن أي مجال لنفض همومها ؟ أعتقد بعد الاهل عن بنتهم سبب رئيس في انتشار هذه الظاهرهـ لو الام كانت قريبة من بنتها توجهها وتعلمها ما راح يكون لطفلة صغيره هموم تجبرها على جرح نفسها والكلام دهـ

هاذا هو السؤال وانا اخوك وين الاهل ؟

يعني اذا هالشي عدا على الي فالمدرسه مو معقوله يعدي على والدة البنت الي جالسه معها طول اليوم تاكل معها وعايشه معها

,

المفروض الوالده تكون المرجع الوحيد لبنتها بحكم انشغال الاب .. اذا ضاق صدرها يكون حضن والدتها اول مقر ومستقر لها تقول كل الي فقلبها والوالده بدورها توجهه للصح وتبعدها عن الخطأ

,

الله يستر علينا وعلى بنات المسلمين وانا اخوك

,

إقتباس


	هذه في نظري الاسباب و هي ليست بالضرورة أن تكون صحيحه و الحلول تلقونها عند أهل العقول السليمه موضوع اجتماعي راقي مستر ريلاكس وإثبات وجود مبكر لك في المجلس وبس

مشكور على تشريفك وابداء رأيك واطرائك

,

(ورده)

‏Mr.RęLǻҗ · #9 21/04/2009, 12:23 PM

.

.

مرسال

,

إقتباس


	اذا البيت اشغل نفسه بالتفاهات والامور الثانويه ونسى الاهم راح تشوف كذا و اكبر.. الاهل بالبيت نائمين ويمكن نائمين بقصد بزعمهم ان هذه الفتره فترة مراهقه ويجوز فيها كل شي..

هذا اكبر خطأ سكوت الاهل بحجة انها فترتة مراهقه .. وهذا الشي مايجوز لو يحصل للبنت او الولد شي الذنب كله على الاهل

,

إقتباس


	البعض لا يربي ابناه على الدين مخافة ان يكونوا معزولين بالمجتمع... اذا القلب لم يشتغل بالدين فتاكد انه سوف يشغلك بالدنيا وامورها..

صحيح بعض الاهل يخاف يضغط على ابنه بالدين من صغره فينقلب هذا الضغط لكره للدين

,

الاهل لازم يكون عندهم مساواه وان مو لازم يعلمون ابنائهم كل شي بهالمرحله

,

كل شي يجي بالتدريج

إقتباس


	شكرا لك ومانقول الا ربنا يستر علينا ويهدي الجميع

امين يارب العالمين

,

مرسال اشكرك على طلتك وابداء وجهة نظرك

دوك ..

‏Mr.RęLǻҗ · #10 21/04/2009, 12:27 PM

.

.

بريماكس

,

إقتباس


	لاشك انشغال الاهل عن الابناء وعن تربيتهم لها دور كبير في ظهور مثل هذه الافعال وغيره

معك حق الاهل بهالزمن يحسبون الشغل الشالغ للابناء المال بس .. مايدرون ان في شغلات اهم بكثير

,

بريماكس مرورك ورأيك شرف كبير لي

,

هاج ..

‏Mr.RęLǻҗ · #11 21/04/2009, 12:32 PM

.

.

وليد

,

إقتباس


	ياهلا والله يافهد أخيراً شفنا لك موضوع

هلابك يالغلا .. شوفتك تسوا كثير يابعدي

,

إقتباس


	راح اتكلم بوجه عام خاصة اولاد وبنات والله شوف اللوم على الأهل الأولاً وثانياً المدرسة ! يمكن الطفل ما يعطي وياخذ مع الأهل , يمكن يعطي مع مدرسه فالمدرسين كل يوم في وجه الطالب ولاشفنا منهم نصايح ولا شئ يدخل المدرس ويشرح ويطلع , والمدير جالس في مكتبه والوكيل نفس الشئ بعد ! الله يستر بس من التفاهات الجاية

بعض الاهل سارت معاملتهم مع ابنائهم مجرد اسم بس لايوجد اي خوف وسؤال عن همومهم .. !

بعض الناس الله لايبلانا بدون ذمم واانا اخوك شغلهم الشاغل الراتب اخر الشهر

,

إقتباس


	فهد موضوع مميز والله يحييك بينا فمان الله

الله يسلمك ويبقيك واانا اخوك

,

شرفني واسعدني مرورك وابداء رأيك

(ورده)

Abo0odi · #12 21/04/2009, 01:08 PM

آولاً آحب آشكرك يآ فهد علىآ الطرح المميز
وثآنياً : آنت قريب من بنت خآلك
حآول بطريقتك آنك تحسسهآ آنهآ مخطيه
وآن الشيء ذآ مآ يصلح ودينّآ لم يحث علىآ هذآ ..

..

الهلالي دائماً · #13 21/04/2009, 01:25 PM

هلا وغلا اخوي ‏Mr.RęLǻҗ

بصراحة الواحد صار يخاف على الجيل الجديد ...

لانه يتأثر بالاعلام والالعاب والخطيرة اللي تغذيهم بعادات وامور غريبة !!

الله يستر علينا ويكفينا شر كل ذي شر ...

شكرا لك فهد والله يعطيك العافية ,,,

‏Mr.RęLǻҗ · #14 21/04/2009, 01:40 PM

.

.

عبود

,

إقتباس


	آولاً آحب آشكرك يآ فهد علىآ الطرح المميز

العفو يالغلا

,

إقتباس


	وثآنياً : آنت قريب من بنت خآلك حآول بطريقتك آنك تحسسهآ آنهآ مخطيه وآن الشيء ذآ مآ يصلح ودينّآ لم يحث علىآ هذآ ..

هي حست بخطاها واعتذرت ومااراح يتكرر منها هالشي بعدين هي توها صغيره وجاهله البلا من الي اكبر منها

,

؛ /

شرفني مرورك عبود

دوك ..

‏Mr.RęLǻҗ · #15 21/04/2009, 01:46 PM

.

.

ماجد مقبل

,

إقتباس


	هلا وغلا اخوي ‏Mr.RęLǻҗ

هلابك زود يابعدي

,

إقتباس


	بصراحة الواحد صار يخاف على الجيل الجديد ... لانه يتأثر بالاعلام والالعاب والخطيرة اللي تغذيهم بعادات وامور غريبة !! الله يستر علينا ويكفينا شر كل ذي شر ...

صادق الجيل الجديد صارو ينتظرون اي شي يوصلهم من الاعلام عن طريق التلفزيون او الانترنت ويستقبلونه ويطبقونه بسرعه

,

امين يارب العالمين

,

إقتباس


	شكرا لك فهد والله يعطيك العافية ,,,

الله يعافيك يالغلا شرفني مرورك وطلتك

,

(ورده)