<< الموضوع فيساته من الي على جنب الباقي اذا طلعتها علق الجهاز وجته *نفاظه مرتين عشان كذا فيساتي محدوده
السلام عليكم ورحمة الله وبركاته
اخواني الي بيعرسون والي في نيتهم بيعرسون بس الظروف اقوى والي بيعرسون والظروف معهم بس مالله كتب
واخواتي الي تزوجو والي مرو بنص تجربة زواجه والي مابعد شمو ريحة خطبه
تعالو هنا عارفه هالمواضيع تعجبكم << طالعه منها
طبعن تعرفون الولد عايش حياته من يومه طفل لين يوصل لحدود العشرين وهو مايفكر بيوم يلبس فيه ثوب ابيض *يلق ولا دعاية تايد مع بشت اسود وشماغ والترسيم شي ووجهه توه متشرب درج كريمات التركي يحيى كله << رحت ملح
واتوقع انه مايفكر انه يتزوج يعني بس تفكير لاحظو الا بعد العشرين
بعكسنا احنى البنات
يعني الغالبيه من جنسنا الرقيق وهـ بس اذكر من يومي *بصوه وانا اذا جاء مسلسل فيه زفه وعرس استحيت ابي اعرف وش دخلني مدري الله لا يبلانا صدق الحياء بلوه
واغلب البنات بعد << مو كلهم تاكلوني الحين لما تشوف عروسه بزفتها تتخيل نفسها مكانها وفي يوم زواجها يومها هي بس هي العروسه يعني مافيه عروستين بس هي العروسه لحالها
وطلي بالابيض طلي << عشت جوي
<<< آآهـ امنيتي طلتي تصير بستايل بسيييييييييط بعيد عن بهرجتنا وحوستنا الي لو مانسويها مايعتبرونها عروس
نرجع لموضوعنا
احس اني طولت !
المهم ان قبل هذا كله اول شي بعد مايقرر الشاب المصون الزواج يبدا ينشر اخواته في ارض الله الواسعه ويبدون يشغلون راداراتهم في كل مكان بلا استثناء
هذا اذا كان الولد مافيه وحده بباله
وبعدها يجي الشي الي بيكون موضوعنا
الشوفه الشرعيه
بعد مايختارون وحده عاجبتهم ويكلمون اهلها وتقريبن تصير الموافقه 80% تجي الشوفه الي تحدد الموافقه الاكيد او لا
الشوفه ماجت كذا عباطه او قل سنع واكيد ما فضلها الرسول الا لخير فيها واحرى بانهم يتوافقون
وهذي ادلة جواز النظر الى المخطوبه :
عن المغيرة بن شعبة أنَّه خطب امرأة، فقال النبي صلى الله عليه وسلم :" انظر إليها فإنه أحرى أن يؤدم بينكما " رواه الخمسة إلا أبا داود ؛ وعن أبى هريرة قال " خطب رجل امرأة فقال النبي صلى الله عليه وسلمانظر إليها فإنَّ في أعين الأنصار شيئا ) رواه أحمد والنسائى.
وعن جابر قال: سمعت النبي صلى الله عليه وسلم يقول: (إذاخطب أحدكم المرأة فقدر أن يرى منها بعض ما يدعوه إلى نكاحها فليفعل) رواه أحمد وأبو داود . وعن موسى بن عبد الله عن أبى حميد أو حميدة قال : قال رسول الله صلى الله عليه وسلم :إذا خطب أحدكم امرأة فلا جناح عليه أنينظر منها إذا كان إنما ينظر إليها لخطبة وإن كانت لا تعلم ) رواه أحمد.
وعن محمد بن سلمة قال: سمعت رسول الله صلى الله عليه وسلم يقول : (إذا ألقى الله عز وجل في قلب امرىء خطبة امرأة فلا بأس أن ينظر إليها ) رواه أحمد وابن ماجه .
وهذه الأحاديث كلها رواها الإمام الشوكاني، وقد قال بعد ما بين صحة سندها وذكر أحاديث أخرى في هذا الباب وأحاديث الباب: فيها دليل على أنه لا بأس بنظر الرجل إلى المرأة التي يريد أن يتزوج بها، والأمر المذكور في حديث أبى هريرة وحديث المغيرة وحديث جابر للإباحة بقرينة قوله في حديث أبى حميد( فلا جناح عليه) وفى حديث محمد بن سلمة(فلا بأس) وإلى ذلك ذهب جمهور العلماء.
ومن يحددون موعد الشوفه وتشوف البنت * تدّهر في نفسها زياده على دهرتها قبل
على هالطاري قبل اسبوع كلمتني بنت خالتو وقالت انها انخطبت ومدري ايش عاد هي يا عمري عليها ماتعرف لعاداتنا زين وكذا لانها تربية برا
المهم انها كلمتني الساعه خمسه العصر تقول بعد المغرب شوفتي ويييين انا جتني ام الركب شلون هي قلتلها وش تسوين الحين قالت جالسه وقسم لحظتها بغيت * اكرفنها خير يا عمتي اقولها تحممتي تقول لا لازم ! جايه بوصخ الجامعه يا انسه
المهم يالله عطيتها محاضره وتحركت شوي بس اهلها ليش ماقالو لها الا في نفس اليوم قال ايش قال عشان ما تتضايق
نرجع لحديثنا
في الشوفه ترتب البنت المجلس بنفسها يعني تراني سنعه وبتزوج
ويكتمون المجلس والبيت كله بالبخور الزين
والبنت ما تتعطر طبعن عشان كذا يعوضون بالبخور تقول مشهد ساحر في مسلسل
ويجي الولد طال عمره طاق الزين وعلى سنقت عشره
وتجي الانسه بالعصير
وتقدمه له وتتكرفس وتطيح ويبين الخافي والمختفي وبعدها يتزوجها بس عشان يبلشها بالطيحه وانتي ماتزوجتك الا عشانك طحتي
اقول بلا حركات افلام مصاريه ماعد فيه عصير الحين زين تدخل البنت برجلينها تبونها تدخل بعصير
اممممم خلصت الي عندي ..
جاء دوركم الحين يا اخواني واخواتي ..
قد مريتو بتجربة شوفه شرعيه او لا شرعيه
كيف كانت تجربتكم !
وش سويت ذاك اليوم وانتي يا بنوته وش سويتي وايش لبستي
<< وهقتنا باللبس مو كل شي ينفع
واذا عندكم شي بتتكلمون عنه المجال مفتوح لكم تنورونا
<< هذا الموضوع بمناسبة موسم الخطب والملكات ان شاء الله ينفعكم
وان شاء الله ما اكون طولت عليكم << هذا الي خايفه منه تراني الحين مقتصده بالكلام ولا فيه ببالي اشياء اكثر
* نفاظه = يعني صار يسكر ويولع كانه ينتفظ يعني يهتز * يلق = يلمع اي يبرق كالنجم * بصوه = صغيره جدا * تدهر = تشتغل بذمه وضمير وحماس * اكرفنها = اضربها
أموووت وأعرف ليش اقبالة كل إجازة تجي هالمواضيع وتكثر هالسواليف
ماأقول إلا الله يزوّج كل عازب وعازبة
,, أما من مواقف الشوفة ,, * صديق عزيز يقول أخواتي أربع ماقد أحرجناهن بمقابل الزوج وجيب العصر أو الماء أو غيره ,, ولكن أنادي الخاطب وأجلس أنا وإياه بالمجلس ولا أحد يدري , وأكون جايب أغراض للبيت وأنادي على المخطوبة تنزل الأغراض من السيارة اللي موقفه بالحوش , والرجال يطل ويتمقّل مع نافذة المجلس دون تدري البنت ودون تصنع وتزيّن وتنحرج , أو ينكسر خاطره إذا رفضت ,, يقول : يحصل في المواقف أشياء تدعو للضحكـ كـ أن تأتي المخطوبة بالعربية لتحميل الأغراض فتجلس تفحط وتقحص في رواحها وإيابها , والمشفوح مطيّر عيونه ويضحكـ ,,
أموووت وأعرف ليش اقبالة كل إجازة تجي هالمواضيع وتكثر هالسواليف
ماأقول إلا الله يزوّج كل عازب وعازبة
,, أما من مواقف الشوفة ,, * صديق عزيز يقول أخواتي أربع ماقد أحرجناهن بمقابل الزوج وجيب العصر أو الماء أو غيره ,, ولكن أنادي الخاطب وأجلس أنا وإياه بالمجلس ولا أحد يدري , وأكون جايب أغراض للبيت وأنادي على المخطوبة تنزل الأغراض من السيارة اللي موقفه بالحوش , والرجال يطل ويتمقّل مع نافذة المجلس دون تدري البنت ودون تصنع وتزيّن وتنحرج , أو ينكسر خاطره إذا رفضت ,, يقول : يحصل في المواقف أشياء تدعو للضحكـ كـ أن تأتي المخطوبة بالعربية لتحميل الأغراض فتجلس تفحط وتقحص في رواحها وإيابها , والمشفوح مطيّر عيونه ويضحكـ ,,
تبي تعرف ليش
لان الصيف موسم زواج فالخطبه تجي غالباً قبل الزواج بشهرين ثلاثه اربعه ..
عرفت ليش الحين
امين يا رب من بوءك لباب السماء
اما صديقك هذا
طيب البنت بعد لازم تشوفه ..!
حلو انه يشوفها بدون ماتدري عشان لو رفض ماتتضايق البنت بس لو وافق تصير شوفه ثانيه للبنت
معك حق..بهالوقت تكثر الخطب(جمع خطبه)..من عيد الحج تبدا فترة البحث وبعدين تاتي الخطبه هالايام..خصوصا مع اجازة ابو اسبوع..
مع ذلك كثرت الزواجات بهالاسبوع..اللي اعرفه للحين..فيه حوالي 3 زواجات من معارفنا..
واحد من اخوياء اخوي يقووول لشلته لما جا يعزمهم وهم متجمعين بشقة الاونس يالربع زواجي يوم 5/5 اللي يبي يشترك يحط قطته الله لا يهينه.. هالولد فيه رجه مو صاحيه..بعد ما خفوا الشله وبقي اللي يمون عليهم قال:والله يا عيال شكلي تحسفت..شكل البنت مو ذاك الزود.. وش عقبه يالدلخ..ما بقي شيء ع الزواج..
بالنسبه للشوفه الشرعيه للحين ما حصلشي للافس.. اما الغير الشرعيه..ما يصحش عيب.. لا في سوق ولا في حوش..
معك حق..بهالوقت تكثر الخطب(جمع خطبه)..من عيد الحج تبدا فترة البحث وبعدين تاتي الخطبه هالايام..خصوصا مع اجازة ابو اسبوع..
مع ذلك كثرت الزواجات بهالاسبوع..اللي اعرفه للحين..فيه حوالي 3 زواجات من معارفنا..
واحد من اخوياء اخوي يقووول لشلته لما جا يعزمهم وهم متجمعين بشقة الاونس يالربع زواجي يوم 5/5 اللي يبي يشترك يحط قطته الله لا يهينه.. هالولد فيه رجه مو صاحيه..بعد ما خفوا الشله وبقي اللي يمون عليهم قال:والله يا عيال شكلي تحسفت..شكل البنت مو ذاك الزود.. وش عقبه يالدلخ..ما بقي شيء ع الزواج..
بالنسبه للشوفه الشرعيه للحين ما حصلشي للافس.. اما الغير الشرعيه..ما يصحش عيب.. لا في سوق ولا في حوش..
بنت عزوز..
تشكرات ع الموضوع الزريف..
سلااااااااااااااااااااااااااااااااااااااام
خخخخخخخخخخخخخخخخخخخخ
خويك ذا مو صاحي فلله يوسع الصدر
بس عاد ليش ماعجبته حرام عليه بالبنت
عشان كذا اطالب الجميع بضرورة الشوفه مو بعد مايتدبسون ببعض يطقونها حسوفه
انا قبل كم شهر بعد خطبة رفيق دربي جن جنوني .. ازعجت امي ابي اخطب .. فلان مو احسن مني .. طبعا امي الله يطول بعمرها ماصدقت خبر وكانت بتشقق من الوناسة .. ومن غير ما تعلمني كلمت ناس من قرايبنا .. يوم جيت البيت الا امي تبشرني تقول كلمت الناس وفاتحتهم بالموضوع .. يوم تغير وجهي .. حسيت ان الموضوع صار جد ومافي مزح .. استانست شوي .. ويوم فكرت بالموضوع عرفت ان الدعوة جد ومخاطرة .. قلت لامي طيب كان سالتيني قبل ما تكلميهم .. يمكن عندي راي ثاني .. انا اصلا كنت امزح ولا ابي اخطب ولا حتى جا الزواج ببالي .. قالت طيب كلمنا الناس قلت الى الان ما شفتها ولا صار شئ .. بس مجرد كلام .. وانسي الموضوع حتى اقول لك .. قالت اللي تشوفه بس ودي افرح فيك .... ومن هالموال اللي نسمعه دايم .. لاني يوم فكرت بالموضوع لقيت ان الزواج مو عرس وبيت وسفريات .. الزواج يعني انك تختار شخص يعيش معك بقية حياتك .. الزواج معناه فيه شخص بيشاركك كل تفاصيل حياتك من الالف الى الياء .. همومك , ومشاكلك , ودولاب ملابسك .. حتى سرير النوم يشاركك فيه .. والشخص هذ انت مو عارف اطباعه ولا جوه ولا تفكيره , ولا , ولا .... الخ والخوف انه ما يصير فيه اي توافق بين الطرفين وتنتهي الشراكة بالطلاق .. وقررت ان العزوبية ما في ازين منها .. وتونا بدري على الزواج ووجع الراس .. احس اني مسكت خط برى الموضوع .
الله يزوج كل عازب وعازبة .. يعطيك الف عافية بنت عبدالعزيز على الموضوع ,,
انا مره من المرات كان في واحد ياي يخطبني وكنت وايد وايد وايد خايفه لانه بيشوفني المهم وكنت لابسه وخالصه وكل شي ولما وصل امي قالت يالله يابنت بسرعه نزلي..................
ولما نزلت قعدت هو يسولف يبي يحاول يكسر الخوف والخجل وانا ماارد على شي الا ايه لا ايه لا
المهم ولا يقولي يافلانه انتي متعوده تلبسين ساعتين ؟؟؟؟؟؟؟؟؟؟؟؟؟؟؟
انزل راسي ولا انا من الخوف لابسه ساعه يمين وساعه يسار
هههههههههههههههه فشششششششششششششله وهو يضحك على شكلي بس بعدها حسيت مافي امل اتزوجه لانه بيمسك هالسالفه علي
وبس مشكووره حبيبتي على هيك موضوع وقولي امين عساني اشووفج عروس وبليله عرسك مع فارس الاحلام
يعطيك العافيه على هالموضوع ياحبي لهالمواضيع بالذات يفز قلبي يوم اسمع بطاري الخطوبه والزواج المهم .. موضوعك جاء في وقته انا اشغلت اهلي عالخطبه من سنتين تقريبا >> كذاب كلها سنه و شهرين يدورون لي فتاة الاحلام وهم اشغلوني بعد وهم يدورون تقول مافيه في الدنيا بنات نعنبو ابليسكم هذولي الي يحضرون معكم بالزواجات لا يكون رجال المهم بعد عناء طويل وعمليات بحث مكثفة مع الاستعانه بخبرة الاستخبارات الامريكيه تم الوصول الى الهدف بعد الخطبة والكلام الكثير .. طبعا انا شرطي النضره الشرعيه بس قبل النضره بكم يوم حصل عندي كارثه شيء لم يكن بالحسبان طلعت لي حبه في زغدي الايمن >> زغدي يعني خدي حبة تاريخيه المفروض تدخل في موسوعة جينيس للارقام القياسيه والله انتفخ وجهي الي يشوفني ما يصدق تقول متهاوش مع تايسن و معطيني بقس المهم رحت في الموعد انا واختي الكبيره دخلت سلمت على ابوها و اخوانها طبعا قابلتهم وتعرفت عليهم قبل كذا شوي الا ابوها طلع من المجلس و انا عرفت ان اللحظه اصبحت لناظري قريب جاء ناداني ونادى اخوها الكبير دخلت المجلس الثاني و توزيت في احسن مكان لالتقاط الزاويه المناسبه للنظر شوي يوم تدخل البنت عاد انا من غبائي اول شيء جت عيني عليه حذاتها حتى اذكر لونها و شكلها يعني اقدر اشتري زيها الحين جلست قدامي و انا انظر اليها بتمعن شوي يوم يكلمني اخوها >> طبعا لازم التفت له وارد على كلامه وانا ما ابغى شي يشغلني وقتها ابي اطالع وبس شوي يوم يدخل ابوها وانا انعفست و تلخبطت انحرجت نزلت عيني في الارض مدري غباء والا خجل والا مسوي مؤدب قال لها خلاص روحي يابنت احلى شيء صار يومها ان البنت عينها في الارض ماطالعت فيني ولا شافتني ابد >> كسرت عينها كان هم وانزاح لانها لو شافتني مارح تشوف الا الانتفاخ الي في وجهي انا فكرت قلت يمكن تعجبها الحبه هذي ويوم الزواج ماتلقاها و تهاوشني تقول طلعها وين وديتها هذا الي صار معي شطحه >> يوم طلعنا من عندهم كانت اختي متحمسه تسألني >> هاه وش رايك عجبتك البنت قلت لها ماشفتها استحيت