اليـوم شـلـت اسـطـوانـة الـغـاز وانـكـسـر ظـهـري .. فـزعتـكم تـكـفـون - نادي الهلال السعودي - شبكة الزعيم

Fahad Al Sudais · #1 16/04/2009, 07:46 PM

حيــــــــاكم

بسم الله علي مابي الا العافية

... ياحبّكم للشر

بس والله معاناة اللي ساكن في الدور الثاني

خصوصا في ثلاث مواقف صعبة :

اذا جاء يرقّي الغاز

اذا جاء يرقّي عبوة الماء الزرقاء ( المنهل )

اذا جاء ينزّل الزبالة ( تكرمون )

لكن اصعبها اكيد دبّة الغاز

تتعب وانت تنزّلها اذا فضت

وتكسر ظهرك وانت ترقّيها اذا غيّرتها وجبت مليانه

حرام والله هاللي يستاجرون الدور العلوي

محرومين من الحوش

والسطح غالبا يكون ساكن فيه مصري

ومعاناة تغيير الغاز

مالت عليكم يالعالم الثالث

في اوروبا... التسليك للغاز اجباري ومافيه مجال للمناقشة

مو حنا

اذا راح ابوالشباب يطلّع فسح بناء ماينشبون له الا عند حاجتين :

ياويلك تبني دور ثالث

وياويلك ماتستاجر حاوية مخلفات البناء من شركتين بالذات ( تقل مافيه غيرهن )

والله اعرف واحد ساكن فوق

كل ماخلص الغاز.. قعد له اسبوع يجيب اكل من المطاعم

متعيجز يشيل الدبّة ويغيّرها

صراحه ما الومه

انا لو احد من اهلي قال لي : هات لي معك كاس ماء اذا رقيت... أزمل واشيل هم

وشلون اجل دبّة غاز

وبعدين سألتكم بالله

كم واحد تعرفونه جاه الديسك في ظهره من شيل الغاز

والى متى وحنا نتعامل بهالدبّات الصغيرة ابو 15 ريال

متى نعطيها تقاعد ؟؟

متى شركة الغاز تتطوّر وتمدد مواصير بالاشتراك الشهري

قرفنا من هالدبّة الصغيرة ... او اللي اكبر منها حقّت مخابز التميس

او الكبيرة مره اللي اذا بغيتها لازم تتشحطط شهرين لييين تجيب موافقة

ويطلع معك واحد ويشيّك على الحوش ويقول لك لازم تبني جدار مترين في ثلاثة جنبها

.
.
.
.
.
.

ايكيا حلوه..... لكن

من فيكم مثلي اذا راح ايكيا يدوخ

تبتل تمشي وتمشي وتمشي... وتتبع الاسهم اللي بالارض

وتطلع روحك وانت ماوصلت لباب الخروج

هم بالقصد مصممين الصالة بهالشكل

بحيث انك ماتطلع الا وانت داخل جميع الاقسام ومشيّك على كل ابو البضاعة

لكن اللي يضحكني

ان هالعالم تروح وتلف وتدور وتلف وتدور وتلف وتدور

وبالاخير يتركون المفروشات وغرف النوم والدواليب والكنبات والاثاث

وكل واحد يشتري له كوب بريالين ويطلع

رومانسيات صخراويات

اتصل بها... واعدها.... قل لها ترى موعدنا الليله

وبعد ماتلبس ... وتكون بكامل اناقتك ... رح لها وانت مبتسم

اجلس انت واياها على طاوله وحده ... واشعل شمعتين

وامسك ايديها بكل شوق ... واسألها :

انتي متأكده من حبك لي

اذا قالت لك : اكييييييييييييييييييييييييييييييييييييد

قل لها : عطيني الف ريال سلف

ريكيلمي · #2 16/04/2009, 07:53 PM

العالم تطوروا يالصخرة وش اللي شهرين موافقة خلاص الحين اذا رحت لهم عطوك وصف شركة رح ركب من عندها

ترى موب راعيها مديرهم أبد

بالنسبة للعجز بدا يتقلص من الشعب السوداني و بدا فينا

برايفت : لا عاد عمرك تصير رومانسي ياخي

دوك >>----->

دقيق فاخر · #3 16/04/2009, 08:07 PM

هع هع هع ... يابن الحلال .. جب لك حطيبات .. مفرد حطب ..

وشعللها .. خخخخخخ .. اصرف لك من هالغاز ..

شكلك تدور على معزبة يالصخرة .. ترانا خطابين ..>>>ـخخخخخخـ ,,

ع العموووم نور موضوعي بمروري ..

دوكـ =======>

ما اقلد احد ..

عــــ الأزرق ــاشق · #4 16/04/2009, 08:12 PM

يوووووووووووووووه الله يهديك والله الأسطوانة مخلصة لها كم يوم وذكرتني أغيرها
الله من القهر

دمـوع · #5 16/04/2009, 08:15 PM

أحسن شيء يتعاقدوا مع بطل رفع أثقال .. و يعتبره تمرين له

وين حقوق الإنسان بس تحمي الظهر << بأشياء و أشياء تبو تحمو ظهوركم ها

وانا قاهرني سالفة الـ 15 ريال .. ببعض دول الخليج الماء و الكهرباء و الغاز كل شيء مجان .. و احنا هنا بعد الشركات الصناعية تحرق الغاز الفائض واحنا نشتريه بـ 15 !! المفروض بالمجان و لكل عمارة شخص مختص يسأل بين فترة و فترة ان كانوا محتاجين غاز << يحلم بعيد

المشكلة اذا طلع مع عيالة و ما رجعوا الا اولاده كلهم نايمين بالسيارة .. بهالحالة لازم يكون حنون ويحمل واحد واحد فيهم إلى سريرة ؟!

الصخرة

شكراً لك

عريب عبدالله · #6 16/04/2009, 08:16 PM

لأن مالي علاقة بالغاز وما أدري هل هو ثقيل أو خفيف بأتجاوز من معاناة الغاز لمعاناة الدرج

مشوار أنك تعيش في الدور الثاني الأفضل يحطون درج كهربائية مشوار نرقى

إيكيا عندهم أثاث معقول وبسعر معقول حلوة التحف وطريقة التنسيق تعطيك أفكار

وحلوة كماليات الغرفة تاخذها من عندهم وأسعارها معقولة وحتى المواعين قدور ملاعق سفرة

يعني اللي يروح لها لازم ما يطلع الا ودافع مبلغ وقدرة على شوية كماليات

بس تستاهل

وأجمل مافي إيكيا أنها سويديه وويلي سويدي

<<شف التفكير بس

الصخرة نصيحة لاعمرك تفكر بالرومنسية

بالحب والإشراق

" أَبُو لارا " · #7 16/04/2009, 08:19 PM

,,
,,
هذه آخرتها يا فهد
أحسبك رجل قوي البنية ..عصبي ..يعني أفغاني

>> طلعت نعومي

الغاز يشيله بزرعندنا وأنت الله يخلف عجزان أنك تشيله>> يكذب بقوة عاد بزر مرة وحدة

الله يا حسن الخاتمة

لآتزعل أمزح معاك يا الغالي

تبي الصراحة أنا أعجزت أعجز أشيل الغاز مثلك
بس ما أقول يارب تهدي شركة الغاز والتصنيع إالى جادة الصواب

وتشوف حل لهذه الأمور

أم سالفة رومانسيات صخراوية تكفى طلبتك لآتكتب مرة ثانية أحسنها علطة عليك
لآ عاد تعود لها سمعت

والله لو تقولها أنك ما تشوف رقعة وجهها مرة ثانية

بس ما أقول إلآ الله يحفظ بناتنا من كل مكروهـ

لآهنت يا أغلى عضو على التطليعات الجميلة

abo.a7mad · #8 16/04/2009, 08:24 PM

أقول أنا ناسي شي اسمه أسطوانة غاز من كم سنة

ياشينك ياخي ذكرتني اياها

قسم بالله معاناة أول , كل ما قضا الغاز تعال أسمع الصرقعة في المطبخ لا جو

يغيرون اللي قضا ويركبون المليان

وبعدين اذا خذوا آخر واحد يله تعال حمل الإسطوانات في الدقس

بس الحمدلله تركنا ذا الشغلات القديمة وجبنا لنا خزان غاز والشركة هم اللي يجون يعبونه

بس ياخي كل شي يهون الا شيلة الغاز تقطع القلب , والا كان تدحرجة على البلاط

بس بتسمع صوت الرعد يدوي في أرجاء البيت

أقول شكلي فليتها واجد الظاهر

وهـ بس يازين رومنسياتك <<

شكرا صخرتي

n_e_s_t_a · #9 16/04/2009, 08:29 PM

والله انا سـاكن فـي بـيت لـكن اذا خلـصت الدبه اشـغل على الـكهرب الـين يـجي وقت فاضي واعـطيها السواق يعبي

صـحيح ان مافيها تـعب بـس انتـم تـكبرون المواضيـع زياده عن اللزوم

ابو طـــــلال · #10 16/04/2009, 08:34 PM

أووط الريال يامال الهشلة ... إدعس على الدراهم يامال الغنيمة ...

خل احد يشيل عنك وصكة بريالين .. والمويه توصيل من البقالة وعطة خمسة ريال ... لكن وش تسوي ياقعيطي ...

صاك على هالدراهم .. وتتوجع .. آه ياظهري .. وآه ياكتوفي ...

لاجاك دسك بالظهر لاسمح الله تبي تدفع ألوفات ع لشان الإشاعة والمراجعات والأدوية ..

طلع دراهمك .. طلع اللى تحت البلك .. يكفي كنز

تحياتي لك ياخلفهم ... دوك >>

>> ماله داخل

كلنا هلاليين · #11 16/04/2009, 08:34 PM

انا الحمداللة ما شلت اسطوانة غاز الا مرتين بحياتي كلها ...

بس الرمنسيات

... ( تسمع برمنسية

)

Fahad Al Sudais · #12 16/04/2009, 08:48 PM

إقتباس

الرسالة الأصلية كتبت بواسطة ريكيلمي


	العالم تطوروا يالصخرة وش اللي شهرين موافقة خلاص الحين اذا رحت لهم عطوك وصف شركة رح ركب من عندها ترى موب راعيها مديرهم أبد بالنسبة للعجز بدا يتقلص من الشعب السوداني و بدا فينا برايفت : لا عاد عمرك تصير رومانسي ياخي دوك >>----->

مديركم ذا اكبر نصاب وانا شايفه يعبي الاسطوانات هواء

وبالنسبة للبرايفت..

مانيب راد عليك علشان خاطر القطو اللي بتوقيعك

دوك -->

Fahad Al Sudais · #13 16/04/2009, 08:54 PM

إقتباس

الرسالة الأصلية كتبت بواسطة دقيق فاخر


	هع هع هع ... يابن الحلال .. جب لك حطيبات .. مفرد حطب .. وشعللها .. خخخخخخ .. اصرف لك من هالغاز .. شكلك تدور على معزبة يالصخرة .. ترانا خطابين ..>>>ـخخخخخخـ ,, ع العموووم نور موضوعي بمروري .. دوكـ =======> ما اقلد احد ..

اصصصصصصصصصص لا يسمعك ابوطلال ويدرعم لسوق الحطب

ترى شحنة الحطب اغلى من عقد الالماس

ويحط لك كم ربطة سمر فوق.... واللي تحت كله ( كيـن )

دوك -->

عاشق الموهوب 10 · #14 16/04/2009, 09:08 PM

بس صراحه من ناحية النوم والراحه الدور الثاني أفضل ..

اما الأسطوانه ياخي لا خلصت نزلها أنت لأنها خفيفه ..

أما لا عبيتها أقرب بنقالي ألي يغسل السيارات وقله يطلعها وعطه المقسوم

..

ذكرتني بسواق باكستاني كان عندنا ما شاء الله عليه يشيل اسطوانتين مليانه كل وحده بيد

..

واحنا جك مويه 2 لتر عجازانين نشيله .!

الصخــره

..

بندر الهلباني · #15 16/04/2009, 09:10 PM

طيب وش تقووول في اللي كان ساكن بالملحق .
طبعا حنا كنا ساكنين بملحق .. حسيت وربي معاناه جراكل مويا
اسطوانه .. بس كانت ايام الاسطوانه الكبيرة ام 35 ريال غير انا واخوي
نشيلها .. ونعمل الف حساب لليوم اللي تخلص فيه .
بس اشواء كانت مرة في الشهر يعني مو دايم
بس الحمد لله اللحين صرنا ساكنين بدور ارضي وافتكينا من هاالتعب

بس انا مستغرب من هالافغانيه اللي بمحلات الدقيق
الواحد يشيل لك شوال كامل من الدقيق .. ويمكن وزن هالشوال يساوي وزن الاسطوانه واكثر
ويشيلها بشكل يومي .. ولاتلقى فيه التذمر

ماودي اقول غير انو احنا شعب سعودي نحب الكسل .. ومانحب انو نعتمد على انفسنا حتى لو في اتفه الحاجات

حتى لو خرب موجة الدش الا ركضنا ورحنا لبو هنوده عشان نصلحه لنا
وبعدين انا من رايي انو لازم تتعود على شيل الاسطوانات يمكن يصير عندك عضلات مثل هالمصارعين

وش هالرومنسيات

انت تتغزل ببنت ولا صرافه