اهم المشاهير اللي قابلتهم في حياتك..... - نادي الهلال السعودي - شبكة الزعيم

crash991 · #1 09/03/2009, 09:37 AM

:
:

أهلين ،صباح/مساء الخير للجميع ..
مم شسمه طرت على بالي فكره أو الصدق أني تذكرت فكره ( أمانه فكريه )
وهي ( من أهم الشخصيات الشهيره اللي قابلتها ؟!! )

الفكره واضحه نبي كل واحد منكم يقول لنا :
* أهم المشاهير اللي قابلهم في حياته : أدباء / ممثلين / أمراء / ملوك / رياضيين / شيوخ !
*و أهم المشاهير اللي ودّه يقابلهم أو يجلس معاهم ؟!!

الموضوع مايحتاج لـ توضيح واضح . بس تفاعلكم

إليكم المايك,,,

Sami Cena · #2 09/03/2009, 10:33 AM

قابلت ناصر هندي البوفيه

يقول انه كان يسوي للممثلين الهنود بيض وطماط

صحيح انه مهايطي بشكل

~

ماعندي شيء بس حبيت اشارك بموضوعك .. لعانه بس

ربي يعافيك

الـوفـا ديـــن · #3 09/03/2009, 10:38 AM

طبعاً ما قد قابلت شخصية مشهوره

لكن الشخصية اللي فعلاً تبهرني شخصية الرسول عليه الصلاة و السلام

اللهم أجمعني فيه في الفردوس الأعلى من الجنة و المسلمين و المسلمات أجمعين

أضف عليها شخصية موسى عليه السلام لأن اللي عمله قومه فيه شيء غير طبيعي أبداً

و كذلك أمنيتي أقابل رئيس النادي و أعتقد لو بشوفه بحب راسه

MaRoUaNe · #4 09/03/2009, 11:53 AM

من الجميل انك تقابل مشهور لكن اهم شي مايكون اي واحد من المشاهير

من المشائخ سلمان العودة

وعلي القرني

<< هؤلاء كانت أمنية ان اجلس معهم

والحمد لله جلست وفي بيوتهم

من الرياضيين ياسر القحطاني وأغلب لاعبين الهلال

إقتباس


	*و أهم المشاهير اللي ودّه يقابلهم أو يجلس معاهم ؟!!

الأديب ماجد مقبل

داايم هلاالي · #5 09/03/2009, 11:57 AM

قبل يومين كنت جالس مع لميـــس
عازمتنــي على العشــااء

محب الجنه الخرج · #6 09/03/2009, 12:08 PM

ههههههههههههههههههههههههههههههه

والله انا ياطويل العمر المشاهير اللي قابلتهم عادين جدا بس اهم شي انهم يطلعون بالتلفزيون

طبا قابلت تيسير الجاسم لاعب الاهلي بصالة بلياردوبالشرقية وهذا الكلام عقب كأس اسيا الاخير

وقابلت لاعب النصر عايلته المبارك هذا مقابله من اسبوعين تقريبا باحد المجمعات بالشرقية

اووه على فكرة وقابلت لاعبنا فهد المفرج عند احد الفنادق القريبة من مجمع الراشد قبل حوالي 3 سنوات بالخبر

مابعد أقابل مشاهير عليهم الكلام

____________________________________

واللي شفتهم وجها لوجه

الشيخ :محمد العريفي
الممثل:فايز المالكي
الممثل:فهد الحيان

مااذكر بعد الباقي

صدى الامس · #7 09/03/2009, 01:09 PM

* أهم المشاهير اللي قابلهم في حياته : أدباء / ممثلين / أمراء / ملوك / رياضيين / شيوخ !

alhawey

وليد القحطاني · #8 09/03/2009, 01:25 PM

هلا والله
موضوع حلو وخفيف
والله يالغالي انا قابلت الكثير والكثير

:-

أبو زقم

..الشيخ محمد المنجد ..الشيخ محمد العريفي .. وصليت ورى السديس قبل سنتين وراه بالظبط في صلاة الظهر في الحرم المكي الشريف

وقابلت من اللاعبين : ياسر القحطاني و الفريدي . وجميع لاعبين الهلال

وبعض من لاعبين الشباب

ومن الاعظاء : ماجد مقبل

.. والقيصر رهيب (خلاص امون عليه

)

واللي ودي اقابلهم والله :- الشيخ ابن جبرين الله يعطيه الصحة والعافية ..
وجميع أعظاء المجلس

..
وسكوفيلد , وبوروز

,, ومحمد عبده

من هنا إلى جيزان

...
في الاخير نسأل ان يجمعنا في جنته يارب

مشكور اخوي

LBa your heart · #9 09/03/2009, 01:46 PM

هلابك مدري كأن هالموضوع مار علي قبل كذا بس مافيه مشكلة لو شاركت

اللي قابلتهم من العلماء عبدالله المطلق قابلته مره وهو على بيوك مدري كابرس قديم مغبر وبدون مكيف وماشاء الله
متواضع الله يحفظه

.. ومن اللاعبين كل لاعبين الهلال عشان مايزعلون خخخخخخ

.. وقابلت محمد نور يوم كان
بمستشفى دلة مو حبن فيه بس ابي الاجر ومن الفنانيين محمد عبده قابلته بأحد الشقق بحينا (مدري وش جابه

) ومن ابتسامته لي كنه مسوي جريمه والله مايندرى عنك يابو عبده

لو اكمل اللي قابلتهم ماراح اخلص

الله يعطيك العافية

crash991 · #10 09/03/2009, 02:01 PM

يعطيكم العافيه على التفاعل
اما بالنسبه لي انا ماقبلت الا سامي

وبالغصب بعد

انتظرته عند باب الفندق واظن بعد كان ماخذ شور والجو برا برررررررد وقعدت اصور معه الظاهر من بكره جته انفلونزا حاده

crash991 · #11 09/03/2009, 02:02 PM

إقتباس

الرسالة الأصلية كتبت بواسطة وليد القحطاني


	في الاخير نسأل ان يجمعنا في جنته يارب

اللهم آمين
العفو يالغالي نورت الصفحه
,,,,,,,,,,,,,

K.s.A_6_6_6 · #12 09/03/2009, 02:16 PM

انا قابلت كل لاعبين الهلال قبل كم من سنة وقابلت الأمير بندر بن محمد

elclassico · #13 09/03/2009, 02:23 PM

اللي قابلتهم

رياضيين بالملعب ((لاعبين الهلال))

اللي اتمنى اقابله

كرستيانو رونالدو

متآبعه بصمت · #14 09/03/2009, 02:24 PM

فرمضان شفت الشيخ راشد الزهراني في ساحة الحرم بمكة
والممثل فهد الحيان بسيارته فالرياض
والوليد بن طلال مره كان عندنا فبيتنا
وصراحه عورني راسي أبي أتذكر بس دااايخه وتعبانه
وبعدين المفروض تسأل
من اللي تكرمت عليه وخليته يقابلك

سيد الملوك · #15 09/03/2009, 02:34 PM

اما بالنسبة لي أنا كثير مره

لاعبين الهلال كلهم ولاعبين الاندية الثانية بعد تقريبآ أغلب لاعبين الدوري > من كثر الحظور للهلال وللمنتخب

ولاعبين ثانين لاعبين مانشستر يونايتد .. كلهم

المشايخ الجبرين وأبو زقم

الأمراء : الامير سلمان بن عبدالعزيز والملك بس من بعيد

الممثلين : عبدالله السدحان والعيسى والكنهل وفهد الحيان وبعض نجوم طاش ماطاش ماعرف اساميهم والله

وأمنيتي أقابله شخصيآ وأسلم عليه الملك عبدالله ..’

وترا كل اللي فوق أو أغلبهم ماسلمت عليهم بس أشوفهم قدامي

يعطيك العافية كراش ع الموضوع الحلو ياحلو
وتقبل مروري