السلام عليكم ورحمة الله وبركاته

ما دعاني لكتابة الموضوع هو النظام الجديد للمخالفات وهو تطبيق الحد الأعلى للمخالفات

وليس الدبل كما فهمها البعض .....

فمثلا بالعطله الماضيه القريبه عزمت على السفر خارجيا فوجب علي تجديد الجواز ذهبت للمرور لتسديد المخالفات

فوجدت مخالفة سرعه 500 , ومخالفة سرعه 900 + سجن 3 ايام

بيني وبينكم شكيت بولد اختي هو دايم يأخذ سيارتي كلت اكيد انه مفحط وهروب ومساوي بلاوي متلتله ..

طبعا قلت للعسكري بالمرور وش سالفة مخالفة السجن هذي قالي هذي سرعه على طريق الشرقيه بشهر 10
حلو هذي انا اذكرها زيـــن انا اللي كنت اسوق الموتر والسرعه كانت 155 مسجله بالمخالفه
قال نعم

اذا كانت اعلى من 150 سجن و900

قلت : طيب ابي اسدد قال لا لازم تسجن 3 ايام ... اسدد الحين وبعدين اسجن >> ابي اسافر

قال: مستحيل لازم تسجن عشان النظام ما يقبل >>> طيب يا نظام

ما لكم بالطويله كلمت واحد من الشباب بالمرور قال بكرا اكلمك, ما اصبحنا الا وهو متصل ويقول فتحته لك سدد بالصراف

اللي ابي آصله انه المقصود من النظام ليس التأديب وانما المقصود "شفط القروش"

شكرا لاهتمامكم بارواحنا عن طريق "شفط قروشنا"

.............

اذكر مره بنشرت بالطريق السريع وباقي على الرياض 100 كم فاتصلت على امن الطرق ابي عفريته

وانا اللي معي خربانه على طول عطاني رقم سطحه للاسف اتصلت على السطحه وقال 500 ريال

الشكوى لله كنت بآخر الليل جاني واستخدمت العفريته حقته ب 500 ريال !!!!

ومشيت بسيارتي والسطحه بسيارته

كله بسبب تكاسل امن المخالفات عن اداء مهمتهم ........

المرور امن المخالفات .........

شكرا لكم على ادداء مهمتكم الساميه اللي هي خدمة جيب المواطن !!!

تحــياتي

ااااخ والله قهر ذا النظام انا لحقنا على مخالفاتنا عشان تزيد؟؟
ما اقول الا حسبي الله ونعم الوكيل

والله من جد قهر
لكن مابيدنا حيله

لاعدمناكـ

الامن اهم شي يخلص الدفتر حقه


هذاك اليوم انا مسوي حادث بسبب هندي في الدوار الهندي ضغط بريك قوي انا ماصار ليي مجال اتفاداه وصدمته

جاا المرور الي هو عاطني مخافة عدم انتباه والزين انه ماقال ليي الحجز


من حفرة لدحديرة ياقلبي لاتحزن

همّـن كذآ ~
يجـوآ للوآحد مِن الآيد آللي توجَعهـ !
فـ يجب عَ الوآحد آنهـ شوويهـ يحرَص ولَو آنهم مشدديـن ..
لكِن هم مسيرين وغير مخيرين ..
يعنِي هذآ عملهم وهذآ رآسمآلهم ..
ولآ لَو الود ودَهم آكيِد يمشّوآ آلجميـع لآن آريحلَهم ..
لكن مجبوريـن وهذآ عملهُم ~
<<< عمهآ شرطي هَع ~
يعطيك العآفيهـ خيـو !

اهلن بك اخوي

تدري قد عطوني مخالفه على سرعة 121

مشكورين الجميع على المرور لكن لي تعقيب على مداخلة الأخ KQC

انا ماني فرحان اني سلمت من السجن وسددت المخالفه ,, انا دبرتها بالواسطه وطلعت لكن

غيري ما عنده واسطه ولا عنده فلوس وش يسوي

الشي الثاني القصد من النظام ليس التاديب انما القصد سرقة فلوسنا

تحياتي

طيب ايش يسوة هاذا شغلهم وهاذي اوامر من الي اعلى منهم يعني
مو بكيفهم عشان تقولو ظالمين
وبعدين ايش فيها في كل دول العالم زي كذا واخس مننا
لكن شوف النظام كيف عندهم
مو زينا