عندمــــا كنـــت داشراً .. توثيق بالصــور ][ تيماوياتي ][ - نادي الهلال السعودي - شبكة الزعيم

عشقي تيماوي · #1 03/03/2009, 04:30 AM

عشقي تيماوي يعود اليكم من جديد

مدخل
أحـــــلى من العقد لبّاســـــهـ ... يحـــلى بها العقد في جيدهـ
المـاسه تلبس لها الماسهـ ... مازادها الجوهــر تزيدهـ

تيماوياتي

** مابعنا بالكوم مثل اليوم صدز اني ماعمري جبت لكم صور بس اليوم جاي وجايب معي كل العفش

** شوفوا ترى اللي اوله شرط اخرهـ سعود كريري >> الى الماصلهـ

ترى انا مانيب مصور واذا بغيت اصور استخدم كاميرا الجوال وتخب علي

** لم يظهر بالصور ايا من وجيه الشباب وذلك لان اجمل واحد فيهم اذا بغيت تشوف صورته لازم تجيب معك واحد يجسرك

** الموضوع عبارهـ عن صور و تعليق على الصور و سواليف و صور متحركه تقل بسطه من بسطات الحرم كل شئ موجود

** ترى فيه تيماويات ثانيه بنص الموضوع الوعد هناك ماودي اكثر هرج من اولها

الصـــــــور

تقدرون تقولون انها احسن شئ بتشوفونه عشان كذا حطيته بالاول زي حقين الخضار يحطون الزين فوق والخربان تحت

هذي كانت بجدهـ وكنا بعد صلاة الفجر ننتظر ( اللانش ) طبعا الكاميرا حقت جوال والميلان غير مقصود لاني وقتها دفني واحد من الشباب يعني صدفهـ

هذي بمحطة الرياض السريع وقفنا نصلي وتأخر واحد من العيال بالبقاله وكعادة الشعب السعودي قمنا نشخمط على الجدران

طبعا واضح على الجدار التاريخ كانت قبل 5 سنوات وكنا رايحين نشوف مباراه الهلال والاتحاد وعددنا 6 اشخاص طبعا كيس السمنت هذا واحد دب معنا

عاد مايحتاج اقولكم انه الكتابه على الجدران مر عليها وقت وصارت هواية الشباب ويقولون ان اول من اكتشف هذهـ الطريقه هو صاحب عبارة ( الحب عذاب )

الصورهـ هذي كانت بالبرحه اللي قدام بيتنا وهي المرهـ الوحيدهـ اللي قدرت اروح لم البقاله سباحهـ

تصدقون اني يوم تمطر اكثر شئ سويته ركبت فوق سيارتي وقعدت اتفرج على السيارات اللي تتعطل عند باب بيتنا وعيال الحارهـ قاعدين عندي اذا صاروا عوائل قمنا نتميلح ونساعدهم

عالم الثلج بجدهـ >> قلوب من هنا الين ملاهي العطا اللهـ

على طاري العطا الله كنا نوقف عند الباب واذا مر احد ومعه بنات كثار نقوله بندخل معكم على اننا نقرب لكم وبعضهم يوافق وبعضهم يقول تقلع بس

درجة الحراره جوا 10 تحت الصفر وحنا فالين مرسولها اقل واحد من عندنا جته اضرار مفلوق ورجله منكسرهـ

كنا 9 اشخاص واي واحد نشوفه لحاله نسوي نفسنا مانتبهنا له وثمن ننبرش عليه انبراشه كنها من حقات خالد مسعد

والضعيف يتكسر ويروح فيها وطبعا يكون واحد مننا يصور بكاميرت فيديو عشان تزين الشماته اذا رجعنا

هذي محاوله ثانيه عشان اثبت لكم انه عندي حس رومانسي خطير

طبعا كنت راكب على دباب انا وواحد وماغطين عشان كذا الصورهـ طلع فيها شوية تمويه >> رومنسي اجل

على طاري الدباب ترانا اخذناهـ ربع ساعه وسحبنا عليه لمدة ساعتين >> الله من مره ومره سويناها

هذي شوقـ اختي اللهـ يحفظها لي طبعا انا ماجبت لكم الصورهـ عشانها هي وخشتها بس عشان اعلمكم اني كنت خاقـ مع اغنيه

ماني على فرقاك ياشوقـ ناويـ ... مير الزمن له وقفة بين الاحباب

وانا احلف على ابوي الا انه يخليني اسميها اذا صارت بنت وقال خلاص >> شكله كان واثق انها ولد عاد هو ابخص هو اللي دافع الرسوم ماهب انا

المهم ويوم صارت بنت وانا اسميها شوق واروح لم ابوي وابتسم ابتسامه خبيثه واقولهـ شكلك اخطأت بالتقدير

هذا واحد من العيال كان مبلشنا يبي يتعلم بلوت المهم وحنا نكتبها له بورقه ونقوله اذا حفظتها تعال >> طبعا كلنا خبرة براشيم عشان كذا طرت علينا هالفكرهـ

على طاري البلوت حنا مثل جمهور الشباب دائم مانلقى رابع يكملنا

هذا المقهى فوق الجبل الاخظر وانت جالس السحاب يمر من عندك والجو رومنسي الى ابعد درجه

وشهد هذا المقهى المرهـ الاولى والاخيرهـ التي استخدمت فيها الشيشه بحياتي المهنيه والعمليهـ

وحنا هنا جاء واحد شيعي وشافنا نصور وقال ناخذ صوره جماعيه قلت له يالله تعال >> طبعا موب عشانه عشان البنت اللي معه

المهم ونصور ويوم رجعت الا والقى معنا بالصوره واحد اسمراني صغير مادري من وين طلع ماله علاقه لا بالشيعه ولا بالسنه واعتقد انه يمثل احد الطوائف الاخرى

الكر هذا اول مادخلنا لقينا فيه واحد لابس نظارات شمسيه قديمه امهات دوائر حقات الطنطاوي

وسولفنا معه شوي يوم ركبنا الباص وكان معنا بنات باخر شئ بالباص

قالي بالله جنب شوي يوم جنبت على قولته وهو ينزل طرف النظاره ويغمز غمزهـ وحدهـ وقالي شكرا على الخدمات

بعين التفت مره ثانيه وقال : تقولي بالقصيم الى الحين يسوون تحظير بالصلاه والا بطلوا قلت لابطلوا ومير يدخل مطوع ويجي خوينا الحجازي ويقوله تعال استريح هنا ويلتفت لمنا وقال : ظمنا التحضير اليوم

تشوفون هالطاولات الى اذان الفجر بس كانت مليانه من العوائل واللي ماهب عوائل >> يعني عوائل بس بصفه غير رسميه

على طاري العوائل تصدقون فيه وحدهـ كاتبه بعقد زواجها اذا لم يتم الحمل خلال سنتين يتم الطلاق ولايرجع للزوج ولاريال من المهر >> والله مكسب

طبعا هذهـ الغرفه قدس الله سرها

شوفوا هناك على يمين الستارهـ فيه ستيكر معلق على الجدار هذا كان على ايام كاس العالم 2006 كنا نجتمع يوميا من الساعه 6 المغرب الين اذا الفجر ونتابع المباريات وكنا نسجل النتائج على الجدول

وكانت صراحه ايام رايقهـ وفلهـ وكنا حاطين منقل عند باب الملحق بالحوش وشارين كباب من بندهـ وفاتحين الدريشه عشان تدخل ريحة الشوي وصاقعين المكيف واذا انتهت المباريات فرشنا السفرهـ بالحوش واحيانا عند باب الشارع مع رشه خفيفه بالمويه على الزفلت عشان نلطف الجو وتعشينا

طبعا الغرفه هذي ابوي يسميها ( الكنيسه ) مع التحفظ لدي على هذا المسمى ونظرلوجود اللون الازرق وهو نصراوي مايدخل الا وهو يقرأ المعوذات >> هبل فيه الازرق

تشوفون السحاب اللي جاي هذا تقريبا الساعه 11 من دريشه البيت اللي حنا مستاجرينه بابها ( طبعا عزاب ) والعيال كانوا نايمين

وانا اويق مع الدريشه واتفرج على جيراننا

>> واذا احد انتبه لي اصرف واسوي نفسي قاعد اصور بس ترى وناسه الطلـطلـه على قولت لورانس

طبعا استمرت الرحله 15 يوم ولاكان عندنا نرجع بس العطله لصت وجاء رمضان وبدت الراسه وقرنا نرجع

تيماوياتي

** لاحظا ان بالصور مرت عليكم المصطلحات التاليه : ( بلوت - شيعه - ابها - جده - ملحق - كوره - سهر - طلطله - شيشه - كتابه على الجدران - كباب - ملاهي العطا الله - تزلج على الثلج )

** وكلها تعني لنا معشر الشباب انه لاشئ يقف بوجه الوناسه وعاد الوناسه تختلف من شخص لاخر , انا اعرف واحد يحب يجمع مناديل معطره وواحد ثاني يسمتمع بحمامات المطاعم يعني الناس اذواق

** عاد الحين يوم انكم شفتوا الصور وخلصتوا قوهـ نطمر سوا مع بعض لم الصورالمتحركهـ بس قبل نروح ابعلمكم شئ او نبذهـ مختصرهـ عن هذه الصور لعل الله يفتح على قلوبكم >> مايدري متى تستخدم

** كنا رايحين لم مكه شباب طبعا بالعطله الطويله وبينما حنا بالساحه جونا بزران صغار عددهم 6 واكبر واحد منهم عمرهـ 10 سنوات وفي روايه اخرى 9 سنوات

** صاروا اعز اصدقائي حتى ان اهلهم اذا جو يروحون السوق يجوون ويجيبونهم عندي ويروحون واذا مالقوهم اتصلوا علي وقالو وين عيالنا

** هم من مدينه بقلع وادرين عند الجنوب هناك وفيهم شقاوهـ وهسترهـ ماهيب عى احد وكنت اقولهم اطمروا لم فلان ولزخوه وتعالوا وكانوا يؤدون المهمه على افضل وجه

الصور المتحركهـ

هذا واحد من اصدقائي الصغار وهو يرقص

>>> قايلكم مهابيل هالاصدقاء وعلى فكره هذا هو اطلق واحد بهم

هنا يسوون تقديم عملي لـ حبة الخشم حقت الجنوب وتظهر على محياهم وخصوصا الايسر علامات الخبث

قالي صورني ابوريك وشلون ترقص شاكيرا قلت لعنبوا بليسك انت اذا سرت باولى متوسط وش بتسوي واكتشفت بعد هذه الحركه لماذا انا حبيته

بوسط الاشارهـ يشيش وهو على رجلينه يعني ضاقت الاماكن كلها الا تشيش بالاشارهـ

>> ترى الصوره هذي فوق البيعه

ملاحظهـ
اللي اتصاله الله بالخيرماطلعت له الصور يضرب لها بوري يمكن تسير ماسمعته

واذا مانفع ينسخ رابط الصوره المتحركه ويروح يشوفها لحاله ويرجع مره ثانيهـ

خاتمــــه
** جميع ماسبق من صور هي من تصويري ومن الارشيف الخاص عندي ويوم حسيت ان الهاردسك قربت نهايته وعمرهـ انتهى قررت انزله لكم

>> ماهب الواحد اذا بغى يموت يتصدق حتى الهاردسك تصدق علينا

** ترى ماتعودت اطول بالموضوع بس عاد قلت اذا اكلت بصل كثر وعشان كذا حطيت لكم اللي وراي ودوني كله ولاتتوقعون اني احط موضوع ثاني لاني وصلت لمرحلة الافلاس

** الشكر موصول لـ الغالي مجروح على تضبيط الصور ولـ الغالي ابو عليان على تضبيط الصورالمتحركهـ وذولا اطلق اثنين دائم راعين فزعات وعلى رسم الخدمه

** اذا الموضوع اعجبكم فالحمد لله والشكرواذا ماعجبكم فترى ماهيب واقفه عليكم >> نفسيهـ

مخرج
ترى ماجاء على بالــــي ... اشـــوفــ عيونكـ الحلوهـ

تيهـ نيهـ لكم

الهنوووف · #2 03/03/2009, 05:02 AM

وعليكم السلام عليكم ورحمه الله وبركاته

هلا والله بك اخوي عشقي
سبحان الله امس كنتم على بالي

دائما الالتقاط بزاوية او ميلان يخلي الصورة حلوة

ابي بحر

قريه الثلج حقاتنا حقت فقر

ذكرتني بالي بقريه الثمامه

انا ابي شي تزلج على سنع جبال وعصا >>

بس تزلجت مره بحياتي عن كبر طبعا بس كرهت الثلج ماتسوى علي
دموعي تنزل ووجهي اتقلب ازرق

وبكذا افقدتني متعه التزلج

لبى قلبها ربي يحفظها الهلاليه

واهم شي الخلفيه

ماشاء الله غرفه رياضيه شبابيه

مرجوج

جسمه مرن

باين عليهم مهابيل الله يحفظهم لاهلهم

\

/
يعطيك العافيه مووضوع منوع وخفيف وظريف

واهم شي الوناسه

الله يوسع صدرك بالعافيه ومااشوفه طويل بالعكس يشفي غليلي

وخلك هون دايم

( على فكرهـ اختيارك لليوزر حلو

)

الهنوووف

كانت

هنا
ورحلت

K I N G . M I L A N · #3 03/03/2009, 05:09 AM

موضوع راااايق وبطللل ووقته حلووو على الفجريه

أنا يوم شفت اليوزر عشقي تيماوي قلت يلعن ام الي ما يخش الموضوع لعيونك يا شيخ

<<< عشانك ميلاني بس

صراحه أطلق شي بالحياة أنك تتذكر ذكرياتك القديمه مع اخوياك والطلعات والسفرات والروحات والجيات وابو هيثم والدانه إلخ

بصراحه كل موضوعك بكوم وهالصوره ذي بكووم ثاااني ههههههههههههههههههههههههههههههههههههههه

يلعن اوووم الخرمه يا عيااااااال

إحساسي يقولي أنه قاعد يعسل تفاحتين فاخر

قسم بالله فطست ضحك على موضوعك عامتن

وعلى هالصوره خاصتن

صراحه من أجمل المواضيع الي شاهدتها بحياتي والله أقولها لك من دون مجامله

وسعت صدري الله يوسع صدرك

بإنتظار جديدك يا بطل

][ دمتـم بـود ][

FORZA HILAL 00 · #4 03/03/2009, 05:35 AM

موضوع يوسع الصدر ... محتاجين من هالمواضيع الحلوه اللي توسع الصدر وبخاصه في ظل ظروف ضيقة الصدر اللي يعانيها الجمهور الهلالي ...

بس بصراحه ذكرتنا باشياء كثير .. الا ليت ذيك الايام تعود يوما

شكرا لك

وليد القحطاني · #5 03/03/2009, 05:44 AM

برجع لك يابطل انت ..
اشتقت لمواضيعك والله

....

باك

ياخوي والله انك لك وحشة

لاعاد تطول مثل هذي المرة رجاءً

وعز الله انك جبت الغنايم وماقصرت

إقتباس


	مدخل أحـــــلى من العقد لبّاســـــهـ ... يحـــلى بها العقد في جيدهـ المـاسه تلبس لها الماسهـ ... مازادها الجوهــر تزيدهـ

كيف لا يكون الموضوع رائع والمدخل أروع

إقتباس


	تقدرون تقولون انها احسن شئ بتشوفونه عشان كذا حطيته بالاول زي حقين الخضار يحطون الزين فوق والخربان تحت

إقتباس


	هذي كانت بجدهـ وكنا بعد صلاة الفجر ننتظر ( اللانش ) طبعا الكاميرا حقت جوال والميلان غير مقصود لاني وقتها دفني واحد من الشباب يعني صدفهـ

خخخخخخخخخخخخخخخخ
الصورة حلوة , بس جلست أفكر في كلمة الميلان , قلت وشدخل فريق الميلان في الصورة

ولكن بعد تفكير عرفت وش معناها يعني تميل إلى اليسار قليلاً

يالبى قلبها بس

.. الله يخليها لكم يارب

وآآه ياسامي , وهــ بس ..

انا اجي لأبها في الصيفية عشان هالمكان بس

مكان ينسيك انك تسافر بره المملكة << والله لو انك في باريس

بس من جد مكان تكيييييف

بس انتبه تجيب معك ورع تنتكب فيه إذا طاح

إقتباس

إقتباس


	طبعا هذهـ الغرفه قدس الله سرها شوفوا هناك على يمين الستارهـ فيه ستيكر معلق على الجدار هذا كان على ايام كاس العالم 2006 كنا نجتمع يوميا من الساعه 6 المغرب الين اذا الفجر ونتابع المباريات وكنا نسجل النتائج على الجدول

ههههههههههههههههههههههههههههههههههههههههههههههههههههه

نفس الفكرة يا صديقي , نقص الجدول من جريدة الرياضية واحلى متابعة

انا ياصديقي حطيت النهائي في كاس العالم الاخيرة بين البرازيل والارجنتين

ولكن ايطاليا جابته ويستاهلون

عز الله أنك تعرفت على صديق سوء هههههههههههههه

شكله بثر بثر بثر لأبعد درجة

وش يحس فيه مع هالحركة خخخخخ

مسوي مثل اللي يرقصون في الاغاني الاجنبية ؟!

قله والله منت حولهم ياصديقي

بس يجي منه

خخخخخخخخخخخخخخخخخخخخخخخخخخخخخخخ

وش هالسلام اللي من على الكتف ؟!

الحين الحريم والرجال اللي يمشون ورى ماتعبوا وهم يمشون < الماصلة

ايه هنا نقدر نقول اتقن الحركة بشكل ممتاز غير حركته السابقة

بس مدري وش يحس فيه في آخر حركة يوم يضرب ركبته

هههههههههههههههههههههههههههههههههههههههههههههههه
هههههههههههههههههههههههههههههههه ههههههههههههه

شكله فاقد بقوة , فيه ناس يطلعون يرقصون في نص الشارع
بس واحد يعسل غريبة شوي

عشقي بيض الله وجهك . بصراحة يوم شفت يوزرك دخلت وبدون تردد

وسعت صدورنا على هالفجرية الله يسعدك

موضوع ينقصه مسمارين بس

فمان الله

sowaid · #6 03/03/2009, 06:30 AM

موضوع راايق مثلك على ذا الصبحيه

لاعدمناكـ

ومضات في آفاق التميز · #7 03/03/2009, 07:08 AM

عطر الله صباحك

واسعد الله ايامك

عوافي على الموضوع

وبخصوص الرهط اللي زاملتهم

قاتل الله السماجه

في ساحات الحرم...
وربي انهم فلللله ياليتني معاهم الحين بدل الفراغ...

لك

ولمواضيعك

حمد10 · #8 03/03/2009, 07:59 AM

هلا فيك اخوي القصيمي عشقي تيماوي

بكل صرآحه موضوع مره رائع وجاء في وقته .. لان المجلس احسه راكد

ماشاء الله عليك احسك انسان منظم من شفت الغرفه

الكتابه على الجدران مره شفت باحد الجدارن كتابه عريضه يكتب لو سمحت لا تكتب على الجدار

نعنبوبليسك علم نفسك بالاول

اما صاحب الشيشه .. كلااااااااااااااام ثاني

طيب انا ماجازلي موضوعك يعني ماوقفت

امزح ..

يعطيك العافيه اخوي وماقصرت .

هلاليه صم14يم · #9 03/03/2009, 08:05 AM

صور رووووووووووووووووووووووعه والاروع تعليقاتك عليها
الله يرجك بس
تقبل مروري

ҜђâŁЗđ 88 · #10 03/03/2009, 08:13 AM

هلاا والله بـ عشقي تيمااوي

..

والله ماارتحت ولا ضحكت من بعد سالفه كوزمين .. قد مااضحكت في موضوعك

..

إقتباس

الرسالة الأصلية كتبت بواسطة عشقي تيماوي


	عاد مايحتاج اقولكم انه الكتابه على الجدران مر عليها وقت وصارت هواية الشباب ويقولون ان اول من اكتشف هذهـ الطريقه هو صاحب عبارة ( الحب عذاب )

كله كووووم وصاحب عبارهـ الحب عذاب كوووووم ثآآني ههههههههههههههههههـْ

ـآآآآوووي ..

../

هذاا الكآئن وين طحت عليه

.. قصمن انه مآآهو صاااااااااحي ابداً

..

من ناحيه مروونه فـ هوو مو طبيعي ههههههههههههههههههههـْ

ـآآآآوي ..

../

تحياااتي لك ولـ موضوعك الي راح للمفضله ع السرريع

..

زعيــ الطايف ـــم · #11 03/03/2009, 09:05 AM

عشقي تيماوي الله يسعدك ياشيخ على الوناسة

برايفت لـــــــك

اعذرني وانا اخوك اني ماعلقت على موضوعك وجهدك في كتابته وتنزيل الصور

بس النفسيه ماتسمح

تقديري لـــك