احلى ايام العمر صج تحس انه سجن وحبسه وصراخ وكتب ودراسه وطابور وملل وروتين بس حلوه هالايام خاصه اذا فصلنا وفليناها <<< اخر يوم بالاسبوع
تشوف الصف كامل ناس تحب العربي وتكره الانجليزي وناس تحب الانجليزي وتكره العلوم وناس تحب العلوم وتكره الرياضيات دواااامه لايمكن ماده يحبها كل الفصل ولا ماده يكرها كل الفصل ....
ابي منو فيكم يتذكر درس لايمكن ينساه بماده معينه يعني مثلا انا اذكر درس الرياضيات اللي في س و س1 وليلحين مدري شسالفه ال س هذه .
واما العلوم في درس الجدول الذري ياوييييييييييييييييييييللييييييييييييي
حاولت ايام واسابيع وشهور افهم السالفه ولا قدرت شي فظييع ولا ادري شنو بيفيدنا بالمستقبل هالجدول
والعربي وماادراك مالعربي قواعد وبلاغه من دخلت المدرسه وانا احط الاجابه بالامتحان لاي جمله طالبين اعرابها فاعل مرفوع بالضمه او حرف جر ولا ثالث لهم
والانجليزي كانت تدرسني وحده بالثنويه مدرسه هنديه احس وهي تتكلم ودي ارفع قلم واحذفه عليها علشان تسكت تتكلم بسررررررعه فظيعه والله انقهر بالبيت اصرخ على خدامتنا الهنديه واروح المدرسه تصرخ علي المدرسه الهنديه شكلهم متفقين والله علي
صراحه انا احلى ماده عندي الاسلاميه والتاريخ لان منهم فايده لنا الاسلاميه تنفعنا بامور دينا وحياتنا والتاريخ مدري ليش احبها بس تثقفنا عن ديرتنا وعن تاريخ الصحابه والرسول عليه الصلاه والسلام .
انتو اشرايكم كل واحد شنو الماده اللي يحبها والماده اللي يكرها وليش طبعا مع السبب وفي مدرس او مدرسه لايمكن تنسااه او درس معين وليش ؟؟؟
انا والله وايد مدرسات اتركوا بصمه عندي ولايمكن انساهم حلو المدرس يترك طابع جميل عند طلبته ومو العكس ويكرهم بالماده
ياحبيبتي اللحين خلصتي ان شالله تجبين النتيجة الحلوة والحفلة علي راح اجيك الكويت واسويها ( ماتتصورين قد ايه اعشق الكويت ودي اجيكم بس مادري متى )
انا احب كل المواد ماعدا الفيزياء احس انها للعباقرة لكن تعرفين انا مستواي اعللللى بكثير منها علشان كذا ماحبها ( احس اني اقلل من عبقريتي اذا ذاكرتها)
والحصة اللي مانساها كانت مدرسة الاناشيد في سادس ابتدائي كتبت النص اعلى مكان بالسبورة وانا قلت بصوت ماينسمع هذي ليه طيرت النص فوق
بعد ماخلصت كتابة قالت علشان اكتب الشرح يا حلوة انا عيوني طارت من مكانها ( اموت واعرف شلون سمعتني)
طفلة الهلال حياج الله حبيبتي انا مخلصه المدرسه من زمان ترى انا الحين بالجامعه وحياج الله مليون مره بالكويت بلدج الثاني ترى بتنور بوجودج
وصراحه مدرستج هذه اذنها اذن فيل تسمع كل شي لااله الا الله ماشاءلله عساني مااحسدها بس لاتعيدينها عاد هالمره مدستج اطلعت حبوبه لو وحده ثانيه جااان مايندرى شنو بيصير
هلالي بن زعيم آسيا سلامات ليكون انت اللي جاك القلم بس
اشفييكم كلكم تكرهون الفيزياء ؟؟ غريبه
تشرفت بمرورك اخوي
لا لا انا ماشاء الله علي ,, سريع بديهه لاني ذكي نابغه >> بامور التخريب والمشاكل ..
لكن الي جاه القلم جيرانا ,,
وعن كرهي للفيزياء ,,فوالله انها ماده تجيب التعب والمغص ,, والغثيان والكراهيه للماده والله حاولت احب الماده لكن ما دخلت بالمخ
انت بمجرد يشرح لك مدرس محصلة القوى الي جلسنا عليه اكثر من 5 حصص ,, شي مبالغ في مناهجنا بصراحه !!
لا لا انا ماشاء الله علي ,, سريع بديهه لاني ذكي نابغه >> بامور التخريب والمشاكل ..
لكن الي جاه القلم جيرانا ,,
وعن كرهي للفيزياء ,,فوالله انها ماده تجيب التعب والمغص ,, والغثيان والكراهيه للماده والله حاولت احب الماده لكن ما دخلت بالمخ
انت بمجرد يشرح لك مدرس محصلة القوى الي جلسنا عليه اكثر من 5 حصص ,, شي مبالغ في مناهجنا بصراحه !!
زين الحمدلله ان مو انت واما الفيزياء الله يلوم الللي يلومك والله يوفقك بالدراسه ان شاءلله وتسلم عالمرور للمره الثانيه
بااااك اشوي ورا .. 
احس وهي تتكلم ودي ارفع قلم واحذفه عليها علشان تسكت تتكلم بسررررررعه فظيعه والله انقهر بالبيت اصرخ على خدامتنا الهنديه واروح المدرسه تصرخ علي المدرسه الهنديه شكلهم متفقين والله علي 
)
وحياج الله مليون مره بالكويت بلدج الثاني ترى بتنور بوجودج 
الوضع العادي
