..: تغييرات كبيرة في نظام دوري أبطال أوروبا :: للنقاش :: :.. - نادي الهلال السعودي - شبكة الزعيم

hilalemooot · #1 06/02/2009, 09:46 PM

.
.

سلامو عليكم

فيه موضوع مهم يخص المشاركة بدوري الابطال استغربت محد جاب طاريه قلت احطه ونتناقش فيه

.. اللي يشجع تشلسي يغمض والا يطمرالصورة

ماله داعي يجي ابو غامد يصيح علينا مهما كان الزم ماعلينا نفسيته قبل الاختبارات

:

- طبعا راح يستمر الوضع يتاهل 32 فريق لدور المجموعات بس الفرق هالمرة بيتاهل 21 فريق دايركت لهالدور + حامل اللقب + 10 فرق تلعب تصفيات تأهيلية .. في حال حامل اللقب كان متأهل بدوري بلاده البطاقة بتروح لـ بلجيكا النسخة الجاية

- اول نقطة الثلاث فرق بالدوريات الاسباني و الايطالي و الإنجليزي يتأهلون مباشرة لدوري المجموعات .. اصحاب المركز الرابع من هالدوريات يلعب تصفيات

.

- التصفيات لحد المرحلة الرابعة واللي تكون قبل مرحلة المجموعات يشارك فيها اصحاب المراكز الرابع في الدوريات الثلاث اللي قلناها فوق + المركز الثالث في المانيا وفرنسا و روسيا

.. اصحاب الوصافة في البرتغال - تركيا - اليونان - هولندا - اسكتلندا - التشيك - اوكرانيا - رومانيا - بلجيكا .. بالاضافه لـ فرق اوروبية زلايب من طقة لشتنشتاين (اخ يا حلقي

) طبعا فرق ايطاليا اسبانيا انجلترا ما تلتقي مع فرق المانيا فرنسا في التصفيات التأهيلية ! ( جايك بالشرح

)

- يتأهل من التصفيات 5 فرق يروحون لدورالمجموعات .. الفرق الباقية تروح دايركت للدوري الاوروبي ( كاس الاتحاد اللي مشرفة ميلان هالسنة

) .

- طريقة التصفيات التمهيدية .. المرحلة الأولى تلعب الفرق اللي مصنفه بلدانها من المراكز من 48 - 53 .. تلعب مع بعض بطريقة خروج المغلوب ويتأهل 3 .. بالمرحلة اللي بعدها الفرق اللي تصنيفها من 16-47 + الثلاث فرق .. يتأهل منها 17 فريق .. المرحلة الثالثة 17 + مع فرق بلجيكا والتشيك واليونان مباراتي ذهاب و إياب ويتأهل منهم 10 فرق

.. المرحلة الرابعة .. العشر فرق يتقابعون بينهم ويتأهل منهم 5 لدور المجموعات

.. يبقى 5 مقاعد شرحهم تحت

- المرحلة النهائية او التصفيات النهائية ويشارك فيها صاحب المركز الثالث في التصنيف السادس روسيا - الوصيفين في البلدان المصنفة من 7-15 رومانيا - البرتغال - هولندا - اسكتلندا - تركيا - اوكرانيا - بلجيكا - اليونان - التشيك .. يتقابعون برضو فيما بينهم وياخذون منهم 5 يقابلون بعدين المركز الرابع في الدوريات الثلاث الاولى + المركز الثالث بـ فرنسا والمانيا .. وياخذون منهمالخمسة المتبقين .. النظام من هنا نكتشف انه راح يعطي فرصة كبيرة لفرق زلايب تتأهل لدور المجموعات

.. يعني ممكن نشوف بنفيكا واياكس يتقابعون ويطلع واحد منهم ونلقى مثلاً فريق من لاتفيا بدور المجموعات

!!

- 10 فرق تخرج من تصفيات المرحلة التمهيدية الرابعة + التصفيات النهائية تروح تلعب مع ارسنال بالدوري الاوروبي

- مباريات دور الـ 16 بتكون على مدار اربع ايام بالذهاب واربع ايام بالاياب .. الذهاب 16 -17 و 23 -24 فبراير .. الإياب 9-10 و 16-17 مارس

.. النهائي راح يكون يوم السبت بتاريخ 22 مايو 2010

* التغييرات هذي راح تكون من النسخة القادمة إلى أن يشاء الله والا يفطس بلاتيني ويفكنا

.. النقاط هذي مختصرة واجتهاد شخصي ممكن اكون اخطأت وتراني احس اني جبت العيد بطريقة التصفيات والعتب على العطالة

.. على الطاري محد عنده وظيفة شي

http://www.uefa.com/competitions/ucl/format/newsid=788373.html

* هذا تصنيف الاتحاد الأوروبي للدوريات :

- من 48 لـ 53 : جزر فارو، لوكسمبورغ، مالطا، مونتينيغرو، أندورا، سان مارينو (يشاركون بالمرحلة التمهيدية الأولى )

- من 16 لـ 47 : سويسرا، بلغاريا، النرويج، الدنمارك، النمسا، صربيا، الكيان الصهيوني، السويد، سلوفاكيا، بولندا، هنغاريا( المجر ) ، كرواتيا، قبرص، سلوفينيا، فنلندا، لاتفيا، البوسنة، ليتوانيا، مولدافيا، جمهورية إيرلندا، مقدونيا، آيسلندا، جورجيا، بيلاروسيا، أستونيا، أذربيجان، ألبانيا، أرمينيا، كازاخستان، إيرلندا الشمالية , ويلز ( يشاركون بالمرحلة التمهيدية الثانية )

- من 13 لـ 15 : بلجيكا , اليونان , التشيك

- من 6 لـ 15 : روسيا، رومانيا، البرتغال، هولندا، اسكتلندا، تركيا، أوكرانيا، بلجيكا، اليونان، تشيكيا ( يبدون بالمرحلة النهائية )

- من 1 لـ 5 : انجلترا , ايطاليا ’ اسبانيا , فرنسا , المانيـا .

عطونا رايكم

؟!

.
.

A B B O D · #2 06/02/2009, 10:06 PM

والله يا أنا انلحست ولا فهمت شي ! ..
بعدين لاتذب على آرسنال

ان شاء الله متأهلين

بحط الموضوع بالمفضله واخليه مرجع لي اذا مافهمت شي الموسم الجاي

ماقصرت على اللحسه ذي

Queen of Hearts · #3 06/02/2009, 10:28 PM

شكل بلاتيني خلاص جاب العيد بذي الطريقه

لخبطت شوي لما قريت .. بس احسها طريقه عادله من ناحية التصنيف وترتيب الفرق .. يعني احتمال كبير في النسخه الجديده ما نشوف فرق(زلايب) في دوري الابطال ....

وان شاء الله الارسنال بدوري الابطال النسخه القادمه

شكرن على الموضوع يامشرفنا

hilalemooot · #4 06/02/2009, 10:33 PM

مدري احس اني جبت العيد بالشرح خخخخ

بالعكس فديتني بلاتيني بكذا راح يخلي 5 فرق من التصنيفات المتأخرة تتاهل مباشرة لدوري المجموعات .. وراح ياخذ الخمسة الباقين من الدوريات الي تعتبر قوية اوروبياً

زي ما قلت ممكن مثلا رينجرز و فناربخشة يلعبون بالدور التمهيدي و واحد منهم يطلع .. بينما ممكن يلتقون فرق من مولدوفا و بولندا ويتاهل واحد منهم .. ماشوفها عادلة ..

عموما القرار اساساً من اهم اهدافه يعطي فرصة لفرق شرق القارة تتأهل لدور المجموعات !

del peeroo · #5 06/02/2009, 10:36 PM

والله يا أنا انلحست ولا فهمت شي ! ..

يعني سوف لن يكون هناك مباريات قويه بالتصفيات التمهيديه لأن أصحاب المراكز الاولى بالدوريات الاقوى أوروبيا متأهلون إلى دور المجموعات >>>> أحس إني صرت زيك ملحوس

مشكوور أخوي علا الشرح اللي يقول إنك مدرس تعبير فالمستقبل إن شالله

ودمت بود

Queen of Hearts · #6 06/02/2009, 10:41 PM

إقتباس

الرسالة الأصلية كتبت بواسطة hilalemooot


	مدري احس اني جبت العيد بالشرح خخخخ بالعكس فديتني بلاتيني بكذا راح يخلي 5 فرق من التصنيفات المتأخرة تتاهل مباشرة لدوري المجموعات .. وراح ياخذ الخمسة الباقين من الدوريات الي تعتبر قوية اوروبياً زي ما قلت ممكن مثلا رينجرز و فناربخشة يلعبون بالدور التمهيدي و واحد منهم يطلع .. بينما ممكن يلتقون فرق من مولدوفا و بولندا ويتاهل واحد منهم .. ماشوفها عادلة .. عموما القرار اساساً من اهم اهدافه يعطي فرصة لفرق شرق القارة تتأهل لدور المجموعات !

اهااا تتاهل مباشره !!

انا توقعت انها لما تتاهل تلعب تصفيات ثانيه مع فرق اعلى درجه .. مثل فرق الدوريات الي تصنيفهم من 48 لـ 53 الفايز منهم يلعب مع الي تصنيف 16 لـ 47 ... اعتقدها كذا قلت بتكون عادله ..

اجل طريقة بلاتيني حسب كلامك فيها ظلم شوي ... وبيصير الدوري يعني مو مره مثل الاعوام السابقه

مشكور عالتوضيح

E L N E N O · #7 06/02/2009, 10:48 PM

اها والله تصدق فكره حلــــوه...

أول شئ تعطي للكديش بأوربا انهم يشمون رائحة التشامبينز...

ومنها نتفادى إي تفلت في دوري المجموعات ..وخروووج احد الفرق الكبيره<<ليفربول مثلاً

يعني بالعربي الفرق هالكديش ..يكونون لقمه صائغه للفرق الكبيره..

شكــــــــراً: احمــــــــد صح...

B e C k S · #8 06/02/2009, 10:49 PM

لا مو لحسه ولا شي ..

الا انتم قارينه بسرعه

أحمد ضاااااااااااااااقت الاوقات يعني !!؟

اختبارات ..

بكرى اذا فضيت برجع لك

N.ROOY · #9 06/02/2009, 10:56 PM

عليكم السلآم . .

أنآ اللي فهمته من القصة أعلآه .. أنهم يبون يعطون الأندية المغمورة فرصة عشآن تحتك مع الكبآر و بـ المرة نشهد نتآيج عريضة ..

بس على كذآ الدور التمهيدي بـ يطلع لعب حوآري ..

بس وش ذآ الاستهبآل .. السآلفة يبغآلهآ وآحد متخصص يحلل ذآ القصة ..

لأنك تفهم من السآلفة شوي .. و تطب عليك النقطة اللي بعدهآ تخرب أوم السآلفة ..

.. و تظطر تقرآ من أول ..

إقتباس

الرسالة الأصلية كتبت بواسطة hilalemooot


	. . الفرق الباقية تروح دايركت للدوري الاوروبي ( كاس الاتحاد اللي مشرفة ميلان هالسنة ) . . .

أقول كني أحسهآ دقه مبطنّة لـ اللي يلعبون فيذآك .. ؟؟!!

يعطيك العآفية أبوحميد ..

hilalemooot · #10 06/02/2009, 11:01 PM

عبود ياخي انا صاير شرير هاليومين مدري وش جايني هههههههه

النينو اللي تبي انت بس

.. ايه احمد

عموما النظام ممكن تكون له سلبيات بس من ابرز ايجابياته انه ممكن يكون اعطى كبار الدوريات حقها بنسبة كبيرة

ابو روي تراني فالنساوي لا يهمك

:$

ديلبييرو بالعكس كذا تأكد وجود مباريات قوية بالدور التمهيدي النهائي لانه راح يجمع فرق من هولندا و البرتغال وتركيا و اليونان و رومانيا ..

منورين

يالربع تصدقون رجعت اقرا الموضوع وتلخبطت انا خخخخخخخخخخخخخخخخخخ

منور

7
77

G U N N E R S · #11 06/02/2009, 11:06 PM

مشكور ابو حميد مع ان شرحك يبي له براد شاهي وتروق عليه علشان تفهم

انصح الى عندهم اختبارات يأخرون قرايت الموضوع

الزبده ان بلاتيني حالف انه يخلى فرق الخشاش تخش فى الابطال

عندهم كأس الاتحاد الاوربي طيب

من الظلم نشوف فرق مثل استون فيلا يقدم مستويات رائعه ها الموسم

ولا يشارك فى الابطال وتجيب لى فرق من النمسا وقبرص ومن ها الخشاش

صحيح انهم يستفيدون من الاحتكاك مع الفرق الكبير بس فى النهايه ياخذون

مكان مهوب قده وينلزخون بنتائج كبيره

تحياتي لك

H A R R Y · #12 06/02/2009, 11:19 PM

أحمد .. و .. شرح !

,

نظام غريب جدًا من لجنة الإتحاد وعلى رأسهم " بلاتيني " ! بكذا رآح يقتل متعة دوري الأبطال

! ..
يعني ما أستغرب { أشوف ليفربول ولا روما أو حتى فالنسيا

, مكروش من التصفيات ! وداش ع الإتحاد

,
أعتقد بأنه " إجحاف " بحق ! لـ الفرق الكبيره , أنا كـ محايد .. أبغى أشوف مبارايات ممتعه وحماسيه !
متعه الأبطال من سنوات طويله وهي " الأفضل

" حتى مقارنةً بكأس العالم .. أما الآن راح نشوف
لوتانيا وفلندا ومدري إيييش ! لو أجيب ضمك ولا الجبيلين رقعهم بـ خماسيه !

,

لآهنت حبيبي

ولو عندي وقت كان فضفضت أكثر !

,

MiLAN LoVeR · #13 07/02/2009, 12:09 AM

//

بعد امعان النظر اكثر من مره والتكيه واستخدام كل الوسائل
اتضحلي بعض الامور بأسردها وهي ان النظام هذا بيصير
فيه لخبطه في المباريات من حيث تفاوت المستويات بين
الفرق وقد نودع أيضا فرق كبيره مبكرا وهذي أمور ستقلل
من متعه ومنافسة دوري الابطال وأيضا هناك نقطه اخرى
ان الادوار المتقدمه من البطوله قد تكون بين فرق ضعيفه
وقويه وهذا بصدد

قتل المتعه في بطولة المتعه والاثاره .

//

أحس اني خنبقت واجد لكن في النهايه تبآ لـ بلاتيني

ولافكاره النايمه والي راح تخدم الفرق المتوسطه والضعيفه

//

ثانكس أحمد على الموضوع اللحسه بصراحه