أخوكم متوهق ويطلبكم المساعده !! - نادي الهلال السعودي - شبكة الزعيم

هلالـ20ـي بحت · #1 16/01/2009, 11:40 PM

السلام عليكم ورحمة الله وبركاته ..

مالكم بالطويله يازعماء

سؤالي هو ..

قبل مده قصيره كانت لي تجربه فاشله للأسف مع الهندسه ومع اني دخلت وانا على درايه تامه اني ضعيف وامكانياتي متواضعه بالرياضيات والفيزياء ..

فقررت قبل فتره تغيير التخصص فسؤالي لكم هو :
>>>القوه العاشره على غفله

ما التخصص اللي تراه مناسب من بين ذولي في مثل حالتي

Computer Science ( علوم كمبيوتر)
أو
Business Management (إدارة اعمال)
أو هالتخصص اللي يشمل الإثنين معا

Computer Science with Business Management (علوم كمبيوتر مع إدارة اعمال)
.
.
.
او غيرهم من التخصصات الي تشوفوه مناسب وله مستقبل في البلد

اتمنى من اصحاب الخبره والموظفين في احد هالتخصصات انه يفيدني... لأني صار لي فتره طويله اوضاعي متلخبطه تماما ...ولا اعرف اي مجال ادخله

مره اخرى انا ابحث عن تخصص بعيد كل البعد عن الرياضيات والفيزياء وبنفس الوقت مستقبله ممتاز سواء بالسعوديه او دوله خليجيه
علما اني متواجد في بريطانيا وانا الآن احضر البكالوريس شاكر لكم ومقدر ..

أخوكم/ وليد

مدمن الأزرق · #2 21/01/2009, 02:38 AM

هلا حبيبي ..

بالنسبه لوضعكـ المُزري لوول ..

ادارة الاعمال , ودربك أزرق ..

ولكن كـ نصيحه لكـ كـ أخ ..

لا ترجع السعوديه الا ومعك الماستر ..

وخل التعب مره وحدهـ ,, والله يعين ان شاء الله

az3eem-4-ever · #3 01/02/2009, 08:31 PM

زين انك تستشير الناس بس قبل كل شي استخر ووكل امرك لله صدقني ماراح تندم

AL-Nesta-13 · #4 04/02/2009, 04:28 AM

تبي الصدز والله أنا حاليا ً عاطل

... وما ودّي أوهقك يا بعدهم

...

عموما ً إنت إستخر وإسأل الخُبراء في هـ المجال ودربك خضر بإذن الله

...

ولــد أمــه · #5 04/02/2009, 08:20 AM

السلام عليكم

يابعدهم ياهلالي

انا واعوذ بالله من كلمة انا تخصصي إدارة اعمال

بس نصيحة جب معك الشهادة وتفلح

بإذن الله

بالتوفيق لك وللجميع

سنتياجو هلالي · #6 04/02/2009, 10:59 AM

دامك فاشل بالرياضيات ومشتقاتها ...

انصحك بالقانون او علوم سياسيه ........ وامسك السلك الدوبلوماسي ي بطل ...

سمو الهمة · #7 04/02/2009, 01:49 PM

هلا أخوي ..

أرى الجمع بين الحاسب والإدارة وهو المسمى في بعض الدول العربية بنظم المعلومات ..

تخصص قوي وممتاز ويجمع بين فن الإدارة وعلوم الحاسب ..

قوي نفسك في المحاسبة وخاصة المحاسبة بالحاسب ..

أخوك درس برمجة في إحدى الدول العربية ، وتمنيت لو درست محاسبة مع البرمجة لكي أفهم وش اللي أبرمجه ..

ما أبي أطول عليك ..

في النهاية إمكانتك ورغباتك هي اللي تحدد ..

لكن نظم المعلومات أو Computer Science with Business Management لها مستقبل كبير ..خاصة إذا كنت متقن لها ..

وفقك الله وأعانك على غربتك ..