سالفتي سالفة وقصتي قصة وخبر راح يفرحكم إن شاء الله ..
بــــــســـم الله الــرحـــمـن الرحــــيـم
السلام عليكم ورحمه الله وبركاته ...
أبحاول أختصر لكم السالفة ..
كنت أحتري كاس العالم على نااار وكنت متلهف ابشوف النجوم الخضر ونجوم العالم ..
المهم تعرفون جاء كأس العالم ولا نقله التلفزيون السعودي طبعاً سبب غضب في الشارع الرياضي السعودي
المهم كنت أنا ودي أشترك في الـart بس عناد في طالح كامل قلت ياخذ كاس العالم إن شاء الله ما شفته
المهم كانت الأخبار الرياضية تقول تقابل منتخب فلان ومنتخب فلان وشهد حماس وإثارة و و و و المهم حمسوني ذولي عجزت أصبر سراحة
قلت مالي إلا أستسلم لطالح كامل وأشترك والشكوى لله .. :sad:
كنت متردد كل يوم أقول أبروح اشترك بعدين أهون وكل يوم على هذي الحالة .. لدرجه إني والله العظيم أروح وألبس ثوبي وأطلع وإذا ركبت السيارة هونت ورجعت ...
دايم كذا البس ثوبي لا جيت أطلع يجيني شي يقول ( وين تبي تروح خل كأس العالم يولي ) ...ألخ
المهم قلت لصديقي وش رايك أنا ودي أشترك ومتردد ودي وما ودي قال وش أكثر شي يجذبك قلت أكثر شي ودي أشترك قال خلاص إشترك قعت أفكر قلت يا رجال خل هذي الفلوس أستفيد منها ولا تروح لبن الك..
وإذا شفت الأعلانات بالتلفزيون تحمست ... المهم جزمت جزمه بنت كلب قلت خلني أشترك الله يلعن هالحالة يالله على الله ورحت لمركز الأشتراكات وقلت لهم عندكم إشتراك قالي صاحب المركز لا والله يمكن بكراء أو بعد بكراء يجن الأشتراكات خلاصن هالحين قلت خلاص أمرك بكراء ..
خلاص جزمت أنا ما فيه شي يردني بإذن الله .. المهم جاء بكراء .. على فكرة ترى أنا أبشتري كرت الـ art وليسيفر عشان الرسيفر حقي يقولون ما يشتغل عليه الأشتراك في art لأنه من نوع الهيوماكس الصغير .. قلت يالله على الله إتفقت مع واحد أشتر منه الرسيفر غير حقين الأشتراك .. نرجع لموضوعنا ... جاء بكراء
وقلت يالله خلني أروح امكنهم يوم جيت لحقين الأشتراك سألتهم هااه جاكم شي قالو لا قلت يا رجال تكلم جد والله جاكم شي قال لا والله إلى الحين المهم وأنا قاعد أكلمة إلا أسمع ناس يتهاوشون الي يقول رجع فلوسنا والي يقول أنتم حرامية والي والي المهم قلت له وش فيه قال تبي السراحة قلت إي قال في إشتراك بس كل هذولي الناس الي هنا جو وإشتركو وما إشتغل عندهم الأشتراك كل الناس قلت لا يا شيخ قل هذا الي صار ...
المهم قلت خيره إن شاء الله رحت لم الي متفق معه أبشتري رسيفر أول ما شافني قال هاه فيه جيب كرت ترى هو هندي قلت لا يا محمد ما يجيب كرت كله نفر مشكل هذا كرت ما فيه شغل .. قال إووووه مشكل واجد قلت وش سوي فيه حل عدك قال أنت ليش إبغى إشتراك في الـ art قلت أنا ما فيه إشتراك عشان الـart أنا بس إبغا شوف كورة كأس عالم ..
المهم الهندي قعد يطالعني تقل رحمني وقال وهو يتلفت (( شوف محمد أنا فيه سوي فك شفرة قلت وش شفرته ( أنا إنبسطت راح تفكيري للـart قلت له أنت فكيت شفرة الart قال لا أنا عندي قناة ثانية (( كرواتيه )) تنقل كأس العالم قلت ما يخاااااااااااالف المهم نشوف كأس العالم قال هات الرسيفر الحين وتعال بعد شوي يعني كذا نص ساعة قلت خلاص والله العظيم من الفرحة بغيت أحب راسة رحت نص ساعة وجيت ومالقيته في المحل لقيت هندي ثاني قعت احتري لي ربع ساعة وجاء إلا معه الرسيفر قال الحين تشتغل القناة تعال شوف يوم شفتها إلا قاعدين يعيدون مباريات اليوم حقت ألمانيا وفرححححت فرحة طلبته وشلون سويتها بس عي يعلمني قلت طيب كم التردد قال ما فية أنت بس شوف ما فيه كلام نفر ثاني قلت خلاس ما فيه مشكل وقبل لا أروح إلا جاء يقول فين فلوس قلت أي فلوس قال أنا سوي بلاش قلت خلاص أبشر كم تبي قال عشرين قلت يا شيخ لو تبي خمسين ألف شكر قال سلام ...
المهم يا إخوان سبحان الله شف كل تأخيرة فيها خيرة ...
والله ودي اعرف وشلون سوها بس عياء الهندي يعلمني قلت أبقولكم إسألو عنها أي واحد يمكن يعرف طريقتها ويقلوكم ...
ترى القناة ( كرواتية ) وانا اكلمكم الحين وهي قاعدة تعيد مبارة ألمانيا مع إرلندا شوف عيني ...
رسيفري من نوع ( هيو ماكس الصغير كرت واحد ) ما دري عاد إذا كان يشتغل على غيرها يمكن ...
وأخيراً أقول .... الله يوفق منتخبنا في المبارة الجاية ..
وشكراً لمتابعتكم ..
;) ;) ;)
المهم قبل كاس العالم يقولون بتنقلها الاوروبيات قلت بلاش اشتراك وتربيح المجرم 
قالوا والله هذه مشكلتك ( يلعن ابو الاسلوب شفتوا الرد البايخ ) المهم قلت يمكن هذه صدفه مع خويي ومابدهاش واروح لهم وكلمتهم وقالوا لي الاشتراك بـ511 ريال غير قيمه الكرت والحديده مع العلم اني مغير الرسيفر من هيوماكس لجهازهم حق الاشتراكات ( الولد فعلا كان ناويها بس ربي ما كتبها) قلتهم بس بس ما عاد ابي اشتراكاتكم انقلعوا والله واخليهم والله يسلم المقاهي فاتحه من الصبح 
الوضع العادي
