السلام عليكم ورحمة الله وبركاته
وهنيئا لكم داهية الكره العربيه
مورينهو الجوهر
المباراه ظهرت بمستوى والله منتخب السعوديه الاولمبي ماظهر فيه
مباراه ممله بكل المقاييس
بالفعل كان المنتخب البحريني افضل تنظيم من المنتخب السعودي وخصوصا في غياب 7 لاعبين منهم !!!
نقاط مهمه ... تبين انه ناصر الجوهر يدربي دميجته ولايدري وش السالفه :
- غموض في خطوط المنتخب السعودي وتباعد غريب .
اللي شاف المباراه ... بيعرف انه خط الدفاع معزول تماما عن المنتخب ... مافيه اي تواصل مع خط الوسط
وبالنسبه لخطي الوسط والهجوم ... اللي شاف المباراه
اتحداه يفرّق بينهم
غايصين في بعض
يعني للهدرجه وصل فينا التخطيط السيء ؟؟؟
لاحد يحط اللوم على اللاعبين .. اللاعبين مبدّعين في الدوري وزي ماتعرفون الدوري السعودي اقوى دوري عربي بإجماع كبار الرياضيين !!!
الدفاع !!!
اقوى خط دفاع في الانديه السعوديه ... اللي هو دفاع نادي الهلال
متواجدين في المنتخب ... وتظهر منهم اللخبطه ذي ؟؟؟
يعني والله يالجوهر لو انك قايل لـ ( المرشدي والهوساوي والزوري ) العبوا زي ماعلمكم كوزمن .. كان شفنا اداء كبير جدا بدل الاخطاء الدفاعيه !!
اساسا لو لعب الدفاع بخطه كوزمن ماراح يتأثر باقي المنتخب ... لانه زي ماقلت قبل شوي ... الدفاع معزول تماما عن المنتخب
الوسط !!!
بطء غريب جدا جدا جدا ... تقول كأنهم يلعبون على غرا !!؟
ياجماعه من يوم طلعت الكره ...و انا اعرف انه الفريق اذا بيمرر الكره ... يمررها للأمام ... علشان يقرب من مرمى الخصم
السعوديه اليوم 90% من تمريراتهم للخلف !!!
طبعا السبب الرئيسي هو التمركز الغبي اللي نص فيه الجوهر على اللاعبين اللي احس انهم يلعبون بدون خطه
والغريب في المنتخب حتى بعد دخول الهدف علينا !!!
اصرار ناصر الجوهر على التغلغل من العمق !!!
ياخي ياسر ومالك اللي يعتبرون نخبة المهاجمين الاسيوين ...ماقدروا يخترقون الدفاع من العمق ... وتضل مصرّ على الاختراق من العمق !!
وش فيه اللعب على العرضيات ؟؟
والشي الغريب ... فيه برود اعصاب من اللاعبين ... او تقدر تقول ( لامبالاه ) !!!
يعني علشانها وديه مثلا ؟؟؟
طيب الوديه تعكس مستواك ياللي مانيب قايل !!
ملاحظه اضافيه شفتها في اللاعبين ... وتأكدت منها في اخر 5 دقايق في المباراه
الكنترول عندهم ضعيف بشكل كبير جدا جدا جدا
وكـ اخر حل للاعبين ... انهم رجعوا يستخدمون طريقة محمد عبدالجواد وحسين عبدالغني
كرات طويله من الدفاع للهجوم !!
بالله ياجماعه لو الكرات الطويله اللي ترسل من الدفاع للهجوم تفيد ... وش فايدة خط الوسط !!!!
يعني الكرات القصيره .. خذ وهات .... ماقد جربها ناصر الجوهر ؟؟
الكرات المردته تعتبر ( اشاعه ) في قاموس ناصر الجوهر ؟؟
بالنسبه للتشكيله .... قمة الغموض !!
يعني انت عندك مباراتين وديتين .... جرب شوي فيهم
مو تغير خط كامل مره وحده !!
وفيه لاعبين ياجماعه ... يمكن تزعلون مني في الكلمه ذي
لايصلحون الا في الدوري ... يعني لاعبين انديه فقط !!!!
ماودي احدد ... لكن اللبيب بالاشارة يفهم ... في خط الهجوم فيه لاعب ... والاظهره فيهم 3
.................................................................................................... ..............................
في النهايه ... يعلم الله انه سخطي مو على النتيجه ... سخطي على الاداء التعبان اللي مايضهر فيه حتى منتخب مكاو
هذا اداء تبي تقابل فيه كوريا ؟؟
هذا اداء تبي تقابل فيه ايران في ارضهم ؟؟
واعيد واكرر
كل مدرب يتمنى انه تكون عنده هالنخبه من اللاعبين
وانت عندك هاللاعبين يالجوهر ... في راسك خطه ... والا استقل ياخي وفكنا !!
مدرب يعتمد في المباريات الرسميه على انزال الورقه الرابحه في اخر 7 دقايق في المباراه !!!!
والله لو انك منزل اللاعب مع العصا اللي في راسها نجمه !!!
ماودي احلف واحط في ذمتي واقول انه فوز منتخبنا في مبارياته اللي درب فيها ناصر الجوهر كان ( بـ حماس واداء اللاعبين فقط )
لكن الله يستر من الجاي ..
جيبوا مدرب له تاريخ عريق ... وخلوه حتى لو جاب العيد معنا ... بس خلوه ينسجم مع المنتخب
السير الكس 8 سنوات بدون اي بطوله
والحين هو بطل اوروبا
وبطل العالم للانديه
وبطل الدوري الانجليزي الموسم الماضي
فمان الله
الوضع العادي
