& مقـابلـه مع طـفل & - نادي الهلال السعودي - شبكة الزعيم

رنـــــد · #1 11/12/2008, 09:06 PM

مدخل..
آلآيـآ طفل لآ تكبر..
كذآ أجمل كـذا أطهر..

كذآ لآ هـم يترآكم..
كذآ لآ ضغط لآ سكر..

صبــآح ... / ... مـســآء

آلبـراءهـ

×

×
الموضوع بجل محتواه اننّـا

كل عضو....يسوي مقابله مع طفل

(أخوه..ولد أخته..ولد خالته..ولد جيرانهم..ولد عمته........الخ المهم أنه طفل)

ولا يزيد عمره عن 10 سنوات او يقل لا مشكلــة..

وتسأله هالأسئلهـ وتجيب أجوبتهـ..

منها نعرف وش تفكيره..

ومنها للتغيــر شوي والمتعــة ..

••

الأسئلة :

1/ وش تسوي إذا صرت فاضي ؟

2/ لو فزت بـ 1000ريال ايش تسوي فيها ؟

3/ وين ودك تسافر في الاجازه؟

4/ لو صرت مدير مدرسة شو بتسوي ؟

5/ تحبني يا........ ؟ طيب ليش؟

6/ وش تبي تصير اذا كبرت ...؟

7/ تحب المدرسـه ..؟ طيب ليش ...؟

8/ شنو تعرف عن :

الأنسولين :

الإنترنت :

مجلس الشورى :

الإتيكيت :

الصداقـه :

الحب :

صورتــه...:.:.((اختيــاري))

نبي نشوف الاجوبة بدون تعديل

أتمنى إن الفكرة أعجبتكم ,, واتمنىا اشووف تفـآعلكم

..

مخ ــرج,,,-]

ترى اكبر كذبة عشناها ( يالله متى نكبر) احلم قد ما تقدر
واذا خفت خبي احلامك
بـــدفــــتــــر

تحياتي

بالحووب والود نلتقي

الزعمـــاء · #2 11/12/2008, 09:56 PM

سويتها مع اخــوي راكان 9 سنوات

1/ وش تسوي إذا صرت فاضي ؟

العب كــورة \ العب بلاستيشن

2/ لو فزت بـ 1000ريال ايش تسوي فيها ؟

آصــلآح الــ Psp , والــبــآقي لبـــوي

3/ وين ودك تسافر في الاجازه؟

مـــكــة >> مــآا ادري وش عنده

4/ لو صرت مدير مدرسة شو بتسوي ؟

با اخلي كــل يوم اجــازة

5/ تحبني ياراكان ؟ طيب ليش؟

آيــه لانك اخـووي

6/ وش تبي تصير اذا كبرت ...؟

ضــابط بس ابوي يقول دكــتور

7/ تحب المدرسـه ..؟ طيب ليش ...؟

لا لانها طــفــش

8/ شنو تعرف عن :

الأنسولين : ما اعرفه

الإنترنت : الالعـــاب

مجلس الشورى : ما اعرفه

الإتيكيت : مــا اعرفه

الصداقـه : اثنين يمشون مع بعض

الحب : اثنين يحبون بعض

ما خلاني اصوره بعد ما عرف اني بحطها بالانترنت

سي يو ..

رنـــــد · #3 11/12/2008, 11:41 PM

الزعماء يسلمو ع المرور الرائع وسلمني ع رآكان

سويت مقابله مع اختي ((لمى)) عمرها 8 سنوات

1/ وش تسوين إذا صرتي فاضيه ؟

اللعب

2/ لو فزتي بـ 1000ريال ايش تسوين فيها ؟

بعد تفكير طويل (اوزع على الفقراء))

3/ وين ودك تسافرين في الاجازه؟

الأردن <<طواري هالبنت

4/ لو صرتي مديرة مدرسة شو بتسوين ؟

مابي اصير مديرة مدرسه

5/ تحبيني يالمى ؟ طيب ليش؟

ايه لأنك تحبيني

6/ وش تبين تصيرين اذا كبرتي ...؟

ملكه >>>الخلا بس

7/ تحبين المدرسـه ..؟ طيب ليش ...؟

ايه لأنها تعلمني

8/ شنو تعرفين عن :

الأنسولين :

حلاو ((مستحيل تقول ماعرف تجاوب لو كان خطاء))

الإنترنت :

حقت اسهم ابوي

مجلس الشورى :

مجلس الرجال <<برآآ

الإتيكيت :

الكيك

الصداقـه :

هي اللي تقولين لها وش يصير بالبيت يعني زي الأسرار

طلعت خاقه كل العلوم

الحب :

بعد كركره وضحك وتوزيع ابتسامات دامت اكثر من 99 ثانيه

((ياقليلة الأدب ))

<<اكيد انها فاهمه غلط

الصوره عيت تقوول عيب يشوفوني العيال

بالحووب والموده نلتقي

وجــدان · #4 11/12/2008, 11:46 PM

,’

هلآ هلآ رنووده

ماشاء الله مواضيع وحركات
لو ادري انتس مبدعه كذا كان مفعلتتس من زمان

//

عاد بما اننا متواجدين بـ حايل اللحين وأكثر ماكثر الله عندنا الوغدان
مسكت لي واحدن منهم وسويت معه هالمقابله ..:

1/ وش تسوي إذا صرت فاضي ؟

ألعب كوره

2/ لو فزت بـ 1000ريال ايش تسوي فيها ؟

اعطيها ابوي > طيب وأنا

الشرهه على اللي يسوي معك مقابلات يالبزر

3/ وين ودك تسافر في الاجازه؟

ابي اقعد بحايل مابي اسافر
>ماألوومه

4/ لو صرت مدير مدرسة شو بتسوي ؟

افصل مدرب الرياضه وأحط استاذ يوسف بداله

5/ تحبني يا........ ؟ طيب ليش؟

انا احبكم كلكم الا محمد ماحبه

6/ وش تبي تصير اذا كبرت ؟؟

لاعب كوره بنادي الهلال

7/ تحب المدرسـه ..؟ طيب ليش ...؟

لاا .. لأني ماحبها وبس

8/ شنو تعرف عن :

الأنسولين : قعد نص ساعه يحك راسه عشان كذا طمرت السؤال

الإنترنت : اعرفه اللي يتجمعون بوه البنات

مجلس الشورى : مااعرفه

الإتيكيت :وشو !!

الصداقـه : لازم كل الناس عندهم اصدقاء

الحب : مثلي انا احب امي واابوي

صورتــه...:.:.((اختيــاري))
أشوى انتس قلتي اختياري لأسباب معنويه

\\

تسلمين رنووده موضوعك حلو بس يبي له تفاعل من الاعضاء
دمتي بخير

,’

رنـــــد · #5 12/12/2008, 12:11 AM

^^^^

^^^

^^

^

وجــدان لك اهليين وسهلين شو هالطله يخزي العين

يسلمو وجدانوه ع هالمرور السنع لا عدمنآآتس وسلميلي

ع ولدكم هالتوحفه

عريب عبدالله · #6 12/12/2008, 05:50 AM

ولد أختي بأولى إبتدائي

كان ودي أقابل ولد أختي الثاني ذاك منتهي بس ما جانا

وش تسوي إذا صرت فاضي ؟

العب أوأرتب الغرفه أو أقعد<<طالع على أمه مرتب

<<أشوى اللي ما جا علي

2/ لو فزت بـ 1000ريال ايش تسوي فيها ؟
بأشتري بها لابتوب <<مثقف ابو الشباب لأنه مل من المكتبي ويبي مثل أمه

3/ وين ودك تسافر في الاجازه؟
مكه<<<يا زينه عاقل ما قال تايلند

4/ لو صرت مدير مدرسة شو بتسوي ؟
الولد الشيطاني بأطقه<<شديد

5/ تحبني يا........ ؟ طيب ليش؟
ايه بس أحبك

6/ وش تبي تصير اذا كبرت ...؟
ضابط

7/ تحب المدرسـه ..؟ طيب ليش ...؟
لاء عشان الأولاد يطقون

8/ شنو تعرف عن :

الأنسولين :ما ادري

الإنترنت :يشغلون فيه الإيميل<<الولد منهي

مجلس الشورى :وش مجلس الشورى

الإتيكيت :ما ادري

الصداقـه :فاهم غلط <<يعني نتصدق للناس

الحب :يعني يحب ربه ويحب أخوه ويحب كذا

الصورة أمه ما خلتني أنزل صورة ولدها صادتني وأنا أصورة

بالحب والإشراق

رنـــــد · #7 12/12/2008, 12:16 PM

^^

رائده يسلموو ع المروور خيتو لاعدمنا هالطله يالغلا

وسلميلي ع اقدع واحد اجل الصداقه نتصدق ع الناس

كان هنا · #8 12/12/2008, 01:15 PM

أهــلا وسهــلا ..
فكرة ظريفــة ،
مقابلة مع أخوي عبداللطيف ، 6 سنوات

.. بسم الله ..

إقتباس


	1/ وش تسوي إذا صرت فاضي ؟

ألعب

إقتباس


	2/ لو فزت بـ 1000ريال ايش تسوي فيها ؟

أشتري فيها سيارة كبيرة "بس لعبية مو صدقية"

إقتباس


	3/ وين ودك تسافر في الاجازه؟

الكويت

إقتباس


	4/ لو صرت مدير مدرسة شو بتسوي ؟

أطق الأولاد

إقتباس


	5/ تحبني يا........ ؟ طيب ليش؟

اي ، عشانك تودينا دائماً كل مكان << ركزوا على دائماً متعوب عليها

<< أمحق أخ ، مادي

إقتباس


	6/ وش تبي تصير اذا كبرت ...؟

مدرس << واضحة نواياه

إقتباس


	7/ تحب المدرسـه ..؟ طيب ليش ...؟

اي ، عشان اقعد العب على كيفي

إقتباس


	8/ شنو تعرف عن :

الأنسولين :
شنو هذا ؟
الإنترنت :
الالعاب
مجلس الشورى :
شنو هذا ؟
الإتيكيت :
الحركات
الصداقـه :
العطاء << والله هو الي جابها

!!
الحب :
ما تستحي تقول حب ؟

ملاك بطبعها ! · #9 12/12/2008, 02:18 PM

هلا وغلا رند ..

فووووكره حلوه مره تسلميييييين يا بعدهم .. ورده

و قابلت مع إختي الصغنونه يا عيني على الأجوبه التحيفه ..

/ وش تسوي إذا صرت فاضي ؟

العب بلحالي ..

2/ لو فزت بـ 1000ريال ايش تسوي فيها ؟

أعطيها أبوي ..

3/ وين ودك تسافر في الاجازه؟

أمريكا ..

4/ لو صرت مدير مدرسة شو بتسوي ؟

أجلدهم ..

5/ تحبني يا........ ؟ طيب ليش؟

إيه بس ..

6/ وش تبي تصير اذا كبرت ...؟

دكتوره ..

7/ تحب المدرسـه ..؟ طيب ليش ...؟

لا عشان المعلمات عصبيات و أنا ما أحب الدراسه ..

8/ شنو تعرف عن :

الأنسولين : دورة المياه الله يكرمكم

الإنترنت : لاب توب

مجلس الشورى : كنب

الإتيكيت : كتكات

الصداقـه : يعني صديقه

الحب : يعني أحب صديقتي

هههههههههههههههههههههههههههههههههه بصراحه و أنا أكتب بطني وجعني من الضحك الله يرجها

وبص ..

مشكوووووووره ..ورده

زعيـم أسيـآ · #10 12/12/2008, 03:01 PM

ابشركـم معطـت شوشـة عزوزي و محطته قدامي

و اشتغلت معه تحقيق

و قد افادنا سموهـ العزيز بهذه الاجابات اللي فيها ذكآء و استلكاع و لا تهون الدلاخه

مع بعـض المضايقآت من اخوي الصغيـر " صعوبـي "

لكن بالاخير جاه كف منه و رآح عند امي

طبعا اللي باللون الازرق هو ماقاله عزوزي " نصيـا "

مع العلـم ان عمره 10 سنوآت

اقتباس


	1- وش تسوي اذا صرت فاضي ؟

يستخف دمه ذآ

انآآم

عآد ترا نومـه هو ثقيل و الله لو تكب عليه سطل مويـه ماتحرك

اقتباس


	2-لو فزت بألف ريال ايش تسوي فيها؟

اعطي الفقرآء <= كبر في عيني صرآحةً

اقتباس


	3-وين ودك تسافر بالاجازه؟

تركيـا <= تأثير الموظه واصل عنده

اقتباس


	4-لو صرت مدير مدرسه وش بتسوي؟

اذا سوى وآحد مشكلـه اطقه <= هنا طلعـت شخصيتة الحقيقيـة و هي تكفيخ خلق الله

اقتباس


	5-تحبني يا...>>يافشيلتك لو طلع مايحبك صدمه هههههههه طيب ليه؟

ايه , بس عشانك تودينا <= يلعن ام المصالح ياناس

6-شو تعرف عن :

اقتباس


	,,الانسولين

وشسمه وشسمه ؟

و الله ماعرفه

اقتباس


	,,الانترنت

النـت نت <= كأنه يقول سؤالكم غبي جداً

اقتباس


	,,مجلس الشورى

مجلـس فخـم

اقتباس


	,,الايتكيت

اللي يشتغل عند عصآبه <= انفقع بطني ضحـك

اقتباس


	,,التعليم العالي

يعني تعلم ناس كثيريـن

اقتباس


	,,الماركه

الماركه يعني سوق فيه محل ماركه <= صح يافآهم

اقتباس


	,,الستالايت

اول شيء قاللي هذي كلمه انجليزيه <= طالعن مثقف على اخوهـ

اتوقـع السونـي

و هنا خلصنـا الاسئلـة و قالي خلني بروح العب قرآند , الله ياخذه شريـطة بـ 250 ريآل

<= يازين سوني 2 و اشرطة ام 10

بركان أزرق · #11 12/12/2008, 03:08 PM

الموضوع جوناـآـآـآن

وهذا اخوي محمد بصف ثاني

اسئله ومو معطيني وجه جالس يلعب بلايستيشن

إقتباس


	/ وش تسوي إذا صرت فاضي ؟

اساعد أمي .. قلت بس ,,!!

قال والعب سوني بعد

إقتباس


	2/ لو فزت بـ 1000ريال ايش تسوي فيها ؟

بعد تفير طويل واستشارات عديدة

قال اشري من البقالة

واشري كورة ديداس

وبدلة زيدان

مع فرنسا ( البيضاء ) ومعهم كنادر

>> هذا كلامه والله مازدت اي حرف

إقتباس


	3/ وين ودك تسافر في الاجازه؟

كل مدن المملكة قالهم

إقتباس


	4/ لو صرت مدير مدرسة شو بتسوي ؟

ارتاح

واخلي الوككيل يسوي كل شي

إقتباس


	5/ تحبني يا........ ؟ طيب ليش؟

اييييييييييييييييه

<< لانك تلعبني حاسب وجايب لي سوني

إقتباس


	6/ وش تبي تصير اذا كبرت ...؟

محبوب

<< معتوه

وبعد الشرح امام الحرم

إقتباس


	7/ تحب المدرسـه ..؟ طيب ليش ...؟

ايه مدري ليش

اذا صرت ادرس ما احبها واذا صرت ما ادرس احبها

8/ شنو تعرف عن :

إقتباس


	الأنسولين

:

دلفين

إقتباس


	الإنترنت

:

تكتب اللي تبي

وتحط شبك الزعيم

وكل اللي تبي

<< كل شي جمله

إقتباس


	مجلس الشورى

:

مجلس الشرطة

إقتباس


	الإتيكيت

:

ما ادري

إقتباس


	الصداقـه

:

اتصير صديقه

إقتباس


	الحب

:

جا يمي وحبني

وقال يعني كذا

A L 7 Z N · #12 12/12/2008, 04:41 PM

بسوي مقابلة مع اختي الصغنونه بس مو موجوده

اذا جت ابشروا

-----------

جت

1/ وش تسوي إذا صرت فاضي ؟

اطلب من البقالة واتفرج عالتلفزيون <~

2/ لو فزت بـ 1000ريال ايش تسوي فيها ؟

اعطيها أمي <~ ياحظ امي

3/ وين ودك تسافر في الاجازه؟

الدمام <~ نفسي والله

4/ لو صرت مدير مدرسة شو بتسوي ؟

أنظم طلابي <~ قالت طلابي قالت

5/ تحبني يا........ ؟ طيب ليش؟

ايه بس

6/ وش تبي تصير اذا كبرت ...؟

دكتورة علشان أطز العيال أبره <~

7/ تحب المدرسـه ..؟ طيب ليش ...؟

أول شي قالت لا

بعدين قالت ايه

الأنسولين :

مااعرفه

الإنترنت :

تشتغل عالكمبيوتر

مجلس الشورى :

مااعرفه

الإتيكيت :

خخ نطقتها خطأ وانا افكها ضحك وقالت مااعرفه

الصداقـه :

اتصدق عالفقراء <~ فاهمة خطأ

الحب :

الرومانسيه

<~ بغيت اسطرها

.

الصورة عاد ماعندي لها بجهازي وعجز

الهلالي دائماً · #13 12/12/2008, 07:39 PM

هلا وغلا رند

ماشاء الله وش ها المواضيع الزينة على قولة وجدان لواننا دارين كان فعلناك من زمان

بصراحة من الصبح احتري احد بزارينا يجون لكن للاسف ما جانا اليوم احد

عاد دقيت قبل شوي على بنت اخوي غيداء سبع سنوات وسويت معها اللقاء عبر الجوال

بس طلع اللقاء عبر الجوال ما فيه اكشن

1/ وش تسوي إذا صرت فاضي ؟

اتفرج تلفزيون العب كمبيوتر >>طالعه على خوالها

2/ لو فزت بـ 1000ريال ايش تسوي فيها ؟

اشتري فيها اللي أبي : بيت, سيارة >>

وش تحس بها ذي؟

3/ وين ودك تسافر في الاجازه؟

ماليزيا >>> اوخص

4/ لو صرت مدير مدرسة شو بتسوي ؟

ماادري

5/ تحبني يا........ ؟ طيب ليش؟

ايه.. لانك عمي>>>بس

لو كانت بجنبي صكيتها طراق

6/ وش تبي تصير اذا كبرت ...؟

دكتوره >>>الله يوفقك

7/ تحب المدرسـه ..؟ طيب ليش ...؟

لا .. لانها يع وطفش >>>قايلكم طالعه على خوالها

الأنسولين :

مدري

الإنترنت :

اللاب توب

مجلس الشورى :

ما ادري

الإتيكيت :

الشي الحلو>>قلت لها من غششك قالت اعرف الاتكيت من زمن جدتي

اوخص ي غيدوه

الصداقـه :

يعني احب صديقتي

الحب :

يعني احب صديقتي

ياليل على صديقتك ذي النشبة

الصورة ماعندي احمدو ربكم جاءكم اللقاء

شكرا رند

وشكرا لجميع المذيعين والاطفال السابقين

دمتم بخير ,,,

هلالية بنت هلالي,, · #14 12/12/2008, 09:03 PM

الأسئلة :

1/ وش تسوي إذا صرت فاضي ؟
اللعب بالاب توب

2/ لو فزت بـ 1000ريال ايش تسوي فيها ؟
اشتري psp والبــاقي اتصدق بـه

3/ وين ودك تسافر في الاجازه؟
الطايف

4/ لو صرت مدير مدرسة شو بتسوي ؟
مايدري وش يسوي

5/ تحبني يا بدر ؟ طيب ليش؟
احبك

.. لانك تتطلبين لي من المطعم

6/ وش تبي تصير اذا كبرت ...؟
امام مسجد

7/ تحب المدرسـه ..؟ طيب ليش ...؟
اكرهــا

.. تقهر بسبب الاساتذه

8/ شنو تعرف عن :

الأنسولين :
وش يدريني

الإنترنت :
ترافيان

مجلس الشورى :
وش يدريني

الإتيكيت :
وشو الإتكيت

الصداقـه :
ماادري

الحب :
الحب من القلب

صورتــه...:.:.((اختيــاري))

اخــاف تنظلونــه

.....

معلــيش الأطفــال الحلوين يوم شافوني اسأل بدر كلهم تجمعوا .. يقولون اسألينا فمعليش ع الإطاله

......

الأسئلة :

1/ وش تسوي إذا صرت فاضي ؟
اخربــ

2/ لو فزت بـ 1000ريال ايش تسوي فيها .؟
اوزعهــا على خلق الله

3/ وين ودك تسافر في الاجازه؟
الشرقيه

.. وودي اروح لباريس لكن فيها حراميه

4/ لو صرت مدير مدرسة شو بتسوي ؟
بأفصل كل الطلاب عشان يرتاحون

5/ تحبني يا فيصل؟ طيب ليش؟
احبك

..عشــان دائمــا تكشخيني لدرجة مرة اخوي قالي لاتروح معنا اخاف احد يسرقك >> والله هالولد جميل

6/ وش تبي تصير اذا كبرت ...؟
مخترع

7/ تحب المدرسـه ..؟ طيب ليش ...؟
اعووذ بالله

.. فيهـا ضيقة صدر

8/ شنو تعرف عن :

الأنسولين :
وشو الأنسولين

الإنترنت :
الألعــاب

مجلس الشورى :
يعني يتشاورون

الإتيكيت :
اعرف انه الموضه

الصداقـه :
يعني امشي معــه

الحب :
يعني الناس يحبوني

صورتــه...:.:.((اختيــاري))
لا لا اخـــاف اغطي عليكم

......

الأسئلة :

1/ وش تسوي إذا صرت فاضي ؟
العب بلاستيشن

2/ لو فزت بـ 1000ريال ايش تسوي فيها ؟
ابني بيت

3/ وين ودك تسافر في الاجازه؟
الطايف

4/ لو صرت مدير مدرسة شو بتسوي ؟
بأضرب الطلاب

5/ تحبني ياعبدالمحسن ؟ طيب ليش؟
لا .. لانك هلاليه

>> الاخ اهلاااوي

6/ وش تبي تصير اذا كبرت ...؟
ابثيرامام مسجد

7/ تحب المدرسـه ..؟ طيب ليش ...؟
لا .. عشاني اكره المدارس

8/ شنو تعرف عن :

الأنسولين :
وشو الأنثولين

الإنترنت :
اللعب فيه بلياردو

مجلس الشورى :
مااعرف وثو

الإتيكيت :
وشو الاتكيت

الصداقـه :
الثداقــه اللعب معاهم

الحب :
يعني نحب الأثصدقاااء

صورتــه...:.:.((اختيــاري))
والله ودي لكن ماقسم الله .. بس كنــه سنفور >> وهـ يادينه

هلالية بنت هلالي,, · #15 12/12/2008, 09:28 PM

الأسئلة :

1/ وش تسوي إذا صرت فاضي ؟
انــاظر التلفزيون

2/ لو فزت بـ 1000ريال ايش تسوي فيها ؟
اشتري جوال ..> بدري ع الجوااال

3/ وين ودك تسافر في الاجازه؟
الطايف ..

4/ لو صرت مدير مدرسة شو بتسوي ؟
انجح البنات وافتك منهم

5/ تحبني يا ريم ؟ طيب ليش؟
احبـــك .. لأنك تتدلعين

6/ وش تبي تصير اذا كبرت ...؟
رســامــه

7/ تحب المدرسـه ..؟ طيب ليش ...؟
من زينهــا عشان احبهــا ..

لأني اكره استاذه نوال

8/ شنو تعرف عن :

الأنسولين :
الكريم حق اليدين

الإنترنت :
العاب ومسابقات

مجلس الشورى :
يعني مجلس يتشاورون فيه الرجال

الإتيكيت :
الفــن

الصداقـه :
يعني صديقاتي

الحب :
يعني الوفـــاء بالعهد

.......

الأسئلة :

1/ وش تسوي إذا صرت فاضي ؟
اللعب

2/ لو فزت بـ 1000ريال ايش تسوي فيها ؟
اعطيــها امي

3/ وين ودك تسافر في الاجازه؟
ايطاليا

4/ لو صرت مدير مدرسة شو بتسوي ؟
انجح البنااات بسرعــه

5/ تحبني يا رزان؟ طيب ليش؟
احبــك عشــانك تدلعينني

6/ وش تبي تصير اذا كبرت ...؟
دكتورهـ ,,

7/ تحب المدرسـه ..؟ طيب ليش ...؟
لا .. لأن كلهــاا كتاابــه

8/ شنو تعرف عن :

الأنسولين :
ماادري

الإنترنت :
العاب

مجلس الشورى :
ماادري

الإتيكيت :
يعني ناكل بشوكه وسكينه

الصداقـه :
يعني امشي معاهم واسولف

الحب :
يعني صديقتي

تم بحمد الله ..