يحقلك ياجمهور الرياض تسوي اللي تبي - نادي الهلال السعودي - شبكة الزعيم

العقد الهلالي · #1 11/12/2008, 06:29 PM

بعد أي مباره للهلال يطلع لنا كم شخص ويتكلم عن جمهور الهلال بالرياض وليه مايحضر والتجريح بجماهير الهلال بالرياض ...
وأنا متأكد 99% من اللي يكتبون هالمواضيع عمرهم ماحضرو للهلال وأغلبهم حب للتقليد شاف اللي يكتب راح يكتب مثله ... جمهور الهلال بالرياض مو محتاج دعوه أو شهاده من أحد جمهور الهلال وخصوصاً بالرياض يعرف متى يقف مع فريقه ولن يخذله أبداً وليس عذر فوز الهلال الجمهور ولاعذر هزيمة الهلال الجمهور ياما جماهير الهلال بالرياض حضرة للملعب بعداد تفوق عدد جماهير الهلال في ملاعب المملكه كلها ولم يفز الهلال ...
جمهور الهلال خارج الرياض الهلال لايلعب سوا مباره واحده بالسنه أو مبارتين أما بالرياض أكثرمن 18 مبارة وغير مباريات البطولات الخارجيه ...
وعن مبارة الهلال اليوم المباره في وقت عيد وعصراُ وملعب صبات لايستطيع المشجع تحملها بالليل فمابالك بالشمس .

اللي يبي تكلم عن جمهور الهلال وخصوصاً بالرياض الله يعافيه لايملي عليهاوامره تبي تحضر أحضر والكل له ضروفه ..

وجمهور الزعيم بالرياض وقت الشده مايتخلى عن الهلال ....

أبـ(ضلعان)و · #2 11/12/2008, 06:34 PM

الله يعطيك العافيه وجمهور اليوم كان ممتاز

ما أدري له النقد الناس بعيد والمباراه بالعصر وقت الزياراه ومع كل هذا إلا إن الحضور كان ممتاز

مجنون تـوتـي · #3 11/12/2008, 06:36 PM

ياخي ما يدرون ان الامن كرهونا في المباريات ،

علبه مويه ما تدخل الملعب ،

ببسي ما يدخل حتى كيك ابو ريال ما يدخل ،

واسباب واسباب كثيره ما تخلي الواحد ما يروح للمباراه ،

يعافيك ربي ع الموضوع ،

HMDAN · #4 11/12/2008, 06:39 PM

طيب اعصابك شوي شوي
حبيبي وقت الشده على قولك الكل بيحضر يعني نص الحضور من برا الرياض

صحح شوي وقول

وقت المجان نجي بهبال

تحياتي لشخصك الزعلان

هلالي غصب على الجميع · #5 11/12/2008, 06:39 PM

اخوي سلك لهم .. تلقى عمرهم 14 ولا 15 سنه ما يعرفون وش هو جمهور الرياض !!!

لولا الله ثم جمهور الرياض كان الهلال ما جاب 75 % من بطولاته !!

تحياتي !!

Abo 3yham · #6 11/12/2008, 06:41 PM

يعطيك العااااافية

الحضور كان جيد بالنسبة للعصر

لكن
نتمنى الأفضل في القااااادم لأن النهاية قربت ونحتاج لدعم جماهير الرياض

STS2005 · #7 11/12/2008, 06:41 PM

إقتباس


	وجمهور الزعيم بالرياض وقت الشده مايتخلى عن الهلال

طيب والشده هذي متى بتجي ؟؟

والمباريات التي تقام في النهار تكون في وقت الشتا يعني وش دخل حرارة الشمس ؟؟

وللاخوان اللي يتكلمون عن دخول الطعام .. وش تبون يعني يحطون لكم بوفيه مفتوح ؟؟

سلم لي على الحضور اليوم واللي اكثر من رائع .. وخاصة الاطفال واخواننا من ذوي الاحتياجات الخاصه . اللي ما همهم لا برد ولا شمس ولا صبات .. وياليت الاسطوانه هذي تنتهي .. المسئله الان صارت مجرد حماس للاعب وليس لفريق .. باقي ست مباريات ان شاء الله تكون هي الحسم .. وبيقول جمهور الرياض وجمهور الزعيم في المملكه كلها كلمته ..

♥ N E V E S ♥ · #8 11/12/2008, 06:56 PM

اصلا هم اخترعو هالموضوع الغبي وازعجونا فيه.....!

& الأمبراطور & · #9 11/12/2008, 07:06 PM

ايه والله .. ما عليك منهم ، جمهور الرياض واافي

واليوم الجمهور زين الحمدلله

هلال ونص · #10 11/12/2008, 10:45 PM

اقول اسكتوا لا تسمع ابو ظبي الرياضية ان فيه شي اسمه جمهور الرياض تحط سالفة مثل سالفة ولد النادي هههههه

hassan007 · #11 11/12/2008, 10:49 PM

اخوي سلك لهم .. تلقى عمرهم 14 ولا 15 سنه ما يعرفون وش هو جمهور الرياض !!!

لولا الله ثم جمهور الرياض كان الهلال ما جاب 75 % من بطولاته !!

تحياتي !!

خالد القريني · #12 11/12/2008, 10:57 PM

اولاُ رجع نظام المجان السؤال اللي اطرحه للاخ ابو المجان

طيب مواصلات اقل شي 20 الى 15 ريال

وجبه اكل سوى غدا او عشاء

تذكره قيمتها 20 ريال يعني اتوقع حتى لو كانت بالمجان يكون الحضور وافي

اذا المنتخب ما تتعبى مدرجاته الا بالمجان

ازعجتونا مجان والا نهائي وينك عن مباراه الشباب يا فاهم وين قلمك البخيل اللذي يوحي مدى غيرتك من جمهور الهلال بشكل عام والرياض بشكل خاص

اقول ردد بس مثل ما كتبوو عن الشلهووب رجعووو للجماهير

وبكره تشوفهم ضد ياسر وضد الفريدي بس اصبر لانهم دخلاء على المنتدى وميولهم معروفه