انا رايح كندا ابي مساعدة تكفون - نادي الهلال السعودي - شبكة الزعيم

Trust Me · #1 09/11/2008, 02:36 PM

السلام عليكم اخواني شلونكم ان شاء الله بخير يا جماعة انا الوالد بيوديني كندا الصيف الجاي وعمري 17 سنة طالب في الصف الثاني ثانوي اوكي

وبروح لمنطقة تورونتو في كندا وتبون الصراحة انا ما اعرف اي شئ عنها لكن الشايب وداني لها عشان الدراسة فيها كويسة

فا يا ليت تكتبون لي كل صغيرة وكبيرة ونصايحكم ويا ليت اذا في احد عنده صور عن تورونتو يا ليت يحطها يعني ساعدوني في كل شئ تعرفونه وشكرا

اخوكم خالد يا ليت ما تبخلون علي في اي شئ من خبرتكم

وشكرا

H U N T E L A A R · #2 09/11/2008, 06:57 PM

هـلا خـالـد

افـهـم مـن كـلامـك ان الـوالـد راح يـوديـك تـدرس كـورس انـجـلـيـزي تـقـريـبـا 3 شـهـور وراجـع لـ الـسـعـوديـة ، خـطـوة مـوفـقـة و راح تـفـيـدك اذا كـنـت تـبـي تـكـمـل

دراسـتـك بـعـد ثـالـث ثـانـوي بـالـخـارج سـواء مـن نـاحـيـة تـعـلـم الـغـة و اخـذ فـكـرة عـن كـنـدا ، عـمـومـا تـورنـتـو اكـبـر مـديـنـة بـ كـنـدا سـكـانـهـا 6 مـلـيـون

تـكـثـر فـيـهـا مـعـاهـد الأنـجـلـيـزي ، بـالـنـسـبـة لـي تـورنـتـو مـا أفـضـلـهـا لـ الـدراسـة لأن جـوهـا مـو دراسـي ، عـنـدك مـعـهـد جـامـعـة فـكـتـوريـا فـي مـديـنـة فـكـتـوريـا

مـديـنـة صـغـيـرة ومـعـهـدهـا الـجـامـعـي مـن اقـوي مـعـاهـد الـغـة بـ كـنـدا ، هـذا طـبـعـا اذا تـبـي تـقـوى لـغـتـك الانـجـلـيـزيـة الا اذا مـاخـذ الأنـجـلـيـزي كـ شـي ثـانـوي

تـورنـتـو مـش بـطـالـة ، هـي عـلـى حـسـب عـقـلـيـتـك تـفـضـل الـمـدن الـكـبـيـرة او الـصـغـيـرة ، بـالـنـهـايـة حـاول تـسـجـل نـفـسـك بـالـمـعـاهـد بـدري

.

@@almoreb@@ · #3 09/11/2008, 07:11 PM

أولا يالغالي انا لي تحفظ على كلمة الشايب والله العظيم ما يجووووز اننا نقول هذي الكلمة لآبائنا اولا ومن بعد ما قرأت قصتك شكله ابووووك مهتم فيك وااااجد وهذا الاهتمام ينبغي ان يقابله احسان له ((هل جزاء الإحسان الا الإحسان))

((ـــــــــــــــــ نصيحــــــــــة

أما عن كندا وتورينتو فهي مدينة كبيرة جدا وبها الكثير من معاهد اللغة
فتوكل على الله وشد الهمة والعزم وارفع راس ابوووووك عاليا ولا تخذله والصور في المرفقات

سلاااااااااااااااااااااااام

شفاف · #4 29/11/2008, 06:28 AM

هلا

مع انك قلت عن ابوك شايب وهالشيء المفروض ماينقال

الا اني بسامحك

والله تورنتو من اجمل المدن حقيقه ..

انا سبق وكنت بمعهد الـ EF وكنت ساكن بسكن جامعه rayrson ..

وحقيقه من اجمل فترات عمري هناك ..

ممكن تكتئب اول يوم .. ثاني يوم ..

صدقني عادي تماماً بمجرد انك تختلط بالشباب اللي بالمعهد كل شيء بيصير اوكيه

واهم شيء خليك وسيع صدر ترى الغربه مافيها يمه ارحميني ..

ممكن تجد صعوبه انك تدل في المناطق لكن اقولك ان كنت تبي جهه الفله

فا امسك السبواي " محطه القطار " وروح على محطه dundas هناك الفله ..

دائماً الاحتفالات تكون موجوده هناك وفيه على نفس الشارع مطعم "بوباي"

مثل كنتاكي بالظبط لكن ذبح اسلامي .. وطبعاً عندك سوق الـ eaton center

وداخله صاله مطاعم تحت او عندك ماكدونلدز فوق .. وفي هالسوق لابغيت تطلع

شريحه جوال كنديه او اي شيء ودك فيه .. وفي مطعم هاردروك على نفس الشارع

المهم ان تأخر الوقت حاول انك ماتتمشى حول هالمنطقه لإن جنبها في منطقه خوال

كان السكن حقي هناك والله اخترعت طريق عشان اتفادى مشاكلهم هالخوال كذا مره بغيت اروح غلطه تكارنه

وكذا مره شفت مشاكل منهم قدامي .. عموماً ما انصح انك تكون في الشارع بعد الساعه 9 ونص ..

وان تأخر الوقت عن 12 وقفلت محطات القطار وانت بعيد عن البيت انصحك تاخذ تاكسي لان بالذات الزقازيق عندهم

والحارات الضيقه خطر عندهم وممكن تتعرض للسرقه لو ماكنت نبيه ..

وانتبه برضو في الاجازات انك تكون طالع لوقت متأخر وترجع بلحالك .. ترجع مع اخوياك عادي مافيها شيء

بس لاترجع بلحالك بتصادف سكارى و ومهابيل في هالوقت ..

الشيء الثاني عزيزي .. اي احد في الليل يوقفك يشحذ لاتحاول تعطي وتاخذ معاه حتى اسفهه وامش

لإن بمجرد انك وقفت وعطيته وجه بتلاقي اثنين جو من وراك عرقلوك وزرفوا اللي وراك واللي قدامك

ولا تحاول تطلع البوك قدامه لانه بياخذه وبيفقع .. واي احد يطلب منك دخان اسحب على ام ام امه

هذا من باب الحذر خلك حذر بهالأمور ..

عندك بجانب CN TOWER وهذا برج معروف عندهم .. في بجانبه منطقه فيها ثيل وتطل على البحيره

كنا نجتمع هناك يومياً الشباب السعوديين ونلعب بلوت

.. تشوف الكندين اللي مع خويته يحظر غروب الشمس

واللي يمشي الكلب حقه واما حنا السعوديين خذلك بلوت ومطارحهه

...

و عندك بمحطه القطار منطقه اعتقد اسمها greenwod على المسار اللي لونه اخضر ..

روحلها واطلع يمين من المحطه وبيجيك حرف T خذ يسار منه بيجيك قهوه شيشه عربيه

اسمها كازانوفا محل صغير لوحته عنابي .. فيه مغربي اسمه سعيد .. قوله معك ناش اللي ايام كاس اسيا
وبيدلعك اخر دلع

هالقهوه طال عمرك كنت اول ما اخلص من المعهد اروح لحالي انا وكتبي انزلي احلى تفاحتين

ويحطلي على قناه ميليدوي ايام ماكانت نانسي في عز عطائها

مع شاهي مغربي وخذلك مذاكره على اصولها ..

وبعد ما اخلص مذاكره كنت اروح لـ eatoon center اتغدى في ماكدونالدز مع الشباب بعدها نطلع للبحيره

لين 9 الليل .. وثمن نرجع ..

وفيه قهوه شيشه بعد لكنها اخر الدنيا اسأل عنها بعد اسمها ام كلثوم .. هذي فيها وحده لبنانيه اسمها لينا ..

صدقني المحل يفتح النفس تماماً

.

وفي بجانب محطه dundas مسجد يصلون فيه صلاه الجمعه .. وبتلاقي فيه دكاتره سعوديين يصلون هناك

تعرفنا عليهم ورحنا معهم نلعب كوره في ملعب محترم لكن ما أدله والله لإننا ضيعنا في الرجعه من الاساس ..

طبعاً برضو في dundas في حرم جامعه rayrson في مساحه خضرا كبيره كنا نجتمع بعد ونسوي اربع فرق

سعوديين وبرازليين ومكسيكيين وارجنتينين .. وخذلك لعب طالع عمرك طول اليوم وتحديات وياما وياما صارت

مشاكل .. الله يذكرني بالخير كنت معقد البرازليين شققتهم كباري ع الرايح والجاي وخذلك تهيض من الارجنتينين ..

طبعاً نصيحه مني ابعد عن البرازليين تراهم راعين مشاكل ..

اما المكسيكان والاسبان تراهم اقدع ناس وابطال وكفو قسم بالله كانوا هم اخوياي هناك بجانب السعوديين طبعاً

طبعاً في عندهم ملاهي لاتفوت .. وحديقه حيوانات سفاري .. وشلالات نياجرا .. دامك بتروح ترونتو لازم تمرهم هالثلاث ..

للمعلوميه بس كنت اصرف في اليوم 30 دولار بالكثير وكنت مدلع نفسي اخر دلع .. ماكنت اطبخ في البيت ابد ...

لا وكل ماعجبني شيء اشتريته ولا قلت لأ ..

عموماً مصروف جيب في الشهر كان 3500 يكفيني وزياده .. وكنت معتبر نفسي رايح سياحه مو دراسه ..

ان كنت مدخن فا خذلك دخان من هنا لإن سعر البكت الواحد هناك 20 دولار مايقارب 65 ريال يعني الكرز عندنا بكت عندهم

..

وان كنت راعي شيشيه خذ شيشتك معك لان اسوء انواع الشيشه تنباع ب 75 دولار والتفاحتين النخله ب20 دولار

يعني ضربه .. اما المقاهي هناك فكان راس المعسل بـ 10 دولار وبلغوني انهم رفعوه الحين ..

بالنسبه للسكن ان كنت بتسكن عند عائله سعرهم بين 400 دولار الى 500 دولار شهرياً وتفرق ان كنت بتاخذ السكن

عن طريق المعهد ولا لأ .. ان اخذته عن طريق المعهد بيكون اغلى بـ 100 دولار .. اما ان اخذته انت بمعرفتك يكون افضل ..

اما الشقق عندهم فا على حسب المنطقه لكن تتراوح بين 600 دولار و 800 دولار وانت طالع ..

في فندق بشارع جارفيز غرفتين وصاله ومطبخ وحمام بـ 1100 دولار يعني انت وخويك يطلع ع الواحد 550 دولار

شيء حلو جداً ... والشارع جارفيز في محطه كولج بجانب محطه دانداس .. لكن ترى الشارع سيء تماماً .. اخلاقياً

ان سكنت عند عائله بتتقروش بمسأله المواصلات بتنتظر الباص اللي يوصلك لمحطه القطار ومن محطه القطار بتروح لمحطه قطار اخرى ومن ثمه إلى محطه القطار المطلوبه ..

فا افضل انك تسكن بسكن جامعه .. مثلي .. رحت عند جامعه رايسون وسكنت عندهم بـ 440 دولار شهرياً ..

لكن كان لفتره اجازه الصيف فقط ..

بس اتمنى اكون ساعدتك واي استفسار انا حاضر ..

Y O S F · #5 03/12/2008, 11:20 AM

هلا

مع انك قلت عن ابوك شايب وهالشيء المفروض ماينقال الا اني بسامحك

والله تورنتو من اجمل المدن حقيقه ..

انا سبق وكنت بمعهد الـ EF وكنت ساكن بسكن جامعه rayrson ..

وحقيقه من اجمل فترات عمري هناك ..

ممكن تكتئب اول يوم .. ثاني يوم ..

صدقني عادي تماماً بمجرد انك تختلط بالشباب اللي بالمعهد كل شيء بيصير اوكيه

واهم شيء خليك وسيع صدر ترى الغربه مافيها يمه ارحميني ..

ممكن تجد صعوبه انك تدل في المناطق لكن اقولك ان كنت تبي جهه الفله

فا امسك السبواي " محطه القطار " وروح على محطه dundas هناك الفله ..

دائماً الاحتفالات تكون موجوده هناك وفيه على نفس الشارع مطعم "بوباي"

مثل كنتاكي بالظبط لكن ذبح اسلامي .. وطبعاً عندك سوق الـ eaton center

وداخله صاله مطاعم تحت او عندك ماكدونلدز فوق .. وفي هالسوق لابغيت تطلع

شريحه جوال كنديه او اي شيء ودك فيه .. وفي مطعم هاردروك على نفس الشارع

المهم ان تأخر الوقت حاول انك ماتتمشى حول هالمنطقه لإن جنبها في منطقه خوال

كان السكن حقي هناك والله اخترعت طريق عشان اتفادى مشاكلهم هالخوال كذا مره بغيت اروح غلطه تكارنه

وكذا مره شفت مشاكل منهم قدامي .. عموماً ما انصح انك تكون في الشارع بعد الساعه 9 ونص ..

وان تأخر الوقت عن 12 وقفلت محطات القطار وانت بعيد عن البيت انصحك تاخذ تاكسي لان بالذات الزقازيق عندهم

والحارات الضيقه خطر عندهم وممكن تتعرض للسرقه لو ماكنت نبيه ..

وانتبه برضو في الاجازات انك تكون طالع لوقت متأخر وترجع بلحالك .. ترجع مع اخوياك عادي مافيها شيء

بس لاترجع بلحالك بتصادف سكارى و ومهابيل في هالوقت ..

الشيء الثاني عزيزي .. اي احد في الليل يوقفك يشحذ لاتحاول تعطي وتاخذ معاه حتى اسفهه وامش

لإن بمجرد انك وقفت وعطيته وجه بتلاقي اثنين جو من وراك عرقلوك وزرفوا اللي وراك واللي قدامك

ولا تحاول تطلع البوك قدامه لانه بياخذه وبيفقع .. واي احد يطلب منك دخان اسحب على ام ام امه

هذا من باب الحذر خلك حذر بهالأمور ..

عندك بجانب CN TOWER وهذا برج معروف عندهم .. في بجانبه منطقه فيها ثيل وتطل على البحيره

كنا نجتمع هناك يومياً الشباب السعوديين ونلعب بلوت .. تشوف الكندين اللي مع خويته يحظر غروب الشمس

واللي يمشي الكلب حقه واما حنا السعوديين خذلك بلوت ومطارحهه ...

و عندك بمحطه القطار منطقه اعتقد اسمها greenwod على المسار اللي لونه اخضر ..

روحلها واطلع يمين من المحطه وبيجيك حرف T خذ يسار منه بيجيك قهوه شيشه عربيه

اسمها كازانوفا محل صغير لوحته عنابي .. فيه مغربي اسمه سعيد .. قوله معك ناش اللي ايام كاس اسيا
وبيدلعك اخر دلع

هالقهوه طال عمرك كنت اول ما اخلص من المعهد اروح لحالي انا وكتبي انزلي احلى تفاحتين

ويحطلي على قناه ميليدوي ايام ماكانت نانسي في عز عطائها

مع شاهي مغربي وخذلك مذاكره على اصولها ..

وبعد ما اخلص مذاكره كنت اروح لـ eatoon center اتغدى في ماكدونالدز مع الشباب بعدها نطلع للبحيره

لين 9 الليل .. وثمن نرجع ..

وفيه قهوه شيشه بعد لكنها اخر الدنيا اسأل عنها بعد اسمها ام كلثوم .. هذي فيها وحده لبنانيه اسمها لينا ..

صدقني المحل يفتح النفس تماماً .

وفي بجانب محطه dundas مسجد يصلون فيه صلاه الجمعه .. وبتلاقي فيه دكاتره سعوديين يصلون هناك

تعرفنا عليهم ورحنا معهم نلعب كوره في ملعب محترم لكن ما أدله والله لإننا ضيعنا في الرجعه من الاساس ..

طبعاً برضو في dundas في حرم جامعه rayrson في مساحه خضرا كبيره كنا نجتمع بعد ونسوي اربع فرق

سعوديين وبرازليين ومكسيكيين وارجنتينين .. وخذلك لعب طالع عمرك طول اليوم وتحديات وياما وياما صارت

مشاكل .. الله يذكرني بالخير كنت معقد البرازليين شققتهم كباري ع الرايح والجاي وخذلك تهيض من الارجنتينين ..

طبعاً نصيحه مني ابعد عن البرازليين تراهم راعين مشاكل ..

اما المكسيكان والاسبان تراهم اقدع ناس وابطال وكفو قسم بالله كانوا هم اخوياي هناك بجانب السعوديين طبعاً

طبعاً في عندهم ملاهي لاتفوت .. وحديقه حيوانات سفاري .. وشلالات نياجرا .. دامك بتروح ترونتو لازم تمرهم هالثلاث ..

للمعلوميه بس كنت اصرف في اليوم 30 دولار بالكثير وكنت مدلع نفسي اخر دلع .. ماكنت اطبخ في البيت ابد ...

لا وكل ماعجبني شيء اشتريته ولا قلت لأ ..

عموماً مصروف جيب في الشهر كان 3500 يكفيني وزياده .. وكنت معتبر نفسي رايح سياحه مو دراسه ..

ان كنت مدخن فا خذلك دخان من هنا لإن سعر البكت الواحد هناك 20 دولار مايقارب 65 ريال يعني الكرز عندنا بكت عندهم ..

وان كنت راعي شيشيه خذ شيشتك معك لان اسوء انواع الشيشه تنباع ب 75 دولار والتفاحتين النخله ب20 دولار

يعني ضربه .. اما المقاهي هناك فكان راس المعسل بـ 10 دولار وبلغوني انهم رفعوه الحين ..

بالنسبه للسكن ان كنت بتسكن عند عائله سعرهم بين 400 دولار الى 500 دولار شهرياً وتفرق ان كنت بتاخذ السكن

عن طريق المعهد ولا لأ .. ان اخذته عن طريق المعهد بيكون اغلى بـ 100 دولار .. اما ان اخذته انت بمعرفتك يكون افضل ..

اما الشقق عندهم فا على حسب المنطقه لكن تتراوح بين 600 دولار و 800 دولار وانت طالع ..

في فندق بشارع جارفيز غرفتين وصاله ومطبخ وحمام بـ 1100 دولار يعني انت وخويك يطلع ع الواحد 550 دولار

شيء حلو جداً ... والشارع جارفيز في محطه كولج بجانب محطه دانداس .. لكن ترى الشارع سيء تماماً .. اخلاقياً

ان سكنت عند عائله بتتقروش بمسأله المواصلات بتنتظر الباص اللي يوصلك لمحطه القطار ومن محطه القطار بتروح لمحطه قطار اخرى ومن ثمه إلى محطه القطار المطلوبه ..

فا افضل انك تسكن بسكن جامعه .. مثلي .. رحت عند جامعه رايسون وسكنت عندهم بـ 440 دولار شهرياً ..

لكن كان لفتره اجازه الصيف فقط ..

ALAMEER 14 · #6 03/12/2008, 02:26 PM

^^
^^

الرجال يسألك عن المعاهد والدراسه . . ويسألك عن اجواء المدينه
وانت طايح نصايح بالرجال دخان ومعسل وشيشه

لا وحافظ السعر بعد الله يهديك بس

×
×

هلالي63 · #7 07/12/2008, 07:06 PM

نصيحه انحاش من تورنتو تراها برد ومووت

تعال فانكوفر والله بصراحه مدينه قمة انا بغيت شي بس راسلني

وان شاء الله تلقى الي تبيه

عاشق الزعيم!! · #8 13/12/2008, 06:54 AM

كدراسه بالصيف انصحك بتورنتو

مدينه جميله وسياحيه وكما قالو الاخوان فيها كثير من المعاهد

والله يوفقك ان شاء الله

عاشق 9 · #9 14/12/2008, 10:26 AM

ماعليك تورنتو احسن من فانكوفر بكثييييييييييير انا لي 3 سنوات في تورنتو اي شي تبيه راسلني وابشر والله بسعدك

d7eam · #10 15/12/2008, 02:21 AM

اخوووي الله يوفقك ويستر عليك , بس نصيحة ترى في لبداية يمكن تحس بضيقة مرررره بس تراها تروح مع الوقت .
اتمنى لك رحلة سعيدة وموفقة