اسعد الله اوقاتكم بكل الخير ومجمل المسرات ... ورده ورده
كيفكون يا آلبي
؟ شو أخباركون
؟ >>> فالها
والله انا باط كبدي من ذا الموضوع ...
خلنا نشوف ردود افعالكم على ذا الوضع >>> من ناحيتي اعتقد ان الموضوع تعدى بعض
الخطوط الحمراء ...
عندك مثلا ..
.: ( قيادة السعوديات بالذات ( كون ان باقي الخليجيات بنفس ديرتهم يسوقن ) في الخارج ) :.
لا احد يقول انت ضد هالموضوع او انت متعصب او معقد ... >>> للمعلومية
اكثر واحد كل حياته فلة بدون بطولة أنا !!
طبعا كالعادة سأقوم بطرح الموضوع
بقالب كوميدي ومن
أرض الواقع >>> موب من المريخ !!!
والله يالربع مالكم علي يمين .... الموضوع ذا شفته بأم عيني أمس !!
الجمعة ... وبتاريخ 8/8/2008 ... الساعة 06:30 عصرا >>> ترا العصر عندهم ( الاردن ) يطول ... ماتغيب الشمس الا الساعة 08:30 بالليل ...
اخوكم جالس يفرفر كالعادة انا والربع بموتري في احدى ضواحي عمان ... وبالتحديد >>> بدون فضايح !!
اقول وحنا جالسين نفرفر >>> ندور خير !!
... لا والله مجرد فرفرة عادية كما سرت العادة عليه في الرياض ...
والله وانا جالسن اسوق والا اقزلك (
لكزس 460 ) موديل
2008 ... واحتفظ برقم اللوحة ...
اللي لفت انتباهي ان
اللكزس موب مظلل >>> وذا شي غريب على السعوديين !!!
>>> بالعادة يكتمونه ويتخلفوا ويرجعوا يظلل من جديد ... انواع الهياط ...
انا واقف على الاشارة اول واحد وجا
اللكزس وقف جنبي ...
اللي لفت انتباهي ان في صوت اغاني عالي من جد ...
انا وكالعادة >>> عطيت الموتر اللي جنبي نظرة من فوق الكتف الايمن ... وش ذا الخير !!!
والله واشوفلكم شي غريب ... !!
3 بنات كاشفات ... ( هذه بلعناها ) .... جالسات يرقصون ويهزون ويد يمين ويد يسار ...
ومرحبا والنفس طربانة !!
انا فهيت
... يخوي والله الشكل خليجي 100% ...
فتحت الاشارة وانا اللي اقز اللوحات السعودية الجديدة >>> توه مابعد غير لوحاته !!!
ياشيخ ... معقول !!
واللي زاد الطين بلة ... يوم طلعت من الاشارة وفد من السيارات السعودية >>> مسويين حراسة امنية !!
>>> طبعا انا مع الخيل يا شقرا ... قلت والله لا اشوف وش بيصير لها ...
وقفنا الاسارة اللي بعدها ... حسيت ان في احتلال سعودي ... !!!
حنا الان بالاردن ... والسيارات اللي على الاشارة كلهن سعوديات !!! ...
انا فاتح الشباك ... وذيك رافعة راشد ... وتسمع الشباب ... هلا والله بالسعوديات ...
واللي يذب ارقام عليهم واللي يحدها
... واللي يرفع الاغاني ...
>>> بس تبغوا الصدق ... والله البنت تسوق بقلب ورب
... فاتحت لواحد معه XA او AX على باص !!!
طيب حلو !!
البنت تسوق ... ما اختلفنا ...
يعني لو البنت الان ساتره نفسها ... والاغاني على قدها ... ولا تناظر وتسوي هز ورقص ... بالله احد يناظرها !!
واحد اثنين من هالداجين اللي يحسبون البنات كلهن مثل بعض !!
يعني والله انا في الحقيقة يوم شفت ذا المشهد لفت انتباهي بقوة !!
اولا من ناحية البنت اللي تبي تلفت الانتباه ...
وثانيا من ناحية ربعنا الشباب اللي تحس انه ما صدق وشاف بنت سعودية تسوق ...
ترى الكويتيات والامارتيات والقطريات يسوقون ... بس كل النظر وكل العيون على السعوديات !!
اذا على الكشخة ... ترى القطريات موب هينات ... ( وحدة معها فيراري 360 ... يمين بالله ما احد عطاها وجه !! )
وحدة سعودية لو معها كورولا ... تشوف اللي معاه لمبرجيني والا رانج سبورت والا فيراري .. سريع يخق عليها !!!
* وهنا سأترك لكم مجمل التعليق على الموضوع ... .: ( التبرج والانصهار في ثقافات تبعد كل البعد عن عقيدتنا الاسلامية ) :.
انا من النوع اللي الفرفرة والتمشيات عندي كثيرة ولا احب اجلس في السكن ...
خلنا نجي على المولاات ... ( المجمعات التجارية ) ...
كونها يتم بها تلاقي معظم شرائح المجتمع وبكافة اطيافه ...
والمولات بالاردن يجيها الخليجين والشوام وابناء الاردن والاوربيين ...
يعني بالمشرمح ( على قولة الشاعر عبد الرحمن عادل الشمري ) كل فئات المجتمعات ...
وهنا خلنا نسلط الضوء على الخليجيين ..
انا والله اكاد اجزم ان اغلب السعوديات في الخارج يصادقن بنات من نفس البلد اللي هم به ...
لكن ان تشوفلك وحدة سعودية لابسة شورت ( لدرجة ان الشاب يستحي يلبسه من قصره ) ... وغير باقي الاشياء اللي انزه هذا المكان بطرح هذه الاوصاف فيه ...
يعني والله تجيني احيانا افكار ... احس ان البنت عندنا في السعودية مغصوبة على الحجاب ...
والله اول زيارة لي للاردن وانا في الطيارة اول ما اقلعت الطائرة تشوف كل اللي كانوا لابسين عبايات فكوا !!
وتشوفهم صدق في عمّان ( كونها محل اقامتي الحالي ) ...
تحس انك ما عاد تعرف ان البنت ذي من جد سعودية ... او حتى يصل بك التفكير ان ذي البنت من جد مسلمة !!!
ومن الطرف الثاني ...
شف الشباب ... والله فضايح ... لا شافولك وحدة خليجية ( الشباب في المولات مسويين بودي قردات الخليجيات ) !!
اللي فاتح لك البلوتوث ... وحاط رقمه ومكان اقامته ... سلامات ...
كل ذا كبت ما نصدق ان نطلع برا الديرة ونفرغ شحناتنا المكبوتة !! ونقول تونا ( شباب / صبايا ) تو العمر !!
* وهنا سأترك لكم مجمل التعليق على الموضوع ...
والله انا في مواضيع كثيرة وتعليقات على الشباب والصبايا ... في الغربة ... تمر عليك اشياء ...
( ما اقول الا الله يعينا ويثبتنا جميعا شبابا وصبايا ) ...
واللي عنده ظواهر غريبة او تعليقات او حتى ملاحظات يطرحها هنا ...
ولايفوتني بعض حركات الشباب ... لكن وبما ان الموضوع مختص بالدرجة الاول عن السعوديات ( الصبايا ) ...
لن ابعثر الافكار عليكم ...
* ملاحظة ...
اعيد واكرر على ان الموضوع ليس مستهدف الصبايا ( البنات ) لا يقولوا ذا شايل عليهم او انه معقد ...
بالعكس انا في طرحي احاول ان اعالج ( بمساعدتكم ) هذه التوجهات او الظواهر ... للتجنبها او على اقل تقدير التقليل منها ...
فلا تنسوا ان كل سعودي / سعودية مغترب يحمل اسمى الاخلاق فهو سفير لبلده في المقام الاول وقبلها ممثل واعي لعقيدته الاسلامية ....
تذكروا دائما ان الموضوع منكم واليكم ... والسلام عليكم ورحمة الله وبركاته ...
واعذروني على الاطالة >>> من النوع اللي اذا جلس يأدب الكيبورد ...
كل الود وفائق الاحترام ...
lover_zidane