.



السلام عليكم ورحمة الله وبركاتة





حي الله أعظاء وزوار المجلس الكرام




جت الإجازة الصيفية وجت معها الزواجات

وجا معها المواقف الحلوة والمحرجة وجا معها مواقف حزينة وفراق

لاكن بالنسبة لموضوعي هذا بنسلط الضوء للجانب الطريف وهو الإحراجات والموقف


ــــ(نخش في الموضوع )ـــــ

طبعا الواحد مايروح لزواج الا وهو في قمة الترتيب والكشخة وهذا الموت
وبالنسبة لي أنا ما أحب الأمور الرسمية أبدآ , طبعا انا ما احبها لكثرة المواقف
اللي تحصل فيها من إحراجات وغيرها

طبعا سبحان الله انا مشكلتي مع الزواجات والمناسبات الرسمية دايم تحصلي
مواقف تخلي وجهي كنة نقطة حمراء >> والله من زين الحظ

ـــــ(بعض المواقف)ـــــ

الموقف الاول :

مرة من المريرات كان عندنا زواج في الديرة >> ياجعلها لنجم
المهم وصلنا هناك وكان معي الوالد وعيال العم والأخوان المهم دخلنا القصر
وجلسنا على الكراسي بعد ماسلمنا على الموجودين المهم وجلست وياليتني ماجلست
المهم وفية بزر ياما راح من قدامي وياما جا ونا من شفت شماغة حاطة في مخباتة ونا
عارف ان الليلة مهيب معدية على خير


ومالكم بالطويلة الا وجاني البزر المقرود ويناضرني ويضحك وناضرة وضحك
مادريت انه ماينعطى وجة وينطبق عليه المثل الي يقول اذا شفت البزر يضحك انتبة منه
المهم وفعلا انتبهت منه ومادريت الا وجاني بحركة مباغتة وسريعة وسحب شماغي
ومابقى علي الا طاقية لا وجاية على جنب طالع كني عراقي

بس انا ودي أسألة وش يبي يوم سحب شماغي هل يبي يحطة في مخباتة الثانية
والله لوني داري كان جبت شماغ معي عشان أعطيهياه من البداية وأفتك

والزبدة طلع راسي بالطاقية طويل كنة مقرفون مراسل في قناة أخبار

وعيال عمي وخواني يضحكون المهم واقوم وامسك الولد وأخذ شماغي منه
وعفطة تقول عالكتة بقرة واخذه والبسة وأهاوش البزر ولا عاد شفتة يوطوط عندي


لاكن الحمدلله واحد من عيال عمي اللي يضحك علي اثرة ألتفت يسولف مع واحد
وأثر غترتة غطت في بيالة شاهي وشربتة >>> هذا جزاء الي يضحك




الموقف الثاني :



مرة من المريرارت كنت رايح زواج واحدآ ما أعرفة بس نشبلي الوالد

ألا تروح عشان توديني ويقولي هذا يقربلك ومدري أيش يوم درى اني ماأقتنعت
قال يابن الحلال أبيك تخاويني وقلت أبشر وأنا أبو محمد المهم وأروح معه وكان الزواج في الفيصلية


المهم وألقى ولد عمي وقلت أشوا المهم و وسلمنا على كل الصالة >> الوالد واصل
المهم ويوم جا العشى وياليتة ماجا دخلنا ألا وحاطين بوفية مفتوح
طبعا ذا الكلام على بدايات الحركة هذي

المهم والوالد وراي وناخذ صحون وكل واحد ينقي طبعا خليت الوالد ينقي
وانا وولد عمي مع بعض المهم وصلنا الطاولة وقعدنا ويوم شفت صحن الوالد
وأموت من الضحك على أختياره

وش تتوقعون في صحنة !!

والله لقيت راس سمكة وسلطة ,, وانا وولد عمي نموت من الضحك
وقلت له وشفيك ماخذ راس سمكة قال والله جيت أباخذ باقي جسمها أثر وراي واحد يحتريني أخلص
وستحيت ومشيت

المهم وقوم وروح أجيب لبوي صحن ثاني ويوم جيت وراه
وأقولة سم خذ التفت علي وبيدة طق الصحن وأنكب على الأرض
وراح وجهي كنه ذا القلب بس بدون اطارات

قسما احراج وقلت ياليتة جالس على راس السمكة اللي مالها الا عين افظل

والحمدلله انها وصلت كذا بس

وبصراحة المواقف كثير بس ماودي أطول عليكم وهذا اللي خلاني أكرة المناسبات والزواجات عن بكرة أبيها



هذا بالنسبة للي حصل معي وقد يحصل معكم وأتمنى أني أسمع بعض مواقفكم

وأتمنى أن مايحصل لكم شي ويبعد عنكم الإحراج يارب



**

وتقبلوا مودتي ومحبتي لكم
سيد الملوك

**

ههههههههههههههههههههههههههههههههههههههههههههههههههههههههههههههههههه

انتبه من عرس فيه بزر حاط شماغه في جيبه وانتبه من عرس فيه بوفيه ترى جلسة الأرض اطعم ههههههه

<<<<<<<<<<<<<<<< يضحك من قلب خاصة على راس السمكه

خخخخخخخخخخخخخخ
حظك حلووو
مشكووور ربي يعافيك

اجل كانك عراقي
هههههههههههه
وراس سمكه >>>>>>تذكرت بزه
وزين سويت ترى الحفلات مافيها الا النكد والهم >>>>>انا قاطعتهم من زمان على ايام حركه سكتوا
مشكووور اخوي على هالواقف ضحكتني وانا مالي مزاج للضحك وماقد صار لي موقف
اختك:عطر الصمت

ههههههههههههههههههـأإي ..


بس حلأة هآلموآقف آنهآ تخليك تمون آكثر . < مجرب ..

آنآ صآر لي موقف محرج جدآ ..



كنــآ رآيحيــن آنآ وآخوي الكبير .. وآهلي ..


المهم ويدلونهآ على الأسترآحه < تمآيم مو عرس ..


الزبدة وقفنآ عند الأسترآحه ومن العجله مآ قرينآ آسمهآ لقينآ سيآرة وآحد من عيآل خآلي هلكس مآ كآن مع هلكس فـي الريآض آلأ هو


المهم دخل الحريم قسمهم الخآص .. ودخلنآ آنآ وآخوي الكبير ..


ونسلم على الريجيل .. آلأ آنهم متغيرين عليـنـآ ..


يوم قعدنآ وآنآ آقول لخوي . . [ آنآ خآلد ، وآخوي فيصل ]


خآلد : فيصل يآ درج .. هذولأ مو ربعنآ ..


فيصل : يآ شين البزر لأ جآك على بآلي آعرف الريجيل .. هذولأ يآ طعس نآس من جمآعتنآ بس آنهم بعيدين شوي ..

خآلد : فيصل متآكـد ..

فيصل : الـحمدللـه تستهبل آنت ربـعك ولأ تعرفهم .... آلى يوم قآطعه رجآل ..


قآل آنتم عيآل من !!


وآنآ آنقز وآعـد له آسمنآ آلى رقم 27 ..

قآل الرجآل : والنعم .. بس وين آبوكم ...؟


وجهي ووجه آخوي الكبير قعـد يشكل .. !!


قلنآ آبوي جآي قبلنآ بس شكله مضيع الأسترآحه ..

يوم دق خآلي على آخوي ..

خآلي : آنتم وين ..

فيصل : حنآ فـ الأسترآحه ..

خآلي : وينكم وقف خلني آشوفكم ..

ويوقف آخوي وسط المجلس .. ههههههههـأإي ..

وطلع برىآ قآل شكلي مضيع فـ الاسترآحه ..


ويدقون علي آهلي .. خآلد الأسترآحه غلـط ..


هههههههههههههههههـأإي


يوم جينآ نطلع ويحشرونآ الريجيل .. العشآء حطينآه ..

هع هع هع ..

وبعـد المطآلب وحب الخشوم ومضآربآت فكونآ ..


بس موقف آليم ..

هههههههههههههههههههههههههههههههههههههههههههههههههههههههههههههههه

اما راس السمكة بلحاله

الحمدلله ماعمري صارت لي مواقف محرجة بمناسبات

الله يستر ... الليلة عرس عمي ومن الحين بديت اخاف يصير لي موقف محرج
شكلي ابنام و بلا عرس بلا هم
<< شكله الليلة بيسحبه ابوه من فراشه للقصر بدون ثوب و شماغ << الله يستر

هههههههه آمآ رآس آلسمكة شي ثآآآآني ..!
//
\\
هذآ طآل عمرك دق علينآ عمي .. يقول زوآج فلآن في قآعة بريدة بآلشيرآتون !
قلنآ خير .. وآلله نروح للشيرآتون .. وزحمة طريق آلملك فهد .. تقريبآً آخذ مننآ سآعة كآملة !
وصلنآ للشيرآتون ،، وآلله ونشوف هذآك آلسيكوريتي عند آلبآب ..سآلنآه وين قآعة بريدة ؟؟
قآل قآعة بريدة ؟؟؟!
قلنآ آيه ،،
قآل مآ عندنآ قآعة بهآلاسم !!
قلنآ يآرجل معزومين فيهآ حنآ !!
قآل آبد وآلله مآ فيه قآعة بهآلاسم !!
وحنآ نتنآقش معه دخل وآحد من آلمعآرف ،، قلنآ بس آكيد آنه جآي للعرس ،،
سآلنآه وين قآعة بريدة آلي فيهآ عرس فلآن !
قآل وآلله مدري كآن عندهم عرس ،، آنآ جآي هنآ عندي آجتمآع !!
بس ترآ قآعة بريدة بآلانتركونتننيتآل !
\\
قلنآ هآه ،، خير خير آن شآء آلله ،،!
//
ودقينآ على عمي ،، قلنآ له شلون تقول لنآ آنهآ بقآعة آلشيرآتون ؟؟
قآل آبد مآ قلت لكم .. آنآ قآيل لكم بآلانتر ،،
قلنآ له ع آلعموم حنآ رآجعين للبيت :@
قآل وين ترجع ،، تعآل بس آلشعب كله يسآل عنك ( يعني آلوآلد )
قآل خير ،،
فكر آلوآلد يجحده ويحرجه مثل مآ آحرجنآ .. بس قلت له تعوذ من آبليس وخل تصفية آلحسآبآت بعدين ،،
\\
وآلحمدلله عدت آلليلة على خير ،،
وآسف ع آلاطآلة ..

مشكووووووووووووووووووووووووووووووور

ويعطيك العافيه

ههههههههههههههههههههههههههههههههههه
موضوعك مررررررررررررررررررررره خطير

ضحكني وانا مالي خلق

بس ولله الحمد والمنه ماصار لي مواقف

يسلموووووووووووووووووو

ــهههههههههههههههههههههههههههههههههههـ

راس سمكه << هههههههههههههههههههههههههههههههههه

ابوك طيب بعض الشيء
_______________________

وبعدين مشكله البزارين اذا سوو شيئ ما يمديك تهزءهم يقولون يحط عقله بعقل بزر

خخخخخخخخخخخخخخخخخخخخـ

مشكور والله يزيدك من هالامواقف << يبي يضحك

لالا امزح