بسم الله الرحمن الرحيم
السلام عليكم
يااخوان انا توني مخلص الثانويه وجبت98% والقياس87%والتحصيلي توني مختبر امس
وحاب اني اكمل الدراسه في امريكا

وابغى اعرف وش الاحسن للمستقبل ابتعاث ارامكو او سابك او الملك عبدالله


وابغى اعرف متى يبدا التسجيل في برنامج الملك عبدالله وفي اي موقع

او تنصحوني اكمل دراستي في جامعة البترول والمعادن احسن

والله اني محـــــــــــــــتار حتى اني بديت اوسوس

ارجوكم عطوني رايكم

اول شي ما شاء الله توف توف توف
طبعا الثلاثة زينين بس سابك وارامكو جيدين مرهمع افضلية لسابك بس فيهم مشكلة ومو مشكله.
المو مشكله ان اول ما ترجع الوضيفه جاهزة.
والمشكله ان لازم تكون معهم تشتغل بعد ما تتخرج
بس اسأل واحد في البترول وواحد في سابك خل يعطونك فكرة افضل

مشكور مدفعجي هلالي على رايك ,, نبغى نسمع الباقين ان شاء الله يفيدونا

حبيبي ارامكو وسابك افضل لان قبل ماتمشي او يبتعثونك توقع معهم في حالة نهايتك من البعثة
ترجع للمملكة والوظيفة جاهزة بس في شروط ان اذا خلصت دراسة لازم تشتغل مع الشركة اللي
بعثتك خمس سنوات يعني لو خلصت دراسة اجباري تشتغل عندهم ما اتقدر تنتقل من لشركة اخرى

ايضا المكافئات افضل

بالنسبة جامعة البترول هي زينه لكن الابتعاث افضل اذا ماتقدر على الغربه الاحسن وافضل جامعة هنا في المملكة البترول

تقبل مرري انا فيلسوف زمانه

الشباب مقصرو وضحولكـ يالغالي

الف مبروكـ النجاح

تحياتي
هلالي عاشق سامي

هلا اخوي

ماشا الله درجاتك حلوة


ان شا الله ان قرارك بكميل الدراسة بامريكا يكون موفق

اولا انا طالب سابك بامريكا يعني عندي فكرة عن البرنامج

بين سابك وارامكو والحطكومة يعتمد عليك

الحكومة راتبها اقل و عنايتها بطلابها اقل بحكم انهم واجد

بس تاخذ راحتك بتحول من ولاية لولاية بتسافر تروح تسوي اللي تبيه محد درى عنك

ارامكو ابتعاثها جيد ورواتبها جيدة وميزتهم الرئيسية انهم يضبطونك قبل لاتروح بس رواتبهم اقل
من سابك وعدد طلابهم كبييييير بعد

سابك - جيدين وراتبهم يكفيك وزيادة بس لازم تكرف معهم لانهم نشبة وقبولهم صعب بعد

قفلة: نسيت اقولك انه سابك وارامكو تقريبا بس هندسة

تبي اي معلومات ثانية؟

مشكورين انا راح القدم على ابتعاث ارامكو ان شاء الله و البترول الي راح يقبلني فيهم راح اكمل معاه والاولويه لأرامكو
مشكوووووووووووورين والله يوفقكم