°l||l° .. سـواليـف أيــام ( الطفـولــه + الثــانـويـه ) .. °l||l° - نادي الهلال السعودي - شبكة الزعيم

موديل توب · #1 27/06/2008, 12:20 AM

السلام عليكم

عساكم بخير وعافيه أول مشاركاتي في المجلس العام وحبيت أفتتحاها بموضوع يكون خفيف عليكم بعد الاختبارات وآن شاء الله يعجبكم ..

الاولى :
طبعاً وانا بضبط مدري والله اي صف تقريباً 2 صف أبتدائي أو أصغر أو أكبر ماعلينا المهم كان الكل يوم الاربعاء يتجمعون كلهم في بيت الاكبر أو الُكبرى <<< هذي حيه

وطبعاً أنا ولد خالي واخوي ( النونو ) >> الاصغر

ومع بعض الاقرباء << متعوب عليها

ماعلينا .. وكانت الكبرى تطلب منا نشتري ( اغراض ) للبيت وكان الوقت ليلاً تقريباً التوقيت
التاسعه أو مايقاربها

المهم توكلنا على الله انا ولد الخال وكان معنا ولد خالي الثاني وكان
صغير جداً واهله مايخلونه يطلع بحكم صغره والمهم كان يبغى يروح معنا وانا ولد خالي نبغى
نصرفه المهم أن طلعنا وانتبه فيننا ولحقناً وبعدها نبغى نروح من الطريق الثاني وجاء معنا ودخلناه
البيت وتقول أنه حقد علينا وبدعاء بسيط والله اعلم وطلعنا ورحنا نشتري الغرض وشوي الا نمشي ونشوف مثل الطين أو تراب متحرك من جد والله ماامزح وطبعاً الطريق الثاني بعيد كثير وقلنا خلينا نقفز من التراب أو الطين وبعدها علق في التراب المتحرك ولد خالي وان ضبط الوضع معي
وراح أطلع من التراب المتحرك ولد خالي رجلينه بدات تنزل تحت
بضبط مثل ( الرسوم التحركه ) وانا مستغرب من الوضع والا شوي ولد خالي يسحبني وانا وياه
أعلق بتراب المتحركه وهنا مربط الفرس وكانت الحاره هاديه ومافي احد ياشين الحظ
وتعرف أول الي عنده جوال أووووووف ولد نعمه ولاتقرب منه

وبعدين طلعت من جيبي ريال هذا الي كان معي ومن كثر ماني متاثر وانا نونو بالرسوم المتحركه
والدعايات قلت لولد خالي روح اشترلي سن توب << أدري دينماركي

وكنت أحبه مووووت تعرف الوالده الله يحفظها مافي الا شرب في هـ العصير وحليب الفراوله

وقلت مافي الا سن توب الي راح يطلعني من هـ الموقف >> والله من الدلاخه
وجلست أنا وياه الين حسيت انه أخر يوم في حياتي

حتى وصل التراب الى رقبتي
خلاص وداعاً للحياه وبسرعه البرق شفت واحد من بعيد قادم أثاريه ولد خالتي أصغر بكم سنه
وهو حق فزعات وينقاله بيطلعنا ويطيح معنا

وجلس يبكي بعدها .. وسمعه واحد هـ المره رجال كبير مااعرفه المهم أنه من الحاره وكان مع
زوجته وشفتنا وقالت له أن موجودين بفضل الله شفتنا وراح يرفع فينا واخيراً طلعٌنا زوجها من
التراب المتحركه ومن بعدها انا مصدق شيء أسمه تراب متحركه لاني جربتها

الثانيه :
وكانت بالمدرسه كنت بصف الاول ثانوي كنت بالمدرسه عدد طلبها قليل جداً 9 طلاب
تم فصل طالب وباقي 8 طلاب وباقي تفاصيل فصل الطالب مع المميز دائماً موديل توب

المهم كان أكثر طالب مشاغب في المدرسه كلها
والله أني رحمته لانه كان نهايه الفصل الدراسي الثاني وقريباً جداً من الاختبارات وراح تعبه كله طول الدراسه >> عاد من الزين الدراسه الي يدرسها

والمهم أن كان يوم الاربعاء ومن شين الحظ كنت انا و3 غايبين عن المدرسه يعني 4 غايبين
وكان الطالب المفصول ذا مايحب مدرس في المدرسه والمدرس مايحب الطالب والاثنين حاقدين على بعض
والمهم كان في أثنين مع الفصل عقولهم شيء أسمه ضحك مسخره وناسه
والزبده باقي طالبين في الفصل والله من زود العلم

يعني 3 عند الحمامات و2 بالفصل و4 غايبين
الاثنين الموجودين بالفصل
وشوي الا بيطلعون من الفصل الا جاء الاثنين الي عقولهم ضحك والخ ...
قالو لهم أجلسو في الفصل ولا تطلعون واستغربو من الكلام وسمع(ن) وطاعه لكلامهم
وكان الفصل كله يموت بشيء أسمه تعبي الطلاب بالمويه كلهم بدون استثناء
والطالب المفصول كان يحسب أحد الطلاب في الحمام وهو يحب يمزح معه يفكره موجود بالحمام
ويعبي تقريباً 6 أو أكثر علب مويه والطالبين الي عقولهم ضحك والخ .. يحسبون أن الحمام مافيه أحد
وهم الي قالو له تراه موجود بالحمام وماتسمع الا علب طايحه وتتم العمليه بنجاح
وكلهم يرجعون الفصل بسرعه وهنا صدمه يدخل الطالب المفصول ويشوف الطالبين ولا باقي أحد في الفصل
وهو خايف من هو الي في الحمام وهم يفكرون الطالبين الي عقولهم ضحك والخ ..
مافي احد الحمام الا يطلع واحد من الفصل ويشوف
المدرس الي الطالب حاقد عليه متعبي مويه ورافع يدينه وقام الضحك وهو متوجه لغرفة
الوكيل والطالبين الي بالفصل الى الان مايدرون وش السالفه
واخر شيء جاء الوكيل واخذ الطالب المفصول والمهم أطلعو الطالبين الي كانو معه من السالفه
وقال الوكيل لطالب المفصول لاتجي يوم السبت الا بـ ابوك وحسابي معك يوم السبت
وجاء أبوه وتفاهم معه واقنعه أنه يجلس ومدري وشو وفي الاخير جلس بالمدرسه
بس ربك كاتب أنه يفصل من المدرسه
وفي يوم الاربعاء بعد أسبوع بضبط من الحادثه حدثت هوشه كبيره
كانت يوم الاربعاء
والهوشه كانت 6 طلاب على طالب واحد والوحيد أكل تبن
الوحيد هذا يجيك يوم السبت يجيب فوق 15 واحد على 6 أو أكثر بشوي
ومن ضمنهم الطالب ( المفصول ) مع 15
6 كلهم يتفرجون الا 2 طبعاً الكثره تغلب الشجاعه
وقامت الهوشه الكبيره وخلاص بتخلص
الا جاء مدرس نفسه اعوذ بالله منه .. ينقاله بيهدي ويقول لطالب روح يا ...
وعصب والطالب ماقصر واعطاه كم كلمه على الطاير

ويروح المدرس للوكيل ويقوله السالفه مع بعض البهارات ( الصواريخ )
وخلاص تقرر فصله يوم الاحد قالو له لاتجي المدرسه وخل أبوك يوم الاثنين يجي يستلم ملفك
وتم فصله بنجاح

بنتظاركم

الحربي2004 · #2 27/06/2008, 01:50 AM

إقتباس


	وسلامتكم واعذروني اذا في أخطاء مالي نفس أراجع الموضوع الان بنتظار ردودكم

هذة اكبر خطاء...املائي....

اخوي كتاباتك بحاجة الى تطوير وتحسين.......وياليت تركز بالموضوع الي بتكتبه وتظهره بمظهر احسن من هذا........

زعيم في حب الهلال · #3 27/06/2008, 02:49 AM

احس انلحس مخي شوي في القصة الثانية

ههههههههههههههههههههههههههههههه

على العموم مشكور على جهدك

وما يحضرني سالفة تستاهل اكتبها

لاني كتبت الي عندي في موضوع يشبه

موضوعك وما له داعي ارجع اذكرها

Olaroiu · #4 27/06/2008, 03:29 AM

ياخوي انلحست

قسم بالله مافهمت ولا كلمة من القصة الثانية

ياليت لو تعيد عليها و تزين اسلوبك وترتب القصة و تعدل الاخطاء الاملائية و ترتب الاحداث

موديل توب · #5 27/06/2008, 12:52 PM

إقتباس


	احس انلحس مخي شوي في القصة الثانية ههههههههههههههههههههههههههههههه على العموم مشكور على جهدك وما يحضرني سالفة تستاهل اكتبها لاني كتبت الي عندي في موضوع يشبه موضوعك وما له داعي ارجع اذكرها

هذا المطلوب

لا ان شاء الله اليوم راح اعمل لها صيانه

إقتباس


	ياخوي انلحست قسم بالله مافهمت ولا كلمة من القصة الثانية ياليت لو تعيد عليها و تزين اسلوبك وترتب القصة و تعدل الاخطاء الاملائية و ترتب الاحداث

أن شاء الله يوم راح اعمل لها صيانه
واعذروني والله حتى مارجعتها مره وحده والان بحاول أرتب الاحداث
بحيث ماتنلحسون

A L 7 Z N · #6 27/06/2008, 02:57 PM

إقتباس


	احس انلحس مخي شوي في القصة الثانية

من جد القصه الثانيه مافهمت منها شي

قريت اول ثلاث سطور وسحبت على الباقي