بسم الله الرحمن الرحيم
اسعد الله جميع اوقاتكم سواء ليل او نهار..
في البداية حبيت اناقشكم في هذا الموضوع وهو موضوع حساس وخطير خصوصاً عند البنات.
لكن اكيد بتكون وجة نظر الشباب تختلف .
يعني وبدون مقدمات لو تعرفت على بنت سواء عن طريق ترقيم او قريبة خويتت خويك او عن طريق الشات اومنتدى او اي وسيلة ثانية.. وعرفت البنت وشفتها وقابلتها وطلعت معاك وحبيتها وحبتك وعرفت اطباعها وعرفت اطباعك وفهمتوا بعض وصار فيه توافق بينكم ووثقتوا ببعض لدرجة كبييييرة ويمكن تثق فيك اكثر وتصدقك لدرجة انها ممكن تعطيك صور لها حتى ممكن ترسلها بدون ماتطلبها بس ماهو من باب الاستعراض ولكن من حبها لك ومن زيادة حبها لك تحكيلك عن ماضيها وعن اللي سوته سواء كانت تعرف احد قبلك اولا في الحالة هذي ممكن تتزوجها؟؟
واذا لا ليش؟؟
واذا ايه وعندك وجهة نظر قولها..
وهنا بعض الناس يقول البنت خاينه بس احب اقولكم ان هالزمن مافيه بنت ما كلمت اذا مو عالجوال عالمسن يعني اللي بتتزوجها ممكن تكون صاحبة سوابق

ياليت جميييييييييع اعضاء المنتدى يشاركوا بوجة نظرهم لان هالشي واقعي وصاير ولايمكن ان احنا نتجاهله او نستهين فيه كما ان فيه ناس تزوجوا بهالطريقه وعايشين ومرتاحيييييييييين عالاخر وفيه زيجات انهارات وهذا مايعني انها طريقه صحيحيه ميه الميه ولا يعني ان الطريقة التقليدية ايضا صحيحه ميه الميه لان نسب الطلاق كبيييييييييره جدا


((( احب اقولكم اني جالس انقل وجهة نظر (البعض) لانه الكثييييير من الشباب يرى انه مافيه بنت مالها تجربه ولا اعمم في موضوع ان اللي تكلم معناها تقابل!! ابدا والله بصراحة طلعتوني خارج عن الملة!!!!
الله يسامحكم بس حبيت اعرف هل النظره هي نفسها للموضوع او تغيرت بس!! انا اعرف ان فيه بنات حافظات للقران وفيه بنات يدرسن العلم الشرعي واعرف ان كل البنات ما يكلمون انا عايش معاكم بنفس البلد واعرف طبائع السعوديين عموما والمسلمين خصوصا بس ياعااااااااالم ياهووووووووه هذا الكلام اللي اسمعه دايم من اللي حولي من ازملاء في العمل او الاستراحة وغيرها )))
يعني لو قلت لكم ان فيه فئة (وهي موجودة) تبيح الموسيقى والأغاني هل معناتها اني فاسق
ولو قلت ان بعض الدول الآسيوية ان بعض النساء اللاتي يعملن في الدعارة بمجرد ان تصلي الفجر تعتقد ان الله غفر لها مافعلت بالليل هل معناتها اني اعتقد نفس الاعتقاد!!
اتمنى ان تناقشوني بعقل ومنطق وان لايصل بكم الحكم علي الى درجة اني قذفت المحصنات !!
كفانا الله شر السنة البعض!!!






احب انوه انو الاسم فيه خطأ واسمي هو mo0on_15 ياليت اذا احد يقدر يساعدني اعدل اليوزر نيم

إقتباس وهنا بعض الناس يقول البنت خاينه بس احب اقولكم ان هالزمن مافيه بنت ما كلمت اذا مو عالجوال عالمسن يعني اللي بتتزوجها ممكن تكون صاحبة سوابق

كل يرى الناااس بعين طبعه


تراك قذفت كل البناات اللي ما قد كلموا


أخوي أنت تفتقد إلى أدب طرح المواضيع

صراحه قهرتني بهالكلمة

الحين بدال ما نتفائل ونقول أن البنات والشباب عقلوا تجي أنت ورااسك وتقول كل البنات تكلموا في المسن والجوال



صحيح الكل يرى الناس بعين طبعه

إقتباس وهنا بعض الناس يقول البنت خاينه بس احب اقولكم ان هالزمن مافيه بنت ما كلمت اذا مو عالجوال عالمسن يعني اللي بتتزوجها ممكن تكون صاحبة سوابق

لامعليش موشرط كل البنات تكلم سواء جوال اومسن اللي بتحترم نفسها عن جوال بتحترمه عن مسن وغيره يعني لايكون التعميم على كل البنات

إقتباس ولا يعني الطريقة التقليدية ايضا صحيحه ميه الميه لان نسب الطلاق كبيييييييييره جدا

حصول الطلاق مايثبت ان الطريقه مو صحيحه الطلاق اسبابه كثير
وغالبا اللي يتزوج من الطريقه اللي قلت عليها يكون الطلاق واقع لأن حياتهم
بتكون كلها شك وقايمه على خطأ والخطأ عمره مايستمر
وفي الاخير اللي خانت اهلها وماحترمتهم مستحيل الرجال يحترمها مهما ادعى حبها

من رافق الجربان جرب عوده---لا تعليق ما ابغى اعطي راي انا اقول كل واحد يتزوج بنت عمه وبس

إقتباس الرسالة الأصلية كتبت بواسطة Mr.Marwan مابني على باطل فهو باطل ... فقد تكون حياتهم مليئة بالشكوك .. والزواج ومصيره الفشل .. لأن الزوج سيشك بزوجتة في أي خطوة تخطوها بدون علمه .. فالثقة معدومة بين الطرفين لأن الزواج مبني على خيانة المبادئ والمثل والدين والشرف .. فالأثم محاك بنفسك وكرهت أن يطلع عليه الناس فهو زواج مبني على الأثم .. فهل ترضاه لأختك ؟ !!!!!!!!!!!!!!!!!!!!!!

كلامك صحيح ميه بالميه وانا اايدك...
بس يأخ لو سمحت لاتقذف بنات الناس بقولك كل البنات يكلمون والله المحترمه واللي تربت صح مايحرك احد فيها شعره...

اقول اذا كانت تحبك وانت تموت فيها ليش لا ياخي مسموح تتزوج اليهوديه والمسيحيه وبالعكس يمكن بكره تاخذ غيرها وتتوهق ماتنسى اللي حبيتها حالات طلاق صارت بسبة الشي هذا ومن الضحيه البنت او الولد وكل واحد ماله دخل بحب الثاني وانت اصلا سواء البنت او الولد كل واحد بيعرف الثاني من اخلاقه مو خلاص كلمت هذي ماتصلح ومدري وش طبعا نظرت بعض البشر مدري وش تبي اوكره شي اللي يعم ولايخص والبنات مو شرط يكلمون ومدري وش جالس تجيب اعذار لنفسك خلاص مرتاح لها انت الله يوفقك يمكن تصير انت قيس وليلى الجزء الثاني امزح بس انبسط بحياتك واللي يحبك حبه وكلام الناس لايودي ولايجيب وبالرفاه والبنين انشالله ياقيس.

إقتباس الرسالة الأصلية كتبت بواسطة mo0o_15 وهنا بعض الناس يقول البنت خاينه بس احب اقولكم ان هالزمن مافيه بنت ما كلمت اذا مو عالجوال عالمسن يعني اللي بتتزوجها ممكن تكون صاحبة سوابق

اولآ اخي أتق الله فيما تقول لا تقدف بنات الناس مو كل بنت لها سوا%

يا حبيـــبي إذا طلعت معي أكيد بتطلع مع غيري

الزواج التقليدي احسن زواج بالعالم برب لي عوده بعد نور

إقتباس وهنا بعض الناس يقول البنت خاينه بس احب اقولكم ان هالزمن مافيه بنت ما كلمت اذا مو عالجوال عالمسن يعني اللي بتتزوجها ممكن تكون صاحبة سوابق

مرااااااااااااحب خيو ..

موضوعك جيد" اسفه على التدخل" لانه بخصوص الشباب بس حبيت اقولك الدنيا فيها

بنات مايكلمون ولايدخلون المسن مع الاولاد وربي ماازيد عليك ..

يعني موكل البنات واحد وبعدين والله لو تزوجته كل حياتهم حتبنى على الشك..

وسلامت عمرك..

اولآ اخي أتق الله فيما تقول لا تقذف بنات الناس مو كل بنت لها سوابق
انت معنى كلامك ان البنات كلهم يكلمون معناتها
انك تعم حتى على اقرب الناس لك اللي هم اهلك
لكن أخي العزيز اللي تراقب الله في جميع تصرفاتها
لن تخون نفسها قبل ان تخون غيرها ....
اتمنى ان تكون فهمت مااقصده في كلامي
واكون شاكره لك ....
أخــــتــــك حــــــبــــــ الـــعـــيـــون ــــــــــر