20/06/2008, 09:04 PM
|
زعيــم فعــال | | تاريخ التسجيل: 03/04/2008
مشاركات: 309
| |
الشروط التعجيزية وتعقيد الطلاب لدخول الجامعة مسا الخير.
طبعا احدثكم عن معاناتي قبل دخول الجامعة لسة طبعا المعاناة ماجات بس يبدو انها في الطريق معدلي التراكمي في الثانوي 92 % زمان لو كان معدلي كدا كان دخلت طب وأنا مغمض اما الان اخاف اني ماانقبل في الجامعة حتى.
اول شي اختبار القدرات اختبرت الاختبار الاول وجبت 74 واختبرت الاختبار التاني والاخير وجبت 75
طبعا الدرجة راح تأثر في النسبة لمن ينحسب الموزون حيث نسبة الثانوي 50% والقدرات 25% والتحصيلي 25%
والله العظيم تعقيد بعدين في جامعة الملك عبد العزيز الان دخول الجامعة سنة تحضيرية فقط يعني ادرس مواد عادية زي تالتة ثانوي والمعدل يحددلي ادخل اي قسم.
لمن تم اجتماع مع مدير الجامعة وطلاب المتوقع تخرجهم كان لقاء غير مطمئن لأنو ذكر افضل موزون دخل الجامعة السنة اللي فاتت 85 طبعا يعني صح معدلي 92 بس ممكن ماانقبل في الجامعة لا سمح الله.
بعد اسبوعين حيكون عندي اختبار تحصيلي(كيف صعب ولا سهل) المهم في دا الاختبار لازم اجيب درجة تمام او باي باي جامعة الله يستر بس.
ادعولي ياجماعة والله كل يوم عندي كابوس اني ماانقبل في الجامعة.
تحيتي واسف على الاطالة. |