اختراع ... اتمنى قتل صاحبه . - نادي الهلال السعودي - شبكة الزعيم

الدنيا بلوووو · #1 03/06/2008, 07:28 PM

درب يجب على كل سعودي سلوكه

نعم الكل يجب المرور عليه من ولادتك حتى وفاتك
بعد عمر طويل انشاء الله

نعم اختراع لا يوجد الأ في

المملكة العربية السعودية

علشان ما انوم في ....

هي ورقة بيضاء تسمى الاي فور
وهي مقاس هذا الورقة

يسكب عليها الكثير من الحبر
اما
قلم

او
الة كاتبة
قديمة ذي بالمرة

بالرغم انه احساسي يقول لي من فترة كل اللي يستخدومنها
انقرضوا منذو زمان بعيد

ولكن احساسي خاب بعدما شاهدتهم اما بوابات الدوائر الحكومية

او
طابعة ليزر
تطورنااااااا

عرفتوا ما اقصد
اكيد الكثير عرف لانه الكثير من الاعضاء اذكياء
ويفهمونها وهي ما بعد

هذا الاختراع
هو التخلي عن كل قيم الانسانية التجرد منها
لكي تطلب من مواطن
اعطائك حق من حقوقك

نعم اعزائي
هو
المعروض

كل مكان نذهب له انت مطالب به

سؤال مطروح

لماذا ؟؟

ومتى نشاهد مكان لا يوجد به هذا الاختراع ؟؟

ملاحظه لكل شباب اي تحلية في المملكة
لا تزعلون مني تراء انا ما اتكلم عن معاريضكم

عطـــر الصمــــــت · #2 05/06/2008, 07:53 PM

ياهلا بك ..وينك من زمان ماشفت لك موضوع
وصادق هالاختراع صاير بصمه لكل سعودي

تعودنا على صفصفه الحكي وصاير المعروض رخصه لكل معامله تريد تقديمها لاي جهه
والمصيبه بعد ما تقدم حكيك في هالورقه وتقابل اي موظف يسالك وش مشكلتك وتبدا تصفصف كلام له وتحاول تختصر وتخفض صوتك علشان مايسمعك المراجعين...
وهذا لاننا دوله ناميه مهما قلدنا الغرب تظل البنيه التحتيه لنا غير متحضرة

تقبل تحياتي

اختك:عطر الصمت

العمــ1ــيد · #3 05/06/2008, 09:40 PM

طـيـــــب اشـــ الــــمــــــطــــــــــــــلـــــــــــــوب مــــــنـــــا الــــحـــــــيــــــــن

تبينا نروح نقتل صاحب الاختراع هذا

الدنيا بلوووو · #4 06/06/2008, 11:47 PM

هلا بك اكثر اختي عطر الصمت

كنت جالس اكتب معريض لاني اسبوعين اراجع احدى الدوائر الحكومية

حتى الشغالة مخليها تسعدني في كتبتها

تدري عاد احس انك تشتغلي معقبة

في هالدوائر الحكومية

عندك خبرة كبيرة بس بجد كلامك صحيح 100 %

ودي اعقب على شي واحد انه احنا في الخدمات دولة نيمة مو نامية

كل وزير يطلب المواطن في تقليد الغرب في التحضر في المرجعات

وهو مستمر في طلب

المعروض

الدنيا بلوووو · #5 06/06/2008, 11:55 PM

شكلك

يا عزيزي

العميد

ما بعد راجعت في اي معاملة حكومية ولا خاصة ولا حتى في مدرسة

هههههههه

بكرا تجيك الايام اللي تخليك

ودك تقطع شعرك من القهر

وراح تقول اللي وتطالب في اللي اخترع المعروض انه يحط ميدان جنب الجمرات الثلاث

وش تدور علي بكرا وتقول شف لي قاتل ماجورا علشان نغتاله

ابو طـــــلال · #6 07/06/2008, 12:14 AM

الاي فور ... أو المعروض اصبح هو أهم نقطة تقدمها لأي غرض تحتاجة ...

حتى الكلام اللى فيه مااحد يقراه

يعني لو تكتب معروض فيه

إلى سعادة مدير .. الخ الخ الخ

وتحط اطلب منكم _ وتحط الطلب

وذلك ( وحط وحده من قصايد خالد الفيصل ) او عب الورقة باي خاطرة من هالخواطر بالمنتدى ..

واخرها اكتب .. وشكرا لكم

مقدمة .. واشخط توقيعك

المشكلة ان هالمعاريض لاتحفظ بالعادة .. ولا تستخدم ..؟؟ ولا تقدم ولا تأخر ؟؟

يعطيك العافية بلو ....

ومعروضك وين هالمره ؟؟ متعود عليك .. حياتك كلها معاريض

تقبل مروري البسيط

الدنيا بلوووو · #7 07/06/2008, 12:39 AM

ابو طلال

ياريتك وزير بس

في نظري راح تخلي كل المراجعين يجبون صفحة من المنتدي

صدقت والله هي لا تقراء ولا شي مجرد اذلال انك تطلب شي من حقك

المرور
معروض

الجوزات
معروض

البلديات
معروض

على طاري البلديات قاهرني عمال النظافه اللي في شارعنا خاش عرض

بس في موقف ما ينظف الشارع لازم وغصب انك تدهن سيره كلمت المراقب اللي عليهم

وشرحت له الوضع وقال كذلك اكتب معروض ودهاه للمدير في المكتب

اخر المعريض خمسة اربعه للمحكمة
واحد لمبنى 60 انت عاد خبره فيه هههههههههه

ابو طـــــلال · #8 07/06/2008, 02:00 AM

على طاري مبنى 60 .. ماودك تمرهم بكرا وتشوف إجازتي مشت وإلا لا ... العودة سويته اربعه وثلاثين مره ؟؟؟ بحل يالمعروض

يالواسطة ... الله من الرقاقه ( حط نقطة على واحد من الحروف وانت تعرف المعنى )

الدنيا بلوووو · #9 07/06/2008, 03:55 AM

ما عندي مانع يا ابو طلو

بس لازم

تعطيني

معرووووض

في المشكلة وانا اباشر الموضوع انا بنفسي تحت الشوفه حنا
هههههههههههههه

سعودي مدمن معاريض

بس تعال هنا

كيف اشوفها

وانت واصل للقيادات العليا

واللي كان متدخل في اجازتك ال ب ..... بنفسه

حسب مصادري المعروفه لديك

على العموم اذا انتهي قصة معروضي اللي صرت اذا جيت انوم اعدها علشان يجني

النوم اشوف موضوعك

انا عندي خصم خمسين ساعه عمل

واقولهم اجازة مرضيه يقلون اكتب معروض

الله بس طوط طوووووط

F I N A L · #10 07/06/2008, 10:28 AM

ياليتها على المراجعات بس ,
حتى التقديم على الوظائف يطلبون معرووووض.
قبل كم يوم تأخرت في التقديم حوالي نصف ساعه
<<الّي يقدم على وظيفه يعرف ايش تعني نصف ساعه-
كله بسبب المعروض ,

في معلومه سمعتها في التلفزيون
ان السعوديه الدوله الثانيه بعد اليمن في استخدام الورق ,

الدنيا بلوووو · #11 07/06/2008, 03:09 PM

يا عزيزي

F I N A L

مراحب بك في عالم المقهورين من المعاريض

الله يخلف عليك في وظيفة انشاء الله احسن منها وبجد احزني

ردك

تدري عاد الشي المبكي في الامر انه الورق اللي نكتب فيها مشاكلنا ونطالب الحلول لها في الدوائر الحكومية والخاصة

بفلوسنا مو بلاش تطلب خدمة بفلوسك وبحر مالك يطلب منك معروض

وبالنسبة لقصة معروض عشان وظيفة شي يبعث في النفس
الغبن

بس مدري وش الواحد يكتب فيه

يعني يقول بليز ابي اتوظف عندكم

اما قصة انه احنا بعد اليمن في الورق ممكن انهم
يقصدون ورق القات

ههههههههههه

اللي احس انهم افضل منا بكثير وكبر دليل انه القات عندهم

صار عن طريق الطلب بالطريقة هاذي

الزعيمه بسمه · #12 07/06/2008, 03:19 PM

الصراحه اول مره اسمع عن هالاختراع

المعرووض وشو الشي هذا صدق ماعرفه

بس فمهت شوي من ردودكم وكلامكم عنه

وان شاء الله مايجي اليوم اللي يطلب مني معروض شكله شي شين <<هذا الي فهمته

راكان _20_ · #13 07/06/2008, 03:23 PM

يا رجال الحين لو تبي تقدم نفسك قالولك معروض

الله يستر لا يقولون كل عضو لازم يقدم معروض

هههههههههههههه

و الله لا تستغربون أي شي ...

الدنيا بلوووو · #14 07/06/2008, 04:02 PM

اختي
الزعيمة بسمة

هذا اختراع غريب عجيب

اذا ما مر عليك اعتقد انه توك ما بعد عاصرتي الحياة

والطريق قدامك انشاء الله

على العموم اذا ما مر عليك هذا النوع

اسائلي واحد من اهلك مستحيل ما يعرفه ولا تابعي الموضوع بتركيز عالي

وراح تعرفيه

انشاء الله ابواب الجامعه امامك وراح يكون الاختراع هذا مرافق لك
اربعة وعشرين ساعه على اربعه وعشرين

شكرا لك

الدنيا بلوووو · #15 07/06/2008, 04:09 PM

هلا بك
اخوي راكان

والله يا عزيزي ما على الله شي كايد
انا
اتوقع اي شي في هالمكان

صدقت انه في كل مكان معروض
حتى البنوك لما تعترض على سرقه واضحة من حسابك
او
خصم لبطاقة ائتمانية
او
عملية خصم بالخطاء

يقول لك المؤظف اكتب اعتراض او احتجاج
تستغرب انت طبعا
خير انشاء الله انا معترض على لاعب عليه ثلاث كروت

بعد ما يسمع استغرابك من الاحتجاج

يقولك بكل قوة يا اخي اكتب معروض