السلام عليكم ، في الطريق إلى الإبتعاث ، نصايحكم .. - نادي الهلال السعودي - شبكة الزعيم

الملك راؤول · #1 11/05/2008, 03:14 PM

السلام عليكم و رحمة الله و بركاته أخواني أنا ادرس حاليا في السنة التحضيرية في جامعة الملك فهد للبترول و المعادن و بيني وبينكم استهوتني فكرة البعثة كثيرا بل انها تسيطر على عقلي الآن . . .

فعندي كم سؤال احتاجها قبل اتخاذ القرار النهائي

انا يا اخوان عارف ان هناك تدرس كورس لمدة سنة لغة بعدين تنتظم في الجامعة ، وانا ناوي ان شاء الله اتخصص في الادارة ،

واللغة بصراحه ماااش ، كم احتاج من الوقت لكي أكون جاهز للإلتحاق بالجامعة ، يعني بالعربي اذا انا لغتي دجه متى اكون جاهز لإختبار التوفل واقدر اعديه ؟

هذا سؤال ، بالنسبة للسؤال الثاني ، يتعلق في الدولة ، هل تعتقدون ان امريكا هي الخيار اللأفضل ، و إذا كان الجواب بنعم فأي ولاية تنصحون بها ؟؟

سؤال آخر ، يا اخوان نسمع كثيرا في جامعة البترول ان الدراسة في الخارج أسهل بكثير من مناهج جامعة الملك فهد للبترول و المعادن مع العلم ان الدراسه عندنا نااار ، فماهو مدى صحة هذه المعلومة ؟؟؟

لأني يا إخوان ضعيف جدا في الرياضيات ، ولو جلست في جامعة البترول لن أتخصص هندسة لصعوبة المناهج ، فهل بإمكاني ان اتخصص هندسة

كيميائية مثلا في الخارج ( إذا كانت الدراسه سهله نسبيا ) و بالطبع في جامعة معترف بها دوليا ؟

أعتذر على سوء صياغة الموضوع لانني كتبته على عجل ،، و في إنتظار ردودكم ..

almobde3 · #2 12/05/2008, 12:50 AM

عزيزي لاشك بإن الإبتعاث من افضل الوسائل التعليميه .. إن لم يكن افضلها ..

لذالك اعط نفسك وقت للتفكير واعطني انا ايضاً والاخوان المغتربين وقت لنرد عليك ... الاسبوع هذا الفاينلز " الاختبارات النهائيه " بإذن الله بعد اقل من اسبوع سوف تجد اجوبه لجميع اسئلتك بإذن الله عز وجل

hilali77 · #3 12/05/2008, 04:22 AM

وعليكم السلام ورحمة الله وبركاته !!

والله شف ياولد الاجواد تحمد ربك اني لمحت الموضوع ودخلته

وقبل لا ابدأ الرد انصحك تصلي ركعتين شكر !!

الزبده بـ حكم اني بـ امريكا ومعرفتي بـ الامور هنا

فـ اسمحلي ان اجاوبك

<<--< توي ادري اني اخلاق !!

إقتباس


	كم احتاج من الوقت لكي أكون جاهز للإلتحاق بالجامعة ، يعني بالعربي اذا انا لغتي دجه متى اكون جاهز لإختبار التوفل واقدر اعديه ؟

بالنسبه لـ سؤالك ذا فـ الجواب بيكون على حسب الولد

ان كان جيد ويدور العلم فـ راح يجيبها بسرعه

اما اذا كان يدور العرب وشغل اخر الليل وقلة الادب

والله مايجيبها الا اذا حج التيس على جبهته !!

وبعدين في شي لاَزم تعرفه الي هو

الاساسيات الي عندك بـ اللغه ذي بتفرق ترا وانا خوك !!

إقتباس


	للسؤال الثاني ، يتعلق في الدولة ، هل تعتقدون ان امريكا هي الخيار اللأفضل ، و إذا كان الجواب بنعم فأي ولاية تنصحون بها ؟؟

والله شف يالشنب !!

امريكا ممتازهـ جداً !!

لكن اذا تبي نصيحتي ترا كندا اصرف وانا خوك

عندهم الحكومه كويسه والناس احسن والمستوى عاَلـي !!

ولكن مب يعني امريكا سيئه لكن المشكله بسمعت المملكه عندهم خايسه للغايه

<<--< نعنبو العربي الي تعرفه ياشيخ

إقتباس


	يا اخوان نسمع كثيرا في جامعة البترول ان الدراسة في الخارج أسهل بكثير من مناهج جامعة الملك فهد للبترول و المعادن مع العلم ان الدراسه عندنا نااار ، فماهو مدى صحة هذه المعلومة ؟؟؟

والله احب اقولك المعلومه 100% على حسب ناس قابلتهم وناس اثق فيهم

بس انتبه راح تكون عليك صعبه اذا ماعندك لغه لكن بشكل عام اسهل من السعوديه

إقتباس


	لأني يا إخوان ضعيف جدا في الرياضيات ، ولو جلست في جامعة البترول لن أتخصص هندسة لصعوبة المناهج ، فهل بإمكاني ان اتخصص هندسة كيميائية مثلا في الخارج ( إذا كانت الدراسه سهله نسبيا ) و بالطبع في جامعة معترف بها دوليا ؟

والله ياخوي ماودي اقوولك لا بس للاَسف لازم تشد حيلك ومافي شي صعب على عيال ديار ابو متعب

هي بشكل عام اسهل لكن حتى لو لازم تكون مأهل !!

يعني لا تحسب الدراسه هنا دف وقلة حيا زي الثانوي عند ربعنا في ذاك !!

وفي الختام احب ان اشكر عقلي الموقر الي تذكر انه يكمل الرد

واشكر الله اني خلصت ردي الي مابغى يطلع

والسلاَم عليكم ورحمة الله وبركاته

الى اللقاء ياهذا

أبو 'طـــــــلال · #4 12/05/2008, 05:53 AM

بسم الله الرحمن الرحيم
السلام عليكم ورحمة الله وبركاته
اخوي العزيز
انا فاهم وضعك يمكن اكثر من اي واحد هنا في المنتدى(يلعن ام الغرور) لان وضعي كان مثل وضعك بالضبط درست السنه النحضيريه في البترول وشفت الويل حسبنا الله ونعم الوكيل وطلعت على طول لامريكا
البترول بتعلمك في هالسنه الي منتب لاقيه في اي محل في العالم الا و هو الفشل الساحق وكيف تتغلب عليه فان كان الا الحين يمديك تكمل في البترول انصحك خلك صح هي صعبه مررررررررررررررررررررررررررررررره ولكن تعلم اشياء
بالنسبه للغه حالك مثل غيرك من السعوديين الي جو وهم ما يعرفون شي وتعلمو وصارو بلابل انجليزي
اما الرياضيات فانا اشهد ان منهج البترول 001و 002 قوي وافادني كثير هنا في امريكا
اما بين ماريكا وغيرها من الدول والله انا اشوف لو تروح كندا ولا استراليا مو عيب في امريكا ولاكن عشان يرتاح بالك وتريح اهلك
ان كانك ضعيف في الرياضيات ترى الضعيف يقوى وان كان ما في امل غير تخصص
كم يبيلك في اللغه عاد انت وشطارتك لاكن انا اشوف سنة الى سنه ونص للي جاي ما يعرف شي ممكن تكفي او زيادة عليها سمستر
اسف على الاطاله وارجو ان اكون افدتك
وترانا حاضرين لاي اساتفسار اخر
وشكرا
لا تنسونا من صالح دعاكم ترى عندنا اختبارات نهائية

الملك راؤول · #5 12/05/2008, 10:02 PM

شاكر لجميع الأخوان و في انتظارك اخوي المبدع

في انتظار المزيد من الآراء فلا تبخلوا على أخوكم ...

زعـــ( اسيا )ـــيم · #6 13/05/2008, 12:18 AM

دام السالفة فيها بتروول اطلع ولا تخااف .. !!

و الله جامعة رفعت ضغطي ..

انا طالع لبريطانيا الاسبوع الجاي ...

انصحك في امريكا ولاية اوريغين , المدينة يوجين او بورتلاند ... هذا الافضل ..

انا بصراحة كنت ناوي على امريكا بس المشكلة في الفيزا و مدة الانتظار . .

الفيزا انت و حظك اذا انتهت . .!! يا يجددون او لا . .!!

اما مدة الانتظار ,, انتظر شهرين لين يوصل القبول و بعدين 3 شهور لين تجي الفيزا ..

فنصيحة اذا تبي تسافر ,
ابدا من الان دورلك على معهد و جامعة عشان تخلص هالاموور بسرعة و تقدم على الفيزا . .!!

و ان شاء الله تكون مخلص كل الامور قبل سبتمبر و تسافر ...

و بالتوفيييييييق

المتعه 9 الجابريه · #7 15/05/2008, 03:02 PM

كان ودك وجازم انصحك باستراليا تعليمها قوي وارخص من امريكا وكندا وبريطانيا والفيزه مع قبول الجامعه والمعهد ياخذ اربع شهور بالكثير يعني عسل ولو تبي مكتب يجيب قبولات وفيز لاستراليا قلي ارسلك رساله خاصه

Latheeth_ALhams · #8 16/05/2008, 01:20 AM

إقتباس

الرسالة الأصلية كتبت بواسطة الملك راؤول


	السلام عليكم و رحمة الله و بركاته أخواني أنا ادرس حاليا في السنة التحضيرية في جامعة الملك فهد للبترول و المعادن و بيني وبينكم استهوتني فكرة البعثة كثيرا بل انها تسيطر على عقلي الآن . . . فعندي كم سؤال احتاجها قبل اتخاذ القرار النهائي انا يا اخوان عارف ان هناك تدرس كورس لمدة سنة لغة بعدين تنتظم في الجامعة ، وانا ناوي ان شاء الله اتخصص في الادارة ، واللغة بصراحه ماااش ، كم احتاج من الوقت لكي أكون جاهز للإلتحاق بالجامعة ، يعني بالعربي اذا انا لغتي دجه متى اكون جاهز لإختبار التوفل واقدر اعديه ؟ هذا سؤال ، بالنسبة للسؤال الثاني ، يتعلق في الدولة ، هل تعتقدون ان امريكا هي الخيار اللأفضل ، و إذا كان الجواب بنعم فأي ولاية تنصحون بها ؟؟ سؤال آخر ، يا اخوان نسمع كثيرا في جامعة البترول ان الدراسة في الخارج أسهل بكثير من مناهج جامعة الملك فهد للبترول و المعادن مع العلم ان الدراسه عندنا نااار ، فماهو مدى صحة هذه المعلومة ؟؟؟ لأني يا إخوان ضعيف جدا في الرياضيات ، ولو جلست في جامعة البترول لن أتخصص هندسة لصعوبة المناهج ، فهل بإمكاني ان اتخصص هندسة كيميائية مثلا في الخارج ( إذا كانت الدراسه سهله نسبيا ) و بالطبع في جامعة معترف بها دوليا ؟

بالنسبه لإختبار التوفل في نظري يعتمد عليك اذا شديت حيلك وبغيت تتعلم راح تسويه بعد ثمان شهور من الدراسه في المعهد يعني بعد ما تتعلم الاساسيات والقواعد والمخاطبه

بالنسبه للسؤال الثاني دامك متغرب متغرب رح امريكا

لانها افضل وشهاداتها اقوى في مجالات معينه

بالنسبه للدراسه برا اتوقع انك راح تكون منتج اكثر لانك متفرغ تماما للدراسه وما عندك غيرها الا اذا كانت نواييك غير

واكيد انت ما راح تترك اهلك وربعك وديرتك الا عشان تجيب شهادة ترفع راس اهلك وربعك

التخصص مفتوح خصوصا انك بكلوريس ... القبول سهل ان شاء الله والله يووفقك

عاشق مدريد · #9 16/05/2008, 07:06 AM

مرحبا اخوي حياك الله ,,

اول شي الله يكتب لك اللي فيه الخير وانصحك تستخير قبل اي شي تسويه ,,

انا ادرس الحين في كندا ,,

وادرس في معهد انجليزي ,, وعند قبول في جامعه اوشاوا من اقوى الجامعات الكنديه ,,

الجامعه هذي مسويه اتفاقيه مع المعهد ,, ان الطلاب اللي يعدون المعهد يدخلون دايركت الجامعه بدون توفل ولا شيئ !

وهذا يدل على قوه هذا المعهد ,,

مده المعهد سنه كامله مكونه من 4 مستويات ,,

وبالتوفيق لك اخوي ,,

الملك راؤول · #10 18/05/2008, 08:45 PM

شاكر لكم يا إخواني و في إنتظار المزيد من المشاركات ..

alzaeem for ever · #11 19/05/2008, 05:40 AM

حياك الله ياراؤول........

بانسبه للدوله في البدايه ..... انصحك يا استراليا يا كندا ........ لان مافيها قروشة حكومات و سمعة السعودي عندهم بترول و بعاريين

و شد حيلك عشان نعلمهم اكثر عننا كسعوديين ...... بالنسبة للغة انا توي مخلصها و اخذت بلأيلس خمسه و نص بعد عشر شهور

دراسه لغه .... وهي تعتمد على مدى حرصك و اجتهادك ...... وبالنسبه لمدى الصعوبه فاسمحلي اقولك ان مافي شي صعب زي مافي شي سهل....

عط الدراسه حقها وكل شي بيتسهل باذن الله ......

على العموم انا حاليا بمدينة الرياض لمدة شهر اذا احتجت انك تكملني او تقابلني راسلني على الخاص

والله يوفق الجميع

الملك راؤول · #12 21/05/2008, 04:46 PM

شاكر لكل الإخوان اللي ردوا ..

اللي ردوا ..

و أتمنى التواصل عبر الإيميل ..

أخوي المبدع ..

في إنتظار ردك ..

almobde3 · #13 23/05/2008, 05:35 AM

مرحبا مرحبا ..

اول شئ اعتذر منك يالغالي على التأخر في الرد وذالك يعود في الاول والاخير إلى الاختبارات الله لايعييدها

بالنسبه للغه .. كلنا طلعنا ميح بس سبحان الله مع التعود مع مشاهده الامريكان او الانجليز يتكلمون تحس انك فاهم وسبحان الله تستوعب بعض الكلمات وانت ماتدري انك قاعد تتعلم ...

الشغله الثانيه بالنسبه للتوفل .. انا اشوف انه يقيمك عن مدى إستيعابك للغه بشكل عام وليس لغتك ... يعني مثلاً يجيك سؤال وجميع الاجوبه صح .. ولكن يبحثون عن الاصح

.. إذا تشوف ان التوفل بيكون صعب عليك وانه معقدك

تقدر تروح لبعض الجامعات اللي تقبلك بدون توفل تقبلك عن طريق المعهد اللي عندهم ..

انا مشجع لأمريكا الصراحه واشجع جميع اللي اعرفهم انهم يجون لأمريكا . والحمد لله اللحين يقولون راح يمددون فتره الفيزا يعني إن شاء الله مافيه خووف ...

اما بالنسبه لأمريكا . الدراسه اسهل من السعوديه بتقريباً 50 بالميه .. انا اقولك ليش .. في جامعه الملك سعود مافيه شئ اسمه كيرف .. الكيرف هذا واتوقع انك تعرف يالغالي .. إحتمال تأخذ 85 بالميه بالماده وتصير مأخذ A بالكلاس .. هذا شئ يساعدك على تحصيل معدلات افضل ...

الشغله الثانيه .. المدرسون ليسوا مثل عقليه اخويانا بالسعوديه

بكل صراحه وهذا الحاصل
يكفيك ان مدرسين تقريباً مواد اول سنه او سنه ونص كلهم طلاب ماجستير يعني صغار ويعرفون الطالب وش يفكر فيه ووش المصاعب ..

رح وماعليك خووف إن شاء الله .. بس تأكد إذا جيت إن شاء الله انك جاي لشغله وحده مهمه لازم تخلصها بأفضل النتائج وترجع لأهلك وانت افضل مما انت عليه

بالتوفيق واسف على الكلام الواجد